خيانة رسمية

* الفصل التاسع عشر *

تاني يوم الصبح .. شروق صحيت لوحدها من النوم و لسه هتقوم من علي السرير لقت موبايلها بيرن .. قعدت و ردت ....
( روايات بسوم )
شروق:الو
هيثم:صباح الخير يا شوشتي
شروق:صباح النور يا ثيمو
هيثم:لسه صاحيه دلوقتي ؟
شروق:اها هي الساعه الكام ؟؟
هيثم:الساعه 10
شروق:ايه ده هي رضوى مصحتنيش ليه و سيباني نايمه لحد دلوقتي ؟؟ و مش موجوده جنبي حتى !
هيثم:مش فاهم حاجه
شروق:اصل رضوى مش جنبي و المفروض انها كانت نايمه جنبي .. و المفروض بردو انها بتصحيني و مصحتنيش
هيثم:هو في حاجه ولا ايه ؟
شروق:مش عارفه انا قلقت .. استني هقوم اشوفها كده و هكلمك تاني
هيثم:اوك .. بس متتأخريش عليا اتصلى ع طول
شروق:حاضر .. يالا سلام
هيثم:سلام
قفلت شروق و قامت من السرير راحت عند الحمام خبطت محدش رد .. راحت ع المطبخ لقت اسماء فيه ...
شروق:طنط
اسماء:صباح الخير يا شروق
شروق:صباح النور يا طنط
اسماء:مالك .. هو في حاجه ولا ايه ؟
شروق:اها .. هي فين رضوى ؟ انا ملقتهاش جنبي ولا حتى صحتني زي امبارح .. و المفروض ان كان عندنا جامعه انهارده عادي
اسماء:اها .. انا صحتها الساعه 8 عشان الجامعه قالتلى مش هنروح .. فجيت صحتها تانى ع الساعه 9 كده قولتلها تروح تجيبلى حجات عشان انا تعبانه مش قادرة انزل
شروق:اهااا طمنتيني .. الف سلامه عليكي يا طنط
اسماء:الله يسلمك يا حبيبتي .. متقلقيش هى زمانها جايه مش هتتأخير
شروق:تمام .. تيجي بالسلامه
اسماء:روحي اغسلى وشك كده و انا هحضر الفطار عقبال ما رضوى تيجي
شروق:ما تتعبيش نفسك يا طنط
اسماء:روحي بس ملكيش دعوة
شروق:هههه اوك .. بعد اذنك
اسماء:اذنك معاك يا حبيبتي
مشيت شروق و راحت غسلت وشها و دخلت اوضه رضوى .. سرحت شعرها و مسكت الموبايل و اتصلت بهيثم .....
( روايات بسوم )
هيثم:ايه يا حبيبتي
شروق:ايه يا قلبي .. دي رضوى نزلت تشترى حجات
هيثم:مش رايحين الكليه يعني
شروق:لا
هيثم:طب انا عايز اشوفك .. وحشتيني اوى
شروق:و انت كمان وحشتني
هيثم:طب هااا بقولك عاايز اشوووفك
شروق:بص طيب هروح اشوف ماما لو عايزه حاجه و اطمن عليها و هبقى اكلمك ع المغرب كده و نتقابل بليل
هيثم:مممم طب هى مامتك هتوافق ؟
شروق:اها هتصرف انا
هيثم:خلاص ماشي
شروق:اوعي تكون زعلت
هيثم:لا يا حبيبتي مزعلتش
شروق:اووك يا قلبي .. هقفل بقى عشان البس و انزل
هيثم:تماام .. خلى بالك من نفسك
شروق:ان شاء الله يا حبيبي .. متقلقش عليا
هيثم:تروحي بالسلامه يارب .. و ابقى طمنيني عليكي
شروق:حاضر .. يالا سلام
هيثم:سلام
قفلت شروق مع هيثم و طلعت هدومها و لبست و بعد ما خلصت لبس لقت رضوى داخله من باب الاوضه .....
( روايات بسوم )
رضوى:ايه ده .. انتى لبستي ليه ؟؟
شروق:انتى مصحتنيش ليه عشان ننزل الكليه ؟
رضوى:اصلى سمعتك امبارح بتقولى لهيثم ممكن مروحش .. و انا كنت نايمه متأخر و مش قادرة اصحي قولت مش مهم انهارده .. و مردتش اصحيكي و اقلقك
شروق:اهاا .. اووك
رضوى:طيب مقولتليش بردو .. انتي لبستي ليه ؟؟
شروق:نازله
رضوى:رايحه فين ؟
شروق:رايحه البيت
رضوى:انتى لسه زعلانه منى يا شروق ؟
شروق:و الله ابدا يا رضوى انا مش بزعل منك اصلا
رضوى:اومال هتمشي ليه بس !
شروق:عايزة اروح بقى .. البيت وحشنى
رضوى:مممممم طب امشي بليل
شروق:معلش يا رودي سبيني ع راحتي .. فرصه اننا ما روحناش الجامعه النهارده هروح انضف البيت عشان بقالى فتره مش بعمل فيه حاجه و انتي عارفه اني قاعده لوحدي يعني مفيش حد غيري ينضفه
رضوى:طيب هسيبك تمشي .. بس لو لسه زعلانه مني قولى بالله عليكي
شروق:و الله ما زعلانه منك يا حبيبتي
رضوى و باستها:ربنا يخليكي ليا يا شوشو
شروق:و يخليكي ليا يا رب .. يالا بقى همشي و اشوفك بكرا
رضوى:لا استنى هنفطر مع بعض الاول بعدين امشي
شروق:مش جعانه و مليش نفس افطر و الله .. سبيني امشي يا رضوى معلش
رضوى:عشان خاطرى يا شوشو عشر دقايق بس كلى و انزلى
شروق:و الله لو جعانه كنت قعدت بس انا مش جعانه
رضوى:ممممم زعلانه منك
شروق:معلش يا حبيبتي .. هنزل بقى و نتقابل بكرا
رضوى:اوك يا قلبي
طلعت رضوى مع شروق لحد الباب و نزلت شروق و قفلت رضوى الباب .....
( روايات بسوم )
اسماء من جوا:مين جه يا رضوى ؟؟
راحت لها رضوى:محدش يا ماما دي شروق نزلت
اسماء:ليه كده !!
رضوى:قالتلى عايزه تنضف الشقه و كده بما اننا ما روحناش الكليه النهارده يعني
اسماء:يا عيني .. بتصعب عليا البنت دي
رضوى:اها
اسماء:بس اخص عليكي يا رضوى .. انتى عارفه اني بحضر الفطار ازاى تسبيها تمشي عيب كده و الله
رضوى:و الله قولتلها يا ماما و اتحايلت عليها تقعد بس هي اللي مرضتش
اسماء:و مرضيتش ليه بس ؟
رضوى:قالتلى مش جعانه و كده و فضلت تتحايل عليا اني اسبها تنزل
اسماء:اها .. يالا بقى مش مشكله
رضوى:هروح اكلم لؤي بقى يا ماما
اسماء:ماشي يا حبيبتي
مشيت رضوى و راحت اوضتها و مسكت موبايلها عشان تتصل بلؤي ......
( روايات بسوم )
تحت في الشارع ........
شروق راكبه المواصلات و رايحه علي بيتها و بتتكلم في الموبايل .....
،،:انتي فين دلوقتي ؟
شروق:يعني قربت كده قدامي ربع ساعه
،،:ماشي يا روحي .. توصلى بالسلامه
شروق:الله يسلمك يا حبيبي
،،:انا هنزل اجيلك لحد ما توصلى
شروق بلجلجه:لا لا تيجي فين
،،:عندك
شروق:لا مينفعش خاااالص
،،:ليه يعني ؟؟
شروق:معلش خليها بليل
،،:اشمعنا يعني !
شروق:عشان احنا الصبح و الجيران و كده
،،:ما انا كنت بجيلك الصبح عادي ايه اللي حصل يعنى
شروق:ايوة كنت بتيجي الصبح بس مش بدرى كده و كمان انا عايزة انضف الشقه عشان مكركبه و بعدين هبقى اقولك تيجي
،،:مممممم ايوة يعني امتى ؟؟
شروق:على 7 كده .. بليل يعني هبقى اكلمك اما اخلص و اقولك تيجي
،،:ماشي يا شروق .. بس متنسيش
شروق:مش هنسي
،،:اوك .. يالا سلام
شروق:ماتزعلش
،،:مش زعلان
شروق:اوك يا حبيبي .. باي
،،:سلام
قفلت شروق و فتحت الفيس شويه عقبال ما توصل .....
( روايات بسوم )
عند رضوى .....
اسماء:يالا يا رضوى عشان تفطرى
رضوى:مش عايزة يا ماما
اسماء:يا رضوى
رضوى:نعم
اسماء:بقولك تعالى افطرى
رضوى:مش عايزة افطر يا ماما
راحت اسماء لرضوى .....
اسماء:مش عايزة تفطرى لى مالك ؟؟
رضوى:مافيش حاجه
اسماء:لا في وشك باين عليه .. اتخانقتي مع لؤي ولا ايه ؟!
رضوى:لا ماتكلمناش اصلا عشان نتخانق
اسماء:ليه مش قولتى انك هتكلميه ؟
رضوى:اها
اسماء:امال في ايه بس
رضوى:مردش عليا
اسماء:و انتي زعلانه عشان كده
رضوى:ممممم
اسماء:يا بنتى اعقلى .. تلاقيه نايم و لا في شغله ولا بيعمل حاجه و مش سامع الموبايل التمسيله العذر
رضوى:هههه اها عذر .. ماشي
اسماء:مالك يا بنتي ؟
رضوى:مافيش حاجه يا ماما .. حاضر هبقى التمسله العذر بعد كده
اسماء:ربنا يهديكي يااارب
( روايات بسوم )
...............................................................
وصلت شروق و دخلت شقتها و اول ما دخلت ......
شروق بصوات: .....
..........................
#بسمه_ممدوح