عسل...عزة بعيني اعتقد جفصت اريد اتراجع عفية شلون بيه كام وكف تقدم عليه ..هو وكف ظليت اباوع عليه اريده يلح يتوسل ..ااوووف ياكلبي خبحظي خبحظي الاعوج .. وكف كبالي وعيني بعينه ..
ياسر...شوفي وداعت كل لحظة فكرت بيج وعيونج الي مفاركتني من يوم الي شفتهن يمكن الي افتهمتي انو اني ماعندي مشاعر الج اكيد من خلال تصرفاتي وياج بس مو اني الي اباوع على احد دخل بيتي بغير نظرة ومجنت اكدر ارفع عيني عليج لخاطر ابوج واخوج لان مو اني الي اسويها بس خليت دعاء وامي يلمحولج بطريقتهم واني هم كل شوية المحلج بس بعد مااخذت الاوكي من الحجي ومن طلبتج منه فهمته اني ملمحلج وانتي مبادلتني المشاعر والرجال كيف لان كال انت الوحيد الي اأمن عليها يمك ....
بس خلي عنادج يفيدج راح تخسرين او خسرتي وخلص وغلات اسمج راح اطلعج من كلبي واخلي بمكانه حجارة لو متكونين عسل كمت اجدي منج النظرة انتظر منج الكلمة وانتي تتختلين مني مو اني الي انزل نفسي لمرة لو مهما تكون ماعرف شسويتلج مكدرت اسوي اي شي اذا مااخذ حجاية من ابوج ولج مرتي الي مافكرت بيوم انفصل عنها فكرت لخاطرج ماكلج تستاهل واحملج الذنب بس مجنت افكر ابد حتى لو ع سكاطها مبقيها بس كلت ننفصل وابدي وياج حياة جديدة واستقر لان موبس اني البيت كله حبج واتمناج بس كلبي غير الكل مو حب جان عشق من نوع ثاني عشق لطفولة عشق لبراءة شفتها بعينج ولاول مرة بلمستشفى ولحد هاي اللحظة عشق رجل اخذ الدهر منه ماخذ وعشق طفلة حب تكون بنته قبل زوجته صحيح اني اكبر منج بهواية بس مجنت حاس بهذا الفرق جان كلبي هو الي يفكر مو عقلي تمنيتج قبلج تبنجت عليج وع عيونج مطمأن وانتي يمي وانتي بس تريدين تنهزمين مني ع العموم الحجي خلص لهنا وانتهى ادهم راجع ان شاءالله وراح نكون اهل وراح تكونين اخت واتمنى الي صار ميأثر ع علاقتنا عائليا واتمنالج السعادة وية احد يعرف قيمتج اكثر مني واتمنالج الموفقية بحياتج الي اكيد راح اكون اني مو بيها لان مراح ادخل بشي خاص بيج وبأي شكل من الاشكال ومن هلحظة كلمن بطريقه عسل...عيوني موكفن واباوع بعينه وهو بكل برود كمل حجيه وتصبحين ع خير وعافني وطلع واني ولاكلمة نطقت بس دموعي احس كلبي طلع من مكانه كعدت ع ركباتي بلكاع وكمت اشهك اني شسويت بروحي اني ليش هيج ضيعته من ايدي شبيه بس هو غير يفهمني اني اعلم علم الغيب ...لاعفية اريد الزمن يرجع ساعة ليورة مو اكثر فدوة مراح اكدر اكمل اني كلش تعبت مو هذاهو وراح تكمل بياسر هم اتخبل والله ليش ليش ماعرف اتصرف غير اعرف شمنتظرة يتوسل بيه شنو هلغرور الي انتي بي شنو هلتكبر الولد ساعدج صار شكد مبقة شي مسواه الية ولابوية ولاخوتي وفوكاها انتظر منه يتوسل بس هو فشلني من اول مرة ومراعى مشاعري بس دعاء كومة حجت وخالة هم لمحتلي كم مرة بس اني ثولة ولج عسل شراح تسوين ومبين حجايته وحدة وبعدين وين اولي وين اروح قابل هسة اذا اروحله راح يتقبل مني بهلسهولة الي صار جرحته برجولته جرحته بكبريائه وهو مينزل نفسه لاحد ...
كعدت ابجي لحد ماراسي انسطر وعيوني رادت تطلع كمت رحت غسلت وتوضيت وصعدت اصلي وين متصير خلي تصيرطبيت للغرفة تلكتني دعاء ..
دعاء...ها ولج ..
عسل..واني طكيتها بجية حضنتني..
دعاء... ولج شصار شكو..
عسل.. ماكو شي فدوة اريد اصلي وانام...
دعاء... احجيلي حبيبتي شكو شبيج ليش هلبجي..
عسل... ماكو شي فدوة رحتلج خليني اصلي وانام لان احس نفسي كلش تعبانة..
دعاء.. والله ازعل اذا متحجين...
عسل.. راااااح دعاء راح كلشي خلص وانتهى حجى واني ضيعته من ايدي وهو كأنما منتظرها مني كلمة عافني وطلع .....
دعاء..يبو وانتي ليش هيج حجيتي انتي مو تمنيتي هذا اليوم..
عسل.. شمدريني شنطقني ماعرف لج عيني عوفيني راح اموت مداعرف افكر فدوة خليني اصلي وانام بعدني بحضنها دعاء..معليج اني اخلي امي تحجي وياه ..
عسل...لا فدوة اروحلج ماريد هذا الحجي يطلع بداعت خالة عوفي الموضوع ..
دعاء..شنو اعوف الموضوع واخليكم هيجي بعنادكم لا والله ماريد اضيع حياتكم لان انتي اعرفج شكد تحبي وهو هم يموت عليج وسودة علية كومة تعب وية ذيج وكافي تعب يريد يرتاح ومراح يرتاح الا وياج ولتضيعين حياتكم اثنينكم حبيبتي اسمعي كلام ..
عسل...دعاء اذا تحبيني انسي وسدي الموضوع ولتفتحي وية اي احد بداعتي اذا عندي خاطر عندج ..
دعاء..وشناوية تسوين ..
عسل..مادري عفية خلي اصلي وانام لان مدتعرفين بحالي والله عوفيني بداعتي رحت فرشت السجادة وكعدت اصلي خلصت لكيت دعاء بعدها كاعدة مددت تغطيت اجتي يمي تمددت تلعب بشعري وتفركلي واني دموعي مبطلن ماعرف شوكت غفيت كعدت راسي يريد ينفجر من الوجع كمت اخذت بندول ع ريكي ونزلت لكيتهم كلهم كاعدين وهو ماكو اكيد طالع كعدت يم دعاء صبتلي جاي داشرب جان يطب للمطبخ اني رأسن شركت بلجاي بقيت اكحكح والكل يصيح اسم الله اسم الله الرحمن .....
للحكاية بقية.....
