خيانة رسمية

* الفصل الخامس *

اخدها هيثم و نزلوا .. و في الطريق ....
هيثم:انا نفسي اشوف مامتك
شروق بخضه:ليييه
هيثم:ايه مالك !
شروق:ها مليش بس عايز تشوفها ليه
هيثم:عادى نفسي اشوفها زى ما انتى شوفتى ماما بردو
شروق:لالا بلاش خليها مرة تانيه
هيثم:مممم مش هطلع غصب عنك يعني .. بس ليه ميكونش انهارده
شروق:كده .. مش عايزة تعرف حاجه دلوقتي
هيثم بعد سكوت:مممممم اللى يريحك
( روايات بسوم )
......................................................
--:انتى عملتى العمليه .. ولا خفيتى لوحدك
شروق:عملتها
--:طب حصل ايه احكي
شروق:اليوم ده انا فضلت في المستشفى ل 12 بليل و كنت خايفه و بعيط لحد ما لقيت حبيبه بعتالى واحد جارنا ياخودنى و يروحنى
--:ليه بتقولى حبيبه مش ماما !
شروق:متستاهلهاش
--:ممممم طب كملى
شروق:قعدت اسبوعين في البيت متجبسه لحد ما بابا جه و عرف
--:عمل ايه اما عرف
شروق:زعق لحبيبه جامد و كانوا هيطلقوا بسببي و اخدنى المستشفى و عملى العمليه و قعدت خمس شهور لحد ما قدرت امشي كويس
--:مممممم تمام .. ممكن اعرف بقى ليه مردتيش تاخدى هيثم لماما
شروق:هتعرفى
( روايات بسوم
............................................................
شروق:هنا اهو البيت
هيثم:حمدالله ع سلامتك
شروق:الله يسلمك .. معلش تعبتك معايا
هيثم:عيب تقولى كده .. انتى حبيبتى يعني تعبك ليا راحه
شروق:ربنا يخليك ليا يارب
هيثم:و يخليكي ليا يا حبيبتى
شروق:يالا بااى
هيثم:بااى
نزلت شروق و طلعت شقتها و اول ما دخلت كان النور كله مطفى فضلت واقفه في الظلام شويه و بعدين ولعت نور سهاره خفيف و بصت على يمينها و فتحت اوضه حبيبه و دخلت قعدت فيها .. شالت اللحاف من ع السرير و نامت و فضلت مفتحه عينها و باصه للسقف لحد ما راحت في دنيا تانيه ....
( روايات بسوم )
.............................. فلاش باك .........................
شروق عندها 18 سنه ....
راجعه من درس الساعه 9 بليل اول ما وصلت قدام البيت وقفت و متحركتش ...
كانت في لمه كبيره اووى قدام البيت .. راحت و طلعت شقتها لقت الباب مفتوح و في ناس كتير اوى بيرفعوا بصمات و بيفتشوا الشقه و حبيبه مكنتش جوا .. بدأت تسال و تستفسر ....
الظابط:انتى مين ؟
شروق:انا صاحبه البيت و عايزة افهم في ايه و فين امي !
الظابط:هي المجنى عليها كانت امك
شروق:مجنى عليها ؟! .. ايه اللي حصل ماما مالها !
الظابط:لا حول ولا قوة الا بالله
شروق:في ايه ماتت !!
الظابط:ياريت .. انا بس زعلان انها دى امك
شروق:ليه ! في ايه ؟ .. ممكن افهم ؟
الظابط:و الله كل اللى لقناه امك مشوهه نتيجه حرق بمايه نار .. و اثار عنف في الشقه و شكمجيه فاضيه و مرميه ع الارض و نار اكلت اكتر اجزاء الشقه زى ما انتى شايفه
شروق:ازاااى ! مين عمل كده ؟؟
الظابط:الظاهر انه واحد كان هنا في الشقه و من الواضح انه مش حرامى .. ده شخص داخل برضاها لان كان باين في رضا بينهم من الاول .. و البواب قال انه شاف واحد نازل بيجرى من فوق قبل ما هو يطلع و يكتشف اللى حصل و يبلغنا
شروق:يا نهااار اسووود .. طب هي فين دلوقتي !
الظابط:الاسعاف و المطافى لسه ماشين حالا و هى اكيد دلوقتى في طريقها للمستشفى
شروق:ممكن انزل اروح لها
الظابط:معلش استنى نخلص من رفع البصمات و هنطلع ع القسم و محتاجينك معانا و بعدها هنبقي نروح المستشفى ضروري
شروق:بس انا عايزة اروح دلوقتي
الظابط:معلش ياريت تنتظرى معانا شويه وجودك هيفرق كتير .. احنا محتاجين اقوالك
شروق:اوك
الظابط:بعد اذنك هرجع لحضرتك تانى
شروق:اتفضل
( روايات بسوم )
........................................................
--:هو الكلام ده بعد طلاق باباكى و مامتك
شروق:اها و بعد جواز بابا بسنه كمان
--:يعنى الطبيعي ان مش باباكى اللى كان معاها في الشقه
شروق:اكيد
--:طب و وصلتوا لمين اللى كان معاها ولا لا ؟
شروق:اكيد وصلنا و من غير ما نوصل انا كنت عارفه
--:عرفه منين !
شروق:كنت بشوفه
--:ممم طب و هي فين دلوقتي حبيبه
شروق:ماتت
--:من ساعت الحادثه ؟
شروق:لا بعدها بسنتين يعني تقريبا من 3 سنين
--:ازاى ؟
شروق:كنت ....
( روايات بسوم )
........................................................
قامت شروق منطورة من ع السرير اول ما جت عنيها على صورة حبيبه اللى على الحيطه ....
جريت نحيتها و قلبت وشها للحيط و فضلت تتأمل كل ركن في الاوضه و حطت اديها على زرار النور و هى مركزه مع السرير اوى و بعدها طفيت النور و قفلت الباب و خرجت راحت اوضتها غيرت هدومها و طفيت النور و هتنام و اول ما عنيها غمضت .....
..........................
#بسمه_ممدوح