عسل...طبينا للبيت راسي طبل من الصبح طالعين كبل نمت ...ثاني جان المهر رحت للصالون وحجزت بدلة احمر واسود كصيرة والمكياج سموكي والشعر فتحته ع طولة ....يمة واجة الحب طالع يخببببل كعد وريحته ترست ريتي فديتك قلبي .
ياسر...ولج استحي لازم اني اتحارش بيج ..
عسل...هو انت اليشوفك تريده ميتحارش بيك ظل يضحك اجتي دعاء يمي بقت تصلي ع النبي هي وسرى ورحت بوست خالة لان مبيها حيل تكوم ورجعت اباوعله اكعد كبالي اريد اشبع شوف منك وهو مستحي فد مرة..
ياسر.. ولج كافي ..اييي ولج شطالعة اليوم ..
عسل...اني لو انت يمة من فدوة لهطول الله عليك شلوني..
ياسر...تخبلين دومج فدوة رحت لعيونج ولج طالعة لعابة شلون بيج فهميني ....
عسل...ولج دعاء تعاي طكي صورة للقيصر وحده اجتي تتمضحك وهو هم خربان ضحك واخذنا كم لقطة سوة واجة السيد عقدلنا...تعال بوسني ترة اني اكوم ابوسك..
ياسر.. ولج بس بطني كامت توجعني من الضحك ...
عسل...ها يلة كام باسني من راسي ومن خدي يمة راح اموع من فدوة اروحلك دير بالك ع نفسك يلكمر..
ياسر.. ولج بس عاد زاحفة..
عسل ..لبسني الذهب من ديسد الكلادة همس بأذني..
ياسر.. ولج ركبتج تخبل شراح يصبرني للعرس..
عسل..يمة صارت صدك خلص وروح حباب ..
ياسر...وين اروح ولج ..
عسل...لبيتكم ..
ياسر..ها خلصتي
عسل..لا والله بس بديت تحجي بلعميق ..
ياسر.....لعد شعبالج بس ضحك شبعتي ضحك مو هسة الدور عليه ..
عسل..دكعد حباب عيب من العالم ..
ياسر ..هسة صارت عيب ..
دعاء.. مكافي عاد عيني ترة العالم صفنت عليكم..
عسل.. هو يضحك عليه لان صدك توترت من تذكرت سالفة العرس ..خلصنا الحفلة بقوا كاعدين شوية وراحو اسبوع وراها عرس ادهم بيوم الحنة رحنا حنينا دعاوي حبيبتي تخبل طالعة بتت يمهم وثاني يوم العرس رشا راحت لاهلها مقبلت تبقى وهو هم مراد مشاكل وداها ..كملنا العرس لان جانت زفة عادية وبعدين فندق وثاني يروحون لتركيا اسبوع زفيناهم احلى زفة اتمنيت امي تزفه لان اول فرحتها ودكيناها بجي وهو هم خطية باس راس ابوية وظل يبجي ..كوم ادهم عروستك مالها ذنب تبجي بهيج يوم راح بوس خاله وكللها بعيني ..
ام ياسر....ادري يابعد بيتي متشوفني موصيتك بيها بس وصيتها بيك ..
عسل..ياسر وايهم وابوية بقو برة تسالمو ووصا باخته ..
ياسر ..ادهم بعد اخوك هاي طالعة من كلبي ..
ادهم... لتخاف حبيبي اختي يمك بعد ..
عسل..وظلو يضحكون طلعو زفيناهم للفندق ..ثاني يوم اجوي من الصبح سلمو وراحو ع بيت خالة هم سلمو لان وراهم طيارة ..
وكل يوم نخابرهم متونسين هواية رجعوا مفاجئة محد يعرف بوكتهم راحووا سلموا ع بيت خالة ورجعواا حضرتلهم احلى غدة تعبانين اسبوع بس تفرفر نامو للعصر نزلت دعاء ..
دعاء...عسل امي عازمتنا على العشا..
عسل... اي حبي شكو بيها دروحي ارتاحي ولليل عود نزلوا وروحوا..
دعاء.. وين نروح امي كالت كلكم تعالوا وانتي هم عيني عروسة الدور عليج ..
عسل...ياعليه عيني اني شكو عازميكم الكم حبي ..
دعاء...لا والله امي تكول صار هواية مملتمين ..
عسل..نزل ادهم كال لابوية وصاحني كال تحضري ...اني مردت اروح ماريد اتصادم وياها بس خفت لا خالة تزعل ... ورة الغدا حضرت ولبس فستان برونزي كصير وجبة وشال..وصلنا جانت الحلوة وسرى بلمطبخ بس طبيت ..
رشا...اوووووف عرايس ومعزومين شكو الكل جاي ...
عسل...اني راسن دمعت والله من صدك انقهرت رأسن سرى لطمتها ع حلكها ..
سرى..عيني ياسر جان ماجلها ع جية العرسان لان ديتفق ع زواجه هو هم ..وهو لح ع جيتهم كلهم وكافي تخربط ابد متعرفين تحجين واجتي بوستني خطية شاورتني لديريلها بال لهاي العوبة لان العصر ترزلت ع نفس الموضوع ..
عسل..لاحبي عادي ..يمة وين .
سرى...جوة تعالي ...
عسل..طبيت سلمت ع خالة وهو ماكو..شوية ودخل هو وادهم ..واجه باسني من راسي وهمس بأذني ولا عبالك احد موجود مشتاقلج يابعد الهوااا كله ..يمة احمريت واخضريت واصفريت من الفشلة بس دعاء وادهم انتبهوا عليه وغلسوا كعد يمي شوية وطبت اجتي كعدت يمه وطخت بجتفه وكل شوية تسأله شغلة هو مرة يجاوب مرة ميجاوب لان ديسولف ويه ابوية وادهم ..نص ساعة وايهم خابرني كال اني بلباب ..
.ياسر ايهم برة .
ياسر....اي طالعله ..
عسل..كامت تتأفف لان عافها وكام .. جان تكول اي مكافي عاد ..
ياسر.. اندار عليها شكو ..بصوت عالي..
رشا.. ماكو شي حبيبي سلامتك..
عسل.. طلع وطب هو وايهم ..رحت يم البنات بلاستقبال ودنسولف وجان تطب الغارة..
رشا...اي دعو وتباوع عليه شلونه الزواج وتغمزلها حلو لو مو حلو ..
دعاء....الحمدلله..
رشا...اي بلخير عليج بس رجلج يخبل ولج ديري بالج عليه ودكتور ينخاف عليه وحدة ادور عليه وتلكفه منج بعد وين تلحكيله خصوصا اذا دكتورة وياه مو وحدة كاعدة بلبيت.. عسل..اباوع دعاء صارت نار كامت رزلتها رزالة اول مرة اشوف دعاء هيج عصبية جان تطب خالة..
رشا... اوووي واني شكلت والتميتن عليه ..
عسل...سرى كالت لامها واستلمتها طب ياسر وخاله حجتله هو صارت عيونه براسه رزلها وسطرها راشدي كلها هاي مو اول مرة هيج تحجين ظلت تدردم وراحت لغرفتها ...
ياسر..دعاء روحي يم رجلج وكافي بجي الولد شاريج ويحبج لتخلين الحجي يخرب حياتج ..
عسل..كعدت تبجي رحت صحت ادهم ..تعال شوف مرتك الخبلة ..كعد يمها..
ادهم.. هيج ماعندج ثقة بيه لهدرجة شخصيتي مهزوزة بنظرج واي احد ياثر ع علاقتي بيج ولج انتي روحي من الدنيا ..
ياسر...احم احم ..
ادهم...شكو يمعود ترة هاي مرتي مو مرتك يمك وانتو شكو واكفين ع راسي .
ياسر..اندار علية اي هم صدك..
عسل.. جرني ورحنا للمطبخ كعدني ع القنفة وصفن ..ها ياسر شكو ..
ياسر...كافي عاد عسل ترة مليت صار كومة وانتي مصختيها... عسل...اني شعليه شكو شبيك مستعجل..
ياسر.. ولج يامستعجل احسبلج صار شكد بعد مبقة صبر عسل...سكتت ..
ياسر..ها يمعودة ..
عسل..كيفك ياسر ..
ياسر..اشو جنج مقابلة ..
عسل..لا بس من اتذكر اتوتر داريد اطلع لزم ايدي..
ياسر.. اشو بلة تعالي ..
عسل...لاعفية خلي اروح ..
ياسر...جنج راح اتعبيني تعالي تعالي دافتهم منج ..
عسل...اني كلبي ظل يدك ..
ياسر....ولج شبيج شكو شمسويلج بس احجي وياج ..تخافين من ياسر عسل باعي علية .
عسل....مخايفة منك والله بس ..
ياسر...بس شنو سولفي ..
عسل..ماعرف من ينحجي بلموضوع اتوتر زايد مادري ليش ..
ياسر..سهلة شوية شوية تتعودين حبيبتي وماكو احد احن مني عليج ...
عسل..باس ايدي وراسي ..ورحنا للصالة كعدنا وياهم واتفقوا العرس بعد اسبوع وبدا العد التنازلي واجة يوم الحنة واجة حناني فدوة لطولة يخبل طالع والبنات تصفن عليه واني اتكرضم جنت مستحية مو مثل المهر لان قربت السالفة ..ثاني يوم العرس سوينا بقاعة ورشا دزها لاهلها اسبوع مقبلت تبقى بلصالون الكل وياية ابد معافوني وايهم اجة عليه رجعنا للبيت واجتي الزفة واني عيوني اكلته اكل يمة متوقعته هيجي يخبل يمة خاف الفرحة مدوملي طالع يمووت طلعنا للمصور صفن بوجهي ..
ياسر..ولج شلون بيج هاي شطالعة..
عسل.. واني صافنة بوجهه ..
ياسر...شكو يمعودة ممصدكة..
عسل.. ياسر صرت مالتي ..
ياسر..ولج اني الي ممصدك اليوم تنامين بحضني بعد كل هلتعب ..
عسل...فزيت ع صوت المصورة يلة حبايب ..اخذنا كم لقطة وطلعنا للقاعة ودك وركص حفلة من العمر ممتوقعته ابد .رجعنا للفندق يومين لان ياسر ميقبل يسافر دخلنا الفندق واني صرت فلم كضيتها بجي ودعاء تسكت بيه ولج لتخافين والله ماكو شي وسهلة وخصوصا اذا تحبي بس خففي الخوف مالتج وصلي قبلها ..طلعوا واجة ادهم وايهم بوسوني وراحوا دخل وسد الباب واني اتوسل بي بدموعي ..ياسر اروحلك فدوة خلي نكون اصدقاء ضحك ضحكة من كلبه ..
ياسر..ولج ياصداقة اني اخاف الله عندي خوات ....
عسل..والله مداشاقة ..
ياسر..واني هم مداشاقة ..كافي ولج انتي صغيرة ..
عسل...اي والله صغيرة وزعطوطة وموكد حجايتي ماعرف ليش قبلت من البداية ..
ياسر...ها عسل ندمانة ...
عسل...لا والله مو هيج بس من صارت صدك رجليه بادن فدوة اروحلك هي مو ليلتين ..
ياسر...اي ...
عسل..اي عود من نرجع للبيت ..
ياسر...هههه ولج شلون مدبرة انتي ليش متبطلين سوالفج وياية ..كافي بدلي حبيبتي وتعالي دنصلي ونتعشا ونسولف شعدنا ..
عسل..كمت بدلت بلحمام ورجعت لكيته لابس برمودا وفانيلة وكاعد دينتظرني كعدنا نتعشا ونسولف سالته على مرته .والله ياسر مقهورة عليها بهيج يوم ..
ياسر...لتخافين مابيها شي هي اصلا تريد تطلك بس تريدها تطلع من عندي حتى اهلها ليلوموها بس تريد تبرزعني حتى اني اطلكها واذا ظلت ع تصرفاتها اطلكها مابقيها الكمر يمي ..عسل اريد ابدي حياتي وياج واشوف جهالي منج واعيش الي ماعشته وياج ..باوع عليه وغمزلي ..
عسل...هاخيرك ..
ياسر....انتي مناوية تحنين حبيبتي ..
عسل...لا الله عليك مو كاعدين وحلوين ..
ياسر....دومنا نبقى حلوين ان شاءالله بس ترة وراها نصير بعد احلى وكام يضحك ...
عسل..اكلك انت ليش يعجبك توترني ..
ياسر...ماعاش حبيبتي بس اني اريد نفضها يعني لا اني مرتاح ولا انتي راح تكدرين تنامين مو ..
عسل..دنجت عفية ياسر هي ضروري...
ياسر.. هي شنو ولج تالي وياج دكومي كومي نكعد ع القنفة اصلا وراها انتي تكومين تتوسلين بيه ويبتسم ...
عسل..لا بلة ..
ياسر...اي وداعتج ..
عسل...كمت لميت الاكل وكعدنا نسولف وووولحد ماتم كلشي الحمدلله باس راسي وكام سبح ورجع مبروك يااحلى مرة بلدنيا كمت حضنته فدوة رحتلك بعد بيتي رحت سبحت ورحت نمت ع ايدة واباوع لوجهه من فدوة رحت لوجهك خبلتني ابو علاوي ..
ياسر....ولج ابو علاوي منو بديتي ..
عسل...انت حبيبي ..مو اني ناوية اجيبلك علاوي ..
ياسر..فدوة رحت لعلاوي وامه بسلامتج حبيبتي بقينا نسولف لحد مانمنا ثاني مقبل نطلع واحد مكابل الاخ لحد ما ادهم ودعاء اجوي جابو الريوك كعدوا نص ساعة وراحوا ..
ياسر...رب العالمين شكد يحبني..
عسل.. ..اني اكثر بعد كل اليصار ياسر ربك كريم ليش اني شصار بيه وطلعت منها كلها ..
ياسر...لهذا اكلج الله يحبني لان بعد كل اليصار ربي حفظج الي وصرتي بحضني من اول مشفتج تمنيتج بس ممعقولة هي مجرد حادثة ..بس دعيت بسري ربي تصيرين الي وماعرف شلون سبحان الله الي صار كله الحمدلله ..ماريد شي بعد مدام صرتي الي هذا الشي الوحيد الي جنت اتمناه ..
للحكاية بقية ......
