السلام عليكم
وعليكم السلام
عسل...طبعا تباوع علية وعلى ابوية ..
رشا...هاي شنو عدنا خطار يااهلا وسهلا اني رشا مرت ياسر ابو البيت شلونج خالة هلو بنات مشتاقتلكم ...
عسل..اني ملصومة...
ابو عسل ...هلا هلا بنيتي ...
رشا...لازم بياته لان لابسين هدوم بيت معرفتينة خالة..
عسل.. امها رأسن كعدت كلشي ممفتهمة وتغمز لبتها ...
ام ياسر... بيت ابو ادهم من اهل البيت مو خطار وطبعا هدوم بيت لان همة ساكنين ويانة ..
رشا...شلون يعني شيصيرون منكم ..
ام ياسر...اهلنا يصيرون اهلنا وطبي لغرفتج لو ناوية ترجعين وية امج ..
رشا..لا ليش ارجع اكو واحد يعوف بيته ويخلي الغربة كاعدين بي ..
عسل..ضحكت وراحت وامها ضلت تتعذر من خالة واعذريها فدوة زعطوطة زعطوطتيش فدوة ام علي (ام رشا)عمرها 34سنة الي بكدها امهات وهي متعرف تحجي مدتحمد النعمة الي بين ايدها..
ام رشا...هي بتكم وعدكم اني اترخص...
عسل.. هلكد مخجلت المرة خطية خلت وطلعت مبينين اهلها مو مثلها خالة ظلت تتعذر..لا خالة فدوة على كولتج احنة اهل البيت مو ..
ام ياسر...اي والله بنيتي الله يشهد ..
عسل..خلص خالة خلي الامور طبيعية ظليت ابلع ريكي شراح ينتظرج ياعسل متعرفين طبعا اني اباوع على دعاء وهي تباوع عليه طلعت خالة من الصالة وابوية كاعد يقرة قران سرى فلتت فوك ..
دعاء ...ها عسل شفتي ..
عسل...ولج ششوف اصلا انتي كلشي مكلتي هسة راح اشوف واثنينة ضحكنة ورة نص ساعة طب ياسر جاي من وكت اظاهر خالة خابرته طب كأنما يريد يفتهم فدشي من خلال نظراته...
ابو عسل.. هاحبيبي ياسر جاي من وكت ..
ياسر...اي والله عمي خلصت كلت ارجع ارتاح شلونكم..
ابو عسل..الحمدلله وليدي ..
ياسر...يستاهل الحمد شكو ماكو حجي خوما تعبان ..
ابو عسل..لا وليدي من بعد ايدك الي جنها بلسم طبت والحمدلله ..
عسل...لان جان دائما يسوي لابوية علاج طبيعي ..اني خليت وكمت بكومتي اجتي المسعدة ..
رشا...هلو حبيبي فدوة شكد مشتاقتلك شخبارك لو تدري شلون مفرفحة عليك داريد اطلع ..اكول انتي شسمج ..
عسل..انداريت عليها نعم...
دعاء....عسل اسمها عسل وكلنا نصيحلها عسولة اذا تحبين صيحيلها عسولة..
رشا... لا ماكو داعي قابل انتو هتعبدون هنا هي كلها جم يوم ماعتقد راح تبقون بعد ما اني رجعت لبيتي ..
عسل...اني سكتت وباوعت ع ابوية ..واسمع صيحة جسمي كش من الهبطة ..
ياسر....رشاااااااا لغرفتج وشكلج ماأشوفه مو صوتج افتهمتي ...
رشا....اوكي حبيبي بعدين نتفاهم وطلعت ...
ياسر..عمي اني جدا اسف امسحها بوجهي بس اني اعرف شلون اربيها ميحتاج اكلكم بيتي بيتكم بدون مناقشة ..
ابو عسل.. والله ابني لو بس تسمع كلامي ونطلع لاربيل ومابقة شي ونرجع برجعة ادهم وطلعة ايهم وتدري بية ياابني ماكدر اكوم ولة مجان سوينالكم مشاكل ...
ياسر...عمي يوم الي تطلع منا صدكني ازعل ...
ابو عسل....والله ابني احنة منريدلكم مشاكل انتو متستاهلون الا الخير ...
ياسر..بلعكس ماكو مشاكل تسمحولي ..
عسل.. رحت كعدت يم ابوية ودعاء هم كاعدة يابة شصار من شغلة ايهم ليش كلما اسالك اتوهني ومتجاوبني ..والله يابة ياسر متكفل بكلشي وميقبل ينحجي بلموضوع يكول بس اني وياك نقرر لان اذا ندخل اطراف لخ راح تزيد الاراء ومراح نكدر نسكت احد (هذا يقصدني😨) هو وابو محمد سووا كعدة عشاير والولد جايب عشيرته ومعارفه هواية وياسر لاعب بيهم طوبة وممنطيهم مجال ومتنازلين الطرفين لان الولد هو الي اعتدى يعني احنة نكدر نفصلهم ونكسر ظهرهم بس اني ردت المشكلة تنلم لان اخاف عليكم وع العالم الي تورطوا ويانا واخوتج ماكو ميصير بنتي ...بس يبقى الحق القانوني لان اخوج اعترف هو الي ضرب صديقه ..
عسل..اوووف الحمدلله والشكر يعني ايهم راح يطلع ...
ابو عسل....ان شاءالله يارب..
عسل.. والله كلبي ماكلني من يومها وكلما اسالك متجاوبني والمن اسال وشكد احاول افتهم الي صار بس متفهمون احد والله كلبي مثل النار عليه ...
ابو عسل..شسوي يابوية غير اخوج..
عسل.. وهسة يابة بعد الي صار هسة اعتقد بعد ما النا كعدة هنا ترة العالم متستاهل من عدنة غير بس الخير واعتقد وجودنا غير مرغوب بي ....
ياسر..ماكو طلعة ..
عسل...انداريت شفته ديدخل ...عفية هي مو شغلة عناد وجودنا اذا يزعج احد بلبيت والله مو زعل بس لازم نحترم اهل البيت الي افضاله علينة ...
ياسر..كلت ماكو طلعة وماكو اي ازعاج لاي احد اوكي والي ميعجبه هو الي يطلع ...عمي فدوة كوم دنطلع اني وياك نتمشى الجو حلووو برة ...
عسل...قصف بلجبهة البست شكد عيب اخذ ابوية وطلع واني مثل الصنم جنت واكفة رحت يم البنات ..ولجن وينجن وين عفتني وحدي..
دعاء.. عيني من تنلاص متلاكينا لان تجينا الرزالة من حيث لاندري ..
عسل...طكنها بضحكة لازم هواية مترزلات...
سرى... اووووو كومة...
عسل... طبعا خالة متدري لان جانت تصلي وتقرة قرأن وتتاخر شوية ومتدري ياسر راجع ولة لو تدري جان طلعتلها واخذتلها شوط لاخ وياها ..
دعاء..بس الله عليج مو تاخذين ع حجيها والله هسة ياسر صفكها صفكة نساها العافية ...
عسل...اني جعت امشن دناكل ..
سرى...لا عيني احنة منريد ...
عسل...هنزل اني ..نزلت اسوي اكل طبيت ع خالة لكيتها السبحة بيدها ودتسبح ..هلو حب شلونج ...
ام ياسر ..هلا بنيتي شلونج...
عسل.. الحمدلله ..يمة اكلج بدون مقدمات ادهم يريد يخطب دعاء بس ترة محد يدري الى هسة هو كلي بس اليه وكلي اخذي رأيهم ومن ارجع اتمم كلشي بس من يطلع ايهم ...
ام ياسر...يايمة يوم المبارك وفوكاها اخوج وابن الحجي بس لازم اسألها واسأل اخوها تعرفين هو ولي امرها ورة ابوهم شال حملهن...
عسل.. اي خالة طبعا بس تنتظرين ابوية يحجي وياه ..
ام ياسر..ولازم اسال البنية همين شتكولين ..
عسل..كلتلها خالة واحمرت وسكتت الية كلشي مجاوبتني حتجاوبج الج خالة لخاطر الله شكد تستحي ..
ام ياسر...ايا ملعونة يعني قابلة...
عسل.. والله خالة اساليها بوحدكم وانتظر خبر حتى ابوية يحجي وية ياسر لان ابوية الى هسة ميدري بس اعرفه يكيف لان يحب البنات هواية...
ام ياسر... اي يمة ادري واحنة هم نحبكم اكثر من الاهل ...
عسل...اوكي خالة اتفقنا اروح اكل لان ميته من الجوع...
ام ياسر... روحي يوم روحي ...
عسل..رحت للمطبخ شفت السعلوة كاعدة ..داريد ارجع من خفكتي صرت بنص المطبخ ردت اطلع ..
رشا..متجين شدعوة ..
عسل...لا عادي اخذي راحتج بعدين اجي نسيت موبايلي .. ضحكت...
رشاا... موبايلج لو تخافيين .....
للحكاية بقية ....
