عسل...رحت يمه ...ياسر فدوة لعينك يعني شنو يكسرني يعني يموتني ....
ياسر...شلون اكفخها ياربي اي يموتج بس اطمئني مدام احنة موجودين محد يمس شعراية منج ...
عسل..يمة ما اخاف شنو عزة بعيني يابة اني ماكمل كليه بعد ولا راح اطلع من البيت بعد..
ادهم...شنو هلخوف عسولة شبيج ..
عسل...ادهم مدتسمع ...
ادهم...منو يجي يمج والله امحي شتحجين عسولة حبيبتي تكملين دراسة وراسج مرفوعة بلي سويتيه خلي يولي ..هو مولي مسافر برة بعد شيرجعه ..
عسل...اني سكتت وصفنت رحت كعدت يم خالة ...يمة فدوة اقري ع راسي لان كلبي راح يطك والله...
ام ياسر...اسم الله عليج حبيبتي بنيتي تعالي ..
عسل..ظلت تقرة ع راسي واني ضاربتها صفنات وياسر مشال عينه من عليه ديحس بلهبطة الي حسيت بيها .. مبقة شي ع الدوام شلون ياربي شلون راح اداوم مادري ..يابة بعد اسبوعين الدوام شلون ..
ابو عسل...الله موجود بنيتي اسجلج خط يوديج ويجيبج لتخافين حبيبة ابوج ..
ياسر..لاعمي اني اوديها واجيبها ...
عسل..باوعت عليه راسن ...
ابو عسل...لا ابني انت ملتهي بشغلك ومدتكدر تحك راسك ..
ادهم....لا ياسر حبيبي والله تعبناك ويانة اني ارتب وضعي اوديها واجيبها احنة افضالك مدنعرف نوفيها...
ياسر..شنو السالفة يمعودين ترة عادي اني رتبت وضعي على هاي السالفة وخلص لتخافون وراح اأمن اكثر صدكني ادهم انت وكتك مو ألك راح تنشغل خصوصا بلفترة الجاية اني اعرف شلون امشي الامور لتخافون ..
ابو عسل..شنو ابني تضل رايح جاي ...
ياسر...لا عمي بس لتشغل بالك ..
عسل..اني ضليت ساكتة لان من صدك انسطرت ومداعرف اركز او افكر بشي وبجنت كلش خايفة بس كلت احجي وية ياسر افتهم منه السالفة خلص اليوم وثاني يوم رحنا للمشتمل يخبل مسوي وكامل من كلشي ودينا غراضنا وخالة ظلت بس تبجي حضنتها خالة فدوة لعينج انتي بس تدكين علية اكمزمن السياج الكل ضحك وهي..
ام ياسر.. لايمة موزين عليج اني هم مراح اعوفكم كل شوية واجيكم ..
عسل..تنورين بيتج يمة وطلعنا كلنا رحنا طبينا اني وخالة دعاء وسرى بقوا بس اني وخالة طلعنا البيت يخبل كامل من كلشي طبيت للمطبخ حتى الثلاجة تارسها والكاونتر كلشي بي مابي اي نقص رحت للغرف يمة يخبلن هذا شكد صارف شيشتغل حرامي هههههع فتحت الكنتور لكيت حتى هدوم الية هذا شوكت اشتراهم والميز تواليت لكيت وردة حمرا يمة فدوة للرومانسي هذا شكد زاحف عبالي ثكيل هو مو كال كلشي انتهى خخخخخ.. وياهن CDيمكن اغاني يلة بليل اسمعهم طلعت لكيتهم كلهم كاعدين وابوية وادهم ديتشكرون منه رأسن صارت عيني بعينه والله خالة ماعرف بيش نجازيكم شنو هلتعب والله الاهل ميسوون هيج....
ام ياسر.. والله يايمة مو اني هذا كله ياسر ...
عسل...اباوع عليه يباوع على امه ويخزرها ..يصرف خزرات هواية ابو الشباب ... يسلم يارب ويحفظه الكم ونجازيكم بالافراح ..
ياسر..تسلمين ..
عسل..رحت سويتلهم جاي وكعدت..
ادهم... ابو نسب شوكت تفض سالفتي ..
عسل..ع كيفك هو كله انت البارحة اجيت ...
ادهم...ولج معليج انتي ..ياسر ولو مزحميك ادري والله ومتعبيك بس بيها مجال باجر نروح لايهم ...
ياسر..اي ان شاءالله وسالفتك بس انطي خبر لعمامي بلعمارة يجون وسهلة ان شاءالله همة ميمانعون اكيد ...
ادهم...ان شاءالله ..
عسل..كعدوا شوية وطلعوا ادهم اخذ ابوية لغرفته نومه وهو راح لغرفته كال تعبان اريد انام شوية ..قفلنا واني رحت اشوف القيصر شحاطلي اغاني مددت وفتحت الCD يمة كلبي كلها امير الحب خرب عرضك لك هو انت الحب اول اغنية سمعت اضعف كدامك . كل شوية عايدتها ادري هاي الاغاني قبل العركة لو ورة العركة اشو اني تيهت هو مو كال كلشي انتهي هسة احنة متعاركين لو لا والله مادري ....نمت كعدت العصر ع صوت التليفون كمزت يمة ابوية خاف يريدني نزلت لكيتهم كاعدين ديسولفون ودعاء ددك ..
دعاء..ها حبي شلونج ولج رحتي ونسيتينا..
عسل.. ولج هو اني لحكت نمت وكعدت ع حس الموبايل ..
دعاء....نوم العوافي حبي تكول امي معزومين ع العشا ..
عسل...هههههههه والله ضحكتيني ولج ياعشا تغدينا وطلعنا مصار ساعة ادري مضجتو ....
دعاء..والله ضجنا لان طلعتو ولج امي هسة يلة سكتت عسل...اوووي اسم ع كلبها هسة والله خلي اكوللهم يابة ادهم احنة معزومين ع العشا ..
ادهم..وين ..
عسل..وين يعني ابيت خالة يمعودين هو احنة نعرف احد...
ابو عسل..احنة هسة طلعنا منهم والله فشلة...
عسل.. لا يابة خالة كلش متأذاية ع طلعتنا ودعاء كالت هسة يلة سكتت ...
ابو عسل...لا اسم الله صار هي تأمر امر ..
عسل...اوكي حبي دعو فد ساعتين ونجيكم ..باي حبي .. كعدت يمهم شوية سولفنا بسالفة ايهم ...رحت داحضر روحي اليوم اكلبها كلاب ..داطلع وسمعت ادهم...
ادهم.. يابة زحمة والله من الولد اني موجود وهو يوديها ويجيبها يعني داريد احجي وغمزتلي بس مفتهمت شنو ...
ابو عسل...يابة ترة ياسر رايد عسل واني نطيته حجاية واختك بعدها صغيرة ومعاندة وياه وماأمن على عسل الا وياه وامنيتي هذا الولد يكون من نصيبهاواخ الكم لو تدري يابة شسوة وانت ماكو الي سواه مينحجي لاوحدة ولا اثنين زين ابوية ولتعتبر هاي السالفة اهانة الك او لايهم بلعكس المفروض تفرحون لان الولد رايدها وخايف عليها من اليصار والله اليستر اذا صار شي بعد ..يابة لتصفن ميحتاجلها صفنة ..
ادهم...كيفك يابة ع راحتك بس اكول كلفنا العالم هوااية
ابو عسل..لايابة هو طلب هلشي وترجاني اوافق ...
ادهم..اوكي يابة ان شاءالله خير...
عسل..يمة واني مسوية الولد مزق شنو هلخشم اليابس هسة شصار شكلج عيني اميرة ديانا ...رد ادهم ..
ادهم..يابة بس الي سمعته هو متزوج ..
ابو عسل..اي يابة صح بس انت حقك مشايف مرته شلونها الله يستر عليها بؤرة مال مشاكل تتعارك وية الحياطين وهو ناوي ينفصل عنها يكول اريد استقر بس ماأريد اخش بخطيتها بس من توصل حدها يقرر بعد ..
عسل..اااوف ياكلبي هلكد متحمل اليوم الا احركه حرك صعدت ولبست تنورة كصيرة وسترة كصيرة سود بس شعر شعر ماتنازل عنه وضربت مكياج هادئ وطبعا كعب عالي و كراسيعي طالعة طلعت صاكة صاكة نزلت ابوية ظل يصلي ع النبي...
ادهم.. ولج عسل كبرانة..
عسل.. طبعا حبيبي صارلك شكد برة قابل يتوقف عندي النمو خربو ضحك طلعنا نتمشى ادهم كاد ابوية وصلنا ادهم دك الباب اني دفعتها وطبيت..
ادهم.. ولج اوكفي عيب ..
عسل..منين العيب حبيبي دطب طب شكد مؤدب لخاطر النبي ودايرة وجهي عليه وما اشوف الا وملطوخة بلحب وابد محد دكلي هورن ... اسفة ممنتبهة هو عيونه صعدن للستار ظل يباوع من فوك ليجوة اني خليت وفلتت جوة سمعته يسلم عليهم ودخلهم للصالة اني رحت يم خالة للمطبخ ..
ام ياسر....ياهلة بشمعة بيتي وهم ظلت تصلي ع النبي ..
عسل..يمة فدوة لحلكج انتي شمعة البيت يمة وضواه ياغالية .. البنات ماكو..
ام ياسر.. فوك مدري شديلطخن هسة صعدن ... بهلحجي دخل اني لهيت روحي بلجنطة ..
ياسر..يمة الجماعة بلصالة وحدهم ..
ام ياسر..اي يمة كايمة مو عيب عفتهم ..
ياسر...مو داصيحج..
عسل... كامت واني بظهرها داطلع وانجريت جرة من عكسي ايدي انخلعت والشعر شعر كله صار بوجهه حسيته غمض انداريت عليه بعده مغمض ...هاي شنو نمت هد ايدي ... جان راسن يفتح عينة ويبتسم بعدين انتبه ع روحه...
ياسر.. هاي شمسوية بروحج..
عسل... يمة شمسوية اكو شي غلط..
ياسر.. كلج غلط..
عسل...ليش العفو شسويت ...
ياسر...هاي شلابسة لو نازعتهن مو احسن ..
عسل..يمة اني راسن دنجت شكد كوية بس استحيت ..هاي شلون هيجي مو اني استحي عابتله ....
ياسر..هاا استحيتي ومن لبستي وطلعتي مستحيتي..
عسل.. ليش اني شلابسة ...
ياسر....لو اكصف واكصر جان احلى ...
عسل...دتصنف ..
ياسر..هذا اللبس والي مثله كله ممنوع ...
عسل...شنو ومنو الي منعه بدون زحمة ... كام يتنفس سريع صار عصبي ..
ياسر...هذا اللبس بعد ماكو عسل لتختبرين اعصابي ..
عسل..ليش انت منو يمك عفية مو اني بحالي اجيت يمك حاجيتك لبسي شبي شنو الجديد ..
ياسر...لبسج جان غير شكل ..
عسل...اعتقد طلعت وية ابوية واخوية ومحد حجى لان اني متعودة مكملت حجايتي ..
ياسر....وهسة انتي بأسمي ..
عسل..عفية لايومية تعيدها انت رجال متزوج وناوي ترجع مرتك وتستقر بعد شنو هلممنونيات اذا علمود ابوية وادهم عوفهم عليه انت متريدني اني متأكدة مسوية مخطرانية لابوية ولاخوية طبعا احجي وعينة عليه من فوك ليجوة اني اعفيك من اي احراج والله مالك دخل اني احلها داريد اطلع جان يجرني .
ياسر....منو الي ميريدج..
عسل.. وصارت عيني بعينه ..
ياسر..وشلون تحليها بله ..
عسل..مرديت عليه دخت بعينةخرب عشيرتك سكتت درت وجهي ..داريد اروح جرني ..
ياسر..رفعي راسج ..
عسل..مرفعته ..
ياسر..كتلج رفعي راسج ...
عسل..عفية عوفني اريد اروح يم ابوية ...كمت اكطع بلحجي ياسر..رفعي راسج لا ارفعه بمعرفتي ...
عسل...رفعت راسي باوعت بعينة ..
ياسر...منو الي ميريدج ...
عسل..ترددت بعدين كلتله انت ...
ياسر...ياحمار كلج..
عسل.. باوعتله بنظرة مستغربة العفو مو انت... مكملت تقرب مني وهمس بأذني..
ياسر.. انتي مالتي عسل محد يضوكج غيري سمعتي لو اسمعج بعد عطرج هذا محد يشمه غيري ...
عسل....مرديت عليه لان دخت وانسطرت وردت اوكع بس هو لازمني دتسمعين سمعيني صوتج..
عسل.. لتهدني راح اوكع وخر مني شوية وباوع بوجهي واني دايخة خرب بعمي غير افتهم شصار بيه هسة جنت امذرع ومحد لاحكني مد ايدة لمس خدي ..
ياسر..كافي عسل دمرتيني لتتمردين عليه ترة مالي حيلج افتهمتي ..
عسل..اباوع بعينه وساكته تقرب عليه ..
ياسر..اريد اتنفس نفسج يابعد نفسج ..
عسل..شمرلي بوسة بلهواا وكعدني ع القنفة بلمطبخ وديطلع ورجع باوعلي ..
ياسر..شوية وتعالي كافي فضحتينا شبيج خدرانة شسويتلج عسل..اباوع عليه عبالك مبنجة شوية واجني البنات ..
دعاء ...ها ولج شوكت اجيتوااا ..
عسل..خو انتن عينن الشرطة بلافلام المصرية ...
للحكاية بقية ...
