خيانة رسمية

* الفصل العشرون *

وصلت شروق و دخلت شقتها و اول ما دخلت .......
شروق بصوات:يالهوووووى ماااامااا .. الحقووووني يا نااااس
و طلعت شروق تجرى برا الشقه و تصوت و الجيران بدأت تتلم ......
( روايات بسوم )
عم احمد(واحد من الجيران):مالك يا شروق يا بنتى بتصوتى ليه ؟
سمر(ست كبيره جارتها):حصل ايه يا شروق .. الشقه اتسرقت لقدر الله و لا ايه ؟؟
شروق:لااااا امى امى .. دخلت الشقه لقيتها جوة و جيت اكلمها لقيتها ميته
عم احمد:امك !
سمر:حبيبه ؟؟ ماتت ازاى ؟ و جت امتى !
شروق:مش عارفه مش عاااارفه ما ده اللي هيجنني .. هو حد فيكوا شافها و هي طالعه ولا حاجه ؟؟
سمر:و الله ابدا مع انى طول النهار واقفه في البلكونه .. مش عارفه ازاى مشوفتهاش
عم احمد:ولا انا بردو مشوفتهاش خالص .. انا اتفاجئت اما بتقولى انك لقتيها جوه
شروق بعياط:يا دي المصيبه هنعمل ايه دلوقتي .. حد يقولى بس هتصرف ازاى ؟؟
عم احمد:عادي يا بنتى زي ما بنتصرف مع اي حد بيموت
شروق بعياط:يا حبيبتى يا ماما .. كان نفسي اشوفك قبل ما تموووتى
سمر و حضنتها:اهدي يا بنتى الاعمار بيد الله
شروق:سبتيني ليه يا ماما .. هفضل عايشه لوحدي ع طول كده ؟؟
سمر:استهدي بالله يا بنتى
عم احمد:لا حول ولا قوه الله بالله .. تعالوا يا جماعه ندخل الشقه عشان نتصرف
سمر:تعالى يا بنتى
دخل عم احمد و سمر و شروق الشقه و بقيت الجيران طبعا بيتفرجوا من برا و مستنين يشوفوا هيحصل ايه .. اول ما دخلوا الاوضه علي حبيبه ....
( روايات بسوم )
عم احمد:اعووذ بالله من غضب الله
سمر:يا حول الله يا ربي .. ارحمنا يارب و استرنا
عم احمد:ايه الريحه دي .. ده ولا بقالها 20 سنه ميته هنا و اتحللت كمان
شروق بعياط:انا كنت بايته برا عند صحبتي بقالى يومين اكيد هي جت بعد ما انا مشيت .. ياريتنى ما مشيت ياريتنى
سمر:قدر ربنا يا بنتى .. ربنا يصبرك
عم احمد:هنبلغ حد و نكشف عليها و لا نخلص الاجرائات و خلاص
شروق بخوف:لالا تبلغ مين .. حرام يا عم احمد .. امي اتبهدلت في الدنيا مش عايزين نبهدلها في الاخره كمان
عم احمد:حاشه لله يا بنتى .. دي بين ادين الله دلوقتي .. ربنا ما يجيب بهدله .. الله يرحمها و يجعل مثواها الجنه
سمر:امين يارب
شروق بعياط:طب احنا يا عمى عايزين نخلص شهاده الوفاه و اجرائات الدفن عشان ندفنها الصبح ع طول و ما نبهدلهاش
عم احمد:متنعيش هم الموضوع ده يا بنتى انا موجود معاكي و الحجه سمر جنبك و بأذن الله كل حاجه هتخلص و بكرا على الظهر ان شاء الله امك هتكون في مكانها مرتاحه
شروق:يارب .. ربنا يخليك يا عم احمد يا رب
عم احمد:الله يباركلك يا بنتى
سمر:سبحان الله و كأنها حاسه انها هتموت و جت عشان تموت علي فرشتها .. الله يرحمها و يغفر لها يارب
عم احمد:بعد اذنكم يا جماعه هطلع انا دلوقتى عشان نشوف موضوع الاجرائات ده .. شغلوا جنبها القرأن و غطوا وشها و اقفلوا الباب و اقعدوا برا .. و الباقيه في حياتك يا بنتى
شروق:حاضر يا عمى .. حياتك الباقيه
طلع عم احمد من الاوضه و شغلت سمر القرأن في الاوضه و غطت وش حبيبه و قفلت الباب و طلعت هي و شروق قعدوا في الصاله .....
( روايات بسوم )
و برا الشقه علذ السلم عم احمد واقف بيتكلم ......
عم احمد:البقاء لله يا اخوانا اقرأوا الفاتحه علي روح مدام حبيبه و شغلوا قرأن و الحريم تيجي تواسي بنتها و يعزوها و الرجاله حد فيهم يساعدنى نخلص الاجرائات .. البنت وحيده و غلبانه و مالهاش ظهر ولا حد يساعدها حتى ستها اللى كانت ليها هنا ماتت الله يرحمها هى كمان و يرحم امواتنا جميعا .. يالا يا جماعه مانجلكوش في حاجه وحشه ان شاء الله .....
( روايات بسوم )
سكتوا الناس ، و في اللى قرأ الفاتحه و في اللي بتكلم اللي جنبها و تقولها الموضوع ده مش طبيعي في حاجه غلط .. و في اللى بتقول يالا ربنا يستر علي ولايانا و اللي بتقول ربنا يرحمها و اللي يقول انتم السابقون و نحن الاحقون و اللى ساب اللمه و مشي من غير ما يتكلم و اللى بيقول اذكروا محاسن موتاكم و اللى بيقول عشنا و شفنا الحربايه ميته و اللي دخل لشروق يعزيها و يواسيها و اللي راح مع عم احمد يساعده في الاجرائات و كلام كتير بيدور بين الناس من حزن و استغراب و شماته و كلام حلو و كلام وحش و شروق جوه شقتها عايشه دور الحزن كويس جدا و بتمثل بكل اتقان .....
( روايات بسوم )
جوا في الشقه عند شروق ......
سمر:لا إله الا الله هو في ايه يا شروق يا بنتى
شروق:مش عارفه يا طنط انا مستغربه
سمر:و انا كمان يا بنتى مستغربه اوى .. سبحان الله القرأن مش مستحمل يشتغل دقيقه كامله دى سادس مرة يطفى في ربع ساعه
شروق بوشوشه:عايزاكي يا طنط ثوانى
قالت شروق الجمله دي ، و قامت دخلت اوضتها و سمر راحت وراها علي طول .....
سمر:خير يا شروق ؟؟
شروق:انا مكسوفه اوى يا طنط قدام الناس من المهزله اللى بتحصل دي
سمر:هي صحيح حاجه تشتت العقل
شروق:طب هنعمل ايه يا طنط .. انا عايزه الناس تمشي الموقف بقى وحش اوى قدامهم
سمر:فعلا ده انا نفسي اتكسفت .. امك جسمها مش بيتعدل خلاص ثبت ع وضعه كده .. و القرأن رافض يشتغل .. في حاجه مش طبيعيه .. يا ترى ايه هى ؟؟
شروق:طنط ابوس ايدك مش وقت ايه هي و مش ايه هي .. احنا مش عايزين نفسر الحاله دلوقتى .. المهم اننا نمشي الناس دول لحد ما تتغسل الصبح و تنزل من هنا و الناس يجوا ع العذاء بليل بس
سمر:طب و هنعملها ازاى دى ؟؟
شروق:هقولك
سمر:قولى
شروق:حضرتك اطلعى و قولى احنا هنسبها ترتاح يا جماعه عقبال ما عم احمد يخلص الاجرائات عشان كمان شروق تعبانه و بتعيط انا هقعد جنبها و هخليها تنام عشان يومنا بكرا طويل .. شكر الله سعيكم و باذن الله رجالتكوا بكرا هيصلوا علي المرحومه في مسجد كذا .... و الطالعه بأذن الله علي صلاه الظهر و هتكون في مدافن كذا ..... فهمتى يا طنط ؟؟
سمر:فهمت .. بس كده الناس ماتزعلش ؟
شروق:ماتشغليش دماغك بالناس المهم الفضيحه دي تدارة .. و بعدين هما مش هيزعلوا و اكيد هيقدروا الظروف اللى احنا فيها و كل واحد هيحط نفسه مكانا
سمر:صح يا بنتى .. كلامك معقول
شروق:طب يالا بقى يا طنط و انبي اطلعى اعملى اللي قولتلك عليه و بعد ما تخلصي تعالى عشان عيزاكى في موضوع مهم
سمر:ماشي يا حبيبتى .. بعد اذنك
شروق:اتفضلى
طلعت سمر و قالت فعلا للناس الكلام اللى قالتهولها شروق .. و الناس عزوها و مشيوا و البيت فضي و قفلت باب الشقه و دخلت علي حبيبه اوضتها و بردو حاولت تشغل القرأن تانى بس بردو اطفي فقدت سمر الامل فأنه يشتغل .. سابته و طفيت عليها النور و قفلت الباب و راحت لشروق اوضتها .. كانت شروق غيرت هدومها و قعدت مكانها علي السرير .. و اول ما دخلت سمر الاوضه ، شروق اتكلمت .....
( روايات بسوم )
شروق:تعالى يا طنط اقعدي جنبي عايزاكى
سمر:جايه يا حبيبتي من عيني
راحت سمر و قعدت جنب شروق علي السرير ......
سمر:خير يا حبيبتى ؟
شروق:طنط في حاجه لازم اعرفها من حضرتك و ابوس ايدك اوعى تخبي عليا اى حاجه .. كلميني بصراحه
سمر:مش هخبي عليكي حاجه .. بس عايزة تعرفي ايه ؟؟ قلقتيني
شروق:حضرتك شقتك لازقه في شقتنا و اوضه نومك اللي فيها البلكونه اللى مش بتدخلى منها ليل و نهار .. هي حيطه واحده في اوضه ماما .. صح ؟؟
سمر:ايوة صح .. ايه المشكله في كل ده يعني ؟!
شروق:فاكرة يوم حادثه ماما ؟؟ .. اليوم اللي اتسرقت فيه و اتشوهت و الشقه ولعت
سمر:ايوة طبعا فكراه
شروق:طب بصي بقى يا طنط انا عارفه انك اكتر الوقت بتكونى بتتصنطى ع ماما زى ما بتراقبي الناس اللي في الشارع و بتعرفي كل حاجه عنهم .. بردو كنتى بتسمعى كل حاجه بتحصل في اوضه نوم ماما و كل حاجه بتتقال .. بس انتى مش بترضي تتكلمي عشان مبتحبيش المشاكل و بتخافي منها
سمر:اها انا بسمع و بشوف كل حاجه عن كل الناس و اولهم حبيبه امك .. بس و انا مالى اتكلم ليه ! .. لكن يا بنتى ساعه الحق انا مش بسكت .. و يوم الحادثه اللي حصلت انا روحت النيابه و شهدت بالحق و قولت مين كان معاها و قولت اسمه بالكامل و جابوه .. ما انتي عارفه
شروق:عارفه طبعا .. بس انتي عرفتي اسمه بالكامل منين يا طنط
سمر:مرة سمعته بيمليه لحبيبه بالكامل كانت بتكتبله شيك و كان بيمليهولها عشان تكتبه .. و انا لجل الحظ الاسم لبس في نفوخى مرداش يخرج معرفش ليه .. او يمكن عشان يتعرف و ياخد جزائه
شروق:حلووو .. و اهو اخد جزائه .. و اللي خلاكى يا طنط تحفظى الاسم و تفتكريه يخليكي بردو تفتكرى كل اللى كان بيحصل .. صح ؟؟
سمر:انا فاكره حجات بس مش كله
شروق:انا اصلا مش هسألك ع كله ولا هطلب انك تقوليلي كله لاني لو عرفت كل اللي كان بيحصل ممكن يجرالى حاجه او اتشل
سمر:بعد الشر عنك يا بنتى .. طب انتى عايزة تعرفي ايه ؟؟ و انا اقولك
شروق:تحكيلى اللى حصل يوم الحادثه بس ... و كل اللى سمعتيه ساعتها
سمر:بس كده ؟؟
شروق:اها بس
سمر:سهله دي .. هقولك
شروق:قولى .. سمعاكى
( روايات بسوم )
سمر:بصي اليوم ده كنت لسه طالعه اقف في البلكونه .. و فجأه لقيت مصطفى اللي كنت حافظه شكله صم داخل باب العماره و اول ما طلع حسيت بحبيبه و هي بتفتحله الباب
شروق:ها و بعدين ؟؟؟
سمر:......
.........................
#بسمه_ممدوح