رشاااا..انتي ليش قبلتي بياسر وتدرين بي متزوج لا والادهى ميخلف ميعجبج تصيرين ام ...
عسل ..دعاء طبت سمعتها عفتها داأكوم جان تلزم ايدي ..
رشا...ترة ياسر مالتي اني وبس وانتي تجاوزتي كل الحدود وياية واني ساكته بس وصلت حدها انسحبي بكرامتج..
عسل... هذا الحجي كله ودعاء دتسمع بس هي جانت متدري جان تطبلها..
دعاء... انتي تضلين متستحين ولج مو كافي عاد ابد متجوزين لعلمج ياسر هو كتل نفسه عليها ومتدرين شسوة علمودها ويموووت عليها زين ومو انتي الي تجين تفرقيهم وكافي هذا حجيج الماصخ وكومي ولي منا حية انتي وتبخين سمج بوجه الكل شبيج ..
عسل....دكيت ع ايهم اجة للمطبخ ...
ايهم...ها دعاء وين عسل ..
دعاء..هياتها عيني طب..
ايهم.. ها عسولة رايدة شي..
عسل.. يلة نروح عفية ...
ايهم...اي هسة خلي اكول لابوية ولادهم ..
عسل..شاورت دعاء فدوة موتحجين الي صار ملنا خلك مشاكل عوفيها هي يعجبها تضوج الي كدامها خلي اسلم ع خالة واجي داأطلع ..
رشا... وين ياطير ..
عسل..مجاوبتها رحت لخالة كلهم كاعدين ديسولفون وايهم ديكله لابوية يلة يابة نروح لان عسل شوية مالها خلك ..
ام ياسر....يمة بنيتي خيرج ..
عسل...لاخالة ماكو شي بوستها خالة لازم اروح وعود اجيكم صدكي بس اليوم ماأكدر ابقى همست بأذنها خالة ترة ماكو شي بس اني صرت احسن ساكتة مجاوبتني وتباوع علية هو بس يباوع وساكت كلشي محجة ادري راح يسوي هوسة بس مو بيدي ابقى بعد بست خالة ووكفت يم البنات بلمطبخ هي كاعدة ..الولد وابوية طلعوا من باب الصالة واحنة من باب المطبخ دعاء طلعت وياهم واني وسرى متكاودين دنطلع اباب المطبخ ...
رشا...عسل عيني خفي رجلج هنا تدرين انتي بنية شابة واني رجلي هم مو صغير يعني تعرفين الوظعية..
عسل... كمت اضحك وطلعت حتى هو انتبه عليه داأبتسم طلعت من باب المطبخ..
سرى .. ختولي هاي مخبلة لتديريلها بال ..
عسل ..يمة يامخبلة اني مخبلة مو هي طلعنا للباب بوست البنات وتشكرت منهم ع تعبهم وياية وطلعت كبل صعدت بسيارة ليورة وية ادهم وابوية وايهم ليكدام ودنجت بقوا يسولفون خليت الهتفون بأذني ماريد ارفع راسي بعد ولاتجي عيني بعينه كافي كلبي مديتحمل شنو من قابلية خرب بيج خالة والبنات طبوا بقوا شوية بلباب سوالف وحجي واني رجيت راسي ع الكشن وهو يحجي وية ادهم وعينه عليه واني مغلسة صعدوا دكوله هورن وطلعنا وصلنا وكبل لغرفتي وايهم فدوة لعينة صعدلي الجنطة ..
ايهم..ها عسولة خيرج ندري بيج ضجتي حبيبتي بس انتي من قبلتي ترة تعرفين بلولد متزوج وعندة ظروف ميكدر ينفصل فلتحملي ذنب ..
عسل...لايابة عادي بس حسيت وجودي باهت كلت خلي ارجع واني الحمدلله صرت احسن..
ايهم... يعني ماكو شي ...
عسل...لا والله ماأنكر اكو مغثة بس قابل اني شحجي وياه فضليت ساكتة احسن لتخاف حبيبي اختك عاقلة هههه ..
ايهم...يمة فديت رويحتي ...
عسل....انت اخبارك ايهم شوكت ترجع لدراستك ..
ايهم....من كل عقلج وين اكدر ارجع..
عسل ..شنوو ايهم صدك تحجي ..
ايهم....ماعرف خليني هسة داشتغل مداافكر بدراسة ماكو واهس ومااكملها ادري بروحي الي جنت اريد افرحها رااااحت خليني ملهي روحي بشغل اريد انسى عسل ..عسل الي صار ماكو شي يلهيني عنه غير الشغل..
عسل ..تزوج حبيبي والله تلتهي مرة وجهال ..
ايهم..شنووو خرب عرضج ...
عسل..شبيك ليش تضحك والله تلتهي وينسوك الدنيا كلها ... ايهم..عسل كمتي تهذرين خلي اكوم انام احسنلي تصبحين ع خير ..
عسل..تصبح ع خير حبيبي فدوة طفي الضوة وسد الباب ..
ايهم...صار خادم صغير ..
عسل..حشاك ياعمري..
ايهم.. يلة حبيبي نامي وارتاحي ..
عسل..ظليت كاعدة اتكلب كتبتلي دعاء ولج وراكم صارت ملاحم بطولية راد يكتلها الا شوية وهي ولا كلمة ولا نفس مدنعرف شبيها وشتريد ..
عسل...ليش شصار حبي ..
ياسر .طلعوا الجماعة وطبيت صاير نار ارجف هلكد مصاير اعصاب طبيت كاعدين بلصالة وهي ماكو صحتها رشااااااا اجتي تركض ..
رشا...ها ياعمر رشا ..
دعاء..احنة كاعدين طنننن شنو هاي منو هاي وتوزع ابتسامات ..
ياسر..رشا شرجعج ..
ياسر..انت حبيبي ماكدر اعيش بلياك وانت عايفني صار شكد ولاسالت عليه بس اعترف اني الغلطانة وما اعيد ومااكرر الي صار وخالة حقها ع راسي من فوك ووعد مازعلكم مني بعد والبنات هم اعذروني خاف اذيتكم فديوم..
دعاء.. كلنا صافنين ع التمثيل وهو صار نار ..
ياسر...هسة تذكرتي صار 5 سنوات من مشكلة لمشكلة ومن زعلة لزعلة واني عايفج ع راحتج وهسة بكيفج تريدين ترجعين مو هو كله صار بكيفج واحنة لازم نتقبل وجودج بلوكت الي تريدي حضرتج مو ومن تضوجين تسوين هوسة وتطلعين هم بكيفج مو ..
رشا....لا لا اني اعترف جنت غلطانة وطالبة مسامحتكم عفية انتو اهلي ماكدر اعيش بعيدة عنكم ..
ياسر...شوفي رشا اني عقدت ع عسل ومبقة شي ايام وجودج او عدمه مراح يعيقني ..
رشا..شنو ليش حبيبي مو اني رجعت ..
ياسر...عادي ميفرق اني اريد استقر واكون عائلة وبيت ومو انتي غايتي زواجي منج جان مو بيدي انغصبت عليه ولاجل خواطر تممته ومستمر الى هسة بس ماأوعدج راح يبقى الوضع هيجي يعني اذا اضطريت راح انهي كلشي لان اني هم انسان وكافي الي تحملته بس حاليا لا واني حجيت وية علاء اخوج وفهمته كلشي ..
رشا....بس اني رجعت ندمانة ارجوكم سامحوني ..
ياسر....عوفج من هذا الحجي كله انتي راح تعزلين فوك وحدج وعسل وية امي البنات مكانهم خالي ..
رشا....ليش اني اريد اداري خالة..
ياسر....كافي رشا بعد مو بكيفج اي شي ها واي طلعة من البيت ماكو رجعة بعد انسي ترجعين ...
رشا...هاا شنو انت هواية ضيقتها عليه .
ياسر...لا بلعكس اريدج تعرفين طريقج ..
رشا..وهسة ياسر اني اريدك ..
ياسر...ها لا بلة ...
رشا...هاي ليش هيج تحجي وياية ..
ياسر....كافي عاد خلص الحجي غرفتج حتصير فوك والمطبخ الفوك الج واحتياجاتج راح تكون كاملة فوك نزلة جوة ماريد ساعة ساعتين مو اكثر وعسل وية امي متغثيها بكلمة غرفتها جوة حتصير واكلها وية امي ودعاء مبقالها شي وتروح وسرى مكانها خالي ..
رشا...يعني راح ابقى وحدي فوك مثل البومة ميصير هيج ..
ياسر...لا يصير رشا كافي لغوة ترة دوختيني هذا العندي قرري حتى اذا ميعجبج اعرف اتصرف ..
رشا..ليش هيجي ياسر يعني تريدها لزمة حتى تعوفني ...
دعاء...طبعا احنة صافنين هو صاير نار وهي فد مؤدبة مدنعرفها..
ياسر..لا لزمة ولا هزمة هذا الموجود وهسة قرري ..
رشا....لا هذا هو براحتك حبيبي اني شعندي غيرك امرك يابعدروحي ..
دعاء...طبعا هو لعبانه نفسه ومديتحملها بس مو بيده خله وطلع شفته بلطرمة ديدخن خلت وطلعت وراه شوية وطبت يمكن ترزلت وامي مقابلة بلي صار جانت منتظرة يطلكها ويدزها لاهلها بلا رجعة ..كلشي تغييرت جلبت مدري شبيها هلمرة يمكن عرفت ياسر يريد يتزوج بس منين دتعرف اخبارنا ....
عسل...بدينا نحضر للحنة والعرس واحنة هم جهزنا كلشي حتى غرفة اشترة بقت حجاية ظلت ابالي مال ميخلف وميعجبج تصيرين ام ليش هيج تحجي ع ياسر معقولة اكو هيجي شي ومكلي بس لا عيني حتى لو ماريد غيرة فدوة لعينة ولا راح اكله واغثة هاي دنغوزة تريدني اعوفه ..مرررت ايام واني كاعدة ع نار بس اريد اعرف دينام وياها بنفس الغرفة التفكير خبلني هاي راجعة بكل قوتها ومناوية تسلم ع حضي صارت ادمية وقررت تستقر بعد مارحت لبيتهم بس البنات اجوي وية خالة ساعة ويرجعون هو وياهم بس بدون حجي واتفقنا ع تحضيرات عرس ادهم وفرشنا غرفتهم تخبل صارت بلعافية عليهم يستاهلون فدوة لعينهم ..طلب من ابوية بس تتحسن حالتي نعقد سيد ومحكمة بنفس اليوم وابوية بلبداية سكت بعدين كله براحتك حبيبي .احنة نظرات بيناتنا لا اكثر حتى تليفون ماكو واني اكتب لدعاء وارجع امسحه استحي شكوللها لا ماريد خليني هيج احسن كم يوم وطب العصرية اثاري مخابر ابوية وطلب منه ومن ادهم يوديني للطبيب ادهم كايلة ميحتاج اني دااداوي جرحها وابدللها الضمادة ..
ياسر..لا ميخالف مو حتى نحلل مال العقد همين ونتعشا وارجعها ممانعين طبوا اني ولا ادري ابوية بلحديقة ديرشرش وادهم هلاثناء فتح عيادته وايهم بشغل ابوية وية اسعد واني امددة واسمع طربكة مو اغاني وجان يطبون واني ياكاع انشكي وبلعيني مابيه اكوم منا وجع العملية ومنا طبوا غفلة شوية بصعوبة اكوم ..
ابو عسل...يابة عسل كومي ياسر يريد يوديج للطبيب..
عسل.. هسة اريد اكوم.. هي هاي عملة ابوعسل غير تدك هورن احم احم ..جان هو يجي يكومني ..
ابو عسل...اي يابة والله صحيح نسيت اكلج دكومي هسة تحضري قابل شعدج ..مو حتى يجيك وضعج وهم تحللون علمود العقد ...
عسل...ياتحليل يابة التحليل غير الصبح هسة وين اكو مستوصف كاعد لا مو ياسر راح ينطي المعاملة بيد محامي يعني التحليل روتيني حتى تطمئنون ابوية دكومي تحضري ..
عسل...بس اني زينة..
ياسر.. ميخالف.. اني بقة بالي بس فحص ونرجع شبيج خايفة..
عسل ...هاا لا مخايفة بس اكول ميحتاج ...
ياسر...لا يحتاج دكومي عاد ..
عسل..اي اي كايمة كمت بدلت وطلعت بلكوة امشي كام اجة يمي..
ياسر... ها نروح ..
عسل....اي يابة راح تبقى وحدك ...
ابو عسل...عادي يابة قابل شكو عليه ليضل بالج هسة ايهم ع جية روحي شوية تونسي وية خطيبج صار كومة مطالعة..
عسل... اي يابة فدوة لعينك دتعال ويانة..
ابو عسل... لايابة عاد شكد لحيتي روحي ..
ياسر...نترخص عمي..
ابو عسل... غالي حبيبي دير بالك ع مريتك ها ...
ياسر...ليضل بالك عمي الله وياكم ..
عسل..صعدنا بسيارته دك هورن لابوية وطلع ..فتح اغاني واني اريد احجي واساله ع البومة الي يمة واستحي..
ياسر... هاعسولة ساكته..
عسل.. ها لا ماكو شي شخبارك ..
ياسر...الحمدلله انتي شخبارج..
عسل..ماشية الحمدلله ..
ياسر...نروح للطبيب يجيك وضعج وبعدين نروح نحلل ونتعشا ونرجع شتكولين ..
عسل...كيفك ....
للحكاية بقية ......
