رشااا..نسيتي موبايلج لو تخافيين ...
عسل...العفو شنو مسمعت ..
رشاا...تخااااافين ..
عسل...مثلا شمسوية حتى اخاف ومنين اخاف ..
رشا..مني وشسويتي عبالج تحركين عليه بس متكدرين حبيبتي لان ياسر يعشقني يشهكني ...
عسل..اني صافنة عليها وابتسم بس شنو نار وتاكل بكلبي خرب روحك ياسر ليش هيجي مرمرتني بحبك لهلدرجة ولة اني اغار من هاي العوبة اووووف صبر كلبي صبر بعد وبعد كلشي مشفت .. حبيبتي اني اسفة لان صار موقف ومجنت اني السبب صدكيني وع استاذ ياسر اخ جبير واحترمه ع موقفه ويانة الي متنسي الاهل ميسووها ..
رشا...صدك انتو ماعدكم اهل وكاعدين مجودرين هنا ومادري شنو من مصيبة مسويين ..
عسل..مجاوبتها داأريد اطلع طبت خالة ..
ام ياسر..تعاي عسل شكو ..
عسل....ماكو شي خالة ردت اكل بس صار عندي جالي معدتي موتتني فمو مال اكل دنيا ليل ..
رشا.. ليش عيني منين اجاج الجالي...
عسل... انداريت عليها هاي بس تريد تتعارك ..
ام ياسر...اكولج انتي ليش متستحين لا عبالج مسمعت كلشي سمعت ..شنو هلخريط انتي بس تريدين تسوين مشاكل شلون عايشة حياتج متملين ولج بابا جوزي .. ثم انتي شرجعج هو صوجج لو صوج ابني الي عايفج ع ذمته الى هسة ...
عسل...طبعا اكلت رزالة من هاي المعدلة جان يطب ياسر وابوية وسمع خالة من دتعد ع مرته ...
ياسر...ها يوم خير شكو ..
عسل..اني خليت وداأطلع وصاحتني خالة..
ام ياسر.. مرتك هسة تعتذر من عسل والا وايماني وما اعبد اني بهلبيت مكاعدة طول ماهي بي ..
عسل...طبعا هي ساكتة ولا كلمة نطقت ...
رشا...منو اني اعتذر لهاي الله اليعلم شمسوية وشمصخمة وجاية شامرة روحها علينة ..
عسل..عزة بعينها ولا تخاف ..خالة فدوة لتغثين نفسج وامشي وياية لغرفتج ..
ام ياسر.. لا والله على حلفاني .. هسة تعتذرلج ..
ياسر..شنو الي صار يمة ..
ام ياسر..مرتك عيني واكعة دك للبنية ع شنو شوف اذا راح تبقى عليها حتى هسة تقرر لو اني لو هي بحياتك لو تعرف شحجت وشكالت للبنية شنو هي مذلة كاعدين ع كلبج مو عيب خطار هيجي لا وانت مجلب بيهم شنو هلاهانة هاي .. اذا متعرف تضبها اني اضبها ..
عسل..جرها من ايدها لغرفتهم وكعدنا بلصالة كلها ساكتة باوعت ع ابوية نازلة دمعته..رحت يمه يابة فدوة اروح لدمعتك لتنزلها ترة تكسر ظهري .. والله ياخالة وداعتج وداعت ابوية وروح امي ماقصرتوا كفيتو ووفيتوا والله بس احنة بعد الي صار متقبلين الاهانة علهلشيبات نروح لاربيل لحد ميرجع ادهم ونبقى على اتصال وياكم والله وتخلص السالفة ونرجعلكم لتنسين يمة راح نصير اهل ..صدك يابة ادهم يريد يخطب دعاء وطبعا اني اصطنع الابتسامة لان الكل ساكتة واني احجي ..
ابو عسل...اي يابة بيها الخير وين نلكا احسن من هلنسب بس كون هم يقبلون ..
ام ياسر..هذا شلون حجي ابو ادهم نتشرف بيكم البنية بتكم تكبعوها وتاخذوها..
عسل.. دعاء وسرى كاعدات بس كلش مقهورات من الي صار ..شوية ونشوف السعلوة شايلة نفس الجنطة الي اجتي بيها يمكن ملحكت تفرغها ودتطلع وهو كدامها ...
ياسر...عمي ربع ساعة واجيكم ..
عسل...جان تمد راسها حسبي الله ونعم الوكيل ..جان تركع راشدي من حيث لاتدري النوبة زادت كامت تعيط جرها وطلعها برة هذني خربن ضحك اني ابتسمت لان فعلا موقف كلش مخجل واستحيت منهم ..والله ياخالة احنة كلش اسفين الي صار هذا كله من وراية بس والله العظيم مقاصدة ..
ام ياسر.. اي وع شنو تعتذرين يايمة اني اريد اطلكها منه وهو يخاف من الله بيها وهي مثل مدتشوفين متستاهله وحدة صلفة وماعدها اخلاقةومرمرته صار كوووومة زعلانة يكول تريد ترجع هي ترجع واذا تريد تطلك هي تطلب اني مااطلك ..
ابو عسل.. ابن اوادم ويعرف الله ويستاهل كل خير الله ام ياسر..يحفظك ويحفظ ولدك وعسولة وتفرح بيها..
عسل.. تسلمين خالة ويخليج الي يارب كمت بستها خالة فدوة لعينج اقنعي حتى باجر من الصبح نطلع ..
ام ياسر....من كل عقلج والله ازعل وما احجي وياكم وماعندي بنية الكم يمة اباوع على دعاء انهبطت خربت ضحك عليها خالة اندارت عليها ...
عسل....شبيج اتصركعتي دنتشاقة ضحكنة بس ابوية سودة عليه مبين عليه كلش مقهور وينهان بهيج عمر من وحدة تافهة ومالها قيمة وهو جان الكل تهابه وتحترمه ...
كاعدين وخالة سألتني..
ام ياسر.. يمة شلون صارت ايدج وراسج خومابعده الوجع..
عسل.. لا خالة الحمدلله والبركة بيج وكلتيني اشكال والوان اني انسى مداراتج فدوة رحتلج ..
ام ياسر....اسم الله عليج حبيبتي...
عسل ..شوية ودخل ياسر بس شنو عيونه صايرة نار راح باس راس ابوية وايد امه ورجع ع ابوية ...
ياسر...عمي امسحها بيه وداعتك متنعاد كسرت ركبتها ورجعتها لاهلها وكفتها كدام اخوها وامها وكلشي محجوا لان يعرفوها زين والا اربيها من جديد اني صوجي عايفها صار فترة طويلة بس دواها يمي سهلة ..
عسل....اني سويت نفسي مو يمي لان اصلا داأحاول اتجاهله بعد الفشلان الي فشلنياه ..
ياسر..اني اسف عسل حسبيها عليه ووعد هلشي ابد مينعاد ولا يتكرر ..
عسل..اني سويت طنننننن متوقعت راح يكول اسمي بيوم يمة فديت اسمي الي طلع من لسانك ... يمكن حنيت شلون بيه هسة جنت شديدة شراخاني ....
ابو عسل.. بابا عسل ياسر يحجي وياج ...
عسل..هاااا اي يابة داأسمع ...لا عادي مصار شي ان شاءالله احنة الي اسفين ع الارباك الي صار والمشكلة الي صارت بدون قصد الله شاهد وعلواه تقتنع باجر بتسهيل الله نطلع ....... رأسن قاطعني طبعا يحجي وهو مدنج شلون بي غير يرفع راسه وللك ارفع رأسك انت عراقي اريد اشوف عيونك وعيونك تشوفني وداعتك حلووووة...... فزيت ع صوته ...
ياسر..ماكو طلعة منا ..
عسل...مداعرف ليش ديعاند ومديقبل نطلع شيريد مادري ..
المهم باوعت لابوية حتى يحجي ....
ابو عسل...يابة والله ترحمنا وتريحنا اذا قبلت مانريد نضغط عليك كفيت ووفيت عسل وصارت زينة تورطت خو ماتورطت بينا ....
ياسر.. لا عمي رجاءأ اني وعدت ادهم يجي يلكاكم معززين مكرمين وشغلة ايهم هم خلصت ان شاءالله والي صار اريده ينسي ولا كأنما صار وصدكوني بعد محد يضايقكم ...
ام ياسر.. والله لو تدرون شلون شايلين هم لطلعتكم ع جية الولد بسلامة النوبة من هسة تطلعووون ...كافي عاد عسولة اقنعي بابا ...
عسل..عاد رحت شاورت ابوية ع ادهم ودعاء .....
ابو عسل...يابة ياسر اريد اطلب منك طلب..
ياسر... أأمر عمي بس طلعة ماكو اسف ماكدر اقبل اي شي غيره تدلل وتأمرني ...
ابو عسل...ميأمر عليك ظالم وليدي والله احنة نطلب ايد دعاء هي هم بنتي ترة لأبني ادهم .. هو يريد يستقر ويكون عائلة وصارله فترة طويلة برة ويريد يشوف اطفاله وبصراحة اني هم اريد افرح بيهم واشوف اطفالهم قبل ما الله ياخذ امانته وهو خول اخته تختارله ونعم ما اختارت وبعد ننتظر ردكم انت والحجية ادانشوا وقرروا لحد مايجي نتمم كلشي وعلاقتنا الله يشهد اذا مصارت قسمة مراح تتأثر بلعكس تبقى واحسن ان شاءالله ..احجيلك شوية ع ظروفه طبعا اول متخرج اني دزيته يكمل جنت بحيلي ..
ياسر.. ينطيك الصحة عمي ..
ابو عسل.. تسلم وليدي والحمدلله كمل ومبقة شي وراجع وطبعا عندة بيت بأسمه تريدوها تكعد وحدها تريدوها ويانة واحنة ماعدنا احد وايهم ان شاءالله هم بس يطلع اخطبله وتبقى عسولة هم مكانها خالي ويمكن انتو شايفيه كاميرا تريدون تنتظرون علما يجي بسلامة وتشوفوه بس هو مو لان ابني بس شكله كلش حلوو واخلاقه احلى متدين خلوق واخو خيته ماخيره عنك وليدي وبكيفك بعد ..
ياسر..والله ياعمي تكبعها وتاخذها بعد اذن الحجية اني ماعندي مانع وين الكا هيجي عائلة اطمئن ع اختي وياهم ...
ام ياسر...والله وليدي نفس حجايتي..
ابو عسل.. وهي بنتي وبتكم بعد ان شاءالله ترتاح ويانة والله احسبها حسبة ولدي وبنتي عسل ماعدها خوات همة خواتها ...
عسل...كمزت ..
ابو عسل... هابوية وين رايحة ...
عسل...ماكو شي يابة .. رحتلها لان من بدو يحجون طلعت باركتلها وبوستها ولج واخذتج لاخوية هي كيفت خطية وظلت تكلي ولج ممصدكة اخوج جنة الاتراك يخبل ولج عينن مهند ....
للحكاية بقية ......
