Yaxına gəl, tut əlimdən,
Gedək burdan uzaqlara.
Dərddən, qəmdən, əzablardan,
Qayğılardan uzaqlara...
Doğmaların nifrətindən,
Sevgilərin zülmətindən,
Ayrılığın əzyətindən ---
Göz yaşından uzaqlara.
Qəlblərə dolan qəhərdən,
Eşq adlı şirin zəhərdən,
Bu ev , bu küçə, şəhərdən,
İnsanlardan uzaqlara.
Burda qoyaq dərdi, qəmi,
Atıb gedək səni-məni,
Unudaraq bu şəhəri,
Gedək ondan uzaqlara.
Hər şeyi quraq təzədən,
Eşqdən, sevgidən bezmədən,
Çıxıb gedək bu dənizdən,
Dalğalardan uzaqlara.
Unudaq dostu, tanışı,
Evimizin hər qarışın,
Çıxıb gedək bu yağışın
Buludundan uzaqlara.
© Bəhmən Həsənov / 2017.
أنت تقرأ
Ruhların söhbəti.
شِعرKədər dolu gecədə rəqs edir sevgi, fəlsəfə və tənqid dolu fikirlər.Bu kitabda hər şey var. © Ramin Səkkiz, Bəhmən Həsənov. Cover by Məhəmməd Osmanov (İyirmiüç).
