خيانة رسمية

* الفصل التاسع و الثلاثون *

شويه و وصلوا الناس و معاهم المأذون ، و اول ما وصلوا سمعوا حاجه بتهبد جامد وراهم .. و الناس كلها بصت على ورا .....
( روايات بسوم )
رضوى:في اييييه ؟؟؟؟؟
هيثم:ههههههههههههههههههههه دى وقعت
رضوى:مين دى ؟
هيثم:اتعميتي !! شروق
رضوى:احيييييييييه
هيثم:هووووش .. و بص للشباب اللى وراه و اتكلم .. فوقوها يا جماعه و خلوها تمشي مش عايزين الجو يبوظ
واحد من الشباب:انت تؤمر يا كبير
هيثم:حبيبي تسلم .. و سابهم و مشي و راح نزل رضوى قبل المأذون بشويه
رضوى بضحكه:اخيرا نزلتنى
هيثم:لما نخلص هشيلك تانى و مش هتنزلى خالص
رضوى بدلع:بس بقي يا هيثم بطل رخااامه .. الناااس
هيثم:يخربيت جمال امك .. بص لقي اسماء (ام رضوى) واقفه قدامه
اسماء:بتضحك
هيثم:احم احم .. منوره يا حماتى
اسماء: حمااااتك
هيثم:يا نهار اسود يا نهار اسود .. اقول ايه طيب
اسماء بهزار:انا لسه صغيره هتكبرنى ليه ؟ قولى يا سمسمه
هيثم:اشطا ناخد رأى عم كامل في الموضوع ده .. يا عمم .....
اسماء:اخررررص .. المأذون جاى يجوز مش يطلق
هيثم و رضوى:هههههههههههههههههههههههه
اسماء:ماشي ماشي اضحكوا يا جزم
رضوى:حبيبتى يا مامتى
هيثم:ايوة صح .. حبيبتى يا مامتى
كلهم:هههههههههههههههههه
يارا جايه من بعيد:تعالوا واقفين هنا بتعملوا ايه .. المأذون عايز يخلص
هيثم و بص لاسماء:ليه وراه طلاق بعدينا ولا ايه ؟
اسماء:انا مش موافقه على الجوازة دى .. خلاص فررركش
يارا و هيثم و رضوى:هههههههههههههه
رضوى:ماما حاسبي .. انا كده ممكن اشهد علي عقد الطلاق ع فكرة
اسماء:بس يا بت انتى
هيثم:باااااااااااااااااس .. احنا نكتب الكتاب و اضمنك و بعد كده نوفق راسين ف الطلاق
رضوى:ههههههههههه ايوة كده انت صح
هيثم:اشطا يالا بينا بقي
ضحكوا و مشيوا كلهم و راحوا كتبوا الكتاب .. و المكان كله اتقلب زغاريط و فرحه و هيثم و رضوى نقلوا الدبل لأديهم الشمال .. و بعد ما خلصوا راحوا يتفسحوا .....
( روايات بسوم )
.......................................................................
في مكان تانى .. كانت فاقت شروق وراحت للؤي الصيدليه .....
لؤي قام من مكتبه:مالك يا شروق ؟؟ في ايه يا حبيبتى !
شروق:مفيش حاجه
لؤي:يا سلام .. هو انا معرفكيش يعنى .. انتى شكلك تعبانه اوى
شروق:مفيش يا حبيبي متقلقش
لؤي:اتكلمى .. مالك بجد ؟؟
شروق:بصراحه كنت نازله من الكليه اغمى عليا
لؤي بخضه:يا نهااار اسوود .. و حصل اييه ؟؟؟ و جيتي ازاى ؟
شروق:مالك بس اطمن مفيش حاجه .. زمايلى فوقونى عادى و جيت لوحدى .. و انا كويسه قدامك اهو
لؤي و حضنها:يا حبيبتى .. الف سلامه عليكي
شروق:الله يسلمك يا حبيبي .. اطمن انا كويسه
لؤي:طب تعالى اقعدى عشان نفطر مع بعض
شروق:يالا
راح لؤي قعد على مكتبه .. و قبل ما شروق تقعد كان اغمى عليها .. جرى عليها لؤي و الدكاترة شالوها و فوقوها .. و بعد كده خدها لؤي يوديها المستشفى
( روايات بسوم )
......................................................................
رضوى و هيثم بيتفسحوا و معاهم كامل و اسماء و يارا .....
كامل:بما اننا كتبنا الكتاب بقى .. قدامك ايه تانى عشان نحدد معاد الفرح
هيثم:انا مقداميش اى حاجه .. كل حاجتى جاهزة حتى العفش اتحجز و حضرتك عارف
كامل:اومال ايه اللي معطلك
هيثم:رضوى ....
قاطعت رضوى كلامه:انا يا بابا كل ما يجي يقولى عايزين نحدد معاد الفرح انا بقوله يستنى عشان الامتحنات بتاعتى
كامل:امممممممم فهمت
هيثم:بس احنا ممكن نعمل حاجه حلوة
كلهم:ايه ؟
هيثم:امتحنات رضوى هتخلص كمان شهر .. نخلى الفرح اول خميس بعد الامتحنات .. و انا و ماما و ماما اسماء هنظبط كل حاجه و هى تنتبه لامتحناتها بس .. قولتوا ايه ؟
كامل:فكرة مش بطاله
اسماء:حلو اوى .. و انا هفرش لها الشقه من الالف للياء ومش عيزاها تحط اديها في حاجه .. المهم امتحاناتها
يارا:و انا اجهزلكوا حاجتكوا برموش عنيا .. و على الفستان يتجاب اما تخلص امتحنات يعني ده ساهل
هيثم:ها ايه رأيك يا رضوتى ؟
رضوى:مممممممممم مقدرش اعترض
هيثم:يعنى موافقه ؟؟
رضوى هزت راسها و اتكلمت:اها موااافقه
هيثم:ايووووووة بقى .. وانا هبدأ من بكرا في التجهيز و الدعوات بقى و الحجات الحلوة دي
رضوى:مااااشي
هيثم:يالا بينا بقى نكمل فسحه
كلهم:يالا
مشيوا كلهم يكملوا فسحه .....
( روايات بسوم )
......................................................................
في المستشفى اللي فيها شروق و لؤي معاها ....
كانت خلصت شروق كشف و طلب منهم الدكتور تحاليل يعملوها .. و فعلا عملوها و قعدوا ساعه استنوا النتيجه و اول ما طلعت اخدوها و راحوا للدكتور ......
لؤي:طمنى يا دكتور مالها ؟
الدكتور:اطمن هى كويسه خالص .. بس ده الطبيعي في اول شهور الحمل
لؤي:ايييه !! قولت ايه يا دكتور ؟؟
الدكتور:قولت مبروك المدام حامل
شروق و لؤي متنحيتن و الدكتور بيكمل كلامه .....
الدكتور:ياريت تخلى بالك منها .. و ياريت متعملش مجهود .. و لازم تاخد الفيتامينات دى
لؤي:......
الدكتور:معايا يا استاذ ؟؟
لؤي:هاا .. اها معاك بس انا مش مصدق نفسي .. انا فرحان اوووى انا بجد هبقى اب
الدكتور:ايوة باذن الله هتبقى اب
لؤي:حضن شروق جامد .. ربنا يخليكي ليا يااارب .. انا فرحااان اوووى
شروق:انا كمان فرحانه اوى يا لؤي و مش مصدقه نفسي .. ربنا ميحرمنيش منك ابدا
الدكتور:ربنا يكمل فرحتكوا على خير .. المهم بس تخلى بالك منها و تعمل اللى قولتلك عليه
لؤي:طبعا يا دكتور طبعااا .. دى في عنيا
شروق:هو انا في الشهر الكام يا دكتور ؟
الدكتور:انتى لسه في اول شهر .. متجهديش نفسك بقى عشان تكملى على خير
شروق:ان شاء الله .. بعد اذنك يا دكتور
الدكتور:اتفضلوا
لؤي:شكرا اوى يا دكتور
الدكتور:العفو
مشي لؤي و هو ماسك ايد شروق و خرجوا و ركبوا العربيه عشان يروحوا ......
لؤي:انا مش مصدق نفسي .. هتبقى ام ابنى .. وهنبقى بابا و ماما
شروق:و انا كمان مش مصدقه نفسي .. و مسكت اديه .. ربنا ميحرمناش من بعض ابدا
لؤي:ياااارب يا روح قلبي
( روايات بسوم )
.....................................................................
عدا اليوم و كان جميل جدا على الكل .. روحوا كلهم و هيثم قعد يكلم رضوى بالسعات في الموبايل لحد ما ناموا و عدت الايام و بدأت رضوى في الامتحنات و هيثم بدأ يجهز في كل حاجه و انشغل جدا بتجهيز الشقه و الفرح هو و اسماء و يارا .. و شروق ركزت في حملها و امتحناتها و كبرت دماغها من اى حاجه بتدور حواليها .. و وصل خبر حمل شروق لرضوى بس بردو هى ولا اتأثرت لان هيثم بقى بالنسبالها كل حاجه و نساها كل حاجه فى حياتها .....
( روايات بسوم )
و في يوم بعد ما فرح رضوى و هيثم قرب خلاص .. كان هيثم قاعد في الصاله مع يارا و بيتكلموا .....
يارا:كان نفسي نكون كلنا مع بعض و اشوف اخوك عريس زى ما هشوفك عريس .. و يبقي كل واحد منكوا واقف جنب التانى يوم فرحه كده و تفرحونى
هيثم:اتعصب و قام وقف و اتكلم بخنقه .. في ايه بقي حرام عليكى .. ليه السيره الفقر دى على المسا .. الواحد ما صدق هيفرح بتنكدى عليه ليه بس
يارا:اخص عليك يا هيثم .. انا بنكد عليك يا حبيبي
هيثم:ما انتى مش شايفه كلامك ... و فجأه و هما بيتكلموا الباب خبط .....
( روايات بسوم )
هيثم:هششش استنى لما اشوف مين على الباب
يارا:ماشي يا ابنى
راح هيثم فتح الباب لقي واحد واقف بعيد عند السلم .....
هيثم:مين ؟
الشخص ده بصله و ابتسم ......
هيثم:مش ممكن ؟؟؟؟؟؟؟؟؟
..:وحشتنى يا غالى
هيثم:انا مش قادر اصدق نفسي .. حماده بنفسه قدام عنيا عندى هنا
حماده:البعد عنكوا وحش اوى يا صاحبى .. و حضنوا بعض اوى
هيثم: ادخل ادخل تعالى
حماده: و هما داخلين .. ايه يا عم هيثم عامل ايه
هيثم:الحمدلله .. وحشتنى جدا و الله
حماده:انت اللى وحشتنى اكتر
هيثم:تعالى اقعد ... و دخلوا قعدوا
يارا:اهلا وسهلا يا ابنى
حماده:اهلا بيكي يا امى وحشانى اوى .. و قام باس اديها و راسها
يارا:ربنا يكرمك يا حبيبي .. كل ده و هى مش واخد بالها مين ده
هيثم:ده حماده يا ماما .. صديق الطفوله بس هو كبر شويه
يارا:بصحيح .. و اخدته في حضنها .. يا حبيبي يا ابنى وحشتنى و الله كنت فين طول السنين دى
حماده:كنت مسافر و الله .. ما انتى عارفه البلد دي مافيهاش شغل
يارا:اها اها .. ربنا معاك يا حبيبي و حمدالله علي سلامتك
حماده:الله يسلمك يا امى
يارا:هسيبكوا تقعدوا مع بعض و هقوم اعملكوا حاجه تشربوها .. بعد اذنكوا
حماده:اتفضلى
قامت يارا مشيت و قعد حماده يتكلم مع هيثم .. و هيثم قالوا انوا كتب كتابه و ساب موبايله مفتوح على الترابيزة و قام يجيبله صور الخطوبه يفرجهاله .. دخل هيثم اوضته و مسك حماده موبايل هيثم يلعب فيه .. و فجأه شاف حاجه .. طلع هيثم من الاوضه و معاه الصور و لسه هيوريهاله .....
( روايات بسوم )
هيثم:اهم بقى يا .... ايه يا عم مالك مبلم ليه كده ؟!
حماده و وراله موبايله .....
هيثم:نعم ؟
حماده: ؟؟؟؟!
هيثم:........
.........................
#بسمه_ممدوح