(un)Spoken Words

Mas Nakakatakot Pa kay Lucia Joaquin

Ni:Maicah Rachel P. Eugenio
-

Noong una kitang nakilala,
Hindi ko alam na magiging akin ka
Matagal ka ring nakasama
Kaya lalo akong napalapit sa'yo
Minahal ko ang lahat sa pagkatao mo
Dahil nga mahal kita,
Lahat ay tinanggap ng aking puso

Ngunit, hindi natin napag-isipan
Ang mga bagay na dapat isalalay
Masakit man sa damdamin ngunit tayo'y naghiwalay
Marami ngang dahilan ngunit sumuko tayo agad
Naghari ang emosyon kaya hindi natin ito napag-isipan

Ngayong ayos na ang lahat,
At naliwanagan na sa katotohanan
Ako ngayo'y nagbabalik
upang ika'y mahalin muli
At upang sa pangalawang pagkakataon ay maging tayo ulit

Kaya tinanong kita kung mahal mo pa rin ako,
Ang sabi mo'y oo
Naniwala naman ako
Ngunit,natatakot ako na baka kasinungalingan lamang ang iyong sinabi Natatakot ako kung ito ba ay pagganti
Natatakot ako na mawala ang dati'y minsan na nagmahal sa akin
Bakit nga ba takot ang bumabalot sa akin na mas nakakakot pa kay Lucia Joaquin?