طلعنا بسيارتنا وبيت ابو محمد بسيارتهم
وصلنا وطلعتنا مروة بوست امي وتحمدتلها بسلامة...
عسل..مروة فدوة ابوية شلونه...
مروة... نطيته دوة ونام بلكوة يلة غفة بس يسأل عليكم وابوية رجع للبيت لان ميعرف ينام الابمكانه...
عسل.. ماعرف بيش اجازيكم مرواتي لوما انتو وين اروح وين انطي وجهي جان ابوية وامي راحو من ايدي اوكفلكم بس بالافراح والله الاهل ميوكفون هيج وكفة ويانا .ايهم صافن علية عافنا ودخل امي لغرفتها وغطاها وباس راس ابوية امي ظلت تباوع عليه خله وطلع من البيت ماعرف وين راح وبيت خالة ام اسعد هم ترخصوا خطية وطلعوا تعبناهم ويانا الف الحمدلله والشكر رحت على امي وكلتها وشربتها دواها وابوية حس علينة فز من شافنه عاد امي طمنته اني بست ابوية وطلعت لملمت البيت وقفلت وصعدت نمت شوية وبقيت التليفون يم امي حتى تخابرني من تريدني نمت ساعتين وكعدت نزلت اركض لكيتهم نايمين حبايبي اثنينهم نظفت البيت كله وسويتلهم شوربة لان اثنينهم بهريز ابوية الضغط والجلطة وامي السكر مالتها فرشت وانجطلت يمهم لكيت ادهم دازلي كومة مسجات بلة شجاوبه وشكوله خابرته مجاوبني حتى نسيت هم مو نفس وكتنا غفيت محسيت ع روحي الا لمن ابوية بدة يتحرك كمزت لكيتهم اثنينهم كاعدين كمت عليهم بوستهم ها عصافيري تتغدون حتى تاخذون دواكم .
ام عسل...ايهم وين يمة ..
عسل...والله يمة مادري طلع من رجعنا ومبين الى هسة ابوية ساكت ..راح اصبلكم يوم..
ام عسل... صبي ابوية صبي...
رحت صبيتلهم وغديت ابوية لأن ميكدر يحرك ايده بس تك وامي جانت هي تاكل متقبل اوكلها شامخة نبع الحنان كملتلهم وطلعت داغسل المواعين طب ايهم ...
ايهم... امي وابوية وين...
عسل...بلغرفة سألت عليك بدون ماباوعله تغديت...
ايهم... الحمدلله ...
راحلهم رحت وراه اركض كلت خاف ابوية يعيط بي دخلت وراهم لكيته باس ايد امي وراح لأبوية ديبوس ايده ابوية حط ايده ع راسه...
ابو عسل...ليش هيج يابة هيج تجازيني هيج ربيتك ايهم جان امك راحت من ايدينا شنسوي بعدين وهاي حالتي عاجبتك ..
ايهم...يبجي ويحجي يابة والله مو بيدي ماعرف شيصير بيه اني هم مداتحمل الي ديصير ..
هنا تأكدت ايهم ادمن ومديسيطر على تصرفاته...
ايهم.... بس وعد يابة راح اترك كلشي شوية شوية بس كون ربي يحفظكم الي...
ام عسل... يمة فدوة اروحلك كافي عاد دير بالك ع روحك اني اموت بلياكم ...
ايهم...اسم الله عليج يمة من عمري ع عمرج وداعتج وداعت عيونج احاول بس كون الله يحفظكم النا اموت روحي اذا صار بيكم شي بس ساعدوني مو تعوفوني وحدي والي ديصير بيه اكبر من ارادتي بس اكيد رب العالمين راح يوكفلي .
حاول ايهم يعوفهم بس نوبات يضعف ويروح يجيب ويجي بس حبوب شرب تقريبا بطل وجان يكلي عسل من المغرب قفلي باب غرفتي عليه ولتفتحيها وفعلا جان يحاول وامي جانت تشيل روحها وتحطها من تسمعه يون من الالم ورة ساعتين تلاثة يهدأ وينام ادخله امسد ع راسه وامي تقراله قرأن جنت يومية المغرب افتحله سورة البقرة حتى تطرد شياطينه 😁
ويهدي ويحفظه بعد الي شفناه الحمدلله الف مرة مرت ايام واشهر واتصالاتنا بادهم مستمرة وهو كلش متفوق مينخاف عليه اصدقاء ايهم معافوه رادوا يرجعوا بكل وسيلة مكدروا لان جان بنك متنقل يصرف عليهم بدون وجع كلب عبالك فلوس حرام حرامات بيهم مع الاسف الي ضيعه عليهم جانوا ميبطلون تليفونات لحد ماكسر سيم كارت وغير رقمه حتى يكطع علاقته بيهم وجان يلهي روحه وية ابو محمد يطلع وياه من الصبح لليل لان عطلة حتى ليشوف هذولة القرودة المدمنين الي جانوا مستغليه مع الاسف وهو صارلهم فريسة سهله وجان ينتكس بين فترة وفترة بس الحمدلله مرات هواية جان مسيطر على روحه وساعده اسعد هواية ومرات لا والله جان ياخذ حبوب ومن يشربها يتندم ويظل يبجي على الي صار بي.
ايهم شكد مجان طيب وفقير وفرفوش جان حنين كلش واول مرة اشوف دموعه واتحسب على الي جان السبب ربي يحرك كلبهم ويأذيهم مثل مااذونا ودمرونا ودمروا وياهم .
بيوم جنت كاعدة بلبيت بعده الدوام مبادي اجتي يمي مروة ولج مروة الى هسة ممشترية هدوم للكلية...
مروة... يمعودة مو هسة بعده كلشي منازل جديد اكيد كله مال العام قبل الدوام باسبوع عود نطلع نشتري ...
تعودنا يومية من العصر تجي مروة يمي نتعلل لليل لحد ميجي ايهم تروح وامي تكعد ويانا مرات وبعدين تروح لابوية بس امي صحتها مو مثل قبل كلشي ماخليها تسوي اخاف حالتها تنتكس واني هم كلشي ماعندي لان عطلة ولا طلعة ولاطبة لان ابوية حركته صعبة راحت مروة وطلعت وراها داأسد الباب امي مقبلت كالت دنيا ليل اني اطلع راحت امي واني رحت اشرب ابوية دواه .وعلى غفلة سمعت صوت امي تتعارك بس ويامن مادري طلعت اركض من الهبطة حافية طلعت طلع واحد من المخلكنين الي جانو يجون يشربون وية ايهم للبيت امي لعبت بيهم طوبة ظلت تدعي عليهم عوفو ابني بحاله دمرتوا وتتحسبن عليهم اني رحت يمها لزمتها وطردته اشو هذا طب للطرمة يريد يطب جوة جنة شارب النوبة شافني جلب وامي ادفع بي...
سنان...صديق ايهم... تعالي ياحلوة انتي دفعيني...
اني اجر بأمي لتروح تتخربط دأسد الباب لان عيونه وتصرفاته تخوف وهو ضخم واحنة مدنكدرله ظلت امي تعيط لحد ماتخربطت لان ظل يجر بأيدي وامي سودة عليه خافت.....
ام عسل..عوفها دمرت اخوها شتريد منها اني اجر بأمي وادفع بي وابوية يصيح اريد احد يطب علينه ماكو العالم كلها كارصة ببيوتها كومي امي واوكعي تخربطت والوكعة وكعة هو من خوفه انهزم وظليت اعيط وارجع ليورة طبيت اركض خابرت ايهم لان هو ظل يشتغل وية اسعد بشغل ابوية ويرجعون بليل خطية ابو محمد يلهي حتى ليرجع لطريقه المخربط خابرته وبعياط ايهم الحك امي راحت من ايدينا....حاولت اصحيها ماكو ربع ساعة واجة ايهم وابو محمد هم خابر ع بيتهم اجوني البنات وامهم...
ايهم... شبيها...
بلكوة افتهموا من البجي والعياط النوبة ميعرف يشيلها لو يروحله يكتله...
عسل ...عوفه يمعود امي راح تموت وكتها هسة شالو امي حطوها بسيارة ايهم وبيت ام اسعد بقوا يم ابوية الي صوته راح من العياط ابتلوا بينا خطية ....رحت وياهم احاول اصحيها الطريق كله ماكو فايدة تخبلنا عليها وادهم بس يسب ويتوعد بس يرجع يسوي ميسوي بلي جان صديقه وعلى اساس كطع علاقته بي من يوم وكعة امي اول مرة ..وصلنا للمستشفى ونركض بيها بلبجي وايهم بس يعيط على العالم لحد مادخلناها احنة متشاهدين ونصيح على الدكاترة اجانا الدكتور جان خفر ساعة 10 ونص بليل اجة فحصها .....
الدكتور...البقاءلله .......
عسل...واحنة صافنين عفية دكتور مو وكت شقة الله عليك صحيها الطبيب غطه وجهها بربطتها ..هنا اني بعد محسيت الا واعيط عياط واوخر بايده واحضن بيها شلون احساس مينوصف الله ليشوفه لبشر كلشي ولا الام كلهم عزاز بس الام لا غير شكل ظليت ادك والطم وعياط وصياح وبجي ..
لج يمة كومي فدوة اروحلج وين اولي بلياج وين انطي وجهي كل هذا ومداصدك نوبة ابجي ونوبة اضحك واتمنى يكون حلم واكعد منه واستغفر ربي ... ايهم لك ايهم امشي شيل امي خلي نطلع منا ترة ماطلع الا وياها ليش تكول واجرجر بي كومها اعيط عليه واضرب بيه وهو مو اقل مني اثاري متعارك وية الطبيب واسعد بلكوة جره ويصيح اذكروا الله حرام عليكم ميصير ترة راحت لدار حقها ...
رجعتلها ولازمتها بكل قوتي يمة كومي فدوة لعمرج ادهم راح يتخبل وابوية يلحكج انتي مو كلتيلي ابوية مناقص مصيبة لخ شأكوله فدوة اروحلج كومي بحضمن انام ياكسرة ظهري عليج ياوجع كلبي بلياج راح يبدي ظيمي بعدج بعد عمري عمرج شسوي بي وانتي ماكو اون وابجي لحد ما ايهم جرني لان اجوي دياخذوها واني من عياطي فقدت الوعي صحيت على مغذي بأيدي ومروة كاعدة يمي دااكوم لج مروة امي راحت مروة كوميني خلي اروحلهم يريدون ياخذوها مني واني وين اروح من كل عقلهم اعوفها اني شنو بلياها ومروة تكعد بيه واعيط عليها لحد ما جريت المغذي وطلعت اركض وهي تلزمني واجه ايهم يركض جانوا كاعدين برة ديكملون اجراءات المستشفى ورايحين جايبين فلوس وجايبين مروة تبقى يمي حتى ابوية هم اجه ياكسرتك يابوية بلياها رحت يم رجليه كاعد على كرسيه يابة امي راحت اني شلون بيه تقبلها يابة عافتني وراحت ليش جابتني ليش حطمتني اشفت منها اني والله مشبعت منها مشبعت من حضنها وابوية يمسد على راسي ...
ابو عسل...كافي بنتي مابيه حيل مصايب بعد ...
اجتي مروة اظاهر اسعد دزها عسل ابوج مريض ومال خلك اذا ظليتي هيجي ابوج هم راح يروح ...
عسل...لج مروة موبيدي هاي امي تعرفين شنو امي احس راح اموت وراها امي اخذت حيلي مداستوعب الي صار مداصدك راح ارجع للبيت وامي مو بي ......
للحكاية بقية....
