Payız,
saraltdın yarpağı
Ağacın günahı nəydi ?
Tanrı,
qocaltdın uşağı
Uşağın günahı nəydi ?
Uzaqlardan baxan adam,
Uzaq olan yaxın adam,
Ay evimi yıxan adam,
Evimin günahı nəydi ?
Saçına çiçək taxan qız,
Uzaqdan durub baxan qız,
Ay qayadan atılan qız,
Qayanın günahı nəydi ?
O ağlayan uşaq bizim,
Başı yaran tamah bizim,
Vallah elə günah bizim,
Şeytanın günahı nəydi ?
Ey bizi yaradan Tanrı,
Bizi yıxan, quran Tanrı,
Bu dünyaya atan Tanrı,
Dünyanın günahı nəydi ?
Alan dünya, satan dünya,
Öz-özün aldadan dünya
Bizə kələk quran dünya,
İnsanın günahı nəydi ?
Pula vicdan deyən insan,
Öz ətini yeyən insan,
Allahı da söyən insan,
Allahın günahı nəydi ?
© Bəhmən Həsənov.
YOU ARE READING
Ruhların söhbəti.
PoetryKədər dolu gecədə rəqs edir sevgi, fəlsəfə və tənqid dolu fikirlər.Bu kitabda hər şey var. © Ramin Səkkiz, Bəhmən Həsənov. Cover by Məhəmməd Osmanov (İyirmiüç).
