ياسر...غفيت وبعد محسيت بشي كعدت الصبح لكيتها نايمة يمي وايدها على ركبتي وخرتها كمت توضيت وصليت ...نزلت لكيت امي كاعدة تريكنا سوة وسرى راحت للمدرسة ..رحتلهم للبيت لكيت ايهم كاعد بلطرمة هو وعمي ...
ايهم..الحمدلله زينة هسة نايمة لان هم توجعت بليل وادهم اليوم خفارته اخذت مسكن وبلكوة نامت ....
ياسر....الحمدلله هي بخير..اروح للشغل ارتب الوضعية والعصر ارجع...
ايهم... بسلامة حبيبي ...طبيت ع ابوية تريكنا يابة اني خابرت اسعد ماروح للشغل اليوم وخطية من سمع كال اجيب البنات ونجي العصر حتي نشوفها لعسل ...
ابو عسل..خير ان شاءالله وليدي خلي نشوف اختك خاف كعدت طبينا جانت كاعدة بس مددة بمكانها ها عسولة شلونج اليوم ..
عسل...الحمدلله بخير كاعدين وابوية ويانا وسوالف ....
ايهم ....يابة اروح اجيب غدة واجي ... طلعت وصارت بوجهي خالة ام ياسر ودعاء جايبين غدة مسويين اشكال خطية تفضلو خالة تفضلو ...
ام ياسر...عسل بغرفتها ...يمة هلة ببنيتي شلونج حبيبة كلبي يمة بية ولابيج ولج انتي كلب ياسر انتي كومي يابعد روحي ...
عسل...هلة بيج خالة تفضلي...
ام ياسر...لتكومين بنيتي لتكومين ...
ايهم.. يابة طبعا الحجية جاية وجايبين غدة. ليش خالة ليش تعبتو نفسكم ..
ام ياسر...ياخالة تعبيش هاي سلامة الغالية ...
عسل...فدوة لعمرج يمة ليش هيجي انتي مابيج حيل ..
ام ياسر...ولج عسولة كل الحيل صاير بيه بسلامتج يوم الي ازفج بأيدي ..
دعاء.....كعدوا شوية وكاموا نجي بليل وية ياسر لان البيت مابي احد وهسة سرى راح تجي من المدرسة ..
عسل...غفيت وللعصر حسيت ابوية ديكعدني...
ابو عسل... يابة كومي بيت ام ياسر وحتى بيت ام اسعد كلهم جايين ديطمئنون عليج..
عسل... كمت يابة كمت .......مرت كم يوم صرت زينة الحمدلله بس مجهود قليل كلش وكل كم يوم البنات يجن ينظفن ويروحن عاد اتفقوا ع زواج ادهم بعد اسبوعين لان كلشي مكملين راح ابوية وادهم اتفقوا موعد العرس .
ياسر ....واني عمي ..
ابو عسل...بكيفك ابني براحتك قرر هي الحمدلله صارت احسن ..
ياسر...لعد الاسبوع الجاي والاسبوع الي وراه عرس ادهم...
ابو عسل...براحتك ابوية ....ها عسولة يابة الخميس الجاي تعقدون اتفقنا والاسبوع الوراه عرس اخوج..
عسل...هاااا شنو يابة ليش هلاستعجال..
ابو عسل...يااستعجال عسل صار كومة نأجل السالفة حتى عيب من الولد عقدوا يابة كافي .....
عسل...هاااا كيفكم يلة ...خابرتني دعاء ..
دعاء...ها ولج الخميس راح تنكفخين وتضحك..
عسل... يولي بعدني كلشي ممحضرة ومبقة شي اسبوع واحد ..
دعاء..ولج اكو اسهل منها باجر امر عليج انتي مكملة كلشي باقي نواعم قليلة..والقيصر مالتج مشتل كمل الغرفة وجاب الاخشاب ورتبها والسعلوة متخبلة كلسع مسوية هوسة وهو صاكرها مدتطلع تخاف لان بعد مترجع ..يلة حبي باجر امرلج شوفي شعندج نواقص ولو ادري كلشي مكملين ونشوف البدلات ...خايفة انتي حبي وتحسين كلشي ممكملة ..
عسل...اي عفية هواية متوترة ....
دعاء... توكلي ع الله حبيبتي....
عسل....دكيت ع مروة ...
مروة...هيج عسل اني اخر من يعلم..
عسل...لا والله اول من يعلم هسة ابوية كلي مروة اريدج وياية مراوي ..
مروة...تدللين عمري جم عسل عندي .....
عسل...دك عليه الووو ها ياسر هلو ...
ياسر...ها عسولة شلونج صلون صرتي كبد...
عسل... الحمدلله انت اخبارك ..
ياسر...اني زين اذا عمري زينة ها شو سكتنا ...
عسل...صافنة بحجيك وصارت صدك ياسر اني كلش خايفة خرب ضحك ليش تضحك..
ياسر...يعني من شنو خايفة انتي مو كتلتي نفسج عليه ...
عسل...هاااا...
ياسر.... اي والله مو ...
عسل.... اوكي باي ..
ياسر..وين رايحة ولج ..
عسل....ظل صنف واني كلبي ظل يخبط من الهبطة من كلي ابوية الى هسة ..
ياسر..وليش شكو رايحين حرب شبيج يمعودة هو عقد شكو لعد بلعرس شتسوين ..
عسل..لا عفية خليني هسة خلي استوعب شوية شوية..
ياسر...ديلة استوعبي ع راحتج عسل كلشي مكملة مو وباجر تمر عليج دعاء تكملن اثنينجن اني اوديكم وارجعكم ..
عسل...ان شاءالله ...وصار يوم العقد لبست كوستم بيج وفتحت الكفشة ومكياااااج اشرد يمة فديت الجمال طلعت اخبل نزلت ابوية بجه وكام يصلي ع النبي ادهم وايهم بقوا حتى يروحون وياية فدوة رحتلهم ميقبلون اروح وحدي شوية واندكت الباب ادهم طلع واني كلبي صار طبل دخلوا كلهم وهو بالاخير سلم ع ابوية والولد واجة يمي..
ياسر...ولج هاي شطالعة..
عسل... اني لو انت يمة فديته للقيصر ..
ياسر...ها رجعنا لخبالج ..
عسل ...شاورته الي عدها مثلك مو حقها تتخبل ...
ياسر...ديلة كومي راح تفضحينا مو البارحة جنتي خايفة يلة ياجماعة نتوكل ..
عسل..طلعنا سيارتين ادري زفة جان متفق وية محامي مطولنا اخذ المستمسكات صاحو اسمائنا دخلنا وبطلعتنا خالة تهلهل وتطش جكليت ع راسنا ..
ام ياسر...هسة يلة صدك تزوجت يبعد امك يوم الي افرح بجهالك حبيبي ..
عسل..بوسناها وبوسنا ابوية والكل باركلنا ..
ام ياسر...يابعد بيتي هذا اليوم الي جنت منتظرته ديري بالج عليه حبيبة ترة متعوب ويستاهل التعب..
عسل... بعيني خالة شتوصيني ..طلعنا عزم الكل بمطعم ع الغدا تغدينا وطلعنا ترخص من ابوية نطلع..
ابو عسل..براحتك وليدي هي مرتك بعد ..
عسل..وصل خالة والبنات وطلعنا كعدنا بمطعم..
ياسر.. حارة شوية فد ساعة نطلع نتمشى مثل العشاك كعدت عسل.. جر ايدي وباسها ..يمة ياسر عفية شدسوي ..
ياسر...ولج كافي مو شعلتي اهلي صار كومة انتظر وهسة صرتي حلالي كافي عاد ..
عسل...انت شتريد ..ضحك ..
ياسر...ولج شريد هي ايدج ولزمتها ..
عسل..ظل يفرك بيها ومن ميشوف احد يبوسها واني كاعدة متوترة ..
ياسر...هاي شبيج ترة راح ارجعج ..
عسل...لا والله بس لازم اتعود ع كلشي واتعود عليك ياسر ترة اول مرة ايدي تنلزم فدوة انت مدتشوف رجلي شلون ترجف ..
ياسر...ليش شكو..
عسل...شنو شكو يمعود رهبة رهبة يمعود اني من جانو يصجموني بشارع ارجع ابجي وثاني يوم ماداوم ..
ياسر...كافي ولج اشو تحجين عادي كدامي يصجموني ..
عسل...اي لعد قابل جذب كومة جانو يزحفولي بس انت جطلت سنارتك حبيبي من فدوة رحتلك ..
ياسر...كومي ولج كومي ام لسان طلعنا عسل حبيبي عطرج دوخني بعد متحطين عطر..
عسل...ها يمعود على كيفك خليك ديمقراطي .
ياسر....تقبلين احد غيري يشم عطرج ولج شمسويلج ومو ديمقراطي ..
عسل...كعدنا شوية وطلعنا نتمشى بمتنزه والجو يخبل ..من نزلنا مديت ايدي ولزمته ..
ياسر...ها زاحفة..
عسل...شسوي كل هلجمال يمي واعوفه دباوع المزز الكدامك هسة يلكفنك خليني مجلبة بيك احسن..
ياسر...ولج مراح اطير..
عسل...اذا عفتك اطير عوفني عفية ..لزمته لزمة اخت الجذب ...بعدنا ستونا طبينا اجتي وحدة طخته ...
اوووف سوري ...
ياسر....لا عادي اختي ..
عسل.....انتبهي حبيبتي حتى حرام من طخيتيه هسة..
..اوووي عيني شدعوة .....
عسل..الدعوة بلمركز حبيبتي امشي وفتحي عينج زين ...
.هاي شبيها اختك ليش هيج عصبية ..
عسل..وتباوع عليه وتغمزله ..مرته حبيبتي مرته يلة حبيبتي امشي دنلحك ع جهالنا ...كام يضحك اريده يسكت ماكو شبيك عيني يلقيصر واكف وعاجبتك السالفة..
ياسر...ولج ام لسان شلون دروب عدج وين جهالنا ..
عسل...موجودين وين يروحون اجيبهم اجيبهم..
ياسر...لا لا عدينا شوط جبير ..
عسل...بشنو ...
ياسر...وين من الصبح جنتي تطكطكين هسة شوفي روحج شلون مجلبة اريد اوخر وانتي مجلبة بيه ..
عسل...لا والله ....
ياسر...شوفي روحج ..
عسل...دروح شوف منو يلزمك بعد ..بقى يضحك..
ياسر.. اشاقة وياج ولج تعاي ..
عسل....ما ما زعلت روح كعدت ع مصطبة اجة كعد يمي..
ياسر.. شبي الكمر ..
عسل..ياكمر يابصل بقيت كمر هبجي هاي لان لزمتك ..
ياسر..لا والله بس جنتي مجلبة حيل عيب من العالم ولج قابل حطير..
عسل.. اي تطير دشوف كل وحدة شكدوتها وتلعب لعب ..
ياسر..واحنة شعلينة حبيبتي من اجينا هنا ردنا نتمشى نشم هواا كافي حبيبي كافي زعل ولج انتي صغيرة ..
عسل....اي صغيرة طبعا شنو لعد واريد اتعود عليك ابو الشباب واذا شفتك تباوع ع وحدة اجلب بيك اكثر وارزلهن رزالة تسوة عمرهن..
ياسر.. ولج كافي فضايح طالعين نتونس شبيج اليوم خبلة ..
عسل...اي والله ياسر خبلتني اني لو ادري هيجي الطلعة وياك فلا اطلع..
ياسر...ليش عيني..
عسل...دشوف الزاحفات خرب ضميرجن باوعهن مزعطة ومديكعدن راحة بس انت ثكيل ثكيل حبيبي فدوة لعينك هاي لان اني وياك لو دائما هيجي ..
ياسر...ولج كافي شدشوفيني هو اني اصلا وين طالع اولا وثانيا ماخلي عيني لان عندي خوات وعندي مرة تخبل اخاف عليها من كل عين حبيبتي كومي ترة لعبت نفسي..
عسل... كوم كوم نفتر بسيارة احسن كعدنا فرفرنا شوية وتعشينا ورجعنا راسي صاير طبل كبل لغرفتي نمت وادهم جايب عشا ومتعشين ......
للحكاية بقية......
