خيانة رسمية

* الفصل الرابع و الثلاثون *

يارا:ماله يا دكتور ؟
الدكتور:عنده حاله اكتئاب مذمنه .. تقريبا حصلتله صدمه جامده
يارا:يعني ايه يا دكتور ؟
الدكتور:يعني هيقعد فترة كده فاقد النطق .. هكتبله على علاج تجبيه و تديهوله في مواعيده
يارا:و بعد كدة هيبقى كويس يعني ؟
الدكتور:مقدرش اقولك اها .. لان العلاج مش كفايه
يارا:طب في ايه تانى ممكن نعمله عشان يبقى كويس
الدكتور:تفضلوا معاه و ما تسيبهوش خالص و اتكلموا معاه كتير .. لازم يزهق من كلامكوا عشان هو يتكلم
يارا:و تفتكر يا دكتور ده حل كويس ؟
الدكتور:طبعا .. و بعدين حالته مؤقته مش دايما .. يعني ضرورى في يوم هيبقى كويس بس كله بيكوا طبعا
يارا:تمام يا دكتور شكرا اوى
الدكتور:الشكر لله .. ده واجبي .. بعد اذنك
يارا:اتفضل
مشي الدكتور ... و طلعت رضوى ليارا برا .....
( روايات بسوم )
رضوى:صوت الدكتور كان عالى انا سمعت كل حاجه و اكيد هيثم كمان سمع
يارا:يوووووة بقى .. زمانه مش طايق نفسه .. يا حبيبي يا ابني منه لله اللى كان السبب
رضوى بدموع:معلش يا ماما اكيد هيخف و انا و حضرتك مش هنسيبه ابدا .. و ربنا هيجب لنا كلنا حقنا
يارا:ياااارب يا بنتى .. حسبي الله و نعم الوكيل
رضوى:هاتى يا ماما الروشته
يارا:لا خليكي جنب هيثم انا شويه كده هلبس و هنزل اجيبه
رضوى:لا طبعا ازاى اسيب حضرتك تنزلى و انا موجوده .. هاتى الروشته بس
يارا:ماشي خدى .. بس خلى بالك على نفسك و ماتتأخريش
رضوى:ماتقلقيش يا ماما .. مش هتاخر
يارا:ماشي يا حبيبتي
مشيت رضوى لحد الباب و بعدين وقفت ....
( روايات بسوم )
يارا:مالك ؟
رضوى:مافيش صيدليه في التلت شوارع اللى جنب بعض دول غير صيدليه لؤي .. خصوصا انها كبيره اوى فحتى مش معروف غيرها
يارا:اممممم اها صحيح .. راحت منى فين دي
رضوى:طب و بعدين
يارا:بصي روحى هو اصلا لؤي في الوقت ده مش بيكون موجود في الصيدليه .. زمان كان بيروح البيت او بيقعد على الكافيه مع اصحابه .. يعني اكيد مش هتلاقيه
رضوى:تفتكرى ؟
يارا:اها بس انتى بردو بصي من بعيد لو لقتيه ارجعي و انا هنزل اروح اى صيدليه تانيه لكن لو ما لقيتيهوش يبقى خلاص ادخلى هاتى العلاج بسرعه و ارجعى
رضوى:خلاص ماشي يا ماما .. يالا سلام
يارا:سلام يا حبيبتى
نزلت رضوى و اول ما وصلت للصيدليه وقفت مكانها .. شافت لؤي ماسك ايد شروق و خارجين من الصيدليه .. فضلت واقفه بعيد تتفرج عليهم لحد ما ركبوا العربيه و مشيوا و دموع نازله من عنيها غصب عنها و مش حاسه بنفسها .. اول ما مشيوا مسحت دموعها و دخلت الصيدليه .....
( روايات بسوم )
رضوى:السلام عليكم
دكتور هانى:و عليكم السلام .. ازى حضرتك يا انسه رضوى ؟
رضوى:الحمدلله يا دكتور هانى .. معلش عايزه العلاج ده بسرعه عشان لازم امشي
هانى:حاضر ثوانى بس
رضوى:اتفضل ... حضر هانى العلاج و عطاهولها .....
رضوى:كام الحساب ؟
هانى:نسيب الحساب للدكتور لؤي هو اما يرجع
رضوى بفزع:لا لؤي لا .. قولى الحساب كام خليني امشي
هانى:حاضر حاضر .. حسابنا 180 جنيه
رضوى:اتفضل .. ممكن الروشته
هانى:اوك .. و بيديها الروشته و هو بيبص فيها و بعدين اتكلم .. هيثم ؟ و دوا اكتئاب ! هو مش هيثم ده يبقى اخو الدكتور لؤي بردو ؟؟
رضوى:شدت منه الروشته .. لا مش هو
هانى:اهاا .. طب هى ايه حكايه الدكتور لؤي و البنت الجديده دي .. انتوا سبتوا بعض ولا ايه ؟
رضوى:بصتله بقرف و مشيت
هانى لنفسه:غريبه اوى
راحت رضوى عند هيثم و عطت يارا العلاج و دخلت قعدت جنب هيثم و حاولت تدارى كل الزعل اللى جواها و مقالتش اى حاجه من اللي حصلت عشان نفسيه هيثم ما تسوئش اكترر .....
( روايات بسوم )
..................................................................
روح لؤي و شروق البيت و اتفقوا ان كتب كتابهم هيكون بعد فرش الشقه بيومين .. و قامت شروق تخبط على سمر عشان تقولها ... فضلت تخبط لحد ما سمر فتحت ....
سمر:ازيك يا شروق
شروق:الحمدلله يا طنط .. حضرتك عامله ايه ؟
سمر:الحمدلله تمام
شروق:عايزة اقولك خبر حلو
سمر:ها قولى
شروق:انا كتب كتابي الجمعه الجايه
سمر:بجد ؟
شروق:اها و الله و بابا بقى و عمى مأمنين عليا انكوا هتكونوا معايا
سمر:اها طبعا .. مبروك يا حبيبتي
شروق:الله يبارك فيكي
سمر:هيتكتب كتابك على مين بقى .. على الجدع اللي قاعد عندك جوة ده ؟
شروق:ههههههه حضرتك متابعه بقى .. اها عليه و هو قاعد معايا عشان شقته بتتوضب و اهله مسافرين فمعندوش مكان يقعد فيه غير هنا
سمر:اها ماشي .. خلاص انا هبقى اقول بقى للناس
شروق:مش عايزة لامه .. اهم حاجه عم احمد و سامى اخو حضرتك عشان العقد
سمر:امممم شهود يعني
شروق:بالظبط كده
سمر:خلاص يا حبيبتي ماشي .. متقلقيش
شروق:اوك .. بعد اذنك يا طنط
سمر:اتفضلى
دخلت شروق و قفلت الباب .....
سمر و هى بتقفل باب شقتها:بنات اخر زمن
( روايات بسوم )
....................................................................
مسكت رضوى موبايل هيثم و اتصلت بواحد صاحبه و قالتله ان هيثم تعبان و طلبت منه ياخدله اجازة مفتوحه .. و فعلا عمل كده .. و عدا اليوم و روحت رضوى بيتها و مش بتبطل عياط مع نفسها ابدا لحد ما تنام .....
( روايات بسوم )
..............................................................
تانى يوم الصبح صحيت شروق و صحت لؤي و نزلوا استلموا الشقه و غيروا الكالون و راحوا استلموا العفش و كل حاجه و طلعوا كل حاجه جايبنها للشقه و مبقاش فاضل الا انها تتفرش بس ....
و بعد ما خلصوا راحوا علي الصيدليه .....
على:حمدالله ع السلامه يا دكتور
لؤي:الله يسلمك .. و قعد على مكتبه
هانى:اتأخرت ليه يا دكتور .. و مجتش امبارح تانى ليه ؟
لؤي:و الله امبارح كنت هموت و انام و ماقدرتش اجى .. و النهارده بقى يا سيدي كنت بودي العفش شقتى عشان عقبالك كده هتجوز
هانى:بجد خلاص هتتجوز ؟
لؤي:اها ان شاء الله .. كتب كتابي الجمعه الجايه
هانى:الف مبروك يا دكتور .. على الانسه رضوى مش كده بردو ؟
لؤي ملامح وشه اتغيرت و بص لشروق ....
( روايات بسوم )
لؤي:رضوى ايه يا دكتور .. انا و رضوى سيبنا بعض من فترة طويله .. العروسه قاعده قدامك اهى
هانى:اها .. انا اسف و الله .. بس اصل الانسه رضوى جت امبارح و كانت بتجيب علاج و كان مكتوب في الروشته هيثم ففكرتها بتجيب العلاج ده لهيثم اخو حضرتك يعنى
لؤي سرح:هيثم ؟ و بص لهانى .. علاج ايه ده ؟
هانى:علاج اكتئاب
لؤي:امممممم طيب ماشي روح انت
هانى:اوك يا دكتور و الف مبروك
لؤي:الله يبارك فيك
مشي هانى يشوف شغله و فضل لؤي سرحان ......
شروق:ايه مالك ؟ سرحان في ايه !
لؤي:رضوى ليه كانت بتجيب دوا اكتئاب لهيثم ؟!!
شروق:ما اعرفش بس يمكن تعبان .. او يمكن مش هيثم ده يعنى
لؤي:الله اعلم .. ما علينا و انا مالى اصلا
شروق:روق بالك كده يا لؤي
لؤي:حاضر .. و عايزين نشهل بقى ما قدمناش الا الاربع و الخميس عشان الشقه تتفرش
شروق:باذن الله هتتفرش بسرعه و كله هيبقى تمام
لؤي:ان شاء الله .. و يالا بينا بقى نروح نبيع الشبكه بتاعت رضوى دي و نجيب مكانها شبكه جديده و نشترى البدله بتاعتى و فستان السهرة بتاعك
شروق:اييه كل ده ؟ لا يا لؤي انا مش عايزة حاجه
لؤي:انتى مش اقل من حد .. مش كفايه مش هعملك فرح .. يالا بينا بقى عايزك تبقى قمر يوم كتب كتابك يا عروسه
شروق:يا لؤي بس .....
لؤي:ما بسش ولا حاجه .. قومى بقى .. و مسك اديها قومها
شروق:مش مصاريف ع الفاضي
لؤي:هووووشش ما تتكلميش .. انا ماشي يا على اشتري شويه حجات و احتمال ما اجيش تانى انهارده .. خلى بالكوا من الصيدليه
على:متقلقش يا دكتور
لؤي:ماشي يالا سلام
على:مع الف سلامه يا دكتور
مش لؤي و شروق و اشتروا كل حاجه و غيروا الشبكه و روحوا على البيت ....
( روايات بسوم )
و رضوى مع هيثم لحد بليل و مشيت ....
و تانى يوم الصبح راحتله تانى و بطلت تروح الجامعه خالص ....
و شروق و لؤي انشغلوا بفرش الشقه لحد ما خلصوا كل حاجه .....
و طبعا غياب رضوى و شروق مُلاحظ جدا في الجامعه ....
روح لؤي و شروق يوم الخميس بليل عشان يناموا بعد ما خلصوا كل حاجه .....
نامت شروق و فضل لؤي قلقان و مش جايله نوم ....
( روايات بسوم )
لؤي بصوت واطى:شروق . شروق .. دى شكلها كده مش هتصحى في يومها .. قال الجمله دي و قام يقف في البلكونه شويه .....
لؤي:ازاى يعني الشقه كلها مافيهاش بلكونه غير اللى في اوضه حبيبه بس .. ايه القرف ده
فتح باب اوضه حبيبه و دخل فتح البلكونه و فضل واقف فيها سرحان مده طويله .. و بعد فترة لاحظ ان رجليه وجعته من الوقفه .. فدخل الاوضه و ساب البلكونه مفتوحه و قعد على طرف السرير و سند ايده الاتنين على رجله و فضل باصص تحت و فجأه لفت نظرة حاجه تحت السرير خليته يتنطر من مكانه .....
( روايات بسوم )
لؤي:ايييه ده .. و نزل تحت السرير جاب الحاجه اللى واقعه دى و فضل واقف يبص عليها .....
لؤي:ايه اللى جاب اسورة شروق هنا ! .....
.........................
#بسمه_ممدوح