خيانة رسمية

* الفصل الثامن عشر *

قفلت شروق و طلعت راحت علي الاوضه ، و اول ما دخلت .. لقت رضوى بتتكلم في الموبايل .....
رضوى:زمنها طالعه يا هيثم ثوانى .. اهى جت اهى .. شروق هيثم بيسال عليكى .. خدى كلميه
اخدت شروق الموبايل و هى هتموت من الرعب ، و هيثم اتكلم .....
( روايات بسوم )
هيثم:ايه يا شوشو .. موبايلك مشغول ليه ؟
شروق:مشغول ازاى ! اكيد شبكه
هيثم: اها ممكن .. انا قولت بتكلمى مامتك ولا حاجه
شروق:لا لو بتكلم هيديك وايت مش مشغول
هيثم:اها صح .. تبقى شبكه بقى
شروق:اها .. عامل ايه ؟
هيثم:تمام يا حبيبتى .. وحشتينى اوى
شروق:و انت كمان وحشتنى
هيثم:عامله ايه بقى ؟
شروق:الحمدلله تمام
هيثم:رايحين بكرا الكليه ؟
شروق:لسه مش عارفه .. بس بفكر مروحش و اروح البيت بقى عشان ماما لوحدها بقالها يومين و هى تعبانه اصلا المفروض اشوفها لو محتاجه حاجه
هيثم:طب شوفى هتعملى ايه .. بس ابقى عرفينى عشان لو رايحين الكليه هاجى معاكوا
شروق:اشمعنا ؟
هيثم:عشان انا اجازة بكرا من الشغل و انتى وحشتينى
شروق:خلاص اوووك .. هشوف هعمل ايه و هتصل بيك الصبح اول ما اصحى
هيثم:اوك يا حبيبتى
شروق:يالا عايز حاجه ؟
هيثم:لا يا قلبي عايز سلامتك
شروق:ربنا يخليك ليا يا حبيبي .. يالا بااى
هيثم:و يخليكى ليا يارب .. باااى يا حبيبتى
قفلت شروق مع هيثم و عطت الموبايل لرضوى و طلعت ع السرير جنبها و مكلمتهاش .. و لفت وشها و نامت ....
( روايات بسوم )
....................................................
في بيت هيثم و لؤي .....
يارا:هو فين اخوك الساعه بقيت 1 بليل
هيثم:و الله مش عارف يا ماما بيروح فين
يارا:طب اتصل بيه شوفه
هيثم:اتصلت من شويه كان مشغول بعد كده بقى غير متاح
يارا:يا حول الله يارب .. يا تري هو فين بس
هيثم:دلوقتى يجى يا ماما
يارا:هو مش كان جه هنا قبليك .. نزل ليه تانى ؟
هيثم:مش عارف بعد ما جيت بساعتين لقيته لبس و هو نازل سألته رايح فين قالى هتمشى عشان مخنوق .. قولتله انزل معاك قالى لا خليك عايز اتمشى لوحدى
يارا:يا حبيبي يا ابنى .. مخنوق من ايه بس ؟؟؟ يا ترى ماااله فيه اييه !!
هيثم:متقلقيش يا ماما تلاقيه مخنوق من الشغل ولا حاجه و عايز يفك عن نفسه
يارا:يارب يكون موضوع شغل
هيثم:باذن الله متقلقيش .. روحى حضري العشاء بقى عشان انا متعشتش و جعان .. و هيكون لؤي جه انشاءالله و نتعشى كلنا مع بعض
يارا:حاضر يا حبيبي من عنيا
هيثم:تسلميلى يا امى
يارا:الله يسلمك يا حبيبي
مشيت يارا راحت علي المطبخ و هى بتدعى مع نفسها ان لؤي يكون كويس و يرجع ....
( روايات بسوم )
برا في الصاله و هيثم قاعد فاتح النت لقى باب الشقه بيتفتح .. بيبص علي الباب لقى لؤي ......
هيثم و قام وقف:كنت فيييين كل ده ؟؟
لؤي:ما انا قولتلك انى نازل اتمشى
هيثم:بس مش كل ده .. انت اتأخرت اووى
لؤي:معلش كنت مخنوق شويه
هيثم:طب روح لامك المطبخ عشان كانت قلقانه عليك اوى و بتعيط
لؤي:بجججد ؟؟ .. و مطمنتهاش ليه ؟
هيثم:طمنتها طبعا .. بس هى قلبها قلقان هعمل ايه انا طيب !!
لؤي:طيب خلاص
ساب لؤي المفاتيح و الموبايل علي الترابيزة و دخل المطبخ ليارا .....
( روايات بسوم )
لؤي:يويا حبيبتى
يارا و بصت وراها:لؤؤؤي حبيبي .. كنت فين يا ابنى قلقتنى عليك
لؤي:ماتقلقيش يا حبيبتي انا كنت بتمشى عادي .. انتي بس يا ماما اللى بتقلقي نفسك
يارا:يعني لو مكاكنتش هقلق عليكوا هقلق علي مين بس
باس لؤي ايد يارا و دماغها ، و اتكلم .....
( روايات بسوم )
لؤي:ربنا يخليكي لينا يا ماما .. مش هتأخر برا تانى و الله خلاص .. عشان ماتقلقيش
يارا:ربنا ما يحرمني منك يارب
لؤي:ولا يحرمنى منك يا ماما
يارا:يارب يا حبيبي .. يالا روح غير هدومك عشان نتعشي سوا
لؤي:حاضر
مشي لؤي و راح اوضته ....
( روايات بسوم )
برا في الصاله .....
هيثم ماسك موبايل لؤي و بيبص فيه .....
هيثم:ايه ده .. حاجه غريبه اووي .. و ايه كمان كل الرسايل دى
حاول هيثم يفتح الموبايل بس ماعرفش يخمن الباسورد فسابه و سكت و بيتكلم جواه
هيثم:و انا مالى صح ، بس انا هتجنن بصراحه
فضل سرحان شويه و بيفكر في اللي شافه و مش لاقيله تفسير ....
( روايات بسوم )
غير لؤي هدومه و خرج .. اتعشوا مع بعض و كل واحد راح اوضته و نام ....
تاني يوم الصبح .. شروق صحيت لوحدها من النوم و لسه هتقوم من ع السرير .......
.........................
#بسمه_ممدوح