خيانة رسمية

* الفصل الخامس و الثلاثون *

فجأه لفت نظرة حاجه تحت السرير خليته يتنطر من مكانه ....
لؤي:ايييه ده
و نزل تحت السرير جاب الحاجه اللى واقعه دى و فضل واقف يبص عليها ....
لؤي:ايه اللى جاب اسورة شروق هنا ! هي مش قالت انها باعتها !! طب كانت بتكدب ليه !!
فضل واقف يفكر و الف سؤال و سؤال بيدوروا في دماغه و في الاخر جرى على اوضه شروق عشان يصحيها ....
( روايات بسوم )
لؤي بزعيق:شروق يا شرووووق .. و بيزقها .. قووومى بقوولك
شروق بخضه:في ايه يا لؤي ماالك !!
لؤي:ماالى .. مالى ايه بقى يا كذابه .. و ضربها بالقلم
شروق بتعيط:في ايه يا لؤي .. انت بتضربنى ! طب ليه ؟
لؤي:حط الاسورة قدامها .. ايه دي ؟؟؟؟؟
شروق:تنحت
لؤي:رودى عليااا .. بقولك ايه دي !!
شروق و بتبلع ريقها:ايه ده يا لؤي ؟ انت لقيت الاسورة دي فين ؟
لؤي بعصبيه:متروديش على سؤالى بسؤاااال .. جاوبي على سؤالى .. الاسورة دي جت الشقه ازاى و انتى قولتيلى انك بعتيها
شروق:بتعيط
لؤي:متخلنيش اتصرف معاكي تصرف يزعلك .. اااتكلمممى
شروق:حاضر حاضر هتكلم بس اهدى عشان اعرف اتكلم
لؤي و بيجز علي سنانه:طب اهو هديت .. اتفضلى بقى فهميني ليه قولتيلي انك بيعتي الاسورة و انتى حطاها في اوضه حبيبه تحت السرير
شروق:لا لا و الله لا محتيطهاش تحت السرير
لؤي:هتكدبي تاااانى
شروق:و الله ما بكدب و الله انا محطيتهاش تحت السرير .. اقسم بالله انا مكنتش اعرف هي راحت فين .. انا لقيتها مختفيه من ايدي و ما لقيتهاش في البيت .. حتى فكرتها ضاعت في الشارع .. و الله العظيم مكنت اعرف انها في البيت اصلا
لؤي:و المطلوب بقى اني اصدق الحوار الهااايف ده
شروق:و الله ما بعمل حوار .. انا عمرى ما كدبت عليك في حاجه يا لؤي
لؤي:طب افهم ايه اللى وداها اوضه حبيبه و تحت السرير كمان .. اصلها حاجه ما تعقلش .. و كدبتي عليا ليه اصلا و قولتى انك بعتيها عشان محتاجه فلوس
شروق بعياط:و الله انا كدبت عشان خوفت على زعلك
لؤي:ايوووة خوفت على زعلك .. خوفتى على زعلى من ايييه بقى ؟؟
شروق:عشان لو قولتلك ضاعت كنت هتزعل و هتقول انى مهمله في حاجه انت جايبهالى فقولتلك اني بعتها عشان متزعلش .. لانك لما تعرف انى كنت محتاجه فلوس اكيد ماكنتش هتزعل يعني
لؤي:هعمل نفسي مصدقك .. بس ده بردو مايمنعش اني عايز افهم ايه اللى جاب الاسورة اوضه حبيبه و تحت السرير كمان
شروق:اصل ...
لؤي بأنتباه:شروق .. اوعى تكونى انتى ....
شروق:ايوة .. بس و الله و الله ما كنت اقصد
لؤي و بدأ يهدى:ازاى .. شروق اتكلمى معايا بصراحه
شروق بتعيط:انا خايفه و عارفه انك هتسبني بعد ما احكيلك
لؤي اخدها في حضنه:قولتلك ماتخفيش و انا معاكى .. و لازم تكونى واثقه اني عمرى ما هسيبك لاى سبب مهما كان .. ما تخافيش منى و احكيلى بصراحه .. انا و انتى واحد يا شروق
شروق:حاضر هحكيلك حاضر .. اليوم اللى حبيبه جت فيه من المستشفى انا كنت نايمه اصلا و لما صحيت من النوم لقيتها و اتفاجأت جدا .. و كل اللى حكيتهولك و حصل بنا كان حقيقي مش كدب
لؤي:طب ليه حكيتي حجات و خبيتي حجات
شروق:خوفت من البوليس
لؤي:و انا يعني كنت هبلغ عنك !!
شروق:معرفش بس كنت خايفه
لؤي:قولتلك ميت مرة ما تخافيش .. ممكن تكملى بقى
شروق:حاضر هكمل 
( روايات بسوم
.............................فلاش باك...........................
حبيبه:كل ده يا شروق كل ده يا بنتي ؟ .. سامحيني انا اسفه ارجوكي سامحيني
شروق و مسكت في امها من غير وعي:ابعدي عني بقى اسامحك ع ايه ولا علي ايه اسامحك ازاى و انا اصلا مش بنسي .. ابعدي عني بقى و عن حياتي .. حرام عليكي حراااام
حبيبه:انا امك مهما كان .. انسي يا شروق ارجوكى لازم تنسي
شروق بعصبيه اكتر:انسي ازاااى هاا هي دي حاجه تتنسي ؟ هو اللى حصل يتنسي !!! انا مش هنسى و مش هسكت و مش هسيبك
حبيبه:اهدي يا شروق اهدي
شروق:اهدي ايييه انا مش طيقاااكى مش قااادرة خلااااص .. ايه اللى جابك مكنتش عيزااكي في حياتي تاني .. انتي اللى مصرة تفكريني .. ليييه كده لييييه ؟؟؟؟؟
وقعت حبيبه على السرير و شروق بتضغط على رقبتها اكتر و هي بتتكلم و مش حاسه بنفسها .....
( روايات بسوم )
شروق:لما انتى ام اومال مين اللى يكون حجر .. انتى ما تستاهليش لقب ام متستااااهليش انى اكون بنتك .. انتى خاااينه و زبااااله
حبيبه بصوت مخنوق:هموت يا شروق بتخنق
شروق:ما تموتى و لا تروحى في ستين داااهيه .. انتى عايزة تعيشي تانى ليه هااا .. عايزة تعملى فيا ايه اكتر من كده ؟!! مش كفايه اللى عملتيه
حبيبه بتتكلم بخنقه اكتر و صوت طالع بالعافيه .....
حبيبه:انا مش عايزة اعيش انا مليش حاجه في الدنيا تانى .. انا بس خايفه عليكي .. مش عيزاكى تقضي بقيت عمرك في السجن عشان واحده زي .. سبيني همشي و انتى عيشي حياتك
شروق بقسوة اكتر:مش هسيبك هقتلك لازم اخد حقي منك لااااززززم .. سيبي اييييدي ما تمسكيش ايدي اووعى
حبيبه:ماتضيعيش نفسك .. انا ما استاهلش انك تضيعي نفسك بسببي
شروق:اسكتى بقى اسكتتتى .. مش هسييبك
حبيبه:ااه اه
شروق:بطلى تمثيييل بقى بطلى
حبيبي:دماغها وقعت على كتفها
شروق بصدمه و عصبيه اكتر:اخيراااا هرتاح منك اخيرااا
و بتخنق فيها اكتر لحد ما اتاكدت انها ماتت .. سابتها و بعدت عنها  .....
( روايات بسوم )
...................................................................
شروق:ده كل اللى حصل .. خنقتها وقت عصبيه و انا مش حاسه بنفسي
لؤي:و داريتي اللى حصل ازاى .. اكيد كان في اثار عنف في الاوضه مثلا !
شروق:اكيد .. انا لما اتاكدت انها ماتت مكنتش حاسه بنفسي سيبتها و فضلت اللف في الشقه و مكنتش عارفه اتصرف .. لحد ما هديت و دخلت الاوضه و عدلت كل حاجه في مكانها و عدلتها على سريرها و غطيتها .. و سبت نور الاوضه والع و الباب مفتوح .. و روحت على طول لبست و نزلت و جيت انا و رضوى عندكوا البيت و بعد كده قعدت عند رضوى يومين في بيتها عشان كنت خايفه اروح
لؤي:طب و ازاى محدش لاحظ حاجه ولا طبيب شرعي ولا بوليس
شروق:محدش من الناس شاف حبيبه و هي طالعه في اليوم اللي انا اختفيت فيه فكلهم شكوا انها جت البيت قبل ما تموت بيوم واحد مش بيومين يعني في الوقت اللي انا مكنتش موجوده فيه .. و كمان كان باين جدا انها ميته في الوضع الطبيعي .. البيت نضيف و اوضتها مترتبه و نايمه على سريرها و مستغطيه و كمان نور اوضتها والع .. يعني ميته موته طبيعيه .. و محدش يقدر يطلب كشف طبيب شرعي او مشرحه غيري لانى بنتها و انا مطلبتش كده .. فبالتالى الموضوع خلص عادى جدا و بدون اى شوشرة
لؤي:بس ...
قاطعت شروق كلامه:عارفه .. الاسورة كانت تحت سريرها و لو كانت ظهرت كنت ممكن اروح في داهيه .. المشكله انى ما لحظتش اختفاء الاسورة الا و انا معاكوا في العربيه اليوم ده و فكرتها وقعت في الشارع .. و على فكرة يا لؤي ممكن ربنا خفى الاسورة عن عنيهم و خلى الموضوع يعدي عادي عشان عارف انى مظلومه و مش عايزني اكمل باقي حياتي في سجن .. صح ؟
لؤي:اها ممكن .. يعني انتى نزلتى اليوم ده و قعدتى عند رضوى في البيت عشان ماحدش يحس بحاجه
شروق:ايوة كان لازم اختفى عشان ما ادخلش نفسي في سين و جيم و تحقيقات و عشان شهاده الجيران تكون معايا مش ضدى لو حد فكر يبلغ البوليس
لؤي:امممممم
شروق و بتعيط:لؤي لو هتبلغ البوليس قولى عشان خاطرى ما تخودنيش على خوانه
لؤي:انتى هبله ولا ايه .. و حضنها جامد
شروق بعياط:عارفه اني غلطت بس و الله ما كان قصدي
لؤي:انا عارف يا عبيطه .. و بعدين انتى خلاص بكرة هتكونى مراتى .. ازاى يعني ابوظ فرحتنا ..و الموضوع ده خلاص انتهى يتفتح تانى ليه اصلا و بعدين يعني مش واحده زي حبيبه اللى تدخلى عشانها السجن .. سيبي السجن لحاجه اكبر ههههههه
شروق:ههههه يعني الموضوع هيفضل سر بينا
لؤي:اعتبريه سر بينك و بين نفسك و مخرجش براكى لانى انا استحاله افتحه تانى ولا معاكى ولا حتى مع نفسي .. مش بوليس و كلام فارغ و هبل و افكارك العبيطه دي
شروق:بجد يا لؤي ؟؟
لؤي:طبعا بجد .. بطلى عبط بقى .. و بعدين ده انا فرحان الحمدلله انك ما بعتيش الاسورة
شروق:ههههههههههههههه
لؤي:ايوة كده اضحكى .. البسي اسورتك بقى و يالا ننام عشان يومنا بكرة طويل
شروق:هههههه حاضر
اخدت منه الاسورة لبستها ، و ناموا هما الاتنين .....
( روايات بسوم )
.................................................................
--:يعني انتى اللى قتلتي حبيبه ! انا كنت حاسه بس مكنتش متاكده و مكنش ينفع اوجهلك اتهام كده
شروق بلجلجه:بصي انا هقولك حاجه .. الموضوع ده عدا عليه وقت طويل و مالهوش لزوم البوليس يعرف دلوقتي
--:انتى بتقولى ايه ؟
شروق:عارفه .. عارفه انى بخرف و عارفه انى لازم اخد جزائى .. بس حضرتك مش هتستفادي حاجه لو بلغتى عنى كفايه اللي انا فيه
--:انا مش عارفه انتى بتفكرى ازاى يا بنتى !!
شروق برعب بيزيد جواها:دكتورة شيرين حضرتك عارفه انى حامل و لو اتسجنت ابني هيضيع و حضرتك عارفه انه مالهوش غيري .. و عقوبه القتل لو ماكنتش اعدام هتكون مؤبد
شيرين:طب ما انا عارفه كل الكلام ده
شروق:بصي انا همشي من هنا و اوعدك انى مش هاجي هنا تانى و الله ما هخليكي تشوفي وشي تانى .. بس ابوس ايدك يا دكتورة انسي اللى حكيتهولك و كأن مفيش حاجه حصلت و مش هتخسري حاجه
شيرين:افهمي بس يا شروق ...
شروق بعياط:انتى عارفه انى عندي حاله نفسيه و لو ما اتسجنتش هيدخلونى مصحه .. انا همشي و ارجوكى تنسيني .. بعد اذنك
و قامت وقفت ، و شيرين اتكلمت .....
( روايات بسوم )
شيرين:استنى يا شروق
شروق بصتلها بخوف:نعم ؟
شيرين:......
.........................
#بسمه_ممدوح