دعاء..ولج ممصدكة اخوج يشبه الاتراك....
عسل..تخيلي واخوج الاجلح مقبل بيه تصوري ...
دعاء...ولج كافي عاد داأكلج مالج علاقة بالمستقبل خلي عليه اني وامي ..
عسل..لاحبي لا شكد جنت واكعة بس كرامتي صحتني دعاء اخوج أهاني اهانة ماأنساها ومن ثم هو مناوي يطلك مرته اعتقد هو هذا السبب يحبها يحبهااااا واني لايمكن اقبل بواحد كلبه بحضن غيري اوكي سدي الموضوع قلبي اني هم بردت اخوج لعب نفسي وخليج وية دهومة لج والله فد ولد ماأمدح بي لان اخوية بس امج داعيتلج ...
دعاء.. تسلمين حبيبتي يوم الج تسلمين ياروحي ..
عسل..مرت ايااام بين ختلة وهزمة اني ويا من يجي في اكثر الاحيان من يجي راسن اصعد خالة انتبهت عليه بس اني توهتها لحد مافد يوم رجع من وكت حظي اني اعرف وكته وع غفلة طلعت من غرفة ابوية وصار بوجهي دنجت وداافلت ...
ياسر...متصعدين ..
عسل..تسمرت بمكاني انداريت..
ياسر.. لتصعدين اريد احجي وياج..
عسل.. اني كلبي وكع برجليه ..العفو محتاج شي مني ..
ياسر..اي اريد احجي وياج ربع ساعة واجيج انتظريني بلحديقة ..
عسل..طلعت كعدت ع المرجوحة جان وكت مغربية كدامة ساعتين يلة يرجع اليوم شرجعه من وكت ..10 دقايق واجة ...
ياسر...السلام عليكم ...
عسل...بدون ماباوع عليه وعليكم السلام طبعا بلكوة مسيطرة ع روحي ماريد ابين ضعفي اله وداأحاول انساه بكل حيلي والله كريم ..
ياسر.. شخبارج ..
عسل..نعمة الحمدلله بخير تسلم ع السؤال ....
ياسر..اشو ماكو مداشوفج ..
عسل...طبعا عينه علاشجار ..لخاطر الله شكد متكبر هلولد..لا موجودة بس يعني كاضيتها صلاة وقراية قرأن لو اكعد احجي وية ادهم لو نت يعني ....
ياسر..عسل شبيج ..
عسل..نعم ..
ياسر..احسج موطبيعية اكو شي زاعجج ..
عسل..بلعكس اصلا مرتاحة كلللش لان مبقة شي ع الدراسة ومتلهفة ارجع لحياتي ورجعة اخوتي لان بصراحة نريد نستقر واريح بالي ..
ياسر..شبي بالج ليش ممرتاح .
عسل...تعرف واحد موبيته فمو هلكد ياخذ راحته وانتو مقصرتوا وكافي ازعاج ...
ياسر...يعني تريدين تطلعين منا ..
عسل....اكيد طبعا اريد ارجع لحياتي لصديقاتي احضر لكليتي تعرف ع الابواب احس حياتي واكفة ماكو اي تغيير اريد اسويلها رفرش ..خرب عرضي ع البرود خبلته منين ميجني اطلعله حسيت نفسي رجعت عسل القديمة قويت روحي بتصرفاته وياية ....
ياسر..تصرفاتج تبينلي غير شي ..
عسل..كمت وكفت لان ديلمح شي واني ماريد احجي بأي موضوع وياه ....لا بلعكس اطمئن استاذ ياسر ماكو غير شي ....
ياسر...اكيد ...
عسل...اني نسيت كلشي كلتلك حسيت نفسي مراهقة من حجيت وياك احتمال الحب الحقيقي الى هسة مملتقية بي احتمال بحياتي الجاية احتمال بلكية بعد الله اعلم طبعا واكفة كباله واباوع بعينه وهو بقة شوية وينطيني احلى راشدي ....بس ظليت صامدة فدوة اروحلي هههه..بس اتمنى تنسى كل اليصار وتعتبرني اختك الصغيرة وغلطت ومتخلي ياأثر ع علاقتنا لان تعرف احنة ان شاءالله راح نصير اهل وطبعا اتمنى توكف وية اخوتي من يجيني احد تعرف بعد وباجر عكبة ترجع زوجتك ....
ياسر... بس لتقررين عني ارجع زوجتي او لا بكيفي ...
عسل..اعتقد استفزيته .. اي طبعا بكيفك ليش هو منو جبرك اني دااتمنالك الحياة السعيدة من كل كلبي ....
ياسر..انتي شتريدين ..
عسل..سلامتك ...
ياسر..اتمنى الحجي الي حجيتيه هسة كله تنسي ومينعاد بعد وكأنما مسمعته ولسانج ينكص اذا جبتي طاري خطوبة او زواج ......انتي هديتي .....
عسل..وعافني وطلع برة البيت وخلاني واكفة اوزع ابتسامات هديتي .....هديتي شنو...... بعدين انتبهت ع روحي اني شبيه شكو ضربتها صفنات وهذا شحجه وراح وعافني مسطورة هديتي شنو ..... ضليت كاعدة بلمرجوحة اريد افتهم ماكو .. طبيت ع خالة لكيتها نايمة كلت احجيلها بلكي تفهمني ...ادري هي ليش نايمة هسة هي متنام هيجي وكت ...خالة خالة ليش نايمة بعد وكت..
ام ياسر.. لا خالة منايمة بس امددة اذا انام هسة شينومني بليل كولي حبيبتي تريدين شي ..
عسل..اي والله بس مو هسة من تصحصحين عود عفتها ورحت لكيت ابوية كاعد يقرة قرأن كعدت يمه معقولة ابوية هداني ...لاطبعا وين كاعدين وهلكد اني رخيصة عند اهلي شنو متعاجزين مني وشمروني عليه وهو ميريدني ... طلعت مثل التايهة ودايخة بلحجاية وافر بأذني عافني وحدي وطلع ....رحت للمطبخ بس افر براسي كلت خلي ابدي بلعشا اريد الهي روحي عيوني راح تطلع من التفكير بديت اثرم وكلي لحد مااجتي خالة والله جابها كعدت يمي بلمطبخ ..
كلت خلي امهدلها السالفة ممحتملة جفصات ..اكول خالة يمتة ياسر يرجع مرته ..
ام ياسر..يمة اسم الله الرحمن ..
عسل..شكو خالة يمعودة فززتيني ..
ام ياسر.. ليش بنتي دذكري فد شي بي خير لو تنكلب الدنيا ماأخلي يرجعها يمعودة تروح تموت ابني من القهر والمشاكل مادري منين جابلياها الله ليعودها ..
عسل..شوية ودخل صارت عيني بعينه دنجت ودرت وجهي ع الطاوة .. صحيح اني جنت اتمناه بس مو بهلطرريقة مراح اكدر اتعايش بهاي السالفة شنو هدية ليش ياربي هو ليش ميفهم الواحد احجي وياه لو وية ابوية ..مداعرف خاف اكول لابوية لا عيني ميقبل هيجي شي شنو السالفة.... كملت العشا وصحت البنات هم صاحوه وجاب ابوية واجة ابوية بدة يمشي بلعكازة وهو ساندة كعدو ....وكعدت يم خالة صرت كباله والبنات يمه وهو يم ابوية كاعد عيني بماعوني بس بالي ابد مو وية الاكل دنحجي بموضوع ادهم ودعاء ...
ام ياسر..بتكم ابو ادهم مابيناتنا رسميات شتجيبولها جيبولها ولايهمكم...
عسل.. بهلاثناء دك موبايلي جنت حاطته ع الشحن علكاونتر يمي كمت فتحته ادهم وحجيت وياه سلم علكل وحجة وية ابوية وكله اريد احجي وية ياسر حجة وياه بموضوعه لان اني بلغته بموافقة الكل وطبعا ياسر حجة وية دعاء بطلعان الروح يلة حجت .. الي افتهمته شغلة ايهم خلصانة وياسر دافع فلوس المستشفى مال ابنهم ومديقبل يكول شكد ...ادهم كله اريد عسل صاحني وصوته بأذني بعد ما جنت ضاربة 100 صفنة وحدة وية الخ ...نعم ...
ياسر...ادهم يريدج ...
عسل...اخذته منه وكعدت بمكاني كباله ..ها حبيبي ..جان يرفع راسه وخزرني خزرة ..بلة هذا شبي بس اريد افتهم شكو هو شعليه لو صدك روحه ابو كفشة ...المهم داحجي وية ادهم ادهم..عسولة كملي كلشي لان رجعتي قريبة ..
عسل..لا بربك شوكت ترجع هو رأسن شال راسه ومتلهف يريد يعرف شوكت ...
ادهم...اسبوعين واني يمكم ان شاءالله .....
عسل..ووووووو عطت عيطة وكمزت من الاكل كلها ضلت تباوع علية ابوية كام يضحك عليه كمت رحت بلصالة كملت تليفون ورجعت.... بس شكد فشلانة كعدت وولالكمة حطيت بحلكي ..
دعاء ...ولج مجنت اعرف هيجي ضايجة من عدنا ولج شفتي روحج شكد فرحانة ...
عسل...لا والله بلعكس وشايلة هم شلون راح نروح بس كافي ازعاجات ومشاكل والله اني كلش فشلانة من ورة المشاكل الاخيرة الي صارت وعبالك ماعندي احساس المفروض ثاني يوم نطلع لان انتو متستاهلون غير كل خير والله ..
ام ياسر....لابنيتي هذا بيتكم واحنة اهلكم واحنة ردناها من الله الي صار بلكي نخلص منها ..
ياسر..لا يوم فترة وارجعها بس اعزللها تكعد وحدها...
ام ياسر.. شنوووو..
ياسر.. الي سمعتيه امي ..
ام ياسر..هم رجعنا ...
ياسر..لا مرجعنا بس انتي تعرفين وجهة نظري ...
ام ياسر... اوووف ياربي الصبر الصبر..
عسل.. استأذنت من ابوية وكامت وابوية هم راد يروح ينام كلتلة يابة لتنام اريد احجي وياك ... كمت وية البنات دنلملم ..وهو بعدة ع كعدته رحت داسوي الجاي والبنات وحدة علميز وحدة علمواعين كملناهم سرى خلت وراحت ظلت دعاء يمي كالت اريد جاي اطمئنيت هو بعده ع كعدته كملت الجاي داصب دعاء اخذت كوبها وطفرت خرب ضميرج وبلي الي صبلج اول وحدة ..وظليت وحدي وياه رجلي كامت ترجف ماريد ابقى وحدي وياه صايرة اخاف منه .. خليتله كوب الجاي ع الميز داطلع من المطبخ ..
ياسر..وديهن وتعاي انتظرج ...
عسل..وهو ديخوط بلجاي حتى مرفع راسه مجاوبته للحظه جان يرفع راسه وصارت عيننه بعيني ..
ياسر...سمعتيني ..
عسل...صار ...
للحكاية بقية....
