خيانة رسمية

* الفصل الثاني و الثلاثون *

شروق:افتح موبايلك عشان ابقى اكلمك اما اعوزك و اطمن عليك
لؤي:بس ..
شروق:ما بسش يا لؤي .. انت بتهرب من مين يعني ! .. لو حد كلمك و مش عايز ترد عليه متردش .. بس ملهوش لزوم انك تقفل الموبايل .. افتح الموبايل عشان خاطرى
لؤي:حاضر هفتحه و امرى لله .. و فتحه
شروق:متقفلهوش يا لؤي
لؤي:حاضر و الله مش هقفله
شروق:بجد
لؤي:بجد .. ايه ده ؟؟؟
شروق:في ايه ؟
لؤي:بصي .. 107 ميسدكول من ماما و في مسدج من ابو رضوى
شروق:وريني كده !
لؤي:....قرأ المسدج 
( روايات بسوم )
شروق:يا نهااار ابيض .. طب انت هتكلمه ولا ايه ؟
لؤي:لا طبعا استحاله اكلمه بعد المسدج دى
شروق:ممممم طب و طنط يارا ؟ هتكلمها ولا هتروح لها ولا هتعمل ايه ؟؟
لؤي:انا قولتلك انى هروح لها بس بصراحه قلقان .. بصي انا هكلمها في الموبايل و خلاص
شروق:هى كده هتزعل اكتر
لؤي:هي كده كده زعلانه .. انا هحاول اصالحها في التيلفون .. عشان مواجهه التيلفون بتكون ابرد من مواجهه الحقيقه
شروق:طب اما تكلمها ابقى كلمنى طمنى عليك و قولى عملت ايه
لؤي:حاضر .. يالا سلام
شروق:سلام يا حبيبي
نزل لؤي و قفلت شروق الباب و هى داخله اتكعبلت في الهدايا بتاعت هيثم اللى علي الارض .. وقفت ثوانى بصت عليها و بعد كده قعدت على الارض جنبهم و فضلت تتفرج عليهم .. لحد ما وصلت للورده العلبه اللي كان فيها الدبل .. مسكتها و فضلت تعيط و باصه عليها و سرحانه و شويه و بدأت تكلم نفسها ....
شروق:منك لله يا لؤي انت اللي ضيعته منى في الوقت اللي كنت ناويه اصلح فيه كل حاجه .. هفضل طول حياتى هربانه .. مش مكتوبلى افرح زى كل البنات و اتجوز قدام الناس .. بس هو مش غلطان هو ملهوش ذنب .. لؤي حبني بجد زي ما هيثم حبني بردو .. هما الاتنين كويسين بس انا كنت العنصر الوحش اللى فى وسطيهم .. انا اللى فضلت احوم حوالين لؤي لحد ما اتعلق بيا .. و ده مش ذنبه ده ذنبي انا .....
( روايات بسوم )
...................................................................
--:ممكن افهم انتى لفيتى ع لؤي ازاى ؟
شروق:اول مرة شافنى صدفه كنت بجيب حجات و كان مروح من الشغل و اخدنى روحنى .. تانى يوم نزلت متعمده في نفس المعاد عشان اشوفه
--:يعني كنتى قاصده تخونى رضوى .. صح ؟
شروق:و الله لا بس معرفش ليه عملت كده .. ممكن لما وصلنى و اتكلم معايا ارتحت في الكلام و كنت محتاجه اننا نتكلم تانى
--:هو مش انتى في الوقت ده كنتى مرتبطه بهيثم ؟
شروق:ايوة
--:امال ليه اتشديتي لحد غيره مع انه كان كويس اوى معاكي يعني
شروق:مش عارفه .. و الله ما اعرف سبب
--:طب كملى .. و بعدين ؟
شروق:اليوم ده بردو شافنى و اخدنى عشان يروحنى بس مروحناش ع طول
--:امال ايه ؟
شروق:اخدنى قعدنا في كافيه و اتكلمنا مع بعض .. و بعد كده قالى لو بتنزلى كل يوم استنيني و هروحك .. وافقت بس طلبت منه ان رضوى و هيثم ميعرفوش حاجه .. هو في الاول استغرب من الطلب بس بعد كده فهم انى خايفه من انهم يغيروا من غير سبب و كده
--:اممممم و بعدين ؟؟
شروق:و بعد كده بقينا بنتقابل كل يوم .. و لقيت نفسى بحكيله على حقيقتي و حياتى كلها .. و كنت كل وقت بحاول اقرب منه و انا اللي كنت بتصل بيه دايما و لما كان بيبتدى يبعد كنت بكلمه و اقوله متبعدش عنى و انا مش بتكلم مع حد ولا برتاح مع حد غيرك .. لحد ما بدأ هو كمان يتعلق بيا و يحكيلى على كل حاجه مضيقاه .. و كان بيغير عليا جدا من هيثم و انا كمان كنت بحس بنار بتاكل في قلبي و هو واقف مع رضوى .. لحد في يوم ما اعترفلى انه بيحبني و انا لقيت نفسي بقوله انى انا كمان بحبه و مش عايزة حد غيره
--:بس هو كان بيتعامل مع رضوى عادي في الوقت اللى كنتوا فيه مرتبطين .. و كان بيعاملها كويس اوى كمان
شروق:كان لازم يعمل كده عشان متحسش بحاجه و انا كمان كنت لازم ما ابينش اى حاجه قدام هيثم لحد ما السنه تخلص
--:سنه ايه اللى تخلص ؟
شروق:السنه الدراسيه .. عشان احنا كنا متفقين ان اول ما السنه تخلص هحول ورقي كليه في اى محافظه تانيه و لؤي كان هيصفى كل شغله هنا و هيبيع شقته و هنمشي نعيش بعيد و نتجوز
--:ازاى ؟؟ و كنتوا هتقولولهم ايه !!
شروق:مكناش هنقول حاجه .. كنا هنختفي فجأه و هما اكيد بقي كانوا هيفهموا
--:انتوا ازاى فكرتوا كده ؟؟
شروق:مش عارفه .. ده اللى جه في دماغنا ساعتها
--:مممممم طب كملى
شروق:......
( روايات بسوم )
.....................................................................
لمت شروق هدايا هيثم و ظبطتهم و كتبتله كارت و حطته على بوكيه الورد (انا اسفه يا هيثم هى الدنيا اللي بتعمل فيا كده .. انت متعرفش حاجه من نص عذابي .. ياريت تسامحنى .. و بجد هتوحشنى) .. و اتصلت بالبواب و قالتله يطلع لها .. و لما طلع اديته حجات هيثم و اديته عنوان شقه هيثم و قالتله يودي الحاجه هناك و ميقولش مين اللى باعتها ... اخد البواب الحاجه و مشي .. و قفلت شروق الباب و لمت شبكه رضوى من ع الارض و سابتها على البوفيه .. و بدأت تنضف في الشقه .....
( روايات بسوم )
....................................................................
وصل لؤي الصيدليه .. و قبل ما يدخل لقى واحد مستنيه قدام الصيدليه .....
..:دكتور لؤي ؟
لؤي:ايوة انا .. اى خدمه ؟
..:انا رأفت باعتنى الاستاذ كامل اجيب لحضرتك الحجات اللى في العربيه دي .. و شاور على عربيته
لؤي:اها اها .. اهلا و سهلا
رأفت:تحب احط الحاجه لحضرتك فين ؟
لؤي:للاسف مش هينفع هنا .. انت شايف يعني ده مكان شغل و مينفعش يتحط فيه الحاجات دي
رأفت:يعني اوديها فين ؟؟
لؤي:هديك عنوان شقتى توديهملى فيها .. ده لو مفيهاش تعب ليك طبعا
رأفت:لا مفيش تعب ولا حاجه يا دكتور .. تحت امرك
لؤي:ميرسي ربنا يخليك .. كتبله عنوان شروق
رأفت:ده العنوان بالتفصيل ؟
لؤي:ايوة هو .. اختى هتفتحلك اديهملها
رأفت:اوك يا دكتور .. تؤمرنى بحاجه تانيه ؟
لؤي:الامر لله .. متشكر اوى
رأفت:الشكر لله .. مع السلامه
لؤي:سلام .. مشي رأفت و دخل لؤي قعد على مكتبه و فضل سرحان .....
( روايات بسوم )
...................................................................
الباب عند يارا بيخبط .. طلعت فتحت لقيت البواب اللي بعتاه شروق .....
يارا:نعم ؟
البواب:مش ده بيت استاذ هيثم ؟؟
يارا:ايوة هو .. عايزة في حاجه ؟
البواب:لا يا فندم .. بس في ناس بعتاله الحجات دي .. و ادالها الهدايا
يارا:ايه ده ؟؟
البواب:معرفش و الله بعد اذنك .. و سابها و نزل
يارا:يااا .... يوووة
قفلت الباب و دخلت و اول ما شافت الكارت فهمت ان دي شروق و دي الحجات اللي كان جايبهالها هيثم امبارح .. دخلت حطت الحاجه في اوضه هيثم و طلعت .....
( روايات بسوم )
..................................................................
الباب عند شروق بيخبط .. فتحت لقت رأفت ....
شروق:مين حضرتك ؟؟
رأفت:الدكتور لؤي باعتنى اجيب حجات بتاعته هنا و قالى ان اخته هتفتحلى .. مش حضرتك اخته بردو ؟
شروق:اخته .. اها اخته
رأفت:طب ممكن بعد اذنك بس ادخل الحاجه اللى معايا
شروق:اها طبعا .. اتفضل
دخل رأفت و دخل الحاجه جنب باب الشقه و طلع .....
رأفت:اى خدمه تانيه يا انسه ؟
شروق:لا ميرسي
رأفت:بعد اذنك
شروق:اتفضل
نزل رأفت و مسكت شروق موبايلها على طول و اتصلت بلؤي .....
( روايات بسوم )
......................................................................
سلمى:يا دكتور لؤي .. يا دكتوووور
(سلمى:دكتورة شغاله في صيدليه لؤي) ....
لؤى:ها .. نعم ؟
سلمى:حضرتك فين يا دكتور .. انا بنادي عليك من بدرى
لؤي:معلش يا سلمى كنت سرحان شويه مسمعتكيش
سلمى:ولا يهمك يا دكتور
لؤي:كنتى عايزة حاجه ولا ايه ؟
سلمى:اها .. اصل موبايل حضرتك رن اكتر من 3 مرات فكنت بنده عليك عشان اديهولك ترد
لؤي:اها اها .. طيب يا سلمى متشكر
سلمى:العفو يا دكتور .. بعد اذن حضرتك
لؤي:اتفضلى
مشيت سلمى و مسك لؤي موبايله لقي الرنات من شروق فأتصل بيها .....
( روايات بسوم )
شروق:الو
لؤي:ايه يا شروق ؟
شروق:وقت ما افتكرت .. بقالى ساعه برن عليك
لؤي:معلش و الله مخدتش باللى لسه شايف المكلمات دلوقتي
شروق:مممم طيب .. ايه الحجات اللي بعتهالى ع البيت دي ؟
لؤي:دى الحجات بتاعت رضوى اللى كامل بعتهالى انهارده على الصيدليه
شروق:اهاا تمام .. بس في حاجه
لؤى:ايه هى ؟
شروق:ايه اللي يخلى كامل يبعتلك الحاجه على الصيدليه .. ليه مبعتهاش على البيت ؟؟ .. بيت طنط يارا
لؤي:ممممم الصراحه مش عارف مفكرتش في الموضوع ده .. بس ممكن رضوى هي اللي قالتله يعمل كده .. عشان اكيد هي عارفه انى مش هرجع البيت بعد اللي حصل ده
شروق:اهاا ممكن مش بعيد
لؤي:الله اعلم
شروق:كلمت طنط يارا ولا لا ؟؟
لؤي:لا لسه
شروق:طب روح كلمها و اما تخلص ابقى كلمنى
لؤي:خلاص ماشي
شروق:اوك .. يالا سلام
لؤي:سلام
قفل لؤي و فضل يفكر في كلام شروق و يفكر كمان هيقول ايه لمامته و بعد وقت جمد قلبه و اتصل بيارا .. بعد اربع مرات ردت .....
( روايات بسوم )
يارا:الو
لؤي:ايوة يا ماما .. مش بتردى ليه كل ده ؟
يارا:مين معايا ؟!!
لؤي:مين ايه يا ماما .. انا لؤي
يارا:لؤي ! لؤي مين ؟ .. انت حد من صحاب هيثم ؟؟
لؤي:صحاب هيثم اييه ؟؟ .. انا ابنك انتى مش عرفانى !
يارا:لا حول و لا قوه الا بالله .. مالك يا ابنى ؟
لؤي:انا عايز اتكلم معاكى يا ماما
يارا:انت ممكن تكون غلطان في الرقم يا ضنايا .. اتأكد من الرقم
لؤي:انا ابنك يا امى
يارا:انا اول مرة اسمع الكلام ده .. انا ماخلفتش الا ولد واحد .. انت مين ؟
لؤي:ماما انا .....
.........................
#بسمه_ممدوح