خيانة رسمية

* الفصل السابع عشر *

شروق:يعني انا صح اني عملت كده ؟
اسلام:طبعاا .. قومي يا شرووق معايا
شروق:هنروح فين ؟
اسلام:هروح اوديكي عند امي و انا هروح عند حبيبه
شروق:هتعمل ايه يا بابا ؟؟
اسلام:قوومي بس و هقولك
شروق:حاضر
قامت شروق مع اسلام و مشيوا .....
( روايات بسوم )
............................................................
--:و روحتوا فين لما مشيتوا ؟
شروق:بابا اخدنى ودانى عند تيتا مامته و بعد كده راح هو عند حبيبه و اخد موبايلى معاه
--: هاا و بعدين ايه اللى حصل هناك ؟ .. متعرفيش ؟
شروق:لا اعرف طبعا .. بابا لما جه بليل عند تيتا حكالي على كل حاجه
--:طب حكالك ايه قولى ؟
شروق:قالى انه اول ما دخل من الشقه ضرب حبيبه و زعقلها و سمعها التسجيل كله و بعد كده راح مضاها على تنازل بكل حقوقها الماديه بعد الطلاق .. عشان طبعا هي اخدت كل فلوسه و صرفتها ع مصطفى
--:ايوة ايوة و بعديين ؟؟
شروق:بعد ما مضاها على التنازل رمى عليها يمين الطلاق و قالها بنتك مش هتشوفيها تاني و نزل من البيت و سابها
--:طب و حصل ايه بعد كده ؟؟
شروق:بابا خلص كل اجرائات الطلاق و بعت لها ورقتها و كان هيكرشها من البيت .. بس هى رفعت قضيه عشان تاخدنى بالعافيه .. و طبعا بابا عشان خايف عليا من البهدله و مش عايز شوشره اتنازل لها عنى بس عملها محضر عدم تعدى عليا بأى طريقه مهما كانت و سابنى ليها و سابلها الشقه عشانى
--: ثوانى معلش .. هو كده يبقى خايف عليكى من البهدله ؟ ده ازااى بقى !!
شروق:ده ع حسب كلامه هو قال كده بس هو اكيد عمل كده عشان يتجوز و يبقى مش شايل مسؤليتي
--:اها هو ده الكلام المعقول
شروق:ايوة .. بس مهما حصل اى حاجه بابا عملها كانت رد فعل مش فعل هو كان مخلص و مش خاين و بيسافر و بيتعب عشانى و عشانها بس حبيبه معندهاش وفاء و مقدرتش النعمه اللى في اديها و هي اللي ضيعت كل حاجه
--:اها عندك حق .. طيب انتي مقولتليش بعد ما حبيبه اخدتك تانى ايه اللى حصل ؟
شروق:هو كل اللي قولتلك عليه ده كان في شهور مش في ايام لحد ما كملت ال 16 سنه و حبيبه اخدتنى بعد ما تمتهم بشهرين
--:و بعدين ؟
شروق:مكناش بنتعامل مع بعض الا قليل جدا و مكنتش بتقدر تعملى اى حاجه خوف من اللي ممكن يحصلها لان في محضر عدم تعدى .. و كانت كل شهر بتاخد النفقه بس بكون انا عارفه هي واخده ايه بالظبط يعني مكنتش تقدر تتصرف فيها خارج اطار مصاريفي
--:باباكى كان مسافر بردو ولا لا ؟؟
شروق:لا طول ما انا كنت معاه مسافرش لكن بعد ما رجعت لحبيبه سافر 4 شهور و رجع قعد كتيررر اووى عند تيتا و مسافرش .. و ع فكرة تيتا كانت ساكنه في البيت اللي قصادنا ع طوول
--:تمام .. كملى
شروق:المهم بعد ما كملت 17 سنه عرفنا ان بابا اتجوز زي ما قولتلك قبل كده و طبعا طووول الفترة دي مصطفى بيجي لحبيبه بردو
--:ازااى !! و مكنتيش بتتكلمى ؟
شروق:لا بطلت اتكلم بقى لاني قولت خلاص الكلام ملهوش لازمه مش هيقدم و لا هيأخر و سكت و بقيت عايشه مع نفسي .. لحد ما بابا سافر هو و مراته و سبني خااالص .. و بعدها حصلت الحادثه و اللي مصطفى عمله في حبيبه و من بعدها و بقيت عايشه لوحدى
--:هو مصطفى هو اللى عمل كده !؟ هو اللي شوه حبيبه و سرقها ؟؟
شروق:ايوة هو فعلا
--:طب و حصل معاه ايه ؟ .. القانون اتصرف معاه ازاى ؟
شروق:اخد 15 سنه مع الشغل
--:ممممم .. كملى
شروق:بس كده
--:بس في حجات لسه محكيتهاليش
شروق:اللي هي ايه ؟
--:يعني مصطفى عمل كده في حبيبه ليه ؟ و حصل ايه مع هيثم و عرف الحقيقه ولا لا .. و لسه حجات كتيررررر
شروق:اها ما انا لسه هكمل
--:اوووك .. كملى
شروق:....
( روايات بسوم )
............................................................
رضوى داخله من بابا الاوضه و شايله صنيه الاكل .....
رضوى:شوشو .. يا شروووق
شروق:اييه ايييه فزعتييني
رضوى:الصنيه هتقع مني قووومي ساعديني
شروق:طااايب حااضر .. قامت شروق لحقت الصنيه من رضوى و حطتها ع المكتب
شروق:حد يعمل الغباء ده
رضوى:ههههههههه ع ايه يا بنتى غباء ايييه ؟
شروق:الصوات و الهبل بتاعك ده فجعتيني
رضوى:هههههههههههه متقلقيش مش هتقطعى الخلف من اول فاجعه و انشاءالله انتى و هيثم هتجيبوا دسته عيال
شروق ملامحها اتغيرت اووى ....
( روايات بسوم )
شروق:هيثم .. هههه اها يارب
رضوى:مالك اضايقتي كده ليه !
شروق:لا مضايقتش ولا حاجه .. بس ادعيلنا بقى نتجوز الاول بعد كده نجيب الدسته دى
رضوى:هههههههههه متقلقيش يا ستي هتتجوزوا انشاءالله هي هانت و باذن الله عمو اسلام يرجع من السفر و نفرح بقى
شروق:يارب .. ها بقى مش هناكل ولا ايه انا جعانه
رضوى:يالهووووووى شروووق بنفسها بتقول جعانه اييه المعجزززه دى !!
شروق:ههههه شوفتي بقى التغيرات .. يالا بقى ناكل
رضوى:اشطا يالا بينا
قعدوا اكلوا و بعدين ذاكروا شويه و بعد كده طلعوا ع السرير و كل واحده مسكت موبايلها و فجأه موبايل شروق رن ....
( روايات بسوم )
اتنفضت شروق و ملامحها كلها اتغيرت و كنسلت و ما بقتش عارفه تتملك اعصابها .. لاحظت رضوى ان في حاجه مش طبيعيه حصلت ....
( روايات بسوم )
رضوى:في ايه ؟ مالك ؟
شروق بلجلجه:مالى ازاى ؟
رضوى:معرفش اول ما موبايلك رن حسيت انك خوفتي كده او اتفجعتي يعني
شروق و بتحاول تتكلم عادي:ايه ده .. هخاف من ايه يعني ولا هتفجع ليه اصلا !
رضوى:معرفش و الله
شروق:طيب
رضوى:انتى رجعتى تكلمى شباب تاني ؟
شروق:اييه اللى انتى بتقوليه ده !
رضوى:انا بسألك بس اصل باين انك متغيره كده و في حجات غريبه بتحصل يعني
شروق:حجات اييه ؟؟
رضوى:يعني اللي حصل دلوقتي مثلا
شروق نزلت وقفت علي الارض و بصت بعيد عن رضوى ....
( روايات بسوم )
شروق:انتي بتشكى فيا بردو .. شايفه تصرفاتك ؟؟؟ شكرا ع اللي انتي بتعمليه معايا ده .. بس ع فكرة اللى رن عليا كانت حبيبه و انتى عارفه اني مش عايزة ارد عليها ولا عايزة اكلمها .. و انا اسفه يا ستى انى قعدت عندك .. خلصت شروق كلامها و راحت اخدت هدومها من الدولاب
رضوى:انتي هتعملى ايه ؟
شروق:همشي
رضوى:لالا طبعا تنزلى ازاى في الوقت ده .. شروق و الله انا مقصدش اى حاجه .. انا اسفه انا بس سألت عشان خايفه عليكي
شروق:مش مهم يا رضوى مش هتفرق .. سبيني انزل عشان مخنوقه
رضوى:حقك عليا و الله عشان خاطرى خلاص سيبي الهدوم بقى و اعتبريني مقولتش حاجه
شروق:مش قادرة اقعد
رضوى:طب معلش استنى و انزلى الصبح
شروق:حرام عليكى بقى
رضوى:شروق حبيبتى انا اتأسفتلك بقى ميبقاش قلبك اسود
شروق:ماشي يا رضوى
رضوى:خلاص بقى يا شوشو
شروق:اوك حصل خير
رضوى:تعالى نقعد بقى
شروق:حاضر
سابت شروق الهدوم و طلعوا قعدوا ع السرير و فضلوا الاتنين ساكتين .. و فجأه شروق اتكلمت .....
( روايات بسوم )
شروق:انا عايزة اروح الحمام
رضوى:روحي يا بنتى انتى هتستأذني
شروق:اوك
قامت شروق دخلت الحمام و قفلت الباب و طلعت الموبايل و اتصلت بالرقم اللى اتصل بيها .. و اول ما رد بدات تتكلم بالهمس .....
( روايات بسوم )
شروق:انت غبي
،،:في ايه .. بقى هي دي ازيك ولا وحشتني ؟
شروق:ازيك ايه و وحشتني ايه ؟ انت مش عارف اني عند رضوى
،،:طب و فيها ايه ؟
شروق:هو ايه اللي فيها ايه .. انت عايزها تروح تقول انى بكلم حد ع هيثم و توديني في داهيه !
،،:و هي هتعرف منين بقى ؟؟
شروق:لا هي عرفت و لاحظت و قالتلى انتي بتكلمى شاب
،،:احيييه و قولتيلها ايه ؟
شروق:عملت نفسي زعلت و كنت همشي و قولتلها ان اللى اتصلت بيا كانت حبيبه
،،:مممممم تفتكرى صدقت ؟
شروق:الله اعلم .. المهم اقفل دلوقتي و انا اما اروح البيت هبقى اكلمك براحتى لكن دلوقتي ماينفعش
،،:خلاص ماشي
شروق:يالا سلام
،،:استنى
شروق:نعم ؟؟
،،:خلى بالك من نفسك
شروق:حاضر متقلقش
،،:سلام يا قلبي
شروق:سلام
قفلت شروق و طلعت و راحت علي الاوضه ، و اول ما دخلت .....
.........................
#بسمه_ممدوح