وداها لؤي الكوافير و رجع هو البيت ظبط نفسه و لبس ، و الساعه 6 نزل ، بس المرة دى نزلت معاه سمر و سامى اخوها و عم احمد .. و وصلوا عند الكوافير و دخل لؤي كانت شروق خلصت ، اخدها و طلعوا ركبوا العربيه .......
( روايات بسوم )
لؤي:مالك مش فرحانه ليه ؟
شروق:لا فرحانه طبعا .. ليه بتقول كده !
لؤي:هو انا مش عارفك يعني .. باين عليكي انك مش فرحانه خالص
شروق:اكيد فرحانه عشان هتجوزك .. بس زعلانه لاسباب تانيه
لؤي:ايه هي الاسباب دي ؟!
شروق:كان نفسي يكون ليا اهل و يبقوا معايا و انت اهلك يبقوا معاك كمان .. وجود سمر واخوها و احمد عشان يكونوا شهدا علي العقد مش اكتر .. ده مضايقنى و مزعلنى اوى
لؤى و مسك اديها:حبيبتي بلاش الكلام ده .. ليه بتفكرى كده ! خليكي في فرحتك و عيشيها و انسي اى حاجه مزعلاكى .. و خليكي عارفه ان نصيبنا كده .. هنعمل ايه يعني ؟
شروق:ولا حاجه مش هنعمل حاجه
لؤي:يبقى خلاص بقى تهدي كده و تفرحى و بس و خلاص كلها ساعتين و نكون في بيتنا .. و وعد منى هخليكي اسعد انسانه في الدنيا كلها
شروق:ربنا ما يحرمنيش منك يا احلى انسان في الدنيا كلها
لؤي و بيبوس اديها:ولا يحرمنى منك ابدا يا كل حاجه في حياتى
شروق:بحبك اوى يا لؤي
لؤي:و انا بموت فيكي
وصلوا عند الماذون .. و دخلوا كتبوا الكتاب و خلصوا .. مشيت سمر و معاها سامي و احمد .. و شروق و لؤي روحوا لوحدهم .....
( روايات بسوم )
اول ما وصلوا الشقه فتح لؤي الباب و دخلت شروق و دخل هو كمان و قفل الباب و فضل واقف جنب شروق ساكت .....
شروق بفرحه و تلقائيه:الله يا لؤؤؤؤي الشقه حلوة اوووى .. كأنى اول مرة اشوفها
لؤي:طبعا لازم تكون حلوة اوى .. عارفه ليه ؟
شروق:ليه ؟
لؤي:عشان انتى بقيتي فيها و عشان خلاص بقيت شقتك و كل حاجه فيها ملكك
شروق:انا بحبك اوى يا لؤي بجد بحبك اووووى
لؤي:و حضنها جامد .. انا بموت فيكي و بعشقك و حاسس انى خلاص اتولدت من جديد
شروق:مش عارفه ارد علي كلامك .. كلامك حلووو اووى
لؤي:انا مش عايزك تردى .. انا عايزك بس تقوليلي نفسك في ايه و انا هعمله مهما كان عشان بس افرحك و اسعدك
شروق:بجد ؟
لؤي:طبعا بجد
شروق:طب عارف نفسي في ايه
لؤي:نفسك في ايه ؟
شروق:افضل في حضنك كده ومخرجش منه ابدا
لؤي:بس كده !
شروق:ايوة .. دى كل احلامى
لؤي:و انا عليا احقق احلامك
و شالها على اديه ....
شروق:ايه يا لؤي ؟
لؤي:كده احلى .. و حضنها جامد و هو شايلاها
شروق:نفسيي نطيرررررررررررررر
لؤي:بس كده .. و ماله نطيرررر
فضل يلف بيها جامد و هي على اديه و ماسكه في رقبته اووي .....
( روايات بسوم )
شروق:لالالالالالالالالا خلاص يا لؤي دووووخت
لؤي:و انا فرحان كده
شروق:و انا كمااان
لؤي:و هتفضلى كده ع طول
و فضل يلف بيها و هو ماشي .....
( روايات بسوم )
....................................................................
عند هيثم في البيت .. قاعد هيثم علي السرير و رضوى قاعده جنبه .....
رضوى:عشان خاطري يا هيثم تأكل الوقت اتاخر و لازم امشي
هيثم:باصص في عنيها
رضوى:اعمل اى حاجه ترضيني .. انا مش هعرف امشي غير لما اطمن انك اكلت
هيثم:بص في الارض
رضوى:حرام عليك يا هيثم .. انت بتاخد العلاج من غير اكل
هيثم:مسك اديها
رضوى:شدت اديها بسرعه و اتلغبطت و بصت في الارض
هيثم بصوت واطى:انا اسف .. تعبتك اوى معايا
رضوى:اييييه !!
هيثم:انا عايز اخف عشانك
رضوى:انت اتكلمت ؟؟؟؟!! يا ماماااا
هيثم:اها .. كان لازم اتكلم
يارا جايه جرى من برا:في ايه يا رضوى مالك ؟
رضوى:هيثم يا ماما .. هيثم اتكلم
يارا بصت لهيثم بفرحه:بصحييح .. اتكلم ؟ اتكلمت يا حبيبي
هيثم:هز راسه باها
يارا:حضنته و باسته .. حمدالله علي سلامتك يا حبيبي .. الحمدلله ياااارب
هيثم بصوت واطى:الله يسلمك يا ماما
رضوى:الحمدلله انى اطمنت عليك .. ماما خلى بالك منه و اكليه عشان مأكلش
يارا:حاضر يا حبيبتى من عنيا .. احنا تعبناكى معانا اوووى
رضوى:عيب تقولى كده يا ماما
يارا:ربنا يحفظك يا حبيبتى
رضوى:ربنا يخليكى يا ماما .. يالا انا همشي بقى عشان اتأخرت
يارا:خلى بالك على نفسك يا بنتى .. فتحى عينك كويس و انتى ماشيه
رضوى:متقلقيش عليا .. ربنا موجود
يارا:توصلى بالسلامه يارب
رضوى:الله يسلمك يا ماما .. يالا سلام
يارا:سلام يا حبيبتى
شاورت رضوى لهيثم و لسه هتطلع نده عليها .....
( روايات بسوم )
هيثم:رضوى
رضوى و بصتله:نعم ؟
هيثم:هتيجي بكرا ؟
رضوى بابتسامه:طبعا
هيثم:ابتسم و ما اتكلمش
رضوى:باااى
ابتسمت يارا و عملت نفسها ماخدتش بالها .. و طلعت وصلت رضوى للباب و مشيت .. و رجعت قعدت مع هيثم .....
تانى يوم الصبح اول حاجه عملتها رضوى راحت لهيثم زى كل يوم و اكلته و ادته العلاج و بعد كده نزلت الجامعه .....
( روايات بسوم )
عدت ايام كتير و رضوى جنب هيثم لحد ما اتحسن خالص و بدا ينزل الشغل تانى .. و شروق طبعا مع لؤي و بيوديها الجامعه كل يوم و بيروح على شغله .. و دايما شروق و رضوى بيتقابلوا و يعملوا نفسهم مش شايفين بعض .. و في مرة رضوى شافت الدبله في ايد شروق الشمال .. فهمت انها اتجوزت و شافت لؤي جاى ياخودها و اتاكدت انها اتجوزت لؤي .. بس رضوى بقت غير الاول يعني الموضوع بقى بالنسبالها ولا حاجه .... خلصت السنه و بدات الامتحنات .. و في يوم من ايام الامتحنات رضوى خلصت و نزلت و هيثم كان هناك .. قعتد رضوى وهيثم على سلم الكليه يتكلموا و يرجعوا الامتحان .. و شروق واقفه بعيد بتتفرج عليهم و هما مش واخدين بالهم .. و بعد ما خلصوا كلام قعد هيثم يبص في عين رضوى و هو بيغنى .....
( روايات بسوم )
هيثم:في عنيكي كلام عارف معانيه .. عن شئ جوانا و نفسنا فيه .. في عنيكي كلام عارف معانيه مع انك مش بتقولى عليه .. انا عارف ايه نفسك تحكيه و شفايفك ليه ما بتوصفشي ؟ ما انا ياما سعات بحس حجات و بحاول اقولها وما اعرفشي .. في عنيكي كلام عارف معانيه مع انك مش بقتولى عليه .....
رضوى في الوقت ده عنيها دمعت .....
بص هيثم في عينيها اكتر و مسح لها دموعها و كمل غنا و هي بتبصله بابتسامه و سرحانه فيه .....
هيثم:انا ليكي بعيش .. وما تسالنيش ازاى انا حبك حاسس بيه .. مش عايزة كلام .. لما ابقى قريب من قلبك انا بعرف ايه فيه .. انا عارف ايه نفسك تحكيه و شفايفك ليه ما بتوصفشي .. ما انا ياما سعات بحس حجات و بحاول اقولها و ما اعرفشي ....
بصت رضوي في الارض بكسوف .. ابتسم هيثم و رفع وشها باديه .. و شاور على عنيها و اتكلم بنفس موسيقه الاغنيه .....
هيثم:في عنيكي كلام .. و سكت ....
( روايات بسوم )
رضوى بصوت مكسوف:كلام ايه ؟
هيثم:ممممم تعالى نمشي و هقولك
رضوى:هتقولى ايه ؟
هيثم:هقولك ايه هو الكلام ده
رضوى و بتحاول تستعبط:ممممم انهى ؟!
هيثم:اللى في عنيكي .. الكلام اللي بتقوليه على طول و انتى ساكته
رضوى:اتكسفت وما ردتش
هيثم:قام وقف و مسك اديها
رضوى:بصتله بس
هيثم:يالا قومى
رضوى:حاضر
قاموا هما الاتنين مشيوا ....
و شروق هبدت برجليها مكانها و صوتت بصوت مكتوم و مشيت راحت للؤي الصيدليه .....
( روايات بسوم )
رضوى و هيثم راكبين العربيه وبيتمشوا قبل ما يرحوا .....
هيثم:عايزة تعرفي ايه الكلام
رضوى بانتباه:اها .. ايه هو ؟
هيثم:بسيطه
رضوى:ها
هيثم:بحبك
رضوى:ايه !!!!
.........................
#بسمه_ممدوح
أنت تقرأ
خيانة رسمية
Mistério / Suspenseالروايه بقلمي , تابعه لصفحه " روايات بسوم " عبر الفيس بوك ... تحكي الروايه عن تأثير البيئه و النشأه علي الابناء و علي سلوكهم في المستقبل , كل ما تدور حوله الروايه هي الخيانه واسبابها و نتائجها , الروايه دراما مقرؤه , غموض رومانسي .. يقودها واقع مميت...
