خيانة رسمية

* الفصل الثالث و العشرون *

،،:في ايه يا بنتى ! ما تتكلمى
شروق:حبيبه ماتت
،،:ايييه امك ماتت ؟؟
شروق:ايييه مالك !! .. ايوة ماتت اهى ربنا ريحنى منها
،،:حرام عليكي يا شروق ماتقوليش كده علي حد ميت عشان ماتشليش ذنوب
شروق:و انت زعلان عليها كده ليه بقى
،،:والله انا زعلان عليكي انتي بس .. انتى اللي عبيطه و مش فاهمه اي حاجه
شروق:زعلان عليا ازاى يعني !
،،:انا كان قصدي يعني لما تشتمى على حد ميت بتخدى من ذنوبه و انا خايف عليكي عشان بحبك مش اكتر
شروق:اهاااا .. بس انا فرحانه انها ماتت
،،:و انا كمان فرحان عشان انتى ارتحتى و همك اتشال
شروق:انت بتحبني للدرجادى ؟؟
،،:اها و الله العظيم انا بحبك اووى
شروق:ساعات بحس ان ربنا بيعوضنى و سعات بحس اني في دوامه و ان ربنا بيعاقبني
،،:ليه بتقولى كده
شروق:مش عارفه .. بس بعد العذاء هقعد لوحدي و هعدل حياتي خالص و هغيرها
،،:هتقولى لهيثم انك مش بتحبيه و بتحبيني صح ؟؟
شروق:لا
،،:امال هتعملى ايه ؟!
شروق:سيبها بظروفها .. وقتها يبقى يحلها حلال
،،:يعني انتى لسه ماحددتيش هتعملى ايه ؟
شروق:لا لسه .. بس هحدد ماتقلقش
،،:ماشي يا شروق .. يارب تعدي علي خير
شروق:بأذن الله هتعدي
،،:ان شاء الله .. المهم دلوقتي انا هلبس و هجيلك عشان اساعدك في اجرائات الدفن و الكلام ده
شروق:لا طبعااا اووعي تيجي
،،:يا ستي لو حد من الجيران سأل قولى واحد من زمايلى في الجامعه او اي حاجه يعني .. بس ماينفعش اسيبك لوحدك
شروق:يا ابني ما ينفعش بقى سيبني براحتي حرام عليك .. الصبح ابقى تعالى
،،:اشمعنا الصبح !
شروق:لاني الصبح هكلم رضوى و هكلم هيثم و هقولهم و ساعتها اى حد بقى يجي عادي .. هيثم او رضوى او صحابنا في الجامعه ساعتها مش هتفرق لكن دلوقتى لا .. الجيران هيفهموا طبعا و انا مش عايزة حد بقى يقولى كلمه كده ولا كده
،،:خلاص يا شروق اللي تشوفيه
شروق:ماتزعلش بس انا مش عايزة مشاكل و كلام
،،:خلاص مش زعلان .. انتى عندك حق
شروق:اوك .. انا هكلمهم الصبح بعد ما حبيبه تتغسل عشان لو عايزين يروحوا معايا المدافن
،،:خلاص ماشي و ابقى كلميني انا كمان عشان اجي معاكي .. ماينفعش اسيبك لوحدك
شروق:حاضر ماتقلقش
،،:اوك يا حبيبي .. عايزة حاجه منى دلوقتي ؟
شروق:لا شكرا عايزة سلامتك
،،:الله يسلمك يا حبيبى .. خلى بالك من نفسك
شروق:ان شاء الله .. يالا سلام
،،:سلام
قفلت شروق السكه و قعدت على السرير و ربعت رجليها و حطت اديها على خدها .. و خمس دقايق و لقت سمر داخله الاوضه و بتكلمها .....
( روايات بسوم )
سمر:مالك قاعده كده ليه .. ماتعمليش في نفسك كده بس .. شيدي حيلك يا حبيبتي
بصت لها شروق و ماتكلمتش خالص ....
سمر:اتكلمى السكوت مش بيفيد .. هتحطي في نفسك كده هتتعبي .. اتكلمى معايا
شروق:كنتى فين كل ده .. كل ده في الحمام !!
سمر:لا ما انا روحت شقتى اجبلك حاجه تاكليها
و قعدت قدامها و حطت طبق السندويتشات .....
( روايات بسوم )
شروق:علي فكرة انا مش عايزة اكل و ماطلبتش اكل
سمر:لا ازاى بقى .. لازم تاكلى يا حبيبتي غلط كده
شروق بعصبيه:انا مش عااايزة مش عايزة .. هو بالعافيه
سمر:مالك متعصبه كده ليه .. انا و الله ما قصدي حاجه .. كنت عايزاكي تاكلى بس عشان صعبانه عليا
شروق:شكرا شكرراااا .. كتر خيرك .. ممكن تسبيني لوحدى بقى و تروحي شقتك عشان انا مخنوقه
سمر:حاضر حاضر
و جريت من قدام شروق و راحت علي شقتها .....
وقفت شروق ساكته شويه و بعدين طلعت هدوم الخروج و لبست و اول ما خلصت لبس و هي بتاخد الشنطه و الموبايل و بتلبس الشوز .. بتكلم نفسها .....
( روايات بسوم )
شروق:ايه اللي انا عملته ده .. عيب اوووى كده و الله انا قليت ادبي اوى عليها .. دي ست كبيره مهما كان و ما عملتش حاجه وحشه معايا ولا زعلتني عشان اعمل معاها كده .. لالا انا لازم اصالحها عشان حرام
طلعت شروق من باب الشقه و قفلت الباب و لسه هتخبط على سمر لقت الباب اتفتح .....
( روايات بسوم )
شروق:هههههه هو حضرتك عارفه اني هخبط ولا ايه !
سمر:لا ده انا حسيت بيكي طالعه قولت اطلع اشوفك الا تكونى محتاجه حاجه .. بس انتي شكلك نازله
شروق:اها انا نازله دلوقتي عشان عندي كورس
سمر:ربنا يوفقك يا حبيبتي
شروق:يارب يا طنط .. بس كنت هخبط عليكى علي فكرة ، عشان اصالحك قبل ما انزل
سمر:ليه تصالحيني .. في ايه يا حبيبتي ؟؟
شروق:و الله حضرتك طيبه اوووي يا طنط .. انا زعقت فيكي جامد جوا لما كنتى جيبالى الاكل .. بس و الله انا ماكنتش اقصد ولا حتى كنت حاسه انا بقول ايه
سمر:يا حبيبتي حاسه بيكي .. ربنا يصبرك يارب
شروق:ربنا يخليكي يا طنط .. المهم تكوني مش زعلانه منى انا اسفه
سمر:ماقدرش ازعل منك ده انتى بنتي
ابتسمت سمر و طبطبت عليها و باستها .....
( روايات بسوم )
شروق:حضرتك حبيبتي يا طنط و في مقام ماما بالظبط
سمر:تسلمى يا حبيبتي .. بس ليه لابسه اسود كده .. ده انتي لسه صغيره و الحزن في القلب مش في اللبس
شروق:لا يا طنط في القلب و في اللبس بردو
سمر:اهااااا يا شروق .. شدي حيلك يا بنتى
شروق:الشده على الله .. هنزل بقى يا طنط عشان متأخرش .. يالا سلام
سمر:مع السلامه يا حبيبتي
نزلت شروق و دخلت سمر و قفلت باب شقتها و طلعت وقفت في البلكونه كالعاده ....
مشيت شروق و راحت قعدت في الكافيه اللي دايما بتروحه مع هيثم و لوحدها و لما كمان بيكون معاهم لؤي و رضوى ....
قعدت و طلبت قهوة .. و فضلت سرحانه مع نفسها .....
( روايات بسوم )
.............................فلاش باك...........................
شروق عندها 18 سنه .....
قاعده عند عمها محمود في البيت .. تحديدا في اوضه جدتها و قافله على نفسها الباب .. و بتتكلم في الموبايل ....
استمرت المكالمه بين شروق و الشخص اللي بتكلمه اكتر من نص ساعه و اول ما خلصوا كلام و شروق قفلت السكه .. باب الاوضه اتفتح ......
( روايات بسوم )
شروق بصدمه:محمود
محمود:من دلوقتي مافيش حاجه اسمها محمود كده .. انا عمك و تقوليلي يا عمى
شروق:ايه يا محمود ليه بتقول كده ؟؟!!
محمود:لما بنت اخويا ماتحترمنيش في غيابي قبل وجودي يبقى ماتستاهلش انى ابقى ليها اخ ولا يبقى مافيش تكليف بينا و لا يبقى في هزار بينا اصلا من اى نوع
شروق:و مين قال انى مش بحترمك يا محمود
محمود:اللى سمعته
شروق بخوف:مش فاهمه .. سمعت ايه ؟؟!
محمود:انا سمعت المكالمه كلها
شروق:....
.........................
#بسمه_ممدوح