خيانة رسمية

* الفصل الثامن و العشرون *

مشيت رضوى ناحيت باب الشقه ، و هيثم فتح الباب و لسه هيطلعوا ......
( روايات بسوم )
لؤي:هيثم
هيثم بصله:ماتنطقش اسمى تانى علي لسانك
لؤي:هيثم احنا اخوات
هيثم:و انا من النهارده ماعنديش اخوات .. و لو انت هتروح بيت امك فأنا مش هدخلوا تانى
لؤي:لا يا هيثم ده بيتك خليك فيه .. انا مش هخشوا تانى
هيثم:يالا يا رضوى من هنا .. طلعوا هيثم و رضوى من الشقه و دموع في عين هيثم محبوسه بتقتله و رضوى دموعها مغطيه ملامحها و صوت تنهيدها بيدوس على وجع هيثم اكتر و اكتر .. نزلوا تحت و ركبوا العربيه.. رضوى نايمه براسها ع ظهر الكرسي و منهارة و هيثم ماسك الدريكسيون بالعافيه و كل جسمه بيترعش .. فضلوا ماشين و كل واحد فيهم في دنيا .....
(روايات بسوم)
......................في بيت شروق.....................
شروق نايمه على جنبها ع السرير و بتعيط جامد و لؤي قاعد جنبها على طرف السرير و حاطط ايده على راسه ....
شروق:منك لله يا لؤي .. انت خسرتنى كل حاجه
لؤي:.......
شروق:انا كنت هتغير و كنت هبقى كويسه بس انت ضيعت منى اخر فرصه
لؤي:.......
شروق:ليييه عملت فيا كده ليييه ؟؟!! اتكلم بقى و بطل السكووت ده حراااام عليك انت ليه بتعذبنى كده !
لؤي:......
شروق:رررررررردد علياااا بقى انا مش بكلم نفسي
لؤي:اسكتتتى بقى اسكتى .. كفااايه كلام انا تعبت مش قادر استحمل كلامك .. انتى ايييه ما بتتعبييش
شروق:لا انا بتعب .. انا بتكلم عشان تعبت بجججد تعبت
قام لؤي و مسك شروق من كتفها و لفها ليه .. بصتله شروق و عنيها حمرا و وشها كله دموع ... نزل لؤي قعد على ركبته في الارض و بيتكلم و هو باصص في عين شروق .. و كل كلمه بتطلع منه بحرقه و بكسره و الوجع باين علي كل ملامح وشه .....
( روايات بسوم )
لؤي:شروق ماتعمليش فيا كده .. شروق انتى بتحبينى انا انتى ما بتحبيش هيثم .. انتى ارتبطى بهيثم من تانى يوم عرفتيه فيه لكن انا اعترفتى بحبك ليا بعد وقت طويل و صداقه و كلام كتير .. بعد ما كل واحد فينا كان بيشيل هم التانى بعد ما حسينا قلبنا دق بجد لبعض و اكتشفنا ان ده حب
شروق بتعيط و لؤي بيكمل كلامه .....
لؤي و بيمسح لها دموعها:ماتعيطيش .. انا بحبك بجد و انتى كمان بتحبينى .. طب اقولك حاجه كده .. انتى ماحكتيش لهيثم اى حاجه عن حياتك ، كل اللى هيثم يعرفوا عنك .. ان باباكى و مامتك مطلقين بسبب عدم التفاهم و ان مامتك عايشه معاكى هو ده كل فكرة هيثم عنك .. لكن انا حكتيلى كل حاجه ، عرفتينى كل حاجه عن حياتك .. مش انتى حكتيلى كل حاجه يا شروق ؟؟ ولا مخبيه عنى حاجه ؟ ردى و قوليلي .. حكيالى كل حاجه ولا لا ؟؟؟؟؟
شروق:هزت راسها ب اها
لؤي:طب يبقي انتى كده بتحبي مين ! .. بتحبي اللى أمنتيله علي اسرارك و حياتك ولا اللى خوفتى تحكيله عن اى حاجه .. بتحبي اللى عايشه معاه بكل صراحه ولا اللى كدبتى عليه في كل حاجه .. ردي انتى .. كده بتحبي هيثم و انتى مخبيه عنه كل حاجه ؟؟
شروق:هزت راسها ب لا
لؤي:يعنى انا صح ؟؟ شروق انا خلاص خسرت اخويا و خطيبتى و اكيد بردو خسرت امى و ما بقاش ليا حد في الدنيا غيرك .. ارجوكى جوبي عليا جواب نهائي .. عايزانى ولا لا ؟؟ بتحبينى ولا لا ؟
شروق:بتعيط
لؤي:بطلى عياط و ردى عليا .. لو مش عايزانى افضل معاكى و هتخسرينى انا كمان قولى على طول و انا همشي و مش هورى حد وشي تانى
غمضت شروق عنيها و لؤي مسك اديها و باسها و باس راسها .. و هي لفت وشها للجنب التانى ، و لؤي اتكلم ....
( روايات بسوم )
لؤي:هتوحشينى يا شروق
قام لؤي وقف و مشي لحد باب الاوضه و بص ناحية شروق و اتكلم .. سلام يا حبيبتى .. بس خليكى فاكرة انى خسرت كل حاجه عشانك و للاسف بردو خسرتك ....
شروق:بتعيط في صمت
طلع لؤي من الاوضه و راح لباب الشقه عشان يمشي .....
(روايات بسوم)
...............................................................
--:شروق انتى ارتبطى بناس كتير اوى في حياتك .. حبيتى مين فيهم بجد ؟؟
شروق:محمد
--:ازاى .. اومال ايه هيثم الحب الوحيد في حياتك ؟! و ازاى بردو لؤي حكتيله كل حاجه عشان بتحبيه ؟؟
شروق:و انا في سن المراهقه ارتبط بناس كتير اوى و انا مرتبطه بمحمد .. مش عارفه ليه دايما بخون اللى معايا .. انا حبيت محمد اوى و قعدت معاه اطول فترة في حياتى بس يمكن ربنا بعده عنى عشان انا خونته لانى متأكده انه كان بيحبنى بجد
--:مممممممم طب و هيثم و لؤي ؟؟
شروق:كنت بحب هيثم بس ماكنتش بحس معاه الاحساس اللى بحسه مع لؤي مش عارفه ليه .. بس انا حكيت للؤي كل حاجه عن حياتى و ماكنتش خايفه ولا قلقانه ولا مكسوفه و ده بيأكدلى اوقات كتير انى بحبه و بحبه اوى كمان
--:يعنى انتى كنتي حاكيه للؤي على محمد و على كل الشباب اللى كانوا في حياتك غيره ؟؟
شروق:لا طبعا
--:ليه بقى ؟ اشمعنا دى !!
شروق:خوفت اخسره .. انا حكتله كل حاجه حكتهالك عن حبيبه و عن بابا و عن كل حياتى حتى غيرتى من رضوى قولتلوا عليها .. بس جيت عند موضوع الارتباط ده في حياتى و خوفت اتكلم فيه .. كنت خايفه اخسره
--:و كان ممكن متخسريهوش
شروق:مش عارفه بس كان كل تفكيري انه ميبعدش عنى .. و ده يمكن عشان حبيته
--:انا احترت
شروق:و انا تعبت
--:طب كملى حكايتك انا معاكى
شروق:....
(روايات بسوم)
...................................................................
فضل هيثم سايق و هو مش حاسس بنفسه ولا عارف رايح فين و جنبه رضوى منهارة و بتنام و بتصحى لحد ما وصلوا لمكان زى صحراء .. فاضي خاالص .. وقف هيثم بالعربيه و نزل وقفل الباب و ساب رضوى لوحدها في العربيه و فضل ماشي على رجله عشر دقايق لحد ما وقع في الارض و فضل يصرخ و يعيط .......
هيثم:لييييييه يااارب انا معملتش معاها حاجه وحشه ولا عمرى زعلتها ليييه اتخاااان بقى ده جزائي ؟! يااارب انا مش زعلان عليها بس انا زعلان على نفسي زعلان على قلبي اللى اتبهدل و على حبي اللى راح هدر و زعلان على اخويااا زعلان على وفائي و اخلاصي ليه .. ازاااى اخويا يخونى ازااااااااى عشان واحده يخسرنى !!! انا مش قاااادر اصدق انى خسرت اقرب اتنين ليا في حياتى .. مصدووووووووم .. يااارب انا تعبااان اووى و مجرووووح اوووى .. يااااارب هووون عليا انا مليش غيررررك .. يارب يا تاخودنى يا تنسينى .. قلبي بيوووجعنى اوووووى .. فضل هيثم يعيط بكل ما فيه و يصرخ لحد ما اغمى عليه .......
(روايات بسوم)
..........................عند شروق........................
طلع لؤي من الاوضه و راح لباب الشقه عشان يمشي ..طلع من الباب و نزل اول درجتين من السلم سمع شروق بتنادى عليه .....
شروق:لؤي
لؤي و بصلها:نعم
شروق:طلعت على السلم
طلع لؤي جرى اول ما لقاها طلعت من الشقه .....
لؤي:ادخلى جوا ازاى طالعه كده .. شدها و دخلها الشقه و دخل و قفل الباب
شروق:متمشيش
لؤي:مش كنتى عيزانى امشى ؟
شروق بعياط:لالا انا مقولتش كده
لؤي بدموع صامته:المشكله انى حبيتك
شروق:قربت عليه و حضنته اوى و هى بتعيط
لؤي:مش هحب حد بعدك و اول مرة احس الحب كان معاكى و بيكى
شروق:و انا كمان .. انا حبيتك من غير سبب يبقي اكيد بحبك بجد
لؤي:حتى انا .. بحبك و معرفش ايه هو سبب حبي ليكى
شروق:متسبنيش يا لؤي و متبعدش عنى .. انا بحبك اوووى
لؤى:عمرى ما هسيبك ولا هبعد عنك .. انا مش هرجع لأهلى تانى ولا هشوفهم .. بس هفضل معاكى طول حياتى و في اي مكان انتى هتروحيه انا هبقى وراكى
شروق:و انا مش هروح اى مكان غير معاك و هفضل معاك و لو هتروح اخر الدنيا
لؤي:بحبك و مليش غيرك
شروق:و انا بعشقك
شال لؤي شروق و دخل الاوضه نيمها علي السرير و باس راسها و فضل جنبها و مطمنها لحد ما نامت ......
( روايات بسوم)
....................................................................
--:انتى دلوقتى بتحبي هيثم ولا لؤي .. انتى لفتيلى دماغى
شروق:قولتلك انى كنت بحس انى بحب هيثم بس مع لؤي حسيت معاه احساس كان اول مرة احسه .. كان احساس مختلف و هو كمان كان مختلف .. مع الوقت اكتشفت انى بحبه اوى و من غير سبب
--:طب اومال حبيتى هيثم ازاى و ارتبطى بيه ازاى ؟
شروق:انا حبيت هيثم لاسباب او بمعنى اصح ارتبط بيه لاسباب .. اول حاجه لانه جميل تانى حاجه غيره من رضوى عشان محسش انها احسن منى تالت حاجه لانى مكنش قدامى غيره وقتها
--:طب ما يمكن بردو حبيتى لؤي او ارتبطي بيه بسبب غيرتك من رضوى و عايزة تداوى النقص في انك تحسي انك مفضله عنها حتى فى نظر خطيبها
شروق:نقص !!
--:مش قصدي .. كل اللى قصده انك عايزة تكونى افضل منها يعني
شروق:لا مش كده .. لو كنت عايزة كده كنت طلعت نفسي جميله و اهلى احسن ناس قدام لؤي .. لكن انا حكيت للؤي كل حاجه عن اهلى بصراحه يعنى طلعت اهلى و نفسي اقل من رضوى بكتير .. و معملتش زي ما عملت مع هيثم .. و بعدين انا قولتلك اني حبيت لؤي من غير سبب و اقسم بالله ما كان في دماغي احبه ولا كان في دماغي اى سبب خااالص
--:مممممم اومال كنتى عايزة تسبيه و تكملى مع هيثم ليه؟؟!
شروق:لان هيثم معملش معايا حاجه وحشه .. عمل معايا كل حاجه كويسه و عملى كل حاجه تفرحني .. بعد ما فوقت لنفسي مكنتش عايزة اظلمه كنت هاجي على نفسي عشانه
--:يعنى انتى متأكده انك بتحبي لؤي
شروق:كنت
--:يعني ايه كنتى ؟ طب و دلوقتي ؟؟
شروق:بقيت بكرهه
--:ليه !!
شروق:عشان باعني و سبني و مفهمنيش ولا ادانى فرصه ادافع عن نفسي .. بجد جرحنى اوى بعد ما خسرت كل حاجه عشانه .. مدنيش حتى فرصه اصلح غلطي
--:ايه اللى حصل ؟
شروق:عاقبني على ماضي و غير كده اني كنت مظلومه و مكنتش حقيقه
--:ممكن افهم ؟
شروق:اكيد ......
(روايات بسوم)
...................................................................
فاق هيثم من الغيبوبه اللى كان فيها .. لقي نفسه في العربيه و ......
.........................
#بسمه_ممدوح