Saçların mən olaydım kaş,
Yanında biləydin məni.
Həmişə orda qalaydım,
Həmişə sevəydin məni.
Saçların mən olaydım kaş,
Yel vurub dağıtsın məni.
Yağış da macal verməsin
Yenidən hörməyə məni.
Saçların mən olaydım kaş,
Üzünə dəyim arabir.
Gözlərinin üstün örtüm,
Gözünü öpüm arabir.
Saçların mən olaydım kaş,
Sən də toxunaydın mənə,
Mən dolaşıb barmağına,
Əlini öpəydim yenə.
Saçların mən olaydım kaş,
Birgə yaşlanaydım sənlə.
Sənlə birgə yaşayadım,
Öləndə öləydim sənlə.
© Bəhmən Həsənov / 2017.
#Ruhlarınsöhbəti.
#wattpadazerbaijan.
YOU ARE READING
Ruhların söhbəti.
PoetryKədər dolu gecədə rəqs edir sevgi, fəlsəfə və tənqid dolu fikirlər.Bu kitabda hər şey var. © Ramin Səkkiz, Bəhmən Həsənov. Cover by Məhəmməd Osmanov (İyirmiüç).
