خيانة رسمية

* الفصل التاسع *

ركبت شروق مع لؤي و وصلها لحد البيت و سلم عليها و طلعت البيت .. دخلت و غيرت هدومها و قعدت شويه و بعدها لقت موبايلها بيرن. ....
( روايات بسوم )
شروق:الو
،،:ايه يا قلبي
شروق:وحشششتني اووي كل ده عشان تتصل .. انا قولت هتتصل ع طول
،،:قولت نتكلم في السهره احلى
شروق:لا زحلانه
،،:حقك عليا يا حبيبي
شروق:تؤتؤتؤ بردو زحلانه
،،:انا اسف يا قلبي
شروق:لالالا مش تتأسف انت بالذات لا متتأسفش ابدا
،،:اشمعنا
شروق:عشان انت حبيبي و انا بحبك اووى
،،:انا بحبك اكتر اكتر اكترررررر
شروق:يا سلام .. كل ده ؟
،،:و اكتر من كل ده .. انتى عندك شك اني بحبك ؟
شروق:لا طبعا
،،:ايوة كده .. يا قلبي بقى
شروق:هييييييح بقى
،،:الا صحيح قوليلي .. ليه رفضتي هيثم انهارده ؟
شروق:انت مجنون مرفضهوش ازاى و انا بحبك انت .. ازاى احبك انت و اتخطبله هو
،،:غبيه احنا نمشي الدنيا عادي عشان ميشكش ان في حد في حياتك و بعد كده يا ستي هنخلص و هنمشي .. هو يعني مش هيتجوز الحكايه كلها دبلتين و لما نخلع حلال عليكي الدهب يا ستي
شروق:لالا ده كده يبقى نصب
،،:نصب اييه يا ام نصب دي دبله يعني مانا هبقى سايب اكتر بكتير من حتت البتاعه اللى هتبقى في ايدك
شروق:انت بتفكر في ايه ؟
،،:كل اللى بفكر فيه انك تبقى بتاعتي و بس و اني بحبك اوى و خايف عليكي من هيثم لو حس بحاجه يأذيكي عشان كده بقولك تمشي الموضوع عادي خالص
شروق:مممم عادي خالص ؟ يعني انت مش بتغير عليا !
،،:بغير طبعااا و بغير جدا كمان بس خايف عليكي عشان كده مش عايزه يحس بحاجه
شروق:ممممم طب اعمل ايه ؟ اروح اصالحه الصبح ؟
،،:اها روحى طبعا لازم تروحى و راضيه بكلمتين عشان مرحله الشك تفوت
شروق:حاضر اللى تقول عليه
،،:تمام يا حبيبتى
شروق:هروح انام يا روحي عشان هموت و انام
،،:اوك يا شوشتى تصبحي ع خير
شروق:و انت من اهل الخير .. باااي
،،:بااى
قفلت شروق و رمت الموبايل جنبها ع السرير
شروق:للدرجادي انتى زباله اووى كده .. ايوة انتي زباله هو انتى اول مرة تعرفي .. لا انا مش زباله انا طول عمرى طيبه و كويسه بس الظروف .. ظروف ايه دي اللى تخليكي تفرحى بالخيانه .. انتي كده كويسه ! كويسه من انهى اتجاه ؟ .. لالا انا مش بخونه هو اللى فرض نفسه عليا .. ما انتى بردو كنتى عيزاه و كان عاجبك .. اها بس انا مش خاينه انا عايشه طول عمرى وحيده .. دايما احاسيسي متلغبطه .. انا مظلوومه .. لو مظلومه متعمليش كده .. يوووووووة كفااايه بقى هو في ايييه مدام انا اخترت كده يبقى خلاص خلاص بقى حرام كفايه تفكير .. و حطت راسها على المخده و نامت و اول ما غفلت ....
( روايات بسوم )
.............................فلاش باك............................
شروق عندها 15 سنه و دخله من باب الشقه .. سمعت صوت في اوضه امها (حبيبه) اللى جنب باب الشقه .. وقفت شروق تسمع و مخلتش حد يحس انها واقفه ولا ان في حد في الشقه اصلا ....
حبيبه:ههههههههههههه ده راجل رخم
..:جوزك بردو
حبيبه:يوووة يا مصطفى .. ايه جوزك دي مبحبش الكلمه دى .. بكرا يرجع و نطلق و نتجوز انا و انت بقى
مصطفى:اها اها اكيد
في اللحظه دي طلعت شروق موبايلها من الشنطه و بدات تسجل كل كلمه بتتقال .....
( روايات بسوم )
حبيبه:نفسي بقى اخلص منه هو و بنته عشان اعيش انا و انت في سعاده بقى
مصطفى:اخلصي منه هو و سيبلنا بنته هنحتجلها
حبيبه:نحتجلها في ايه يعني
مصطفى:تنضيف يعني و كده عشان انتى متعمليش حاجه و ترتاحي و تبقى فاضيه
حبيبه:ممممم فكرة .. يالا هانت اهو ابوها قرب يجي كلها شهرين
مصطفى:يجي ع مهله يا قمررى
حبيبه:هههههههههه ع رايك
مصطفى:يالا قومى هاتيلنا حاجه ناكلها
حبيبه:من عنيا يا قلبي
( روايات بسوم )
اول ما سمعت شروق الجمله الاخيره جريت برا الباب بسرعه و قفلته نص قفله و عملت نفسها لسه جايه حالا و بتفتح الباب ع خطوه خروج حبيبه من الاوضه .. و اول ما خرجت حبيبه ......
.........................
#بسمه_ممدوح