خيانة رسمية

* الفصل الرابع *

لؤي:ايه دة ايه دة .. في ايه يا عم منك ليها زهقتى منى و لا مقدرش .. هو في ايه بيحصل و انا مش فاهم
شروق:هيكون في ايه يعني .. عادي
هيثم:في كل خير يا معلم
لؤي:ايووووة عايز اعرف انا الخير ده
هيثم:بسيطه يا سيدى انا بحب شروق و شروق بتحبنى و ارتبطنا
رضوى بصدمه:اييييه !!
( روايات بسوم )
بصت شروق لرضوى اوى و اتكلمت .....
شروق:مالك ؟
رضوى و بتهدى كلامها:مليش .. بس مصدومه من المفاجأه
هيثم:ليه يعنى .. هى حاجه وحشه
رضوى:لا حاجه حلوة بس مش متوقعه .. الموضوع جه بسرعه اوى
هيثم:ولا بسرعه و لا حاجه ...
قاطعت كلامه شروق:احنا متاكدين من مشاعرنا و مش هيفرق بقى موضوع الوقت ده
رضوى: ... بدأت تسرح
( روايات بسوم
.............................فلاش باك...........................
رضوى:ايه ددددده ؟؟!!
شروق بخوف:ايه ايه .. انتى ايه اللى جابك هنا
رضوى:مش ده موضوعنا .. موضوعنا انتى ازاى اصلا تعملى كده
محمد:في ايه يا انسه حصل خير
رضوى:لا محصلش خير ازاى بنت عندها 15 سنه تخرج مع واحد و تمسك اديه بالطريقه دى اصلا
محمد:عادى خطيبها
رضوى:انت ازاى بتتكلم بالبرود ده انت مش خطيبها رسمي .. انت مبتحبهاش لو بتحبها تخاف عليها
شروق:خلاص يا رضوى محصلش حاجه
رضوى:لا حصل و هتروحى معايا دلوقتى عشان انتى عارفه لو مامتك حست انك مروحتيش الدرس و بتعملى كده هتموتك
شروق برعب:ماما ! و مين اللى هيقول لماما .. هتعرف ازاى ؟!
رضوى:انا اللى هقولها
شروق:انتى !
رضوى:ايوة لو ما مشتيش معايا دلوقتى
( روايات بسوم )
............................
في نفس الوقت شروق سرحانه و بتفتكر ....
( روايات بسوم )
..............................فلاش باك...........................
شروق ماشيه بتعيط ...
رضوى:انتى بتعيطى ليه دلوقتى !
شروق:انتى دايما بتحولى تمسكى عليا حجات عشان تزلينى
رضوى:انا !
شروق:اها و بتقولى هقول لمامتك و بتتحكمى فيا
رضوى:لا انا مش بعمل كده
شروق و زادت في العياط:لا بتعملى و انتى عارفه انى بحب محمد و بردو بتمنعينى منه
وقفت رضوى و بصت لشروق ...
رضوى:انا عمرى ما هقول لمامتك حاجه اصلا و اى حاجه بتعمليها انا عرفاها و انتى بنفسك اللى بتحكيلى و انتى عارفه انى عمرى ما هقول حاجه و انا عمرى ما حسيت انى ماسكه عليكى حاجه انا بحبك و بخاف عليكى و انتى عارفه كده كويس و بعمل كده عشان انتى انا و مينفعش اخاف على نفسي و ما اخفش عليكى لازم بردو انصحك و ابعدك عن طريق ممكن يضرك .. احنا اكتر من اخوات يا شروق و مفيش بنا غيره و حقد لازم تفهمى ده
شروق منهاره:طب ليه بتبعدينى عن محمد
رضوى:انا مش ببعدك عنه انا بمنعك من طريقه اللى هيضيعك و انتى يا شروق مش بتحبي محمد لو بتحبيه مكنتيش كلمتى محمود و ياسر و غيرهم انا خايفه عليكى
شروق:انا مش عارفه ليه بعمل كده
رضوى:مش مهم تعرفي بس المهم انك تفوقي لنفسك احنا الاتنين اد بعض مش اكبر منك انا عشان اكون اعقل منك .. لازم تفكري بعقلك يا حبيبتى و تفوقي من اللى انتى فيه
شروق بعياط:حاضر
رضوى:حضنتها شويه .. بطلى عياط بقي و يالا نروح و مش عايزة طنط تحس بحاجه
شروق:ماشي
( روايات بسوم )
............................................................
فاقوا من سرحانهم ع صوت لؤي ....
شروق:في ايييه
هيثم:وقع و احنا بنجرى
رضوى:و انتوا بتجروا ليه اصلا
هيثم:اللى حصل بقى .. حد يقومه معايا
راحت رضوى و شروق قوموه و اخدوا علي المستشفى و رجليه طلعت مكسورة و اتجبس و روحوا علي البيت ...
( روايات بسوم )
اول ما الباب اتفتح يارا صوتت ....
يارا:ايييه دة في اييييه !!
هيثم:متقلقيش يا ماما
يارا:مقلقش اييه ابنى ماله
رضوى:اهدى يا ماما بسيطه الحمدلله
يارا و بتعيط:مالك يا حبيبي فيك ايه
لؤي:وقعت يا ماما عادى جت سليمه الحمدلله
يارا:كل ده و سليمه .. يا حبيبي يا ابنى
لؤي:خلاص يا ماما بطلى عياط عشان خاطرى
يارا:حاضر يا حبيبي .. دخلوة علي اوضته و انبي
هيثم:حاضر .. و دخل هيثم و شروق و رضوى دخلوا لؤي الاوضه و نيموه ع السرير و رضوى قعدت جنبه و هيثم بيهزر معاه و بيحاول يضحك مامته .. و شروق سرحانه و في عالم تانى خالص .....
( روايات بسوم )
..............................فلاش باك...........................
حبيبه:بتعيطي ليه ياللي يتخفى اسمك من الدنيا
شروق:قولتلك يا ماما اني وقعت ع رجلى و انا جايه من المدرسه و مش قادرة احركها
حبيبه:كدمه و هتخف
شروق بعياط:و انبي يا ماما توديني المستشفي مش قادرة و الله
حبيبه:بقالك خمس سعات بتتحايلى عليا اوديكي المستشفى ايه ما بتزهقيش
شروق:معلش يا ماما رجلى بتوجعني اوووي
حبيبه بنفاذ صبر:بصي انا هلبس و هوديكي بس قسما بالله ان طلع مفيهاش حاجه لهتكون ليلتك سوده
شروق بخوف:ماشي
راحت حبيبه لبست و اخدت شروق و نزلت وديتها المستشفي و بعد ما الدكتور كشف عليها .....
الدكتور:ايه ده دى رجليها مكسور كسرة جامده
شروق بعياط:شفتى
حبيبه:اخرصي .. مكسورة ازاى دى وقعت واقعه صغيره
الدكتور:مش انا اللي بقول .. ده باين في الاشعه الكسرة كبيره و انتي شكلك اتاخرتي اوى
حبيبه:اتاخرت في ايه !
الدكتور:اتاخرتي عقبال ما جيتي البنت رجلها محتاجه عمليه و دى لسه صغيره 13 سنه صعبه اوى
حبيبه:يعني هنعمل ايه ....
قاطع كلامهم موبايل حبيبه بيرن ....
( روايات بسوم )
حبيبه:ثوانى .. و ردت
حبيبه:الو .. ايوة .. فينك .. لالا مش هتاخر .. اها ربع ساعه بالكتير و هكون عندك .. ما تمشيش .. تمام .. اوك سلام
حبيبه:سورى يا دكتور انا مضطرة امشي ممكن تجبسلها رجلها لحد اسبوع كده باباها يجي من السفر و يعمل لها العمليه
الدكتور:ازاى
حبيبه:معلش انا المسؤله عنها و بقولك اعمل كده .. جبسها و انا ساعتين كده و هاجى اخودها
الدكتور:اللى تشوفيه .. بس انتى الخسرانه
حبيبه:ماشي ماشي .. سلام دلوقتي معلش
مشيت حبيبه و سابت شروق منهارة من العياط ...
الدكتور:متعيطيش .. امك دى الله يسامحها
شروق:انا خايفه
الدكتور:متخافيش يا حبيبتي
( روايات بسوم )
......................................................
يارا:مش تعرفوني بالضيوف اللي معاكوا
هيثم:اها صح .. معلش يا ماما لؤي و عياطك نسوني
يارا:مفيش مشكله .. بس بردو ده ميمنعش انك تعرفني عليها
هيثم:اعرفك طبعا .. شروق شروق
شروق:ها
هيثم:ايه يا بنتى بتروحي فين ! .. المهم ماما عايزة تتعرف عليكي
شروق:ازيك يا طنط .. انا شروق صاحبه رضوى
يارا:اهلا بيكي يا حبيبتى منورانا و الله
شروق:ميرسي يا طنط .. معلش بقى انا جيت كده من فجعتنا ع لؤي و الله .. و كنت بتفسح معاهم فمكنش ينفع اسيبه
يارا:يا حبيبتى انتي تنورينا في اي وقت
شروق:ميرسي يا طنط ربنا يخليكي
يارا:و يخليكي يا حبيبتى
شروق:انا مضطرة امشي بقي
يارا:هتروحي فين بس
شروق:هروح عشان متاخرش اكتر من كده
يارا:طيب يا حبيبتى خلى بالك من نفسك
شروق:متقلقيش ربنا يستر
هيثم:لا تخلى بالها من نفسها ايه .. انا هخلى بالى منها و هوصلها
يارا:هههههه طيب يا حبيبي روح
شروق:ملوش لزوم تتعب نفسك خليك انا هعرف اروح لوحدى
يارا:لا ملوش لزوم ازاى بقي .. مش راجل ده و لازم يخلى باله منك
هيثم:ايوة بقي يا حجوجتى
يارا:ههههههه
هيثم:يالا بينا بقي
شروق:ههههه اوك
اخدها هيثم و نزلوا ....
..........................
#بسمه_ممدوح