عسل..رحت وديت لابوية ولخاله جاي ورجعت لكيته ماكو مخلص الجاي شبساع جان كلش حار ..شفته من شباك المطبخ طالع بلحديقة ..يعني جابلي شبهه من ورة كعدت الحديقة واني بس اكل رزايل وارجع ... لبست شال وطلعت جان كاعد ع كرسي بس وصلت شغل جكارة رحت كعدت بالمرجوحة ..نعم واني داتمرجح طبعا رفع راسه وشمر دخان الجكارة بوجهي رأسن درت وجههي ...
ياسر...عسل شرايدة حجيج مديعجبني ...
عسل...اني مرايدة شي اعتقد انت صحتني ومحجيت شي اني ..
ياسر..دتفتهمين قصدي ولتثولين السالفة ....
عسل...اريد افتهم شنو سالفة الهدية ولتتوقع مني اقبل ع هاي السوالف ...
ياسر....اي انت هديتي وموبكيفج ...
عسل...لا بكيفي اعتقد مسألة تخصني..
ياسر.. وشبيج ضايجة ..
عسل.. لا ابد وليش داضوج بس اريد افتهم ابوية هداني ..
ياسر..يفرق عندج ...
عسل...طبعا ..
ياسر.. اني طلبتج من ابوج ومن ادهم وقبلوا ..
عسل..اني فتحت عيني ..
ياسر..شبيج ..
عسل.. وليش اني ماعرف..
ياسر.. ميحتاج لان اعرف رأيج واني طلبت من ابوج ميكولج لان اني ردت انطيج خبر ..
عسل.. تنطيني خبر لا عاشت ايدك بس اكول بدون زحمة شنو هلغرور الي انت بي وليش لهدرجة ممحترمني وتصرف براحتك ومنو كلك اني اقبل..
ياسر.. وليش متقبلين اني لان اعرف مشاعرج ...
عسل... قاطعته لا متعرف مشاعري مراهقة وخرطتلها كلمتين .. لو نسيت الي صار بيومها..
ياسر.. لا منسيت بس اكو هواية امور تغيرت ..
عسل..تغيرت بلنسبة الك اسفة اني كلشي متغير عندي حجيتلك عن مشاعر وانطيتني المقسوم وانتهى الموضوع بلنسبة الي وخلص حتى مجرد تفكير مافكر بي بعد وانت عندك حياتك راح ترجع مرتك وتبدي وياها صفحة جديدة واني هم راح يرجع اخوية وابدي حياتي وية شخص يحترمني وميستهين بمشاعرررري محسيت الا ع راشدي سطرني طبعا بعدة راسي مفتر ودموعي صارن عشرة عشرة ...
ياسر...كم مرة كلتلج متجيبين طاري اي شخص ع لسانج لان هسة انتي صرتي بأسمي ووممنوع حتى تفكرين بأي احد ..
عسل... لو تبقة اخر واحد داروح جان يلزم ايدي..
ياسر.. انتي هواية هتعبيني اخر واحد اول واحد انتي صرتي الي مسألة وقت وكلشي يترتب ولسانج اذا تريدي انتبهي ع حجيج وياية بعد زين ...
عسل..لا مو زين وعوف ايدي انت شنو كلشي بكيفك اي اي لا لا اني ماريدك بعد عوفني لزم وجهي بس اني خشمي وعيوني صايرات فلم..
ياسر.. انتي مالتي اني وبس افتهمتي لو اعيد بعد وعيونج ماريدها تباوع ع غيري وكلمة حبيبي متنكال بس الية وياريت الحجي الي حجيته مافكر اعيده بعد..
عسل.. وعافني وطب جوة ..كعدت ع المرجوحة كلشي مداعرف افكر بجيت طلعت القضا والمضى... اجتي دعاء..
دعاء.. ولج شبيج ..
عسل..حجيتله الي صار .
دعاء.. لج والله يحبج ..
عسل..ضحكت على حجايتها وانتي تعرفين الي صار من البداية..
دعاء.. اي والله بس اخوية يكابر هواية بس بعد ماضمنج حجى ... هو كال لامي اني من اول مشفتها ردتها بس عيب من ابوها واخوها اباوع عليها وهي ابيتي وجنت دائما اغض النظر عنها وكلت اخليني بمرتي اخاف مينطوني واني متزوج وهي بعدها صغيرة واني ماريد اخسرهم ..بس يوم عن يوم داشوفها واشوف اخلاقها وعرفت اهلها اكثر وخصوصا بعد ماهي اجتي واعترفتلي وعرفت مشاعرها اليه قررت ماعوفها بس اضمن ابوها واخوها يقبلون ينطوني وفعلا لمحت لابوها بعدين حجيت وياه كيف خطية كلي لو انت محجيت جان اني طلبتك لبنتي بس من عرفت متزوج سكتت وبعد ماشفت حياتك الزوجية مو مستقرة صار عندي امل انطيك بنتي لان بس وياك اطمئن عليها خصوصا بعد ماطلعتنا من المشكلة والمصيبة الي صارت وحميتها ...
عسل....اني صفنت ع الحجي كل هذا واني مطفية مسحت دموعي ...
دعاء... دكافي كلبتيها مناحة وية كل هلفرح الي احنة بي ..اكلج عوفينا ادهم شيحب ياكل حتى اتعلمه .
عسل... باعي هاي شدتخرط واني بيا حال ..دعاء كومي من وجهي انتي وادهم مالتج ولج اني القهر كاتلني لج شلون راشدي شوفي خدي شوفي شلون انصلخ بس اني لازم احجي وية ابوية ..امشي دنطب ..
دعاء..ولج شتحجين وياه والله اموتج ولج تاخذين اخوية واني اخذ اخوج ههههه ..
عسل..ماريد اخوج بعد القهر الي قهرنيا بهسهولة انسى واقتنع بلحجي الي حجيتيه ..انتي مشفتي من ديحجي مرتي واريد ارجعها دروح رجعها للسعلوة مادري شلون يباوع بوجهها ....
دعاء...ههه امشي عاد دنطب ثلجت تعاي دنصعد فوك شعدج كاعدة ..
عسل....لا اروح لابوية واجي وراج طبيت ع غفلة ع ابوية ولكيته كاعد يمه يبووووو شلون فشلة بعد الحجي الي سمعته من دعاء احسه يعرف اني عرفت ..ها العفو بعدين اجيك يابة شوكت تنام...
ابو عسل.. كاعد يابة كولي..
عسل.. هو من شافني دنج واني داحجي عيني عليه لا يابة بعدين ممستعجلة داطلع ...
ياسر...تعالي عسل اني رايح اريد انام باجر عندي شغل من الصبح ...
عسل...لا ميحتاج بعدين اجي خليت وطلعت من الربكة الي اني بيها رحت للمطبخ متيهة ياربي حتى مداعرف اتصرف شلون بيه رحت اريد مي بارد ابرد بي نار كلبي داحس نفسي دانزل وراسي يضرب منا ومنا ومداسيطر الزم نفسي احس روحي شايفة الي مالها احد والناس تهجف بية ..لحظات وطب وراية ..ياربي شراح يخلص هاي الليلة ..
ياسر..شردتي تحجين ..
عسل...عفية شي ميخصك ..
ياسر....اكييد ..
عسل.. اكول انت شكد عندك ثقة بنفسك..
ياسر..فوك متتخيلين واعرف بلي تفكرين بي سالفة هديتي حبيت استفزج بيها ولة ابوج ميسويها ..اني طلبتج وراد يكلج بس اني مقبلت وترجيته اني اكلج ..وعرفت تريدين تحجين وياه حتى تفتهمين سأليني واني افهمج ..
عسل..العفو بس ماريد اعرف شي منك ... داطلع لزم ايدي يابابة مدري شيصير بيه كلبي دمرني ياربي ارحمني ...
ياسر..اخر مرة احجي وياج وتعوفيني وتروحين ..
عسل..عفية كافي ارحمني ترة اني ماكدر ع هذا كله ونزلت دموعي ..
ياسر.. ليش تبجين ..
عسل..من المواقف الي دتحطني بيها انت شنو اريد اعرف انت تكرهني ليش هيج تعاملني عوفني يااخي عوفني ترة مصارت دعمة حطمتني احس روحي متحطمة كلبي ودماغي وعقلي متشوش مداعرف اتصرف التهيت بيك واني اخوية بمصيبة واني بمصيبة .. روح رجع مرتك وربي يهنيك بيها وترتاحون واني يجون اخوتي واطلع من حياتكم اعرف ربكتها من دخلتلكم الى هسة والله بس مو قصدي ومانسى وكفتكم وياية ووية ابوية بس لهنا وبس خلي قسمة ادهم ودعاء تتم واني امسحني من السالفة كلها فدوة ...
ياسر.. روحي غسلي وجهج ونامي والخرط الي خرطتي ماسمعه بعد ..
عسل..هد ايدي وراح طلعت داصعد الدرج شفته ديدخل غرفته ..
ياسر...صلي ركعتين قبل لتنامين ..
عسل..صعدت شكد ردت انام مكدرت وعيوني ورمن من البجي وراسي ديون من الوجع ماعرف شوكت نمت .. كعدت على صوت سرى تتناكر وية دعاء..
سرى... كومي عيني عروسة بعد اسبوعين منو يكدر يحجي وياج ..
عسل..فتحت عيني بس اسكتي واخطبج لايهم بس خلي انام .. اجتي تركض ..
سرى...الله عليج شلونه حلو منو احلى ادهم لو ايهم شكد عمره ..
عسل..ولج وخري من وجهي احسنلج من اكعد اسولفلج بس عوفيني...
سرى.. وين اعوفج انتي مخبلة وحدة وين محصلة رجال بهلوكت لا وفوكاه بقلاوة مرة سمعتج تكولين ايهم احلانا صدك ..
عسل.. اي والله احلى الكل وطبعا هو طب اسنان جان كمل هلسنة بسسس الحمدلله ولج راحت النومة من خرب يومج .. كومي ولي من وجهي ولج الفجر يلة غفيت عابتلج ..
سرى..شوفي انتي كعدتي والعروسة نايمة نزلنا جوة الكل كاعد وياسر طالع الحمدلله مشفته قبل ليجي صعدت ومشفته مر كم يوم واشوفه خطف فات اسبوع وباقي اسبوع ع جية ادهم وهو ابد مديحاول يحجي او يحتك بيه واني مغلسة لحد مافد يوم كاعدة وية ابوية وخالة هم كاعدة .. يابة من يجي ادهم وين راح نكعد اني اخاف نرجع لبيتنا القديم عفية ..
ام ياسر..شبيج يايمة بس تريدين تنهزمين اكو احد راكض وراج..
عسل.. لا خالة حبابة لتفهميني غلط بس مترهم لحد متصير خطوبة ادهم ودعاء ميصير ابيت واحد مو صح ..
ام ياسر..صح يايمة بس هم احنة موجودين عدنا مشتمل بصف بيتنا فارغ تكعدون بي ان شاءالله لحد ماالله يفرجها .. ابو عسل..الله كريم حجية يرجع ادهم ويصير خير بنتي عسولة ..
عسل..يبووو ع حظي هم راح اكابله عفية صايرة اخاف منه مدري شبيه شكد جنت اتمنى منه نظرة بس هسة اخاف من وجوده ومن غموضه يعني شكو بيها لو من حجيتله ع مشاعري يبادلني ليش هيج سوة بيه ....
سكتنا شوية والتهيت بلموبايل وخالة وابوية والبنات كاعدين ودنسولف وجان يطب يمة كلبي بعد وكت ع جيته ياربي ليش انحط بهيج مواقف .....
وللحكاية بقية ......
