والله خالة لو باقية لحد مابوية يكدر يطلع ويجي عليه..
ام ياسر...لايمة شبيج شنو هلحجي بنيتي فوك الي سوينا بيج لو صاير بيج شي ..
عسل...لا خالة اني جنت اركض بدون وعي ..
ام ياسر...حقج حبيبتي بعد الي شفتي شتسوين قابل مو ياسر اشو ساكت خيرك ولو انت طبيعتك سكوتي ..
ياسر...هايمة بس داسمع اطمئني اختي ولايضل ابالج لحد ماتفض السالفة ويكدر الوالد يجي ياخذج ..
عسل...تسلم رحمه الله والديك بس اختي شنو راعي مشاعر وحدة عايشة مراهقة متأخرة ..
انداريت ع الجامه واضرب صفنات سودة عليه ابوية شلون وضعية بلة اني شطلعني بهليل لو مخابره ايهم بس واحد من ينسطر.. اوووف ياربي رحمتك يعني تليفوني مجبته قابل كل شوية اكللهم اريد اخابر ابوية وبصفنتي جان يدك تليفون القيصر ..
ياسر...العفو هذا يمكن رقمكم لان ممسيفه تفضلي عسل....اخذته فتحته طلع ابو محمد هلة عيني ابو محمد شلونك ابوية شلونه فدوة لعمرك ابو محمد مالي غيركم لحد مااكدر ارجع ابوية بأمانتك فدوة لعينك خلي مروة تنطي دواه ..
اسعد....اطمئني عسولة عمي يريد يحجي وياج..
عسل... ها يابة فدوة لعمرك ليضل بالك لا والله بعدنا مواصلين اطمئن يابة والله اني بالي كله يمك ولا مفكرة بروحي يابة ايهم شلون اي خطية ادري بي ميقصر احنة واكعين بركبته لابو محمد الله يحفظه ويحفظ عائلته يابة عود انت خابرني وطمني عليك لان تليفوني بلبيت مع الف سلامة عود صلي ونام واقرة ايات قبل لتنام وادعيلي يابة ادعيلي فدوة اروحلك انت بمكان امي واحنة واكعين بشدة بس رب العالمين يكدر يخلصنا منها بسلامة يابة .. ادري الطريق صار شطولةهاي وين بيتهم بس لا خطفوني عااااا.
ورة اكثر من ربع ساعة وكفت السيارة يم بيت يخبل مو كلش جبير بس راقي نزلنا وخالة كادتني تعالي يمة تعالي هذا بيتج ولتخافين ولا تستحين اتصرفي ع طبيعتج كأنما ابيتج وبنص اهلج ...اي خالة بيتكم عامر بيكم يارب ..
طبينا احنة والقيصر مدري وين راح دخلنا .. طبعا الوكت فوك ال 11 بليل لان الهوسة جانت مغربية .. تلكتنا بنات اثنين وحدة تطلع اكبر مني يعني عمرها 25 او 26 عرفتني امهن عليهن الجبيرة دعاء والصغيرة يمكن طالبة اعدادية بس ماعرف ياصف اسمها سرى والجبير جان ياسر ابوهم متوفي صار اكثر من 10 سنوات ..
المهم تلكني البنات احضان وحمدلله ع السلامة واني صافنة عليهن هاي طيبة لو اني كمت اشك بكل الناس من الي صارلي ..خطية اخذتني دعاء لغرفتها وطلعتلي هدوم من عدها مقبلت البسهم لان الوان واني لابسة اسود وماكدر اسبح لان ايدي مخيطة وراسي هم ..
دعاء...زين عندي تراك اسود بس يمكن شوية جبير عليج..
عسل... ميخالف جبير احسن بدلت ..
دعاء....يلة ننزل نتعشى ...
عسل..اي بس فدوة دعاء عندج موبايل ....
دعاء...اي حبيبتي عندي تريدي...
عسل... لا والله بس كل شوية اسوي مسكول لابوية وهو يخابرني استحي من اخوج ..
دعاء...لا ياعمري لتستحين احنة صرنا اهلج هسة ماما خابرتني وحجتلي جزء من الي صار بس بصراحة اول مشفتج حبيتج وتطلبين بكيفج واخوية لتستحين منه خاف يبينلج عصبي والله ماكو مثل كلبه بس الحياة لعبت بي طوبة من ورة وفاه ابوية الى هسة فشوية يبين عليه قاسي بس من برة بس كلبه ابيييييض ..
عسل...اوكي حبي ولو راح اثقل عليكم بس والله اني نسمة وحبابة وطيوبة ولا راح تحسوون بيه ..
دعاء...ههههه مبين عليج حبيبتي...
عسل... بدلت ونزلنا جانوا كلهم كاعدين وسرى اختهم الصغيرة مكملة العشا ..اني كلش مستحية كعدنا تعشينا بس شنو لكمتين وتذكرت ابوية هسة شلون كاعد وهو هم كلش يستحي وايهم سودة عليه هسة بلسجن شحاله وعود حاله انصلح بس بعديش ..وامهم كل شوية تباوعلي...
ام ياسر... اكلي يمة معاجبج الاكل يكوم ياسر يجيبلج من برة شنو تحبين ....
عسل...لا خالة الحمدلله النعمة هواية بس والله مداشتهي بالي كله يم ابوية ..
ياسر...اخابره تحاجيه..
عسل... لا تسلم ميحتاج عود ع باجر هسة سديته وياه بس ابوية مريض ومقعد واني الي اداري يستحي من كل احد وهسة حتى لو جيرانه وعشرة عمر بس هم غربة ويستحي منهم ..
ام ياسر....اي خطية الله يساعده...
عسل... خطية كلش انقهروا خو الاماية كامت تبجي ..خالة فدوة لتبجين ترة هسة متلحكين عليه بعد ..
ياسر....ليضل بالكم باجر اني اعرف اتصرف واحتمال اجيبه للوالد هنا عندي معارف تكدر تسيطر ع الوضع ....
عسل....يمة فديت صوتك وحلولك على قلبي مي بارد افييييش ويجيب ابوية يمي يمة يمة خايب صدك تحجي بعدين حسيت ع روحي والله يمكن تخبلت هاي شبيه بلة ...
عسل...تسلم يارب والله ماعرف شلون اجازيكم دوختكم وتعبتكم وياية ......
كملنا ورحت وية البنات لغرفتهم بس طلبت من امهم بس اليوم انام يمها اريد احضنها وانام قبلت خطية رحت نمت بحضنها واحلى نومة بس دكيتها بجي لحد ماغفيت ومرتين افز واتذكر ابوية مرة حست عليه خطية وخافت ..
لاخالة ماكو شي بس حلمت بابوية كالت كومي توضي وصلي ركعتين ونامي كمت توضيت ورجعت لغرفتها عبالك جامع كلشي حاطة بيها جان قريب الفجر صليت ورجعت نمت حلمت نفس الحلم وكعدت ابجي طلعت برة رحت للمطبخ ابجي مردت امهم خطية تكعد اني متاكدة ابوية مثل حالي وظال باله عليه وحقه سودة عليه الناس متنعرف وهو ميأمن بس ماكو شي يطلع من ايده باجر اخابره واطمنه اني شفتهم زينين الحمدلله هاي دعوات امي حبيبتي وينج من فدوة رحتلج ليش عفتينا..رجعت نمت على ما طلع الصبح اني مشاهدة مصارت ليلة عليه يمكن لان وحدي وبيت غريب ماعرفهم خفت حتى لو اخلاقهم وطيبتهم تطمن بس احنة العراقيين كام واحد ميأمن بأخو مو عاد ناس ميعرفهم للاسف اكو زمرة هي الي شوهت الطيبة الباقية بكلوب العالم....
كعدنا الصبح جانت عطلة الي عرفته دعاء مخلصة لغات انكليزي وكاعدة ممتعينة لان تريد تتعين مدرسة ومدتحصله وسرى طالبة 4 اعدادي وياسر ممكمل دراسة وجان يشتغل بلمقاولات ...تريكنا وهو جان طالع يمكن مشفته بعد كعدت وية البنات كلما اريد اكوم ميخلني وضعيتي ورجلي بصعوبة اكوم اتحرك وسرى السخيفة ..ادري فوك مسكطناج النوب تكعدين تنظفينا ...
مر اليوم واني الوب اريد اخابر واستحي اسأل شصار وصار الظهر رحت خالة ميخالف اخابر ابوية من دعاء ...
ام ياسر... ادللي يوم بدون متكولين شوكت متريدين خابري ...
عسل....دكيت على رقم ابوية فتح خط ها حبيبي شلونك صحتك شلونها ميتة ع شوفتك منايمة الليل كله بلياك وخالتي والبنات يغمزلي كافي مو زين عليه هويبجي واني ابجي اخر شي بلكوة حجى...
ابو عسل.. يابة اني هم منايم الليل وبيت ابو محمد ممقصرين وياية شايليني شيل الله ينطيهم الصحة والعافية ..
عسل ..اي الحمدلله والله يابة اني هم زينة وناس خيرة وكلش طيبين وحايرين شيسوولي وعدهم بنات اثنين بعمري اطمئن يابة وليضل بالك فدوة اروحلك دواك لتهمله ونصبر والله كريم ..يابة عود دكلي ع هذا الرقم مال بنات حتى اكدر اجاوبك لان اخوهم دائما طالع واني اريد دائما اسمع صوتك...
ابو عسل.. اي يابة ادري لان خابرنا ع هذاك الرقم طلعنا الولد كال اني طالع بس ارجع تدللون خطية الله يحفظه...
عسل... اي يابة هذا الرقم احسن زين يابة ديلة خلصت رصيد البنية ..دعاء...دحجي يمعودة شصار قابل...
عسل... لا هذا هو يلة يابة بالف سلامة وسلملي على بيت ام محمد...
ابو عسل... انتي هم سلمينة...
عسل... يوصل حبيبي بالف سلامة ..سلم عليكم ..الله يسلمه انداريت على امهم...
ام ياسر... ليش يمة شبيج ليش تزعليني منج ليش هلتحسس بنتي احنة مثل اهلج مو كافي الي صار وياج ومرضرضة جسمج كله من ورانا لو غير عالم جان كسروا ظهرنا بفصل وانتي حبيبتي كلما نحجي تكولين اني الي طلعتله ع غفلة...
عسل... اي خالة هذا الصدك هي مال جذب واني واهلي كلهم بشدة رب العالمين يطلعنا منها وارجع لابوية واخوية يطلع من سجنه ....
ام ياسر....ميخالف حبيبتي بس هو جان لازم يدير باله وهاي السرعة يبطل منها ..
عسل...يلة الحمدلله ع كل شي... الحمدلله ..
كمت وية البنات كعدنا بلمطبخ وهنة ينظفن ويسوون الاكل واني كاضيتها صفنات بلة شلون راح تنحل وية هذولة بس اني شكد كوية شلون ضربته عزة بعيني كلما اتذكر اللقطة جلدي يكزبر انتبهت عليه خالة لان دتحجي ومداجاوبها..
ام ياسر...خيرج خالة ليش صافنة ...
عسل..والله خالة صافنة بحالي ..
ام ياسر...ليضل بالج راح تنحل وداعتج...
عسل... كملنا الغدا تغدينا وصار العصر وكعدت سولفتلهم كلشي عني ..وهو ولا رجع ابد اريد اشوفه لازم يرجعني لابوية عفية ماكدر بعد ...
للمغرب دخل ...
ياسر...سووووو طريق كلها ركضت واني وياهم .....
وللحكاية بقية .....
