خيانة رسمية

* الفصل السادس عشر *

خلص هيثم الاغنيه و سكت و ما اتكلمش و فضل حاضن شروق و هي حضناه و ماسكه فيه جامد و مش بتسيبه .. لحد ما الشمس غربت و هما قاعدين .. و اول ما نور الشمس اختفى هيثم حس بالوقت .....
( روايات بسوم )
هيثم:ايييه ده .. الشمس غربت
شروق:......
هيثم:شوشو .. حبيبتي
شروق:هاا
هيثم:سرحانه في ايه ؟
شروق:فيك و في البحر
هيثم:مش واخده بالك ان الشمس غربت
شروق و بتبص حواليها:ايه ده ؟ الوقت عدا ازاى ؟
هيثم:مش عارف و الله انا محستش خالص
شروق:ولا انا
هيثم:الوقت بيعدى بسرعه معاكى عشان بحبك
شروق:ربنا يخليك ليا .. و لاول مرة شروق تبوس ايد هيثم
هيثم:ايه دة ؟ ليه عملتى كده !
شروق:عشان بحبك
هيثم:بجد ؟
شروق:مش محتاجه سؤال طبعا .. يالا نمشي بقى
هيثم:حاضر يالا .. قاموا هما الاتنين و هما ماشين هيثم طلع موبايله و بيبص فيه
هيثم:يا نهااار ابيض كل دى مكلمات
شروق:في ايه ؟
هيثم:لؤي اتصل بيا كتير اوي و بعتلى مسدج بيقولى انت فين
شروق:يالهوووى .. استني كده اشوف موبايلى انا كمان .. ايييه كل ده !! ده لؤي و رضوى متصلين بيا كتير بردو
هيثم:اها .. ههههه طب استنى هكلم لؤي
شروق:اوك
اتصل هيثم بلؤي و اول ما رد ....
( روايات بسوم )
لؤي:ايييه يا عم لسه فااكر
هيثم:معلش و الله مخدتش بالى .. انت كنت بتتصل ليه كل ده ؟ في حاجه ولا ايه !
لؤي:لا في اننا كنا مستنينكوا تروحوا معانا و ماجيتوش
هيثم:معلش كنا بنتمشي و مشفناش الموبايلات
لؤي:و الله ماشفتوهاش ! .. ولا كنتوا مطنشينا ؟
هيثم:و الله ابدا .. حتى اديك شروق تسألها .. احنا ما اخدناش بالنا من الموبايلات بجد و الله
لؤي:خلاص بقى مش مهم .. حصل خير
هيثم:طب انتوا فين دلوقتي ؟
لؤي:انا روحت رضوى و روحت ع البيت
هيثم:طيب تمام انا هروح شروق و هاجي ع البيت ع طول مش هتأخر
لؤي:اووك
هيثم:عايز حاجه و انا جاى ؟
لؤي:لا شكرا .. متتأخرش بس
هيثم:حاضر .. يالا سلام
لؤي:سلام
قفل هيثم مع لؤي و مسك ايد شروق و مشيوا شويه ....
( روايات بسوم )
شروق:هو لؤي كان زعلان ولا ايه ؟
هيثم:لا ده بيسألنى اتاخرنا ليه بس
شروق:اهاا
هيثم:استنونا شويه بعدين روحوا
شروق:اوك
هيثم:عايزة تروحي .. ولا نتمشي شويه
شروق:لا يالا نروح .. بس ودينى عند رضوى مش علي بيتى
هيثم:ليه ؟
شروق:ما انا متفقه مع ماما و مع رضوى انى هقعد عند رضوى كام يوم كده
هيثم:يعنى مامتك مش هتزعقلك ؟
شروق:لا متقلقش ما انا قيلالها
هيثم:اوك .. يالا بينا
شروق:يالا .. مشيوا و وصلوا لحد بيت رضوى
هيثم:وصلنا للاسف .. مكنتش عايز الوقت يخلص
شروق:اشمعنا ؟
هيثم:عشان مش عايز اسيبك .. نفسي افضل معاكي ع طول
شروق:بكرا تبقى معايا ع طول
هيثم:ياااارب
شروق:انشاءالله .. هتوحشني
هيثم:و انتي كمان هتوحشيني اووى .. خلى بالك من نفسك
شروق:ماتقلقش عليا .. يالا بااااى
هيثم:باااى يا حبيبتي .. طلعت شروق عند رضوى و اول ما وصلت عند الباب خبطت .. فتحت رضوى ع طول
رضوى:ما بدرى يا اختى
شروق:معلش يا رضوى
رضوى:يا بنتي استنيناكوا كتييرر اوى .. اخر ما زهقنا روحنا
شروق:متزعليش و الله محسناش بالوقت
رضوى:كنتوا فين ؟
شروق:كنا قاعدين عند البحر
رضوى:اهاا .. طيب يا ستى سماااح
شروق:ههههه ماشي .. ادخل بقى و لا مكروشه عشان سيبتك تروحي لوحدك
رضوى:عيب عليكي يا جزمه تقولى كده .. يالا ادخلى غيري هدومك و انا هحضر حاجه ناكلها عشان ماما نايمه
شروق:ماشي .. دخلت شروق اوضه رضوى و غيرت هدومها و رضوى راحت المطبخ تحضر الاكل .. قعدت شروق مع نفسها و سرحت في الماضي ....
( روايات بسوم )
............................ فلاش باك ...........................
شروق قاعده ع الارض و بتعيط ....
اسلام:انتي هنا
قامت شروق منطورة من علي الارض و وقفت بعيد ...
شروق:بابا ؟
اسلام:اها بابا
شروق:عرفت مكاني ازاى و جيت امتى من السفر ؟
اسلام:لسه جاى و اول ما عرفت اللي حصل نزلت ادور عليكي .. و عرفت مكانك بعد ما فضلت ادور عليكي سعات في الاخر قولت اجرب اشوفك هنا
شروق:ايوة انا قعدت هنا عشان افتكرك انا بحب المكان ده عشانك يا بابا .. و كنت حاسه اني مطمنه و انا قاعده هنا
اسلام:بقولك اييه بطلى الكهن و الكلام ده .. انا مش جاي عشان اصالحك و ارجعك انا جاى عشان اموتك
شروق برعب:يعني ايه يا بابا !!
اسلام:يعني مش هسيبك .. تهربي من البيت لييييه هي سايبه .. و الله لاااقتتتتتتللك
شروق:مهربتش من البيت و الله بس انا كان لازم امشي
اسلام:قرب منها و لسه هيضربها .. قالت شروق جمله وقفته مكانه و بعد ايده عنها ....
( روايات بسوم )
شروق:ماتجيش عليا زى الدنيا .. كفايه الدنيا يا بابا
اسلام:يعني ايه يا شروق .. ايه الكلام ده ؟
شروق:يعني متظلمنيش يا بابا انا و الله ما هربتش من البيت بس مشيت غصب عني و روحت عند تيتا مامتك بس خوفت الا ماما تعرف مكاني فمشيت و جيت هنا و كنت مستنياك و عارفه انك اكيد لما تيجي هتجيلى و هتعرف مكانى
اسلام:طب ليه عملتى كده ؟
شروق:عملت كده عشانك يا بابا عشان زعلانه عشانك اووووى و مش قابله اللي بيحصل و انت مش حاسس
اسلام باستغراب:اييه اللي بيحصل و انا مش حاسس ؟ و زعلانه عشاني ليه !! هو في اييه ؟؟ فهميني
شروق:طب ممكن تقولى حصل ايه اما روحت البيت و ماما قالتلك ايه ؟ و بعد كده هفهمك كل حاااجه
اسلام:انا سألت عليكي .. حبيبه فضلت تعيط و قالت انك هربتي و سيبتي البيت و انك بقيتي مش محترمه و مش نافعه و هي مش قادرة عليكي .. و اني لازم الاقيكي و اتصرف معاكى
شروق:اييه ؟ قالت عليا كده !!
اسلام:و الله ده اللي حصل
شروق:طب و حضرتك عملت ايه يا بابا ؟
اسلام:انا زعقتلها و اتخانقت معاها عشان سابتك و ما اخدتش بالها منك .. بس نزلت ادور عليكي .. و كنت ناوى اتصرف معاكي فعلا و مش اى تصرف كمان
شروق:انت مصدق كلامها يا بابا ؟
اسلام:مقدرش اكدبها بس بردو انا مفهمتش معني كلامك اللي انتي قولتيه !
شروق:الحمدلله يا بابا اني سجلت عشان تعرف و تصدق كل حاجه من غير ما اتكلم
اسلام:اعرف ايه و اصدق ايه ؟
شروق:ثواني
طلعت شروق الموبايل من جيبها و شغلت التسجيل اللي سجلته لحبيبه و مصطفى ....
( روايات بسوم )
شروق:اتفضل يا بابا اسمع و بعد ما تخلص احكم براحتك
اسلام:ايه ده ؟
شروق:اسمع و انت تفهم
اسلام:هاتى .. اخد اسلام الموبايل و بدأ يسمع الكلام و ملامحه بدأت تتغير 180 درجه و ملامح وشه بقت كلها استغراب مع عصبيه مع غيظ .. و فجأه لقى نفسه بيقعد ع الارض من الصدمه و مش قادر يصدق اللي بيسمعه ..
شروق جريت عليه و قعدت جنبه ....
( روايات بسوم )
شروق:بابا مالك يا بابا ؟؟
اسلام:مش قادر اصدق مش متخيل هموت من الصدمه
شروق:بعد الشر عليك .. انا اسفه يا بابا و الله ما كان قاصدي
اسلام:اسسفه ايييه !! كان لازززم اعررررف .. الحمدلله انك قووولتيلي و عرفتيني ايه اللي بيحصل من ورايا
شروق:يعني انا صح اني عملت كده ؟
اسلام:طبعاا .. قومي يا شرووق معايا
شروق:هنروح فين ؟
اسلام:هروح اوديكي عند امي و انا هروح عند حبيبه
شروق:هتعمل ايه يا بابا ؟؟
اسلام:قوومي بس و هقولك
شروق:حاضر .. قامت شروق مع اسلام و مشيوا و ......
.........................
#بسمه_ممدوح