عسل...ممكن اروح انام ..
ياسر...لا موممكن وطلعي وراية للحديقة بدون حجي واذا صعدتي اصعد وراج وميهمني منو يمج ..
عسل...بس شنو مو هو عبالك طلع واني ضليت كاعدة ..بلة اني شسويت بروحي شحجاني اخ منك يالساني امي شكد جانت تكلي الحجاية او الشغلة الي تريدين تكوليها دوريها بحلكج بدماغج اكثر من مرة قبل لتحجيهاحتى لتحجيها اذا ممطمئنة منها بس انثولت وحجيتها قررت اطلع اوووي هو اني جفصت جفصت طلعت لكيته منتجي على حافة المرجوحة وديدخن طلعت ..
ياسر...ليش تأخرتي ..
عسل...دا أفكر ..
ياسر...بيش ..
عسل...تسرعت جان ملازم احجي اي شي اني اسفة ممكن تنسى الي كلته ..
ياسر...بكل سهولة عندج ..
عسل...مصار شي حتى تصير صعبة ..
ياسر...لا بس لتفكرين انو اني ممنتبه..
عسل...اني صفريت ع شنو منتبه ..
ياسر...على كلشي نظراتج الي تلاحكني ومن اشيل عيني اشوفج صافنة عليه مو غرور بس داحجيلج الي دا أشوفه واحس بي..
عسل...اني انلصمت ماعرف ارد عليه طبعا هذا الحجي هو عينه ع الزرع واني كاعدة بلمرجوحة وكفت المرجوحة ووكفت دا أريد اروح ..
ياسر....متروحين خلي اكمل ..
عسل...دامشي لزمني واني دموعي تنزل بدون صوت اني شسويت حسيت بروحي شكد تافهة ..ممكن تعوفني واني جدا اسفة اعتبرني محجيت شي وانطيك وعد من انت موجود وجهي متشوفه لحد منطلع من يمكم وافتهمت قصدك بدون متحجي ..الظاهر نظراتي جانت زاعجتك جان كلتلي ليش مخليني بنظرك اتفه مايكون ..ممكن تعوف ايدي ..
ياسر...لاماعوفها الا نكمل حجي لا كل شوية ورايحة طبعا يحجي وصاك ع سنونه هلكد ماعصبي ..
عسل ...ماروح بس هد ايدي ..رجعت كعدت واني بس دموع بدون صوت اندار عليه ...
ياسر...كافي بجي اني شكلت بعدني ودكيتيها بجي ....
عسل....مكلت بس حسيت نفسي شكد تافهة ورخيصة اني محتقرة نفسي مو غير شي وممكن تنهي هاي المهزلة بعد اذنك حتى اكدر اكوم ....وكف وصار كبالي ...
ياسر...اولا اني رجال متزوج وزوجتي يم اهلها هي صحيح زعلانة بس اني مناوي اعوفها او اطلكها ترجع بس مو هسة لان مالي خلكها ...
عسل...اني انصدمت صدمة عمري وبلحضتها تمنيت تصير هزة ارضية وتنفلع الكاع واكمز بيها يبووو عليه وعلى قهري طلع متزوج واني ماكلة القهر بكلبي واباوع على رجال متزوج شكد اني حقيرة وماعندي اخلاق بس مو صوجي محد بين هاي السالفة ابد ...
ياسر....وثانيا بعدج صغيرة وانجذبتي للشغلات الي سويتلكمياها فلتتعلقين بأمل ..عدم المبالاة الي اني بيها جانت رسالة حبيت اوجها الج حتى لتتأملين بشي بس الظاهر انتي مفهمتي وزدتي منكصتي ..
عسل...اني اسفة تسمحلي ..
ياسر..اتمنى هذا الحجي محد يعرف بي وعلاقتنا تبقى كما هي ممكن ..
عسل...عفته ودافوت لزمني من عكسي ...
ياسر...ماكو احد احجي وياه ويعوفني وميجاوبني ...
عسل...باوعت بعينه ممكن تهد ايدي ..
ياسر...جاوبي ممكن ..
عسل....لا مو مراح اخلي احد يحس راح تنسى وجودي اصلا وراح تشوف هد ايدي خليني اروح .. عاف ايدي اني راسن طبيت جوة رحت لغرفة البنات لكيتهم نايمين رحت يم ابوية كلت ميكعد لان دواه قوي بليل ياخذه وينام ردت مكان ابجي بي محد يشوفني او يسمعني رحت كعدت ع القنفة وخليت راسي بين رجلي وبجيت بعد ماتأكدت ابوية رايح بسابع نومة ..ع غفلة سمعت صوت الباب انفتحت ادري البنات ميدخلن وخالة لا يمكن تدخل غرفة ابوية فأكيد هو مرفعت راسي اصلا بس هو عرف بيه دابجي ..
ياسر...كومي نامي مجاوبته حسيت راح يم ابوية غطا واجة يم راسي راد يرفع راسي بس اني بحركة سريعة عفته وطلعت من الغرفة رحت للحمام كملت بجي ورحت على غرفة البنات مددت بفراشي شكد ردت انام مكدرت عيوني احسها تريد تطلع من العوي العويته وافكر بروحي اني ليش هيجي نزلت نفسي لهدرجة .. لا لا اني مو عسل ابد اني هواية تغيرت ومخليت لنفسي كرامة وخصوصا وياه وهو ولا مهتم وما أريد انفصل عن زوجتي هو اني لو ادري بيك متزوج جان تقربت منك او فكرت بيك بس دعاء ليش محجت ولاخالة ولا أي احد حتى هو مجان مبين علي متزوج ولا حتى زوجته اجتي صار اكثر من شهرين ونص يمهم وماكو معقولة زعلانة او مطلكها ماعرف ماعرف خرب حظج عسل شسويتي بروحج اوووف ياربي هديني فدوة.. ماعرف شوكت نمت وشكد نمت حسيت دعاء تكومني...
دعاء... دكومي يمعودة شبيج اليوم ...
عسل...جان يوم جمعة ومتعودة اسبح ابوية بين يوم ويوم تذكرت هو موجود الجمعة يبووو على الحظ من تجتمع الحظوظ الكاعدة كلها كمت نمت متأخرة كلكم كاعدين ...
دعاء...اي كلنا حتى ياسر راح جاب كاهي وكيمر ودننتظرج صفنت ... هاي شبيج يمعودة الجاي برد عاااا ..
عسل... روحي حبي تريكي اني راسي ديموتني اريد ارجع انام شوية ..دعاء لطشت الا تكومين اضطريت احجيلها الي صار حتى هم تحل عني هسة وهم تساعدني خاف تصير هيج مواقف ولان كلبي راد يطك ولان مناوية بعد اشوفه وجهي الا بلصدف وان شاءالله متصير اي صدفة تطيح حظي ...
دعاء...ولج شوكت ..
عسل...البارحة من رحتو نمتوا ..هي صفنت ..دعاء ليش مكلتيلي متزوج ...
دعاء....ولج مجتي مناسبة وهو شلون زواج فدوة حتى هو ممعترف بي بعدين اسولفلج عليها دكومي عاد ..
عسل...لا ماكوم فدوة روحي اخترعي اي شي بس لتحسسي انتي تعرفين لان كلي لتكولين لاحد اوكي ...
دعاء....اوكي ام راس اليابس رجعت دانام مكدرت ضليت كاعدة وصافنة ع حضي اني ليش ديصير هيج وياية معقولة اني سويت شي بحياتي حتى اتعاقب عليه صفنت لا والله ابد جنت دائما مطيعة ولساني حلو وية الكل ..رديت نمت جانت دنيا صبح وكلهم كاعدين لان جمعة واني حبست روحي بلغرفة جتي عليه خاله...
ام ياسر... شبيج يابعد امج اليوم ماكو ..
عسل...لا والله خالة مالي خلك من البارحة يمكن فلاونزا ومسطورة اسم الله عليج وكاضيتها نوم شربت بندول ونمت هسة اكوم ..ردت دعاء تجي حتى اتأكد طلع لو بعده ماكو ولا جتي .. خالة لعد البنات وين اشو ماكو صوتهم ...
ام ياسر....والله يمة رادن يروحن لبيت خالتهن راح ياسر يوديهن حتى رادن يكعدنج بس مخليتهم عرفتج مالج خلك كلتلهم عوفوها يمي...
عسل... وانتي ليش مرحتي خالة لتكولين علمودي ..
ام ياسر..لا حبيبتي قبل جم يوم جنت هناك خو مو يومية ..
عسل..كيفت كلت خلي انزل اريد اكل جوعانة واشوف ابوية ضربتها صفنة اني الى متى راح اتهزم منه واتختل هسة كلهم يحسوون يعني انفضح يم الكل .. يمة عزة لا عيني خلي اطلع كأنوا ماكو شي بس شوية تعبانة والحمدلله صرت احسن سبحت وبدلت طبعا جنت كله تراكات بس هنا كمت البس تراكات كلش عريضة مو مال دشاديش لان اني هلكدوتني غير اطلع كطمة وماكو ربطة لان مو محجبة ..
المهم نزلت لكيت ابوية بلحديقة بلة اني شلون عفته حاروا بي العالم وهمة غربة ثول ولا فكرت بس بروحي سودة عليه هسة شكد اخذ ع نفسه رحتله اركض ها يابة هو رأسن كمز ..اسفة يابة والله جان كلش مالي خلك ومكدرت اكوم من الفراش بس هسة الحمدلله من شفتك صرت احسن ...
ابو عسل..لا يابة ظل بالي عليج حبيبتي ..
عسل..الحمدلله يابة اني زينة ..اكلت يابة اي يابة الحمدلله ياسر ريكني بأيده وطلعني بلحديقة والحجية جانت كاعدة يمي بعدين كامت كالت تكعدج لان خطية ظل بالها عليج ...شبيج يابة ...
عسل...يابة احنة الى متى راح نبقى هنا عفية خلي نروح لاربيل لحد ماتنحل سالفة ايهم ومن يرجع ادهم نرجع ونتصل بأسعد نشوف التطورات لان احنة كلشي مدنسوي هنا وعفية يابة اني كلش متضايقة هنا ..بعد الي صار صعبة ابقى وصدك كمت استثقل روحي اني شورطني شحجاني من ساعة السودة ...
ابو عسل.. والله يابة مادري خلي افكر واكول لياسر ولو اعرف مراح يقبل ..
عسل..يابة انت قرر مو مال تكله اني كلتلك عفية خاف عيب ابو عسل...لا يابة اني افهمه بطريقتي ...
عسل...شفته تعب طببته جوة لكيت خالة كاعدة تصلي هي من عوايده تصلي وتقرة قرأن وتتأخر هواية ...
ابو عسل...يابة عسل طببيني للغرفة اريد انام شوية وديته نومته طلعت رحت بغرفة خالة كلت اميرة خوما اميرة كاعدة فوك وحدي ..خلصت..
ام ياسر..ها يمة ....
عسل...ها خالة شسوي عشا لليل احضره ..
ام ياسر...هو انتي تريكتي تغديتي كمزتي ع العشا...
عسل... لا خالة كلت احضرهن حتى رأسن نكوم نسوي من يجن البنات ..
ام ياسر... لاحبيبتي ياسر كال اجيب عشا من برة..
عسل... يبوووو كل شوية واسمع اسمه ياكلبي شلون راح انسيك مادري ها بكيفج ...اروح اكلي لكمة...
ام ياسر... روحي حبيبتي...
عسل... اسويلج وياية...
ام ياسر... لا حبيبة شبعانة والله ما أشتهي هسة ..
عسل...من تجوعين كوليلي اني اسويلج ....
ام ياسر...زين يمة زين ..
عسل...رحت للمطبخ كعدت سويتلي لفة وكعدت اكل خليت الجاي ع النار وعيني عليه بكلبي اكول هذا القوري مثل كلبي ديفور ويحرك ضلوعي حرك لحد مافزيت ع صوته ياربي وين اولي انت ادرى بحالي .....
وللحكاية بقية .....
