عسل..يمة يارجفة كلبي بلعت ريكي ع نفس وضعيتي واكفة وهو مدنج حتى يصير بمستواية واكف بصفحتي من دامشي...
ياسر..سمعتي عسل هذا الحجي الي سمعتي كله ماريد يوصل لاي احد لحد ما احلها افتهمتي ..
عسل.. اشرت براسي اي..
ياسر.. عفية زين تسمعين كلام ..
عسل..يباوع ع هدومي وع شعري جنت لافته ولابسة جبة فوك التراكسود انداريت عليه داروح لزمني من معصم ايدي ياسر...وين رايحة ... وين رايحة تدرين شكد اعيد السؤال يلة تجاوبين ..
عسل...يم خاله .بعدين اروح ...
ياسر...منين اجيتي ..
عسل..من باب الحديقة ..
ياسر..عفية مدام وحدج منا تجين...
عسل... اي اي ..همس ونفسه يم اذني..
ياسر.. تريدين شي ..
عسل...لا لا سلامتك ..
ياسر..الله يسلمج الية ديلة روحي وسلميلي وكلمة متطلع منج زين ..
عسل...اي اي صار ..
ياسر...راحت واني اباوع عليها بلة زعطوطة فرتني فر بيناتنا 13 سنة يعني لو مخلف جان جهالي قريب عمرها ..
ياسر..رحت سبحت وتمددت نمت والعصر خابرت واخذت موعد من شيخ العشيرة همزين طلع كاعد ابغداد ..
عسل ..رجعت للبيت ابوية جان متمدد وادهم يكلب بلابتوب ..هيلاااو ياجماعة جوعانون اسويلكم عشا ..
ادهم...لا بس جاي من ايدج..
عسل.. تدللون حبايب رحت سويتلهم وحطيتلهم كعك وكعدنا ع التلفزيون واني دماغي يودي ويجيب معقولة ميقبلون كعدت احجي وية دعاء..
دعاء.. ياسر خابر ع الشيخ واخذ موعد شوية الاخ يطلع يروحله..
عسل.. وسولفتلي ع عمامها يريدون ياخذوها لولدهم ويريدون ينطون لياسر وحدة من بناتهم لان مجانو قابلين ع زواجه الاول ولكوها لكية يسوها كصة بكصة ..يبو شنو هلعراقيل ياربي ..اكتب وياها ماريد ابوية وادهم يسمعون ..نهيتها وياها خالة صاحتها ..ادهم عفية اريد اروح وياكم ع المرة الجاية اشوف ايهم انت وابوية رحتو اني هم اريد اشوفه والله لو تدري كلبي صاير نار عليه ..
ادهم..وين تروحين عسل للسجن ...
عسل...وياكم قابل وحدي عود البس جبة وربطة ..
ادهم..خلي اشوف بس ماوعدج..
عسل.. ابوية معلق بشي ...
ادهم.. ها ابو ادهم خيرك ..
ابو عسل....دافكر بأخوكم هم يكدر يرجع كليته من يطلع..
ادهم.. ليش لا يابة..
ابو عسل.. ومنو راح يقبل ينطي مرة..
ادهم..لا يابة الكل يعرف ايهم شنو هو صحيح غلط بس عرف غلطه..
ابو عسل.. اي يابة اعرف بس الناس مترحم ...
ادهم..حشاكم طز بلناس يابة الناس طول عمرها تحجي .ربك موجود يابة لتحسب وتدوخ نفسك ..
ابو عسل..ونعم بالله يابة ...
عسل....صليت ورجعت سويت عشا ورحت مددت ابوية نام وادهم ديقره ردت انام مكدرت كتبت لدعاء مجاوبتني ..نزلت طلعت كعدت ع الدجة مال مطبخ شوية وسمعت بابهم انفتحت وصوت السيارة طببها كعدت اكثر من ربع ساعة بعدين قفلت وطبيت رحت لكيت دعاء كاتبتلي ..
دعاء..جنت بلحمام يولي وهسة طلعت ياسر يم امي بغرفتها بس افتهم الموضوع اكتبلج..
عسل.. لج اي يولي متعرفين شصاير بدماغي احس روحي فصلت مداكدر اركز دايخة بلسالفة دعاء تعصلكت..
دعاء.. لتخافين ياسر يعرف شلون يحلها ..الله عليج عسل علمودي اني وادهم لو علمودكم ..
عسل..طبعا علمودي ولج انتي منو ادهم منو لج انتي ليش تخربطين مو من البداية كتلت نفسي عليج يولي شبيج ..
دعاء....لا والله داشاقة اجة ع بالي اسالج ..
عسل..لاعادي حبي والله تمنيتج اختي ومن نصيب اخوية لان عاشرناكم وعرفناكم وانتي الوحيدة الي تفيدين ادهم دعاء احنة هواية تعبنا ونريد نرجع نستقر ونرجع عائلتنا..
دعاء..والله احنة هم حبيناكم ومن اول يوم امي رادتج لياسر وهو مسمعتي شيحجي وية امي عليج يكلها من اول نظرة سبتني من فتحت عينها بلمستشفى واني قررت ماعوفها وتريدي هسة يعوفج ..
عسل..يمة كلبي ولج شحنتيني دروحي نامي اريد احلم بي ..
دعاء..هههه عابتلج ادهم شلونه..
عسل...يسلم عليج ..
دعاء..صدك ..
عسل..امشي ولج حجاية التنكال روحي نامي دوختيني روحي لزكتي ...
دعاء..مو صوجج ولي يلة ..
عسل.....باي حبي ...بقيت افكر بي لحد ماغفيت وكعدت الصبح وية ادهم وطلع حبيبي ابوية هم كعد يصلي سوينا ريوك ونظفت ظلينا كاعدين نسولف لحد ماكملت الغدا تغدينا وابوية راد ينام اني هم اروح اغفالي شوية وراح ابقي تليفوني يم راسي بس دك عليه انزلك ركض..
ابو عسل.. روحي يابة نوم العوافي ..
عسل..خابرت ادهم من ترجع حبيبي دك علية لان راح انام .. ادهم..نامي حبيبتي وتغديت اتاخر شوية ليضل بالكم ..
عسل..اوكي حبيبي بسلامة ..سديته ونمت والنومة نومة لل6 العصر يبو شراح ينومني بليل ..كمت سبحت ولبست تراك اسود وكعدت اشسور الكفشة وزهزهت روحي فديتني يعني صدك صاكة وونزلت كل درجتيين سوة لحد مانركعت باب غرفة ابوية وطبيت بركضة لان جنت اكمز واندفرت الباب وعثرت يبووو علفشلة واشوف ياسر وابوية وادهم كاعدين وابوية ضحك وادهم فطس من الضحك وياسر يبتسم ومدنج واني من فشلتي ضليت كاعدة ادهم كوم كومني لو عاجبتك جطلتي هو لازم بطنه وخربان ضحك كوم عاد.. كام بلكوة من الضحك كومني ووكف كبالي حتى لا اباوع ع ياسر يبووو اعصابي صارت فلم من الفشلة ..ياربي شنو هلموقف ضربته دكافي عاد شكد ضحكت شصار ..
ادهم... شبيج انتي شنو هلوكعة يحجي ويضحك وياسر مدنج ويبتسم ..
ابو عسل.. ليش يابة شبيج ليش وكعتي ..
عسل...برطمت مو نزلت ركض شمدريني راح ...اووي يابة ليش تضحك عليه..
ابو عسل.. ماعاش اليضحك عليج بس ضحكنا علموقف دروحي بابا سوينا جاي وكليجة من ايدج الحلوة ..
عسل..دنكت داطلع وادهم بعده يضحك..
ادهم.. الله عليج كمزة لخ ..
عسل ..عابلتلك هلشكولات روح ماصبلك جاي روح صب لروحك..
ادهم.. لا الله عليج داشاقة وياج ..
عسل..طلعت واني الدمعة بعيني يبو هسة شنو هلموقف كدامه ياربي هونها عليه مداكدر انسى الموقف داسوي جاي واجتي خالة والبنات هلة هلة نورتو فدوة لعينكم شافوني بلمطبخ طبو يمي زيدت الجاي سلمت علبنات وبوست خالة انتبهت ع عيوني مدمعة..
ام ياسر.. يمة شبيج ليش تبجين.. .
عسل..ماكو شي خالة بس وكعت كدام ابوية وادهم وياسر بلغرفة شكد فشلت وادهم القبيح صار ساعة يضحك عليه ..
ام ياسر...اسم الله ع اسمج حبيبتي ميخالف يمة شصار قابل ..
عسل...وهذني الرعن هم كعدن يضحكن ...
سرى..دعاء والله داتخيل الموقف وانتي امددة بنص الغرفة..
عسل.. اوكفيلي سخيفة... وطب ادهم وبعدة يتمضحك وانصدم من شاف خالة والبنات جان رأسن يسكت فشل ..حيل عابتلك دسكت عاد جان يرد يضحك راح باس راس خالة وسلم علبنات هو مدنج ها سكتت هسة مو ..
ادهم..يلة لج وين الجاي انتو ليش هنا كاعدين تعالو نكعد بلهول احسن ..
ام ياسر..اي يمة كوموا راحوا بقت يمي دعاء خلصته..
دعاء.. روحي انتي ودي ..
عسل..هاااا..
دعاء.. شبيج صفنتي ..
عسل..اني لو تموتيني مافوت دكيت ع ادهم..
ادهم.. ها ام دقلة ...
عسل..دكافي عاد عيني استاذ روميو اباوع ع دعاء اخذوا الجاي وافلتوا اني مااجي ..
دعاء..لا لج كومي..
عسل.. ما ما ماريد روحوا اخذو الجاي والكليجة وراحوا واني كعدت يم عتبة المطبخ ياربي شهلموقف السكط كدامه عود غاسلة وكاشخة اجتي دعاء توسلت بية ماطب فدوة لحد يلح علية..
دعاء.. ادري انتي منين مستحية ..
عسل..من اخوج لج هم كعد يبتسم يافشلة الفشلة خلي ينسي الموقف ماجي راحت..كعدت اسمع امير الحب وعيني ع الكمر شوية وسمعت صوته..
ياسر.. انتي احلى منه ..
عسل..اخترعت خرعة وخرت الهتفون ووكفت داطب وكف كدامي..
ياسر.. ليش مجيتي ..
عسل...احسن دنجت اريد اطب يوكف كبالي ليش جيت ياسر..داأدخن عندج مانع ..
عسل..لا كيفك اريد اطب..
ياسر.. لان اني طلعت ..
عسل...لا بس بردت ..
ياسر..تريدين ادفيج ..
عسل..حجيه كله همس خبلني ظليت اطكطك من الرجفة عفية ترة اني مو حمل حجيك شتريد مني
ياسر....اريدج ...
عسل..خلي افوت ...
ياسر...جججج ..
عسل..دمعت عيني دنجت جبت القراصة لميت شعري وخليت التلفون والسماعة بجيبي .... وكفت هذا كله ديدخن وصافن عليه..
ياسر.. بس تدرين صدك انتي احلى منه رفعت راسي..
عسل.. من منو ..
ياسر... الكمر الي صافنه عليه..
عسل.. سكتت الهي روحي العب للموبايل ..
ياسر...التراكسود كلش لايكلج ولو انتي كلشي يلوكلج ..
عسل..تسلم شكرا .. ششصار من شغلة ادهم ووو دعاء ..
ياسر...ياشغلة ...
عسل...شغلة عمامك ..
ياسر.. سهلة لتدوخين وداعتج متصيرين لغيري ..
عسل...طبعا اني ادنج وارفع راسي مرتبكة وكلش مبين علية متوترة ..
ياسر..شبيج ليش متوترة وخايفة ...
عسل...لا لا بس ظل بالي خاف تتعرقل وتدري ...
ياسر..لا لاتخافين اطمئني مدامج وياية لتخافين من اي شي ...حليتها الا شوية بقت رتوش بسيطة وخلص وتصير رسمية وهسة فهمت عمي وادهم بكلشي ..
عسل...ان شاءالله خير ..ممكن افوت..
ياسر.. لا بعدنا ممخلصين حجي شجنتي تسمعين..
عسل.. اغاني ..
ياسر...اعرف يااغنية ..
عسل..منوعات عادي ..
ياسر...يااااااااغنية ..
عسل... احمم هيثم ..
ياسر..ياهو ...
عسل..اضعف كدامك ..
ياسر...لا والله ..ييي وصدك يعني ..
عسل...شنو صدك ..
ياسر..تضعفين كدامي ..
عسل..يمة راسي كام يفتر وينة لساني مدري انعكد من الوكعة ياربي عونك ..
ياسر..انتي ليش متجاوبين..
عسل.. عفية اريد اطب وكمت ابجي..
ياسر.. يابة يابةليش هلدموع ليش تبجين..
عسل..اريد ابوية كام يضحك..
ياسر.. دروحي روحي..
عسل.. طكها بضحكة سوالي طريق دخلت اركض طبيت يمهم اثاري العينتين منطي مجال لادهم ودعاء يسولفون والضحكة تارسة وجههم .كعدت يم ابوية..
ابو عسل.. وين جنتي يابة..
عسل.. بلطرمة كاعدة ..شوية واجة وراية طب ابتسم وغمزلي يبوووو اني شديصير بيه مو جنت لساني رشاشة وياه اشو هسة مؤدبة ولا داعرف روحي ...كمت داسوي عشا اجوي البنات وياية ....
عسل...روحي عيني عروسة تعرفي واحنة نكرب عادي ...
دعاء...لا لج استحي كدام ياسر ...
عسل...دخلي هو يستحي اول
دعاء..شنو شصار ..
عسل..ولج اسكتي خلي تروح هاي الفهيمة وبعدين احجي.. سرى..ماروح احجن ..
دعاء..اشش واثرمي زين ..
سرى..ما الة اعوفجن وحدجن ..
عسل..موتترزلين بس ترحين ههههه ..طلعت سولفت لدعاء.. دعاء...ولج ولاجنت اظن فديوم ياسر هيج رومانسي ولج شسويتي بأخوية..
عسل...هههه مثل مسويتي بأخوية .....ها اكلتي بقلاوة ..
سرى...امشن راح اكعد افيس ...
عسل...خالة عفية من يمج سرى تجي تسوي الزلاطة ..
سرى..ولج عابتلج هلشكولات كايمة ...
عسل...ناس تموت ع الرزايل ..حضرنا السفرة تعشينا وكعدنا ايدي مدتاخذ كاعدة وهو خرب عشيرته ع هلثكل يمهم فد ثكيل الكلمة بلكوة تطلع والا بمكانها ووياية خرب ولايستحي يموت من يحجي اباوع عليه وصافنة جان يرفع راسه وطلع موبايلة كعد يكلب بي وعيني عليه وعلى ابوية ادهم مسطور بلي كاعدة كباله وسرى كاعدة تثرد وابوية وخالة ديسولفون وياسر طبعا مطنش على ادهم ودعاء لان هو هم ماخذ راحته شوية ودك تليفوني جان علشحن يم التلفزيون مسجات علفايبر ..
ابو عسل..كومي يابة تليفونج دوخنا خاف مروة..
عسل... اي يابة فتحتة وكعدت اشوفه مسجات منه باوعت عليه يباوع ويبتسم كاتبلي..
ياسر .. كافي عيونج فضحتينا ترة كلهم حسوا عليج ...
عسل..خلاني اباوع عليهم كلهم ملتهين مجاوبته ..
ياسر..كافي عينج..
عسل.. عزة هذا شبي اليوم خفان خلي اكوم احسن ...
ام ياسر...ها خالة كلشي ماكلتي ..
عسل..لا خالة اكلت فدوة لعمرج ..اروح اسوي جاي كامت دعاء وياية نلملم واثنينة صافنات ..ظليت واكفة علطباخ حاطة القوري جان هو هم يجي ياربي شيخلصها اليوم فشلة تليفونه دك وطلع كبل برة المطبخ باوع عليه نظرة وراح رد ها حبيبي وطلع سد الباب ظل بلطرمة بس اريد اسمع ويامنو ديسولف بعد كلشي مسمعت ...داريد اودي الجاي جان يطب ..
ياسر...انتظري ..
عسل..انداريت عليه والصينية بيدي..
ياسر.. وين رايحة ..
عسل...اودي الجاي ..
ياسر ..واني ...
عسل...هسة كلت اجيبلكياه برة ..
ياسر...اكلج
عسل..نعم .
ياسر...حمامة ..شبيج مبقة شي وتجين يمي وبحضني وبين ايدية وكدام عيني وبنص كلبي طبعا يحجي ويتقدم اني دخت كبل اكو ميز حطيت عليه الصينية عليه يابة ارحمني ..
ياسر...الله الله شبيج ياعيني كلبج صاير رهيف مجنتي هيج تذكرين لو اذكرج..
عسل.. باوعت عليه وووووومرتك ..
ياسر..انتي راح تصيرين مرتي ورشا تريد ترجع براحتها غرفتها موجودة متريد كيفها المهم سدي الموضوع هاي حياتي واني اعرف شلون ارتبها اني طبعا اعرف انتي بعدج بنية وصغيرة واني جبير ومتزوج بس مع الاسف عسل انتي مالتي ومحد ياخذج غيري اوكي ..جيبي الصينية الي ردتي تهطريها وجايج برد احمي وتعاي..
عسل.. ابتسم ضربني ع خشمي بطرف اصبعة وراح يمة كلبي راح يوكف موتني ابن رسمية ..حميته للجاي واخذت الصينية ورحت جان ديحجي عمي هو يصير ابن عم ابوية الجبير وصار شيخ عشيرة وكلش انسان متفهم واصلا ماعندة تفرقة ومنطي 3 من بناته لغير مذهب وتخبل من عرف السبب بتهجم عمامي اني اعرف مبتغاهم يريدون دعاء وسرى لولدهم الي متزوجين كل واحد 2 و3 واطفال بلكوم ...بس للاسف داخلين ع طمع لان عرفت نص الكاع الي هناك باسم ابوية واحنة جنه بأمس الحاجة للفلس وهسة يريدون ياخذوها بحجة البنات والكاع كلها زرع وحلال ولخاطر ابوية سكتت عن الي راح بس من عرفت كمت اروح احاسبهم واجيب حصصنا وارجع وهم تخبلوا مني..
عسل.. نطيتهم جاياتهم ووصلت يمة ..
ياسر.. عمي ورة خطوبة ادهم اني رايد عسل وعلواه نبدي من هسة نجهز ..
عسل..جان يوكع الكوب ع رجله ..
ابو عسل... الله الله شبيج يايابوية ..
عسل..كام ادهم يمسح هدومه عفته ورحت كعدت يم خالة...
ابو عسل..ادري يابة غير تديرين بالج .
ياسر...عادي عمي مصار شي ..
ام ياسر...حجي غير ارتبكت من المستحة خومابيك شي يمة..
ياسر.. لايمة ماكو شي ..
ام ياسر..كومي دعاء صبي جاي لاخوج ..
عسل..عيني مرفعتها بعد ..
ياسر...ها عمي شكلت ..
عسل..كيفك حبيبي..
ابو عسل.. اني وادهم وايهم ادانشنا ومراح نلكا احسن منك ولو انت مطالبها جان اني نطيتكياها ونعم التربيةومحد راح يسعدها لعسولة ويحميها غيرك ع بركة الله شوكت تحددون المشية اني بلخدمة وتنورونه ..
ياسر..بس عمي لان يجي الشيخ وعمامي فلازم نسوي كعدة ولو انتو ع الراس ميحتاج والله تكبعوها وتاخذوها بس اني اريد ارفع راسي بيكم وبنسبكم كدام اهلي وعمامي ..
ابو عسل..لا ابوية لازم نرفع راسكم كدام العالم والعشيرة وانتو تستاهلون مي العين والله ..
ياسر..خير ان شاءالله ..عمي انتو الاحسن والله ..
للحكاية بقية......
