يمة فدوة لطوله شلون حسن ....
عزة بعيني حتى ابوية نسيته وبعدين حسيت على صوت الطبيب ..شبيج يابابا يطلع اكبر من ابوية بشوية ليش هلصياح ..
عسل...ابوية فدوة لعمرك لازم اروح ابوية وحده ..
الدكتور... زين يابنتي ليش طالعة تركضين بنص الليل وعايفة ابوج وحده وهو مريض ..
عسل.. دكتور حجي مو وكته فدوة ..طبعا الحسن صافن عليه يريد يفتهم ماكو ..زين فدوة دكتور بس تليفون اخابر وبعدين افهمكم اوووي فدوة القيصر نطاني تليفونه...
ياسر... تفضلي اختي اتصلي واني اسف طبعا..
عسل...صفنت عليه مجاوبته اجه يمي انطاني تليفونه شايل تليفون اني ماعرفله ..بدون زحمة طلعليا على الهاتف لان مداعرفله اخذه من ايدي رديلي الرقم رديتله رقم ايهم حافضته يدك محد يشيله ..
ياسر..محافظه غير رقم..
عسل...جيرانه صديقتي نطيته رقم مروة دك راسن انطانيا ردت مروة اني رأسن خنكتني العبرة بديت ابجي ويامن اليسكتني ..لج مروة ابوية وين ..
مروة..انتي وين والدنيا مكلوبة ابوج يمنا لتخافين بس انتي عسل...ولج اجيتكم دكيت الباب عليكم كووومة ومحد فتحلي طلعت اركض للسيطرة الي براس الفرع وانضربت بسيارة وفقدت الوعي وهسة اني بلمستشفى بس كوليلي شصار هذا الي ضربته بلسجينة ماات ..هذولة ظلوا واحد يباوع ع الاخ ..
مروة..ايهم اجة وشاف كلشي وابوج حجاله رأسن خابرنا الشرطة اجوي سحلو لهذا الغبي للمستشفى بس لتخافين العار ميموت وايهم اخذوا لان اعترف هو الي ضربه حتى ليجيب اسمج واسعد جاب ابوج يمنا انتي وين هسة فهميني ..
عسل...مروة اريد احجي وية ابوية عفية انداريت ع الشمس الي دتضوي يمي ولك امك بيش متوحمة ولو رصيدك راح يخلص بس احجي وية ابوية ولتخاف ما أخذ منك فصل هو رأسن ابتسم ودنج....
ياسر... لا اختي لتخافين اخذي راحتج واني خادم أأمريني... عسل ..يمة صحيت على صوت ابوية...
ابو عسل... ها عسولتي يابة شلونج وشصار بيج وين رحتي ..
عسل...يابة والله موقصدي اعوفك بس اندعمت وفقدت الوعي وهسة اني بلمستشفى وداخابر من تليفون الولد ابو السيارة بس بالي يمك يابة فدوة لعينك هسة راح اجيك ..
ابو عسل.. شصار بيج عسل خوما متأذاية احجيلي يابة بيج شي ..
عسل... لا يابة لتخاف رضوض ماكو شي فدوة رحتلك لتبجي هسة اخذ تكسي واجيك بس اشوف احنة بيا منطقة ..
ابوعسل..لا لا يابة لتجين لان هذولة اهل الولد من عرفوا ابنهم مضروب اجوي ضربوا طلقات ع البيت وعرفوا من ابنهم انتي ضربتي مو ايهم اخاف يأذوج يابة لتجين ولا توصلين عسل...يابة وين لعد اروح اني هسة فدوة لعينك صدك تحجي .. بهلاثناء دخلت مرة جبيرة تطلع حتى اكبر من ابوية بس ابتسمت بوجهي اني رأسن بجيت ودموعي نزلن تذكرت امي ..
ابو عسل..يابة عسل بس توصلين هذولة يكتلوج هسة اني راح ادزلج اسعد يوديج لبيت كرايبهم لحد ما أني اكدر اطلع ونروح لاربيل ...
عسل...زين يابة انتظركم راح ابقى بلمستشفى لحد متجون عليه سديت التليفون وانطتهيا اسفة كلش خلص رصيدك احجي وابجي اجتي يمي المرة واني صافنة عليها بدون ماعرفها حضنتها كلتلها الحكيني يمة راح اموت والله بعد ماأكدر اتحمل حضنتني وتمسد ع راسي ..
ام ياسر...كافي حبيبتي انتي ليش هلكد تبجين كافي بنتي ..
عسل...انتي منو ..
ام ياسر... اني مثل امج لو متريدين اصير مثل امج ...اني رأسن زدت بلجي ..شبيج حبيبتي ..
عسل...لا بس تذكرت امي صارلها شهرين من توفت ..
ام ياسر..ياعيني سودة عليه ميخالف حبيبتي الله يرحمها ويصبرج اني هم مثل امج ..
عسل...بس معرفتج خالة..
ام ياسر.. اني ام ياسر الولد الي ضربج بسيارته ترة والله مو بقصده...
عسل... اعرف خالة اعرف اني طلعتله ع غفلة جنت اركض بتالي الليل بس والله خالة بس الله يدري شطلعني بهليل اركض.. عزة انتبهت ع نفسي احرام مال الصلاة ماكو وشعري وصايرة فلم يعني اني متأكدة الكمر لعبانه روحه ...
ام ياسر.. ميخالف حبيبتي كومي هسة خلي نطلع من المستشفى وبعدين سولفيلي شنو صايرلج ..
عسل...لاخالة ابوية راح يجي عليه ..
ام ياسر...ميخالف دكومي خلي اغسلج وجبتلج جبة وربطة من بناتي...
عسل... اظاهر الكمر كايللها جيبي ..يبو شكد عيب شافني مشخلعة لابسة تراكسود اسود ردن يمة يخاف علية قلبي لا يتحمل ..كمت شفت الغرفة تخبل اظاهر مستشفى اهلي كمت بلكوة رجلي وجع بيها كلش قوي طبيت للحمام غسلت ولبست الشال وطلعت ....
ام ياسر....اللهم صل على محمد وال محمد...
عسل... ابتسمت بوجهها لكيت الكمر كاعد يمها يمة اني شصار بيه ..بلة اني بيا حال اخوية راح ينسجن واني الي ماعرف مطلوبة ومنتهية مدري للشرطة مدري لاهل الولد ..
بس حسيت اول مرة اشوف رجال كدامي طبعا بعد ابوية واخوتي بس خطف كلبي من اول نظرة ولا جن شايفة كومة وزاحفيلي بس هذا من حسن من شكل خرب عرضه وشكد ثكيل وملاحمه حادة تسطر والطوووول يبو علطول يطلع عمره نص 30 طلعت من الحمام ..خالة فدوة خاف ابوية يجي نطلع برة ..
ام ياسر...خلي نخابره وندلي بيتنا ويجي هناك ليش نبقى بلمستشفى خلي نطلع من جو المستشفيات اني ماحبها ..
عسل...خابر على تليفون مروة طلع اسعد انطانيا ها ابو محمد بشر ...
اسعد.. خوية تكدرين تنتظرين لان هذولة مرابطين بلشارع ومنريد يشوفون ابوج لان ديريدوج لو انتي لو ابوج ... وخابرت زوج بنت خالتي يشتغل بلجيش بلكي يكدر يجي يساعدنا ولو احنة منكدر نتأخر عليج حتى مخابرناج كلت ارتب الامور ونطلع واخابرج اندل انتي بيا مستشفى ..
عسل..متت من البجي كعدت اولول وين اروح فدوة ابو محمد ابوية وين ...
اسعد...هياته...
عسل... انطينيا فدوة..يابة شلون فدوة لعينك اني ماريد اقهرك بس شلون خطية الولد هو وامه هم اجتي وانشتلو وياية خوما ابتلو بيه ..
ابو عسل...عسل يابة انطيني الولد اني احجي وياه ...
عسل..فدوة ابوية يريد يحجي وياك... اخذه مني ..
ياسر...هاحجي السلام عليكم ابشر ابطن عيني لحد ماتجي تاخذها ورقمي يمك واحنة بيتنا بزيونة بفلان مكان وتدلل ولتخاف وليضل بالك حجي وهاي الوالدة حتى تطمئن اكثر ..
ام ياسر...ها حجي يمعود ولدير بال بنتك وحدة من بناتي لتخاف عليها امانة الله ورسوله تجي تلكاها مثل ماهي....
عسل... هايابة ..
ابو عسل..لتخافين بتي وتوكلي ع الله بلكي خوش ناس لتخافين حبيبتي بلكي باجر يكدر كرايب بيت ابو اسعد يسوي شي ونطلع من المنطقة واجي عليج اخذج ..
عسل...صار يابة ان شاءالله سديته واني احس حياتي انكلبت كلاب مداعرف شديصير معقولة هذا حلم امي ديري بالج على نفسج وعلى ايهم ..انداريت لكيت الحجية تباوعلي...
ام ياسر... ها بنتي نكوم...
عسل... اي خالة بس خلي احجيلكم خاف يضل بالكم كلشي يصير ..
ام ياسر...بسيارة بنيتي ترة الوجوه هم يبين منها الطيب والخبيث وانتي مبينة بت اوادم بس دار بيج الزمن ..بس كوليلي شكد عمرج...
عسل.. 20 سنة خالة ..
ام ياسر...سودة عليه بنيتي دكومي وبسيارة سولفيلي سالفتج... كادتني وطلعنا جانت الضربة براسي بس مو قوية وايدي ورجلي رضوض ومتخرمشات من الشمرة مال سيارة طلعت واني اعرج يمة واشوف السيارة جكسارة من هاي العالية عزة بعيني اني انضربت بهاي وبعدني عايشة ولا جنت منتبهة شنية السيارة.. طبعا سمعني وابتسم ولا ينطق الثكيل..المهم صعدت ليورة والكمر ديسوق يمة فديتك يلالي ملايكلك تصير السايق مالتي وامه كعدت يمه واندارت عليه وهو رمشة مرمش واني عيني على المراية اريد فد نظرة وهو لاكأنه ابن الاوادم مو انت ضربتني ليش لابسني هلبسة عابتلك..
المهم اندارت امه...
ام ياسر... خومااكوشي يوجعج ...
عسل...لاخالة الحمدلله ماكو شي وكعدت تسألني ع امي وشلون توفت ووو اني خرطت كلشي ودموعي عشرة عشرة خصوصا من تذكرت امي مبطلت ..
ام ياسر....اني مثل امج ليش هلبجي ترحميلها خطية ومن اليوم اني مثلها اذا تقبلين بنيتي...
عسل...ع راسي فدوة لعمرجخالة والله بس شفتج روحي فرفحت عليج صارلي كومة اتنشك ع احد يشيل همي ويسمعني بس جيرانه بس خطية مرة كلش جبيرة ونوبات مالها خلك فماالح عليها ..وانتبهت عليه ولاكلمة ولانظرة ولا همسة ادري ثكيل بس مو هيج اني وامه نحجي وهو ولا شارك .. خالة خاف زحمة عليكم ابقى يمكم لو باقية بلمستشفى لحد مابوية يكدر يطلع ويجي عليه..
للحكاية بقية ......
