عسل...كاعد وصافن عليها هاي شسوت بيه ليش هيج كلبي تعلق بيها لهدرجة احتمال لان اول مرة كلبي حب .محسيت بفترة مراهقة ولاحتى شباب من مشاغل الحياة والمسؤولية الي جانت بركبتي بس من شفتها رجعتني طفل مو بس مراهق وياها احس نفسي بعمرها ولاكأنوا اكبر منها بأكثر من 10 سنوات لو مخلف جان جهالي بكدها بس رجعتني ليورة وحسيت نفسي اتدمر اذا مصارت اليه صافن بوجهه بهلحظات كامت تتحرك يمكن بدة مفعول الابرة يروح فتحت عينها شافتني كاعد يمها وابتسمت وردت غمضت لحظات وكعدت ها بزونة راح تضلين نايمة كامت تضحك كعدي ولج خليني اطمئن عليج هسة يجي ادهم يشلغم .....
عسل..هههه هو الي يفتح عينه ويشوف الكمر كدامه رأسن يصير زين ..
ياسر..ولج منو الكمر ..
عسل..انت ..
ياسر...ههههههها هو اني الكمر لو انتي يااحلى عيون شافها كلبي ولج شسويتي بيه حركتها لبغداد من وراج ..
عسل...اني زينة ليضل بالك وينهم شنو اكلتهم ...
ياسر.. هههه زلوتتهم مديفكون ياخة كلها لزكت يابة مالتي صارت بعد عوفوها ماكو كلها لاطشة ..
عسل..عفية ماأكدر اضحك ع كيفك وياية....
ياسر.. ابتسمي لتضحكين ..
عسل.. مشفتك من كعدت.. ..دنج ..
ياسر...من طلعتي من العملية وطمنة الدكتور عليج مكدرت ابقى بعد وهذا الحيوان برة يفرفر رحت كلبت الدنيا عليه اني وادهم ورجعنا لكيت النور يضوي من كعدتي ولج لو بس اعرف شلون سويتيها سميرة والعيون ملونة ..
عسل..ههههههههه دكافي عاد ...
ياسر..ولج عيونج موتتني يابعد عشيرتي ومستغرب من روحي مرة هيجي تسوي بيه تدرين شكد مرن عليه اشكال والوان ومن كافة الاعمار والطوائف تعرفين عمري 70 سنة ع طاري العمر شكد عمرج ولج..
عسل.. ابتسمت ليش لازم ناوي تخطبني ترة مخطوبة ....
ياسر...هههه لا بلة والله حتى عيب اسأل ع عمرج هسة ...
عسل...21 سنة ...
ياسر..لا بربج يعني 13 سنة اكبر منج يعني لو مخلف جان جهالي هسة مراهقين..
عسل.. وهسة شتريد ترجع عادي لتضوج ...
ياسر..هابدت مفعول الابرة تأثر ع دماغج ليش ميصير اعرف عمر مريتي وام جهالي ولج غيرتيني كلي ..
عسل...اي دحجي عاد وين جان لسانك رشاشة وكلسع راكعني بحجاية لو ادري من قبل ممطولة كدامك ..
ياسر....اسم الله عليج يابعد العشيرة كلها ..ولج دكومي داسويلج احلى عرس ..
عسل..تسلملي يارب ....
ياسر...تدرين هواية حجيتي كافي موزين عليج ..
عسل....اهلي وين ياسر خالة البنات تمنيت اشوفهم .
ياسر...اكلج تدرين ساعة بيش هسة ..
عسل..بيش..
ياسر..ولج 1 ونص الصبح ...
عسل...لا..
ياسر..والله وكلهم دزيتهم وباجر من الصبح يهلون خلينا مرتاحين وحدنا مداكدر انفرد بيج تدرين هسة يلة زحلكت ادهم كلت بلكت تكعدين ع غفلة ...
عسل...صدك هو وينه ديفتر قبل شوية طلع ..شنو اليصار ياسر ومنو هيج سوة بيه صديق ايهم مو ..
ياسر..كافي ترة هواية تعبتي روحج خو دحجي حجي بي فايدة ..المهم حبيبي انتي ..ترة كافي بعد مليت تكومين بسلامة ونكطع مهر وتجين يمي عاد ..
عسل..بكيفك يابعد عسل وعشيرتها ...
ياسر..هاي شنو عيني مداعرفج ..
عسل...ياسر انت روحي من الدنيا انت اماني انت سندي الله يحفظ بابا واخوتي بس انت غير شكل ...
ياسر...يمة فديت العاقلة اني ..اكلج مجوعانة اشو دك سوالف ومغلس عليج بالاكل جابولج شوربة واني اكلتها ..كومي شربي عصير ...
عسل..هههه الف عافية مداشتهي بس عطشانة اريد مي.. ياسر...دكومي شوية وشربي كومتها بكومتها دخل ادهم اجاها يركض..
ادهم.. عسولة حبيبتي حمدلله ع سلامتج خوفتينا عليج عمري شلونج هسة ..
عسل..الحمدلله فدوة لعمرك بخير ليضل بالكم ابوية شلونه ادهم ..
ادهم..الحمدلله بخير ليضل بالج ..ايهم يجيبه من الصبح ...
عسل...وايهم ..
ادهم..زين مابي شي كلنا بالنا يمج حبيبة ...
عسل...اني زينة والله بس اكو وجع قوي بخاصرتي مال شنو هاي ..
ادهم..هاي العملية لتخافين يروحي ماكو شي ..
عسل..ادهم عطشانة ..
ياسر..هسة داشربها وطبيت ..
ادهم..ماكو فرق بس وياية ياسر نكعدها ...لان موزين تضغطين ع مكان العملية بكومتج اذا يوجعج كولي ..
عسل..وجتفي شبي..
ادهم.. هاي الطلقة حبيبتي لتخافين مكانها مو عميق وممأثرة ع اي شي ...
ياسر...عسل كافي حجي بهذا الموضوع حبيبتي ماريد تغثين نفسج زين حبيبة شوية ...وبدة المسكن مفعوله يروح كاعدين يسولفون وادهم انتبه ..
ادهم...شبيج عسولة اكو وجع ..
عسل....اي والله ..
ادهم...اي ليش تبجين حبيبتي دكولي احجي ... هسة انطيج مسكن يهديج وينومج ...
ياسر...خيرج يمعودة هاي شكو شنو هلدموع وين جنتي ضامتهن ..
عسل...ياسر الوجع موتني عفية راح اموت والله ...
ياسر.. كافي عمري هسة يضربج ابرة ويهود الوجع لازمة ايدي والدموع موكفن ..يلة ادهم يمعود ..
ادهم..جاي جاي ..
عسل...ضربني ابرة شوية شوية سكن الوجع غفيت محسيت الا للصبح ابوية واكف ع راسي ويبوس بأيدي كعدت ابتسمتله وحسيت نفسي احسن بهواية ...
عسل..ها يابة شلونك ..
ابو عسل..عسولة حبيبتي ..
عسل..يابة فدوة رحتلك لتبجي وبست ايدة..
ابو عسل... اني الي اروحلج فدوة شنو حياتي بلياكم انتو الي باقيلي شلون صرتي حبيبة كلبي الحمدلله زينة ..
ادهم...يابة الدكتور طمنا عن حالتها لتخاف ...
عسل...انداريت ايهم واكف ودموعه تحجي ..ها خوية مديت ايدي لزمها وباسها شلونك حبيبي ايهم هواية تغير من السجن وصاير حتى حجي ميحجي هواية شبيك ايهم اني زينة والله كافي عاد دتحسسوني اني راح اموت ..
ايهم...اسم الله عليج حبيبتي بية ولابيج بس بالي يمج الليل كله منمته .. .
عسل..لتخاف عمري اني الحمدلله زينة باسني من راسي وكعد وابوية وادهم واكفين يم راسي وياسر ماكو عيوني تدور عليه ...
ادهم...بلكوة خلينا يروح صار يومين لانايم ولا حتى مبدل هدومه يرتاح ويرجعلج عيني..
عسل.. خنزرت ع ادهم بلا مجاوبه فشلت كدام ابوية شوية وطبت خالة تبجي وتدعي عليهم وياها دعاء بوسوني وكعدوا ...
دعاء...والله سرى هم رادت تجي بس بقت يم ياسر والعصر اثنينهم يجون ان شاءالله .
عسل....تسلمون ياأروع اهل بلدنيا ...
دعاء...شمسوين يمعودة المفروض احنا نبات يمج البارحة بس حكم القوي وتباوع ع ادهم مقبل هو وياسر وسوونا فلم الا طلعنا بس بعد منعوفج اصلا المفروض اني ابات يمج حبيبتي ..
عسل...لا يمعودة ممحتاجة شي والله خطية المعينات مقصروا الي بلمستشفى ابد كل شوية وحدة جاية مكومتني ومبدلتلي ...
ام ياسر....سودة عليه بنيتي ..
عسل..لاخالة ليش هيج تكولين اسم الله عليج ...
ام ياسر...شلون مااكول والمعينات يداروج واني وبناتي بايتات ابيتنا والله الي يكول روحوا اسويكم فلم مااطلع الا رجلي ع رجلها وخلي واحد يحجي ..
عسل..وبقت تدردم عليهم وادهم ساكت ..
ابو عسل....تسلمين حجية مقصرتوا دايمة ان شالله ع راسهم خالة ام ياسر جبيرة اكبر من ابوية بهواية .
ام ياسر.....لاخالة ابو ادهم شلون ممقصرة لعد بنيتي بشدة والمعينات يدارنها واني نايمة بفرشتي ومن ورا منو من ورة استاذ ياسر واستاذ ادهم ..
ادهم.. يمة احنة يمها ومعفناها ابد بس اكو شغلات صحنا الممرضة عليها..
ام ياسر.. ليش واني وخواتها موجودات وممرضة اداريها ممرجية منك يمة ادهم بنيتي ماعوفها بعد زيييين ..
ادهم...صار يوم ادللي بس لتضوجين ...
عسل...ورة ساعة ايهم شوية فك يمكن لان شافني زينة طبوا بيت ام اسعد كلهم بقوا نص ساعة تقريبا وراحوا ومروة تبجي ..
مروة...ولج ردت امووت عبالي متي ..
عسل...مروة اكثر من اختي صديقة طفولتي كله سوية ظلت تبجي خطية لحد مطلعت .
مروة..عسولة نبقى ع التليفون سلموا وطلعوا للعصر اني من نومة لنومة والدكتور كال حالتها زينة كم يوم وتكدرون تطلعوها زال الخطر ....العصر اجوي سرى وياسر خطية طبت تبجي وتعتذر لان مجتي وياهم من الصبح ولج انتي اختي لتتعذرين واني الحمدلله صرت زينة ..والحب طب وعيونه تحجي رايح سابح واني بوصخي طالع يمووووت ..اني جنت كاعدة ع حيلي بس حسيت بوجع فضيع لشوية وزاد بجيت وكمت اعيط وكاموا ميعرفون شيسوولي لان حتى ادهم طلع كال بليل اجي راح للبيت يبدل ويرجع راح ايهم يركض للطبيب اجة وطلعوا العملية ملجومة انطاني مسكن ومنوم وممنوع الحركة علما يلتئم الجرح مرت ايااااام بلمستشفى دعاء تبات يمي بلكوة يلة قبلووا وياسر يجي العصر لليل يروح وادهم هم يبات مرافق ثاني بس بغرفة الاطباء يروح لحد ماتحسنت حالتي وكدرت اكوم ع حيلي ..ايهم يودي ابوية ويجيبه يومية وخالة وسرى بين يوم ويوم يجوون خطية ودعاء مقبلت ترجع للبيت الا اني وياها واني بين النايمة والكاعدة اسمعهم يحجوون الولد لازمي صديق ايهم نفسه راجع بلاحس اهله ودياخذ بثاره لان ضربته وهسة هو بلسجن واهله يتوسلون راح يضيع مستقبل ابنهم ..والولد وياسر ميقبلون يتنازلون الا ينحكم وموكلين محامي وياسر منطي فلوس وداخله للسجن مسكطه ....
كمت وصرت احسن الحمدلله كتبولي خروج وطلعت لبيت خالة علمود المداراة خطية ومقصروا ابد وابوية يومية يجي لان قريب كلش علبيت وليلية مجتمعين واحلى كعدات وطب ....وجان تطب السعلوة وحدها كاعدين عصرية طبت سلمت ع الكل ولبستني كلعادة ياسر مجان موجود بس ابوية سلمت ع خالة مجاوبتها والبنات ردن عليها من ورة خشمهن واجتي ع ابوية اني اباوع عليها تباوع عليه وتحجي وية ابوية ..
رشا...شلونك حجي اخباركم مرجعوا ولدك ..
عسل...وابوية يجاوبها واني اخنزر عليها ولا تحس خرب حظج شكد ثقيلة وخالة كل شوية تكلها كافي عاد ملج دخل ولا تسمع...قررت ارجع اني صرت احسن كلت ارجع وية ابوية بعد مو مال اكعد اعتقد مراح اتحمل الوضع نص ساعة وياسر طب وعيونه عليه شفته ودنجت سلم ع ابوية باس راسه وباس راس امه وباوع عليه وكعد اني ولا رفعت راسي نزلت الدمعة بلة اني شلون راح استحمل الوضع بعدين ...خابرت ايهم دك شوية وجاوب..
ايهم.. هاعسولة ..
عسل...وينك حبيبي..
ايهم... اني بلشغل كولي ...
عسل... لاعبالي جاي يلة بسلامة ...لا مو اليوم ارجع وية ابوية فد اشوفك شوكت تجي رأسن رفع راسه باوعلي ..كتبلي ليش ...
عسل...يمكن مراح اكدر استحمل عفية خلي اروح وبعدين ربك يحلها بس اليوم مراح اكدر ابقى ....خالة بس سمعت مقبلت...
ام ياسر... لعد دعاء تجي وياج ...
عسل..اني مقبلت لان متاكدة ياسر ميقبل ومردت اخلي بموقف محرج وية ادهم ..خالة كم يوم واجيكم طبعا هي كاعدة مؤدبة ولا كلمة نطقت بس لازمة جتف ياسر وكاعدة اني كمت وية دعاء احضر غراضي وهي وسرى خطية..
دعاء.. عسولة لتضوجين ترة هاي مباقية بس مداعرف ليش مبقيها ..
عسل..هي حجت اني طكيتها ببجية بدون ولا كلمة جانت خانكتني العبرة لملمت هدومي وهنة يهدن بيه ومنزلت كلتلها من يجي ايهم انزل بقينا كاعدين كلتلها فدوة دعاء خاف ابوية يحتاج شي ..
دعاء...اوك انزل شوية واصعد بقت سرى يمي كعدنا نسولف سرى اصغر مني بس كلشي تفتهم وعبالك اكبر من عمرها ورة شوية صعدت دعاء ترة اجة ايهم وادهم همين وكاعدين ديسولفون ...وياسر سالني عليج بس كلش ضايج كلتلة تمددت ترتاح شوية مكال شي بس مقبل تطلعون بلاعشا والخاتونة كالت اني اسوي واكفة تكلي ...ولا انزل اساعدها الا اخليها هي تتحنبط بلعشا وحدها دنغوزة تغمزلي تكلي كمر احلى منج شلون لكفتي ..رأسن ياسر خزرها انلصمت ولا يصيرلها جارة الابلرزايل عفتها وصعدت بس كال من يخلص العشا نزلوا كلكم ولج لتحسسيها هزمتج ختولي نزلي وضحكي وسولفي حتى لتكول قهرتها ها وترة عرفت انتي وياسر انخطبتوا هو حجة هسة وانصدمت بلبداية كالتله شنو كللها الي سمعتي واذا ميعجبج يكون احسن جان تسكت ولا كلمة نطقت مجاوبته خلت وراحت وكفت ع الطباخ ..
عسل...نزلنا جانت مكملة وكاعدة وياسر ماكو اظاهر رايح ديجيب شي من برة كعدنا خالة كالت تعالي يوم يمي رحت يمها وراسي ع جتفها ورة شوية طب ياسر وايهم وياه جان رأسن يباوع عليه اني غمضت كعدوا يسولفون شوية وعيونه مشالها مني واحسه يبررلي الي صار بعيونه واني ماعرف ولاعندي حجي اكوللهياه كامو البنات ديحضرون السفرة جابو الاكل ونزلو ياكلون..
ابو عسل... يلة عسولة كومي..
عسل.. يابة والله يابة ماكدر اكعد بلكاع ومااشتهي اكلوا بلعافية خالة هم منزلت لان مفاصلها توجعها سوولها ماعون وانطوهيا هذا الحجي هو كاعد كبالي وبعدة مكايم للسفرة صاحة ادهم..
ادهم.. هاااا يمعود ترة عيب احنة كعدنا وابو البيت ضاربها صفنة دنزل يمعود..
ياسر... لا والله ادهم ماأشتهي لان تعشيت بلمحل واجيت خطية مو اليوم عزمت العمال بس اريد جاي دعاء من تكملون جاي وياكم ..
عسل...طبعا هي تباوعلي وتباوعله ضاجت عود هو كام يشرب جكارة ادري..
رشا... لعد اني المن سويت هلاكل كله وهو كام ومتعشة .
ام ياسر.....يعني سويتي بس لرجلج..
عسل... اني خنجر وبصدري من كالت رجلج فعلا هو رجلها واني جنت مطنشة مغلسة ممنتبهة لهاي الكلمة بس صدك هو رجلها واني لا صفنت بيها كلمة جبيرة عليه ...
رشا....لا خالة العفو ..
عسل..صارت الكلمة بطبته ..
ام ياسر...لعد شنو دتذلينا كليتيلنا جم كباية..
عسل.. كامت خالة تدردم عليها وهي ساكتة ولا جنها هي ..الولد وابوية اكلوا شوية وكاموا والبنات هم كامو العشا صار سم ع الكل ..
رشا...لايعني ولالكمة اكل لخاطري واني اليوم جاية..
ياسر...ها خير ..
رشا...لا ماكو شي..
عسل.. كامن البنات يلملمن وهي راسن طلعت بعد محد شافها بس راجعة بحيلها ولا كأنوا هي مدجاوب ولا ترادد خالة لعبت بيها طوبة وهي ولا كلمة جاوبتها تجاوبها بأدب ولا كلمة ناقصة حجت..وخالة تعذرت من ابوية والولد وياسر يريد يفتهم شصار خالة فهمته بس بعياط ونترة هو ضاج عاد ابوية غير الموضوع اعتذر منهم خطية فشل بس ابوية أمنه انو ينسى الموضوع وليكبره قصدها لتكوملها او تضربها فهو سكت وكعد وكعدوا يحجون ع هذا الولد ويتناقشون عاد كمت يم البنات دنسوي جاي ..كاعدين دنسولف ع عرس ادهم جان تطب كاشخة ذيج الكشخة وحاطة كوومة مكياج عبالك رايحة عرس اجتي كعدت يمي اني استغربت سرى كامت تنصب عليها وتضحك وهي تكلها عجبني ادلل اخوج خطية هذيج الفترة كلها عايفته اكيد مشتاقلي وتباوع عليه ...سرى التهت بتليفونها ودعاء دتودي الجاي ..
رشا..انتي ليش قبلتي بياسر وتدرين بي متزوج لا والادهى ميخلف ميعجبج تصيرين ام ........
للحكاية بقية.......
