خيانة رسمية

* الفصل الأول *

الاشخاص ....
شروق:بنت عاديه جميله بشكلها من اسره فقيره عندها 20 سنه في تانيه كليه اداب
هيثم:شاب جميل و مؤدب من اسره متيسره الحال عنده 23 سنه مخلص كليه تجارة
رضوى:بنت غايه في الجمال و الرقه و من اسره متوسطه .. رضوى انتيمة شروق عندها 20 سنه في تانيه كليه اداب
لؤي:شاب جميل زي هيثم و محترم عنده 25 سنه مخلص كليه صيدله .. لؤي اخو هيثم
( روايات بسوم )
.....هتبدأ الحكايه في خطوبه لؤي و رضوى....
القاعه مليانه ناس العريس و العروسه في الكوشه و لبسوا الشبكه .. العروسه كانت زى القمر و مفيهاش غلطه
قاعده بنت بعييييد في اخر القاعه بتبصلها و مركزه معاها اوووى ....
رضوى:انا عايزة شروق
لؤي:عيزاها في ايه ؟
رضوى:حاسه الفستان مش مظبوط .. نادى حد يناديهالى يا لؤي
لؤي:ماشي دلوقتى هيثم يجى و هخليه يروح يناديها
رضوى:اوك
لؤي:بس هى قاعده بعيد كدة ليه في اخر الفرح
رضوى:مش عارفه و بلاحظ انها بتبصلى و كل ما اجى اناديها اول ما تلاقيني ببص بتدور وشها
لؤي:مممم تفتكرى قاصده ؟
رضوي:مممم يمكن صدفه مش عارفه
لؤي:مش مهم بقي
رضوى:هيثم اهو اندهو يا لؤي
لؤي:اوك .. هيثم يا هيثم
جه هيثم للؤي ....
هيثم:نعم يا عريس
لؤي:عايز منك طلب صغير
هيثم:ما انا بقول كده بردو .. ارغي
لؤي:هههههه معلش بقي
هيثم:ولا يهمك يا عم الليله ليلتك اطلب براحتك
لؤي:حبيبي .. بص شايف البت اللى قاعده في اخر الفرح دى
هيثم:فين دي ؟
لؤي:اهي هنا
بص هيثم بعيد:اها اها شفتها .. مالها ؟
لؤي:عايزك تروح تناديها عشان رضوي عيزاها
هيثم:ماشي عنيا .. بس اسمها ايه دي ؟ اقولها يا ايه ؟
لؤي:شروق اسمها شروق
هيثم:اوك يا معلم لحظه هتكون عندك
لؤي:براحتك
( روايات بسوم )
مشي هيثم و راح ناحيت شروق ....
هيثم:انسه شروق
انتبهت شروق اوي:نعم
هيثم:معلش هقومك
شروق:انا .. براحتك في حاجه ولا ايه ؟
هيثم:اها العروسه عيزاكى
شروق باسلوب اتغير:عيزاني في ايه ؟!
هيثم:معرفش لؤي قالى اناديكي عشان هي عيزاكي
شروق:اها .. هو انت مين ؟
هيثم:انا هيثم اخو لؤي بس انا اصغر منه بسنتين
شروق:اوك .. انا صاحبه رضوى
هيثم:اهلا بيكي .. ياريت تروحيلها بسرعه عشان شكلها عيزاكي ضرورى
شروق:اوك .. بعد اذنك
هيثم:اتفضلي
قامت شروق و هي متعصبه و راحت لرضوى ....
( روايات بسوم )
شروق:نعم ؟ .. اخو لؤي قالى انك عيزانى
رضوي:اها .. انتى قاعده بعيد كده ليه !
شروق:عادى يعنى مليش في جو الافراح و كده
رضوى:بس دة فرحى انا .. ده انتى صاحبه العروسه
شروق:معلش .. انا معاكى اهو .. كنتى عوزانى في حاجه تانيه ؟
رضوي:اها معلش حاسه فستانى مش متظبط عيزاكى تعمليهولى
شروق:اوك حاضر .. و عدلتلها الفستان
رضوى:ميرسي يا شوشو
شروق:العفو يا عروسه .. حاجه تانيه ؟
رضوى:سلامتك
شروق:اوك .. و مشيت و راحت الحمام
و فضلت واقفه قدام المرايه ....
( روايات بسوم )
شروق:هي اها حلوة .. بس انا بردو حلوة .. هى اها احلى بس انا كل الناس بتقول عليا جميله .. ليه دايما هى مفضله عنى في كل حاجه ! .. ما احنا قد بعض ! ليه هى تتخطب لواحد زى دة و انا حتى محدش فكر يجي يكلم اهلى .. اهلى هه ! هما فين اهلى صح ؟ كويس ان محدش فكر .. ساعتها هقول ايه ؟! .. سكتت شويه و مسحت دموعها و عدلت مكياچها و خرجت .. راحت قعدت مكانها و فضلت تتفرج على رضوى و لؤي و تتابع كل حركاتهم و تتفرج عليهم و هما بيرقصوا و بدات تسرح .....
( روايات بسوم )
.................... فلاش باك ....................
شروق عندها 17 سنه ....
شروق:الحقي يا ماما
حبيبه (امها):في ايه ؟
شروق: صوت العربيات اللى كانت جايه من فرح دى عارفه طلعت جايه من فرح مين
حبيبه:مين ؟
شروق:بابا
حبيبه بصدمه:ايه .. يعنى ايه !
شروق:انا كنت باصه من الشباك دلوقتى لقيت العروسه نازله من العربيه و العريس بيمسك اديها ببص عليه لقيته بابا
حبيبه:ازااى .. انتى بتهزرى !!
شروق:و الله .. حتى اسالى اى حد
حبيبه قعدت ع الارض مكانها:ازااى !
شروق في سرها:انتى السبب في كل حاجه بتحصل .. كله منك انتى .. منك لله انا بكرررهك بكرررهك بكررررهك ....
( روايات بسوم )
.............................................
فاقت شروق من سراحنها ع صوت زايد بيكلمها ... (زايد اخو رضوى الصغير 15 سنه في 3 اعدادى)
زايد:يالا يا شروق الناس بتمشي قومى عشان هنتفسح مع رضوى .. انتى قاعده ليه ؟
شروق:ها .. نعم ؟
زايد:قومى يالا قومى
شروق:حاضر
قامت شروق و باست رضوى و مشيوا كلهم و رضوى و لؤي بيتفسحوا و فضلوا معاهم هيثم و شروق .. دخلوا مطعم كبير قعد لؤي و رضوى ...
هيثم:انا هقعد هناك انا و شروق
لؤي:ليه .. خليكوا معانا
هيثم:عيب يا عم ده حتى ميصحش .. خليك مع عروستك و انا هقعد مع شروق
لؤي:اوك
هيثم:يالا يا شروق نقعد هناك
شروق:اوك
راح هيثم و شروق قعدوا علي ترابيزة بعيده شويه عن رضوى و لؤي ....
( روايات بسوم )
هيثم:انتى بقي انتيمة رضوى .. مش كده ؟
شروق:اها من زمان اووى احنا اصحاب من اعدادى
هيثم:اها ما هى بتحكى للؤي عنك كتير و هو سعات كان بيجي يحكيلى
شروق:اها .. و قالت ايه بقي ؟
هيثم:قالت انك ....
شروق: .....
.........................
#بسمه_ممدوح