خيانة رسمية

* الفصل الثامن *

هيثم:يالا بقى الا حد يعدى يخبط فينا ولا حاجه
شروق:ماشي امرى لله بس انت المسؤل
هيثم:ماشي يا ستى .. امسكى فيا كويس بس
شروق:حاضر
مسكت شروق في هيثم و مشيوا خطوتين ، فجأه اتخبطت شروق و صوتت و فجأه نور الوان مختلفه جميل اوي بدأ ينور و بلالين كتير بتتحدف عليهم و ناس كتير بتسقف و لقيت نفسها اتخبطت في ترابيزة محطوته في نص الكافيه عليها تورته كبيره عليها صورتها و الجو غريب و جميل في نفس الوقت ....
( روايات بسوم )
بصت شروق حواليها مش مستوعبه ايه ده ...
رضوى و لؤي ؟ يارا مامت هيثم ؟ كل اصحابنا في الجامعه ؟! حتى زايد اخو رضوى ؟ ايه كل الناس دووول !!
هيثم:شوشو
شروق:اييه
هيثم:ايه انتي ؟
شروق:مش عارفه .. اييه ده !
هيثم:كل سنه و انتى طيبه يا حبيبتى .. انهارده احلى يوم في حياتي اليوم اللى ملاكي حبيبتي حياتي قلبي عقلي كل حاجه ليا جت فيه الدنيا
شروق:ايه ده ! .. انا كنت ناااسيه
هيثم:بس انا ما اقدرش انسي
شروق:ربنا يخليك ليا يا هيثومه
هيثم:و يخليكي ليا يا قلبي .. كله قال لشروق كل سنه و هي طيبه و مامت هيثم كمان و بستها و طفوا الشمع و بعدها اشتغلت اغاني جميله .. و هما واقفين طلع هيثم علبه من جيبه و فتحها قدام شروق
شروق:ايه ده ؟
هيثم:زي ما انتى شايفه .. دبلتين و توينز
شروق:مش فاهم
هيثم:يعني تقبلى تكوني خطيبتي و حبيبتى و تبقى ليا انا و بس و تبقي حلالى
شروق:ازاي !
هيثم:هنلبس الدبل دلوقتي من باب الفرحه و بعد كده انا و انتى و رضوى و هيثم و ماما هنطلع على مامتك و نطلبك منها و نحدد ميعاد الخطوبه و نعمل فرح جميل اوووى كل الناس تتحاكى بيه
شروق اتنفضت و ملامح و شها اتغيرت تماما و هي بتسمع الكلام ده ....
( روايات بسوم )
شروق:لا مش هينفع
فجأه الكل سكت و الناس بدأت تستغرب و هيثم اضايق و صوته و ملامحه اتغيره ....
هيثم:هو في ايه ؟
شروق بلجلجه:ماما مش هترضي اتخطب و انا لسه بدرس و كمان هى تعبانه و انت عارف و مش هنعرف نروح لها فجأه و نكلمها فجأه كده
هيثم:يعنى اى يعنى مش فاهم انا !
شروق:يعنى سيب الموضوع للوقت احنا بنحب بعض و هنكون لبعض اكيد بس استنى ادينى مهله ارتب في الموضوع و امهله لماما و اشوف هجيبه لها ازاى و بعد كده نروح لها
هيثم:هى كده يا شروق ؟
شروق:حبيبي متزعلش مش قصدى حاجه
هيثم بعصبيه:مش متزفت
قال الجمله دي ، و رمى العلبه علي الارض و مشي و بدأت الناس تمشي واحدة واحدة و ما اتبقاش في المكان غير شروق و واقف قدامها رضوى و لؤى و يارا ام هيثم ....
( روايات بسوم )
لؤي:هههههههه ايه اللي انتي عملتيه مع هيثم ده يا بطتي
رضوى بنرفزة:بطتك و بتهزر ! انت مشفتش عملت ايه مع اخوك ؟
لؤي:شوفت بضحك عشان مستغرب بس
رضوى:طب اسكت
لؤي:ماشي
شروق بصت للؤي اوى و بعدها اتكلمت ....
( روايات بسوم )
شروق:انا ماشيه يا جماعه
يارا:استني يا بنتى
شروق:نعم يا طنط ؟
يارا:هو ابني مش عاجبك في حاجه يا حبيبتي ؟
شروق:لا طبعا يا طنط بالعكس دول اولادك اى حد يتمناهم
يارا:طب انتي رفضتى ليه ؟ مش المفروض انكم بتحبوا بعض ؟
شروق:اها اكيد يا طنط بس انا بقول يديني وقت مش اكتر علشان ماما
يارا:لو ع ماما ما احنا هنكلمها
شروق:لالا يا طنط بلاش ماما صعبه شويه سبوني انا اكلمها
يارا بحزن:لا حول ولا قوة الا بالله .. اللى تشوفيه يا بنتى
رضوى:ع فكرة يا شروق عيب اوى اللى حصل انتى احرجتيه قدام الناس و صدام اصحابنا كلهم .. كان ممكن تمشي الامور عادي و بعدين تتناقشوا
شروق:مش عارفه بقى مفكرتش كده
رضوى:هتفضلى لحد امتى تقولى مش عارفه
شروق:مش عارفه بردو
لؤي:ههههههههه اهدوا يا جماعه
رضوى:بتضحك ع ايه انت .. وانت شايف اللى حصل
لؤي:بضحك عليكوا عشان بتتخنقوا و الكلام مش هيرجع اللى فات
رضوى:لا احنا مش بنتخانق انا بس مضايقه من تصرفات شروق
شروق:مكنش قصدي بقى .. انا ماشيه
رضوى:استنى هنا .. يا شروق
يارا:يا شروق يا بنتى
شروق كانت خلاص نزلت من الكافيه بسرعه و ماردتش علي اى حد .....
( روايات بسوم )
يارا:روح و راها يا لؤي و عقلها و حاول تصالحهم علي بعض
لؤي بصلها:و انا مالى
رضوى:اها يا طنط مش لازم يروح
يارا:ازاى يا رضوى بس .. روح يا حبيبي اجرى و صالحهم على بعضيهم و عقل شروق و اعرف مالها
لؤي:حاضر يا ماما .. بعد اذنكم
نزل لؤي بسرعه و لحق شروق .....
( روايات بسوم )
رضوى:ليه يا ماما خلتيه يروح
يارا:عشان اخوه يا حبيبتى .. ده بيحبها اوى يا بنتى و قلبه اتكسر من تصرفها ده
رضوى:فعلا .. شروق دى غبيه
يارا:هى خايفه بس الموقف مكنش حلو
رضوى:اهو اللى حصل يارب بس تعدي .. يالا بينا يا ماما
يارا:لا تعالى نقعد شويه نشرب اى حاجه انا مخنوقه
رضوى:اوك .. شالت يارا العلبه من الارض و اقعدوا
عند شروق و لؤي ....
( روايات بسوم )
لؤي:ليه عملتى كده يا بنتى
شروق:ما هو مكنش ينفع
لؤي:ليه ؟
شروق:الله .. خايفه خايفه
لؤي:طب اهدي بس و تعالى نروحله
شروق:لا سيبوا يهدى و بكرا يحلها ربنا .. انا دلوقتي عايزة اروح
لؤي:طيب تعالى اوصلك
شروق:اوك .. ركبت شروق مع لؤي و وصلها لحد البيت و سلم عليها و طلعت البيت .. دخلت و غيرت هدومها و قعدت شويها و بعدها لقت موبايلها بيرن .....
( روايات بسوم )
شروق:الو
،،:ايه يا قلبي
شروق:.....
..........................
#بسمه_ممدوح