Distraction
"Behave ka ha? And please wag ka nang magpasaway sa klase"
Napanguso ako sa kaniyang sinabi, "Bakit? Hindi naman kaya ako nagkukulit"
Ginulo lang niya ang aking buhok bago ako halikan sa noo, "Sabi mo eh"
Siya na rin ang nagtanggal ng aking seatbelt bago kuhanin si Baxter sa aking lap
"Baby, Mommy's going to school na, say bye Mommy, take care and I love you" pacute na sabi ni Sky kaya ako natawa
"I love you too, Bax. Makikinig kay Daddy, okay?"
Tumahol naman ito habang iwinawagwag ang kaniyang buntot
"Kung may pasok lang din sana ako ngayong araw at hindi ko kailangan gumawa ng mga plates, sabay sana tayo ngayon" malungkot niyang saad kasabay ng pag-hawak niya sa aking mukha
"Clingy" pang-aasar ko na ikinasimangot lalo niya. "Di bale, hanggang 2 p.m. lang naman ang klase ko eh. Right after that, dederetso na ako sa inyo"
"Sabi ko nga kasi sa 'yo kanina pa, susunduin kita"
"Hindi na nga po kailangan kasi po may ginagawa ka, hindi ba?"
Hinalikan ko na siya sa pisngi bago ako tuluyang bumaba sa kotse
"Nandito na ako ng 1:30" pahabol niya bago ako tuluyang makalayo
Ang kulit naman talaga ng boyfriend ko. Agad ko siyang nilingon at handa na sanang magprotesta pa ngunit naunahan niya ako kaagad na magsalita
"Priorities, Sammy. And you're my priority"
Enebe! Nakakainis naman 'to eh. Parang kaya kong magpagulong-gulong ngayon dito"I love you, love. Take care" sabi niya at nagflying kiss bago tuluyang umalis
Hoy teka 'yung I love you too ko hindi mo hinintay
Masaya akong naglalakad ngayon sa pathway kahit na napakaraming pabebe couples ang akala mo nakikipaglamay sa bagal maglakad
Pasalamat sila at good mood ako ngayon. Kung hindi, baka kanina ko pa sila nasipang lahat
Pagkatapos naman ng humigit-kumulang bente minutos na pakikipagsapalaran sa hamon ng buhay— ang maglakad sa pathway— ay nakarating din ako nang matiwasay sa aming room
Mabuti naman at wala pa ang prof namin kaya may time pa para makatext ko ang super perfect kong boyfriend
To: ❤❤❤
Room na 'ko :)
Sa aking tantya, malapit na sila sa bahay ng in-laws ko hehehe
Napatingin ako sa dalawang taong bagong pasok at awtomatikong napataas ang aking kilay dahil may kasama si Xander na babae
Hindi naman na bago ang pambababae niya, kaya lang ito ang unang beses na may kasama siyang babae na pumasok sa room... maliban sa akin. At isa pa, ano nang nangyari sa motto niyang "nothing serious, just here for fun"?
Napasulyap naman siya sa akin kaya napilitan akong ngitian siya. Simpleng pagtango lang ang ginawa niya bago siya sumunod ng pag-upo sa kaniyang kasama
Kinulbit ko ang aking seatmate na busy sa pagsusulat kaya inis niya akong hinarap
"Oh easy ka lang, itatanong ko lang kung sino 'yung kasama ni Xander" agaran kong sabi dahil mukhang itutusok na niya sa mata ko ang hawak na ballpen
"Kimberly Talavera" maiksi niyang sagot bago muling ituon ang atensyon sa ginagawa
Wow. Sobrang helpful nung sinabi mong information ha?
"Di ba irreg siya last sem? Ano bang course nun?" patuloy kong pangungulit kay Chel-sungit
"Pol. Sci." tangi niyang sagot nang hindi man lang tumitingin sa akin
"Ah. Pol. Sci. pala. Eh bakit nandito siya ngayon sa major class natin?"
"Bakit ba ako ang tinatanong mo? Bat hindi si Xander o kaya'y si Kim mismo? Hindi mo ba nakikitang may ginagawa ako?" masungit niyang sabi at umirap sa akin
Ready na sana akong sabunutan siya dahil sa katampalasang kaniyang ginawa ngunit biglang nag-vibrate ang aking phone
Aba. Pasalamat ka Chelsea ha, saved by the phone
From: ❤❤❤
Sorry kung ngayon lang ako nakapagreply, love. Dumaan pa kasi kami sa bilihan ng food nitong anak natin. Anyway, mag-aral kang mabuti ha? Makikinig at sabi ko nga kanina, wag magpapasaway. 'Wag mo na ring alalahanin si Baxter dahil ibinigay ko na muna siya kay Mommy habang busy ako. Susunduin kita mamaya kaya hintayin mo kami. I love you, Sammy ko.
Agad namang namuo ang ngiti sa aking labi matapos iyong basahin
Haaaaay. Paano kaya nagagawa ng lalaking ito na baguhin kaagad ang nararamdaman ko in just an instant
Ang lakas na talaga ng tama ko sa kaniya. This is bad
Maya-maya pa'y dumating na rin naman ang aming prof at nag-check muna ng attendance
"Oh Miss Talavera, what are you doing in this class?" puna niya sa babaeng kasama ni Xander
"Ma'am makiki-sit in lang po sana" mahinhin niyang sagot kay Ma'am Rose
Hindi ko mawari kung ganun talaga siya magsalita o pabebe voice lang. Pero in fairness, ang amo ng mukha niya. Hindi bagay kay Xander dahil total opposite sila
"I assume boyfriend mo si Mr. Vidallon?" taas-kilay na tanong ni Ma'am
Maging ako ay naghihintay ng isasagot niya ngunit tanging pamumula lang ng mukha ang ipinakita niya
Ano na, girl. Sagot!
Sinulyapan ko naman si Xander at nakitang ngiting-ngiti siya habang tinitignan ang nahihiyang katabi
Hala? Ang aarte naman ng mga 'to
Umiling lamang ito kaya naging tampulan ng tukso si Xander
"Weak mo talaga, papi" sigaw ni JM mula sa likuran. "Hindi na natuto"
Pasimpleng binigyan ni Xander ng bad finger ang kaniyang tropa kaya naman mas lalo silang nagtawanan
Sa muli niyang pag-ayos ng upo ay hindi sinasadyang napatingin siya sa akin
Ngumiti naman ulit ako kaagad ngunit hindi niya ako pinansin, miski tango ay hindi na rin niya ginawa
Nang bumaling siya kay Kim ay saka lamang siya ngumiti
Hindi ko maiitangging bumagsak ang puso ko sa aking sikmura dahil doon
Bakit parang wala nalang ako sa kaniya?