خيانة رسمية

* الفصل الثالث عشر *

زايد طلع عند الباب و سحب شروق من ايدها ....
شروق:عامل ايه يا زايد
زايد:الحمدلله انتى ازيك يا شوشو
شروق:تمام يا حبيبي
قفلت رضوى باب الشقه ....
( روايات بسوم )
رضوى:يالا ندخل جوا
شروق و زايد:اوك
و هما داخلين .....
اسماء:مين يا زااايد .. كل ده واقف على الباب ؟
رضوى:ده انا يا ماما و معايا شروق
اسماء و هي طالعه من المطبخ بتتكلم ....
( روايات بسوم )
اسماء:بجد شروق .. يا اهلا و سهلا بيكي يا حبيبتي .. عامله ايه ؟
شروق:الحمدلله يا طنط
اسماء:ايه يا شوشو مكنتيش بتيجي ليه ؟
شروق:معلش يا طنط مشاغل .. وحشاني و الله
اسماء:انتي كمان وحشاني اوي .. ده البيت نور النهارده
شروق:ده منور بحضرتك يا طنط
اسماء:الله يخليكي يا رب .. انتي هتقعدي بقى معانا انهارده
رضوى:اها يا ماما شروق هتقعد معانا يومين كده
اسماء:بصحيح ؟ .. يا اهلا بيكي
شروق:ميرسي يا طنط
اسماء:يالا يا رضوى خدى شروق و ادخلى على اوضتك و غيروا هدومكوا كده لحد ما احضرلكوا العشاء
شروق:متتعبيش نفسك يا طنط انا مش جعانه
اسماء:لا ازاى بقى .. عيب تقولى كده .. يالا روحي مع رضوى و انا مش هتاخر عليكوا
رضوى:يالا بقى يا شوشو
شروق:اوك .. بعد اذنك يا طنط
اسماء:اذنك معاكي يا حبيبتي
مشيوا شروق و رضوى و دخلوا ع اوضه رضوى و دخلت اسماء المطبخ تحضر العشاء .....
( روايات بسوم )
رضوى و شروق غيروا هدومهم و قعدوا علي السرير ....
شروق:رضوى ممكن اطلب منك طلب ؟
رضوى:ايوة طبعا يا شروق .. اطلبي براحتك انتى لسه هتستاذني تطلبي ولا لا
شروق:ممم بصي عوزاكى تطفي النور مش بقدر اقعد في النور .. عارفه انك بتحبي النور بس انا حاسه بخنقه
رضوى:بس كده عنيا .. قامت رضوى و طفت النور و رجعت قعدت ع السرير جنب شروق
شروق:شكرا يا رضوى
رضوى:مفيش بنا شكر .. بس انتي ليه مش بتحبي النور انتى مكنتيش كده .. ايه اللى حصل !
شروق:الاحلام في الظلمه احسن
رضوى:يعني ايه ؟ مش فاهمه !
شروق:يعني اما بفتكر حاجه و النور مطفى بحس كاني فيها .. لكن و النور والع و انا بفتكر بحس ان في حاجه غريبه كأنه كابوس و بيبقى حلم مع حقيقه داخل على بعضه .. بحس بخوف و بتعب اووى
رضوى:هي دي الكوابيس اللى بتقولى عليها ؟
شروق:لا التانيه كوابيس و انا نايمه .. بحلم بحبيبه على طول
رضوى:حبيبه مين ؟
شروق:امي يا رضوى
قامت رضوى قعدت و عدلت نفسها و بصت لشروق نظرة طويله اوي و بعد كده اتكلمت ......
( روايات بسوم )
رضوى:امك ! انت فكرررتيني .. مش امك في المستشفى بسبب الحرامي اللى شوهها دة و سرقها .. ازاى انتى بتكلميها في الموبايل بقى و دايما مدخلاها في الحورات و الكلام .. مع انك اصلا متبريه منها و عمرك ما هتكلميها تاني ولا هتعرفيها اصلا تاني .. ع حسب كلامك
شروق:بصي يا رضوى انا بعمل لها وجود عشان هيثم ميقولش انى عايشه لوحدي و مليش اهل و عشان مينفعش اكون وحيده سعتها هيثم هيبعد عني .. انا عايشه لوحدى يا رضوى انتي عارفه يعني ايه ؟ لازم اعمل ان ليا كبير قدام هيثم و اتكلم عنها
رضوى:طب انتي كنتي بتكلميها ازاى في الموبايل انهارده ؟
شروق:كنت بمثل اني بكلمها لكن انا كنت بتكلم كده على الهوا
رضوى:ازااى ! انا شوفتك بتتصلى
شروق:ايوة اتصلت بس هي مردتش و عملت نفسي اني بكلمها
رضوى:اتصلتي بس هي مردتش .. طب ازااى ؟ مش قولتى انك عمرك ما هتكلميها اتصلتي بيها ازاى !!
شروق:ها .. اها يا بنتي اصلى ده رقمها القديم فعطاني غير متاح بس انا عملت كأنه رن و انها ردت و اتكلمت عادي بس طبعا بكلم نفسي
رضوى:مممممم .. طب انتي هتفضلى تتهربي من هيثم كده لحد امتى بالنسبا للخطوبه.. و اصلا امك دى مش موجوده
شروق:مش عارفه الله اعلم .. بس اكيد هيجي يوم و بابا يرجع من السفر و اقوله و ساعتها اخلى هيثم يجيله هو و يتكلم معاه
رضوى:مممممم ربنا يحلها
شروق:يارب
اسماء من برا:يالا يا بنات العشا جاهز .. يا رضوى
رضوى:حاضر يا ماما جاين اهو .. يالا يا شروق
شروق:ماشي
طلعوا شروق و رضوى اتعشوا مع زايد و اسماء و خلصوا و رجعوا تاني اوضه رضوى و ناموا جنب بعض بس مفيش واحده فيهم اتكلمت مع التانيه باى حاجه ... غمضت شروق عنيها و هي لسه في بداية النوم .. و كالعاده ....
( روايات بسوم )
.............................فلاش باك...........................
شروق:الو
اسلام:ازيك يا شروق
شروق:الحمدلله يا بابا
اسلام:معلش انشغلت عنك الفتره اللي فاتت
شروق:اها عارفه يا بابا معزور لازم تنشغل مش خلاص اتجوزت
اسلام:سامحيني بس انا لازم اعيش حياتي مش هفضل عايش تحت امر امك و بعد كل اللى حصل افضل عايش عشانها
شروق:محدش قال تعيش عشانها يا بابا .. بس انا ! ده انا اللى عرفتك كل حاجه و انا اللى فوقتك عشان مقبلتش انك يضحك عليك .. متسبنيش يا بابا
اسلام:انا كنت هاخدك بس امك عملت شوشرة و انا مش عايز مشاكل .. فسيبتك و اتنزلت عن القضيه عشان اكبر دماغي
شروق بعياط:كده يا بابا .. هتسبني ليها بعد كل ده
اسلام:غصب عني يا بنتي و الله انا عايزك بس اعمل ايه انا كمان مسافر انهارده عشان عندي شغل مهم و احتمال اطول هناك اكتر من سنه
شروق:و انا هقعد كل ده من غيرك يا بابا
اسلام:انا اسف يا شروق بس غصب عني انا دلوقتي متجوز و مراتي حامل و هتخلف و لو اخدتك هتتعذبي .. امك ارحم من مرات ابوكي انا خايف عليكي تتبهدلى مهما حصل الام اهون كتير من مرات الاب
شروق باستسلام:خلاص يا بابا اللى تشوفه .. ترجع بالسلامه
اسلام:خلى بالك على نفسك .. هتوحشيني اوي يا بنتي
شروق:و انت كمان يا بابا
اسلام:لو مرجعتش سامحيني .. مفيش حاجه في ايدي .. امك هى اللى جنت علينا كلنا
شروق:عارفه يا بابا .. و انا بحبك انت مش بحبها هي .. و هستناك ترجع بالسلامه ان شاء الله
اسلام:يارب يا حبيبتي .. عايزك تنزليلي تحت عند البيت عشان اديكي فلوس .. بس اوعي امك تعرف عنها حاجه
شروق:مش مهم يا بابا .. عايشه مش محتاجه فلوس
اسلام:اخلصى يا شروق و انزلى عشان مزعلش منك .. بس خلى بالك لتاني مرة بقولك اوعي امك تعرف عن الفلوس دي حاجه .. الفلوس دي بتاعتك انتى .. امك ياما عذبتك و عيشتك في فقر و هي معاها اللفاااات .. فاااهمه ؟
شروق:فاهمه يا بابا و عارفه .. متقلقش مش هاعرفها
اسلام:طيب يالا انزليلي عشان تخدي الفلوس و اودعك قبل ما امشي
شروق:حاضر يا بابا نازله اهو .. سلام
اسلام:سلام يا حبيبتي
قفلت شروق و فضلت تعيط و نزلت ل اسلام ......
( روايات بسوم )
..............................................................
شروق بتتقلب على السرير و هي بتعيط ...
رضوى بصوت واطي:شروق يا شروق
شروق فاقت:نعم يا رضوى
رضوى:بتعيطي ليه مالك ؟
شروق:مفيش حاجه
رضوى:بجد مالك !!
شروق:مفيش يا رضوى و الله
رضوى حست انها مش عايزة تتكلم و انها كده بتتقل عليها و بتضايقها ....
( روايات بسوم )
رضوى:اوك يا حبيبتي .. نامي بقى
شروق:حاضر
سكتوا هما الاتنين و شروق لفت و شها و غمضت عنيها و نامت و شويه و .....
.........................
#بسمه_ممدوح