خيانة رسمية

* الفصل التاسع و العشرون *

فاق هيثم من الغيبوبه اللى كان فيها .. لقي نفسه في العربيه و رضوى قاعده جنبه .....
( روايات بسوم )
هيثم:مين اللى جابنى هنا انا كنت بعدت اوى .. ايه اللى حصل ؟؟
رضوى بدموع:انت اول ما نزلت انا نزلت وراك و فضلت ماشيه معاك بس من غير ما تحس بيا و سيبتك تخرج كل اللى جواك من غير ما اضايقك .. بس فأجاه لقيتك اغمى عليك
هيثم:و جبتيني ازاى لحد العربيه
رضوى:شيلتك و جيبتك
هيثم بصدمه:نعم .. شيلتينى ؟!
رضوى:انا اسفه و الله .. متزعلش بس مكنتش عارفه اعمل ايه ولا اتصرف ازاى
هيثم:انا مش مضايق عشان تتأسفي .. انا بس مصدوم خوف عليكي ازاى تشليني افرضي جرالك حاجه بقى
رضوى:اكيد مكنش هيجرالى حاجه و بعدين ما انا كويسه قدامك اهو
هيثم:طب ليه مجبتيش العربيه لحد هناك و ركبتيني فيها .. ازاى مشيتي بيا المسافه دى ؟
رضوى:المسافه مش كبيرة يعني .. و اصلا مينفعش كنت اسيبك كده لوحدك و اروح اجيب العربيه
هيثم:ليه يعني مينفعش .. كان هيحصل ايه ؟
رضوى:معرفش انا ايه اللي هيضمنلى انى همشي و ارجع الاقيك .. ازاى اسيبك لوحدك في مكان زى ده و مفيهوش حد .. افرض رجعت لقيتك جرالك حاجه
هيثم:مكنش هيجرا حاجه يعني
رضوى:الله اعلم بقى .. مش مهم حاجه .. المهم انك دلوقتي فايق اهو و كويس
هيثم:الحمدلله
رضوى:طب يالا بقى مشينا من هنا
هيثم:هنروح فين ؟
رضوى:هتوديني ع ماما و انت هتروح
هيثم:و هتقولى لمامتك ايه لما تلاقيكي قالعه شبكتك
رضوى:مش عارفه .. اقولها الحقيقه و لا اعمل ايه ؟!
هيثم:لازم تصارحيها .. بس تفتكرى هي هتتقبل الموضوع عادي و مش هتزعل
رضوى:معرفش بقى .. هى اكيد هتزعل بس لازم تعرف
هيثم:ربنا يستر .. و دور العربيه و مشي .....
(روايات بسوم)
................................................................
عند الشروق في البيت ....
شروق نايمه و لؤي قاعد جنبها بيتكلم في الموبايل .....
لؤي:فهمت اللى قولتلك عليه ؟
على:يا دكتور لؤي انا مش غبي بس الصراحه كده
لؤي:الصراحه كده ايه .. جبان يعني ؟
على:حاجه شبه كده
لؤي:متعصبنيييش بقى
على:مش قصدي اعصبك يا دكتور و الله
لؤي:طب اسمع .. هتقفل الصيدليه النهارده بدرى شويه
على:ليه كده ؟
لؤي:نفذ و انت ساكت
على:حاضر ادكتور لؤي أوامرك
لؤي:و لما تقفل كلم المحامى قولوا يبقى يروح معاك بكرا عشان محدش يمنعك و بما انك خايف يكون معاك أمان
على:الله ينور عليك ادكتور .. عين العقل و الله
لؤي:بطل لك بقى .. فهمت المهم هتعمل ايه ؟
على :ايوة طبعا فهمت هو انا غبي يعني
لؤي:لا لسمح الله .. ربنا يستر بس و تفتكر اللى قولتهولك
على:هفتكر ادكتور و الله متقلقش
لؤي:ماشي يا سيدي .. و اول ما تخلص بكرا تجيب الحاجه و تجيلى على طول على العنوان اللى هديهولك ده
على:قبل ما افتح الصيدليه ادكتور ؟
لؤي:مش بقولك غبي .. انا من اول المكالمه و قايلك كل حاجه تتعمل الصبح بدرى و متفتحش الصيدليه غير اما تكون خلصت كل حاجه
على:لمؤاخذه ادكتور .. فهمت خلاص
لؤي:طب ماشي فهمت و هعديها .. عرفت هتجيلى فين بقى ؟
على:هجيلك .. هجيلك .. مش فاكر ادكتور
لؤي:طب اكتب العنوان يا على و اتقى شري دلوقتي
على :انا اسف ادكتور و الله .. قول العنوان
لؤي: .. شارع ... عند .... الدور... شقه... ..فهمت ؟
على:طبعا ادكتور .. كله هيبقى تمام متقلقش
لؤي:ماشي .. و متتأخرش الصبح يا اخويا عشان الدكاترة اللى بيوصلوا الصيدليه في ميعادهم
على:تحت امرك ادكتور لؤي
لؤي:يالا سلام
على:سلام ادكتور .. مع الف سلامه
خلص لؤي مكالمته .. و بيبص على شروق لقاها مفتحه عينها و باصه عليه .....
( روايات بسوم )
لؤي:صحيتي من امتى ؟
شروق:من اول المكالمه .. انا اصلا مش عارفه انام
لؤي:ممممممم ليه بقى ؟!
شروق:الله اعلم .. انت ليه عايز على يقفل الصيدليه بدرى انهارده ؟؟
لؤي:احسن امى تجيلى عليها لو هيثم قالها انى مش راجع البيت تانى
شروق:انت بجد مش هترجع تانى ؟!!!
لؤي:اكيد .. مبقاش ينفع ارجع خلاص
شروق:طب يعنى هو اللى هيخليها تجيلك انهارده مش هيخليها تجيلك بكرا ولا اى يوم ؟ اكيد في اى وقت تانى هتجيلك
لؤي:ما انا فاهم .. اى وقت هتروح هكون انا موجود و هتكلم معاها .. لكن انهارده انا مش هناك و هى لو راحت هتلاقي على و الدكاترة بس و انا مش عايزها تقول حاجه ولا تعيط قدامهم مثلا مش عايز يحصل اى شوشره .. فهمتى ؟
شروق:اها فهمت .. عندك حق
لؤي:ربنا يستر و يعديها ع خير
شروق:يارب
(روايات بسوم)
..................................................................
وصل هيثم رضوى عند بيتها و مشي .. اول ما طلعت رضوى و خبطت الباب اسماء فتحت ........
اسماء:حمدالله ع السلامه يا رضوى
رضوى بصوت مكتوم:الله يسلمك يا ماما
اسماء:مال صوتك يا رضوى ؟
رضوى:مفيش حاجه يا ماما
اسماء:لا ازاى بقى مفيش حاجه .. هو انتى مش بنتى و عرفاكى .. صوتك فيه حاجه و عنيكي مدمعه
رضوى:دخلت خطوتين و عطت ظهرها لاسماء .. انا كويسه يا ماما
اسماء:لفت و مسكت اديها .. و شبكتك اللى قلعاها دى .. بردو مصممه ان مفيش حاجه !!
بصت رضوى لاسماء و مقدرتش تتكلم و دخلت جرى علي اوضتها و اترمت ع سريرها و فضلت تعيط .. دخلت اسماء الاوضه و فضلت تهديها و قعدت تسأل مالها لحد ما رضوى هديت و حكت لها كل حاجه بالتفصيل .. و طبعا اسماء قررت تقف مع بنتها .. و حضرت كل حاجه لؤي عشان تبعتهاله لحد البيت ....
( روايات بسوم )
.................................................................
وصل هيثم البيت .. فتح الباب و دخل علي اوضته على طول من غير ما يكلم مامته و لا يسلم عليها حتى .. حاولت يارا تكلمه كتير و تخبط عليه بس هو ما بيردش .. و لا حياه لمن تنادى .. فضلت يارا مستنيه لؤي يروح و مروحش و مستنيه هيثم يخرج من اوضته و بردو مخرجش .. فضلت قاعده في الصاله ساكته و مستنيه تفهم في ايه ......
(روايات بسوم)
...................................................................
عند شروق .... نايمه ع كتف لؤي ع السرير و هو سرحان .. و فجأه مسك اديها و اتكلم .....
لؤي:فين الاسورة بتاعتك يا شروق ؟
شروق:انهى اسورة !!
لؤي:الاسورة اللى انا جيبتهالك في عيد ميلادك و لما هيثم سألك جبتيها منين قولتيلوا ان مامتك اللي جبيتهالك
شروق:ها .. اها
لؤي:ها اييه و اها اييه ؟؟! ما تتكلمى راحت فين ؟
شروق:مش عارفه يمكن قلعتها امبارح في اى حتى
لؤي:انتى هتستعبطى يا شروق .. الاسورة من يوم ما امك جت البيت هنا و انتى روحتى عند رضوى و هى مختفيه من ايدك
شروق:ها .. بجد ؟؟
لؤي:ايه هو اللى بجد ده ! انتى جايه تسألى دلوقتي بجد ولا مش بجد .. انتى مش حاسه بنفسك ولا اييه
شروق:لا حاسه بس اكيد نسيت .. انت اخدت بالك ازاى اصلا .. و مسألتنيش ليه في يومها ؟
لؤي:اخدت بالى لان اى حاجه فيكي انا بلاحظها حتى لو كانت بسيطه .. و مسألتكيش يومها لان هيثم و رضوى كانوا معانا و بعدها قعدتي عند رضوى و لما روحتى كانت حبيبه ماتت و رجعتى تانى قعدتى عند رضوى و الاستاذ هيثم كان معاكى طول الوقت فالطبيعي انى معرفش اسألك و لا اتكلم معاكى براحتنا .. و بعد كده نسيت بس اخدت بالى دلوقتي و افتركت
شروق:ممممممم
لؤي:انتى مبترديش ليه ؟؟
شروق:مش عارفه اقولك ايه
لؤي:طب صارحيني .. انتى بعتيها ؟؟ لو بعتيها قوليلي و مش هزعل و هجبلك غيرها كمان بس اوعى تكون ضاعت منك يا شروق او ادتيها لحد .. هزعل منك اوى
شروق:مممممم بصراحه ايوة بيعتها
لؤى:ليه يا شروق تبعيها ؟؟
شروق:اصلى كنت محتاجه فلوس و الفلوس اللى بابا بيبعتهالى كانت خلصت
لؤي:طب ليه مطلبتيش مني بدال ما تبعيها ؟!!
شروق:اتكسفت
لؤي:مش عارف اقولك ايه بصراحه .. ازاى تتكسفى منى يعني .. اومال تبيعي حاجه جايبهالك ساعتها ما اتكسفتيش ؟
شروق بكسوف و خوف:انا اسفه
لؤى:خلاص ملهوش لزوم الاسف .. نامى دلوقتي عشان انا كمان تعبان و عايز انام
شروق:اوك .. بس متزعلش
لؤي:مش زعلان .. تصبحي علي خير
شروق:و انت من اهله ... كل واحد فيهم لف ظهرة للتاني و نام .....
(روايات بسوم)
....................................................................
الساعه 2 بليل و لسه لؤي موصلش البيت .....
يارا:طب و بعدين بقى ف القلق اللى انا فيه ده ! يا نهاااار اسووود يا نهاااررر اسووود الا يكون لؤي جراله حاجه عشان كده هيثم ساكت و خايف يقولى .. لطمت يارا ع وشها و جريت ع اوضه هيثم و فضلت تخبط جامد
يارا بصوات:ما هو انت لو مفتحتش الباب دلوقتي يا هيثم انا هكسره .. افتح حرااام عليك قلبي واجعنى ع ضنااايا .. و الله العظيم هلبس و انزل الشارع ادور علي اخوك بس بعدها مش هتشوف و شي تانى يا هيثم .. حرام عليك يا ابنى ليه بتعمل فيا كده ... قالت يارا اخر جمله و قعدت ع الارض قدام الاوضه و فضلت تعيط ... هيثم قلبه وجعه عليها و مهنش عليه يسيبها متعذبه .. قام فتح الباب و قومها و دخلها قعدها على سريره و قعد جنبها .....
( روايات بسوم )
يارا:قولى يا هيثم و انبي في ايه و مكلمتنيش انهارده زي ما اتفقنا ليه ؟؟ .. الله يخليك يا ابنى فهمنى .. هيثم .. اخوك جراله حاجه ؟؟
هيثم:بص في الارض
يارا بنبرة صوت عاليه:يا حبيبي رد عليا .. طمنى هو تعبان طيب ؟؟ ولا هو قالك هيتأخر برا ؟؟؟
هيثم:عنيه دمعت
يارا:يالهوووووووى يالهوووووووى ابببببنييييي يا ناااااس .. و قامت تجرى على برا
هيثم:استنى يا امى اهدي .. اطمنى لؤي كويس
الجمله دي وقفت يارا على بابا لاوضه .. و بصت لهيثم ....
يارا:طب هو مجاش ليه ؟؟ .. قولى مخبي علياااا ايه ؟
هيثم:لؤي مش هيجي تانى هنا يا ماما و لو هو جه انا همشي و مش هتشوفي وشي تانى
يارا بصدمه:ليه .. هو في ايه ؟؟؟ قلبي واجعني اتكلممم
هيثم:ابنك خاني و خان خطيبته
يارا:ايه !! يعني ايه ؟ ازاى ؟؟؟
هيثم:يعني اللى سمعتيه
يارا:دخلت قعدت على السرير و فضلت ساكته و بتعيط
هيثم:بتعيطي ليه دلوقتي ؟
يارا:مش فاهمه حاجه يا ابنى .. فهمني يا حبيبي عشان خاطرى
هيثم:حاضر يا امي هفهمك ..... و حكالها كل حاجه
يارا:ايه اللى انت بتقووووله ده ؟؟؟؟
هيثم:اللى قولته هو اللى حصل .. و لو مش مصدقه خدي عنوان شروق و روحي و انتى هتلاقيه هناك
يارا:انا مش قااادرة اصدق مش قااادرررة
هيثم:.......
.........................
#بسمه_ممدوح