ياسر...هاعسولة اشو ساكتة ..
عسل...ها لا ماكو شي ..شلونك ..
ياسر...الحمدلله بخير انتي شلونج ...
عسل...زينة ..
ياسر...اكلج اول شي نروح للطبيب وبعدين للمختبر وراها نطلع نتعشا شتكولين ..
عسل...كيفك ....
ياسر...خيرج عسل ليش هلجفا ليش دتبيعين ثكل على كلبي ترة مالي حيل وداعتج ..تدرين انام حتى اكعد بلكي اشوف عيونج لو اسمع اسمج ومن نجيكم ولا عبالك موجود مداشوف لهفة قبل ليش ..
عسل...لا والله ياسر ماكو شي بس ....
ياسر....بس شنو ...
عسل...شوف وسكتت ...
ياسر...عندج هواية حجي خيرج ..
عسل...لا بس ياسر احجيلي بصراحة شنو الوضعية هناك بلبيت هسة ...
ياسر....ياوضعية عسل ..
عسل...يعني وياها ...
ياسر...ماكو شي لتخافين هي فوك ونزلة متنزل وانتي يم امي جوة كملتلها طابق كامل فوك يعني ماكو اي احتكاك وياها ليضل ابالج ...
عسل..زين وانت ..
ياسر...اني شنو ...
عسل...اوووي ياسر دافهمني..
ياسر.. ...ههههه هذا مربط الحجي ولج دحجي عاد مو فتيتي كلبي هاي دايخة بهاية وليش متحجين ياعمري انتي ..انتي تأشرين بعيونج ممنوع تدوخين بأي شي وهسة شتريدين تعرفين..
عسل.. الي فهمته ..
ياسر.. مفتهمت شي فهميني يعني شنو ...ويبتسم بخباثة..
عسل.. ...يعني شنو مدى علاقتك بيها ..يعني ماكو شي ...
ياسر...اي ....
عسل...اي ...وبعدين..
ياسر..ماكو بعدين ...
عسل...ياسر وين تنام ..
ياسر.. ههههه يعني شكد ردت احجيج ...
عسل....اي دحجي عاد ...
ياسر..عسل ترة رشاااا هم مرتي والها حق عليه وهي هواية تغيرت وطلبت حقها بلسانها شسويلها قابل .....
عسل... يعني عايش حياتك وياها مو بس قابل اني شمنتظرة جان لازم اكيف نفسي ع هاي السالفة وعيوني لااراديا دمعت ...
ياسر...ولج ولج شكو هاي ام دميعة داشاقة والله ولج من يوم الي شفتج شبعت شوف من كل نسوان الدنيا بيج وميهلي اباوع ع وحدة مو عاد رشا الي كرهتني بحياتي ..ولج انتي غير الغير لتخافين اخذتي الكلب وسجلتي باسمج ..
عسل..اي مبين ممعقولة مرتك كدامك وانت ......
ياسر...وانت شنو ..
عسل..ما زعلت عوفني ...
ياسر...خرب ضميرج ليش تأذيني وتأذين نفسج بسوالف غيرة وهي متبقة اني اعرفها بس هلمرة اخر مرة بس تطلع مالها رجعة واني بلغتها بهلشي ومتاكد مراح تصمخ لان موصاحبة طويلة اني اعرفها واعرف كل تحركاتها من تروح لاهلها لان اخوها مثلي واكثر مني متتحمل تداري احد او تشتغل فتروح لاهلها وكله بركبة امها وعبالها من تطول راح اروح اجيبها واني اعوفها ببيتهم هواية لان اني ماريدها بزعتني من المشاكل والطلايب الي تسويها واعتقد عرفتي سبب زواجي منها فيارويحتي اطمئني وخلي يرتاح هلعقل الحلو واريده بس بيه يفكر ..
عسل...لعد هو شطيح حظي دايخة والله من يوم الي اجتي الى هسة حتى الليل مدانامه..
ياسر.. ليش ولج كافي سهر وراج سهر طوييل ياحلو وغمزلي ...كومي كومي وصلنا نزلنا سجلنا اسمنا وكعدنا ننتظر نص ساعة وطبينا فحصني وشاف الجرح ..
الدكتور..لا زين الحمدلله اكيد دكتور ادهم موجود بعد ..
عسل...اي والله كل هو كل شوية ينظفه ويطهره..
الدكتور.. اي طبعا ادهم كلش حريص وخصوصا اخته بعد بس ها لازم بهريز خافي ع روحج ترة انتي حاليا بكلية وحدة يعني الضغط راح يصير عليها..
عسل... اني راسن باوعت ع ياسر شنوو دكتور ..ياسر دنج ..
الدكتور...اي عسولة وحدة من كلياتج جانت جاية بيها وحدة من الطلقات بس الحمد لله استئصلناها حتى لتتحرك وتأذي مكان ثاني من الجسم لتخافين الثانية تمام ليضل بالج وعادي ياما ناس عايشين بكلية وحده ..
عسل...لا دكتور عادي الحمدلله على كل شي ..كتبلي مسكنات وعلاج التهابات ولازم متابعةدورية وطلعنا ..صعدنا بلسيارة ياسر ...حبيبي نروح للمختبر هسة لان هذا المختبر الي يمه موشي اعرف مختبر زين صديقي يشتغل بي ..
عسل..ميحتاج نرجع للبيت ..
ياسر...شنو ليش تعبتي ..
عسل...لا بس محد حجة على هاي العمليه ...
ياسر...ياعملية يعني من الطبيعي تضرر اعضاء من الجسم والحمدلله مكامت الطلقة تمشي وكدروا يسيطرون ع الوضع عسل حالتج جانت كلش خطرة يعني شتتوقعين اذا طلقة راحت بلكلى راح تطلع سليمة جان لازم يستئصلوها ..
عسل..اوك لعد شنو ذنبك تاخذ وحدة بتك كلى يعني اذا وكفت تكوم تحير بيه...
ياسر... معليج اني اريد احير انتي ليش دايخة ...
عسل.لا ياسر داحجي صدك ..
ياسر...واني داشاقة يعني عسل اليوم مودج كلش موشي واني فرحان ومرتاح بطلعتنا وراح تطلعيها من خشمي ..
عسل..لا والله موقصدي بس اني اريدلك الاحسن ..
ياسر..انتي الاحسن كافي عاد ترة لحيتي هواية كومي نزلي كومي..
عسل.. نزلنا جان المختبر فارغ .سلم ع صديقه واخذ دم من عندي ومن ياسر وكعدوا يسولفون اني خليت وطلعت كعدت بغرفه الانتظار وهمة جوة العيادة صنطة رحت ع البلكونة مال عيادة اباوع ع العالم جوة المختبر سوك والعالم تفتر جانت مغربية والعالم تفتر وتشتري اتمنى انزل افتر وحدي والجو حلو بس الخوفة بعدها مسيطرة عليه حتى لو احد وياية النوبة اخاف عليهم ضربتها صفنة فات اكثر من ربع ساعة كل شوية اندار اكول هسة يجي ماكو انتجيت ع الحايط وعيني علشارع وعلسيارات والهورنات والناس تبيع وتشتري من الجنابر والشباب فرحانة وبس تضحك وتحشش اليشوفهم يكول ماكو هم بكلوبهم وتلكا كل واحد بيهم ضايمه ضيم وقهر ع اللكمة وعمرهم 20 ميطلع ...
ياسر..ها عسل وين وصلتي..
عسل.. انداريت عليه مبتسمة يمك وين اروح خلصت ..
ياسر....طبعا اثنينا O+ ولج حتى دمنا واحد اني ادري بي من تبرعتلج بس علمود اطلع وياك ياعسل ..تدرين شكد عندي حجي اريد احجي وياج بس مد الكا فرصة .
عسل..يلة هسة نحجي شعدنا ...
ياسر..ديلة ننزل ...
عسل....يلة طلعنا كعدنا بمطعم يلة سولفلي ...
ياسر....ولج شسولف غير من اشوف عيونج ماعرف شيصير بلساني ....عسل كلمة تعبت قليلة عليه اني الدنيا هدت حيلي لا ظل عندي واهس ولا ظل عندي هدف بلحياة غير امي وخواتي وهمي شلون اوفرلهم كلشي ومن صارت سالفة صاحبي الله يرحمه بزواجي والمشاكل والاذية الي شفتها منها وانجبرت بس ارضي امي وارضي صاحبي بكبره لان علي اخوية واكثر جنة اللكمة نتكاسمها سوة ومن طلب مني هلشي لان يعرف بأخته محد يتحملها ومن مصار منها اطفال اكيد بحكمه من الله ويجوز حتى مكاتبلي أكمل وياها وقررت اعيش حتى اسعد الي اني مسؤول عنهم ..بس من شفتج غيرتي كل مخططاتي قررت اعيش مراهقتي وشبابي الي ماشفتهن بس وياج ...
عسل...يا شباب عيني عمو دباوع ع روحك اصغر مني ابتسم وعيونه تحجي ..
ياسر..عسل انتي كلشي بحياتي ماعرف شسويتي بيه..
عسل.... ياسر مرتك احلى مني ترة ..
ياسر...يا احلى ولج اثاريج متواضعة واني مادري هاي حتى لحد يحسدج ...وليش هي بلجمال ولج عيونج تسطر سطر ولا كل شوية تكولين مرتك احلى ..انتي هم مرتي وانتي احلى الكل وهسة عوفي الغيرة عسل لان راح تصير مشاحنات واني اعرف منين واعرف انتي الصغيرة الي راح تمشين وهي لا ..بس لخاطري عدي لان ماريد حياتي وياج تتعكر بأتفه الاسباب واني اعتبرها تافهة وعد مااخلي كرامتج تنمس بكلمة او بتصرف اني اعرف شلون ارجعلج حقج ...
عسل..هو اني جنت اصدك القيصر يصير الي..
ياس... ولج ياقيصر..
عسل... انت.. شخصيتك وشكلك مال قيصر فدوة لهلضحكة ..
ياسر..ولج اني يمج ليش هوااية الين مادري احس روحي ارقى من ان تعكر اوتقسى مشاعري في حضرتك ..
عسل...هلو ياب صار بيها اشعار وبلفصحى..
ياسر...اذا الج متنكال الاشعار المن تنكال..
عسل ..اليه طبعا ..ظلينا كاعدين مبقينا شي مسولفنا بي لحد ما .....كوم عاد لتستغل ابوية واخوية ..
ياسر..شمسوي ولج ..
عسل...تدري ساعة ..
ياسر..شكد ..باوع على الساعة يلة كومي كومي شكد عيب ..
عسل....مو هههه....
ياسر.. اي والله هسة شراح يكولون ..
عسل...ميكولون شي لان يعرفوك كلش زين ولة جان خابروا بس غير مطمئنين وصلنا للسيارة صعدنا جانت دنيا ليل وباااردة والجو يخبل والهوة عذيبي وهو فاتحلي هيثم ادري انت قيصر ليش تسمع لامير الحب ...
ياسر..ههه يلة كله رومانس ووياج ..
عسل..فوكاها ساكتين وهيثم يعبر عن حالتي واني الرومانسية كلش زادت عدي ...
ياسر..ولج هذا هيثم شسوة بيه هيج بيه كل المشاعر هو اني واكف ع شعراية وياج ..
عسل..مجاوبته ودرت وجهي ع الجامة شجاوبه نصيته وغيرت الموضوع ...
عسل...ياسر هسة شوكت نعقد..
ياسر... اسبوع الجاي نكمل اوراقج ونبلش عسل ترجعين للكلية..
عسل... لا لا ماريد..
ياسر... ليش حبيبي اني وياج..
عسل... لا ماريد شسوي بيها ماريد عفية ..
ياسر..كيفج لتضوجين شكو هي حجاية ..
عسل...لا عادي اكلك ياسر مرتك عرفت شوكت نعقد عفية اشو احسها صارت صدك وخاف تنقهر لان انتو دتكولون انعدلت..
ياسر.. وان يكن يعني .. يعني شنو شتريدين تحجين كولي ..
عسل....لاماكو شي حتى اذا انت عفتني اني ماكدر اعوفك ياسر انت النفس اليصعد وينزل بلياك امووت ..اكلك عمامك يدرون ..
ياسر...ان دروا ولة مادروا ميفرق عندي ريحي بالج حبيبي اني احلها ملج لازم ..
عسل...شوية ووصلنا نزل وياية سلم واعتذر من ابوية..
ياسر... والله عمي اخذنا الواهس وبنتك عمي اكلت المطعم كله ..
عسل...هااااا هههههه ظلو يسولفون مقبل يطب وطمنهم وكله لادهم على حجي الطبيب ..
ادهم..اي خابرني حجيت وياه ..
عسل...اني واكفه منتجية ع ايهم كايدني وواكفين عاد ترخص وراح لكيتهم متعشين خطية وغاسلين المواعين شلون مجان لان ممتعودين سودة عليه كلت من باجر اكوم شوية شوية انظف ..
ياسر..طبيت لكيتهم كلهم كاعدين..
ام ياسر.. الله يساعدك يمة..
ياسر.. ويساعدج حبيبة بست راسها وكعدت يمها ..
ام ياسر..هايمة بشر ..
ياسر..لا الحمدلله بخير عمليتها نظيفة لان ادهم كلش مداريها ...
رشا..يعني من العصر الى هسة جنت وياها ..
ياسر...باوعت ع امي بدت ..
امي ..من العصر الى هسة تلوب انت مو كلتلها تريد تتزوج ..
ياسر.. لا الظاهر بدت ..نعم تفضلي محتاجة شي ...
رشا.. يعني مكلت اريد اطلعها اونسها بيش ملتهي عليه حبيبي..
ياسر..رأسن غيرت من شافتني عصبي ..جان عندي شغل اهم ..
رشا...واني مو مهمة ..
ياسر...رشا كافي عاد ترة سوالفج زايدة هلايام ..
رشا..يعني غير يعجبني اطلع وياك ..
ياسر...ميخالف مو هسة لان ملتهي ..يوم بداية اسبوع الجاي نعقد ونكطع مهر ..
ام ياسر....اي يمة ساعة المباركة ..
رشا..يعني بعدك مصر ..
ياسر..ع شنو ..
رشا...ع زواجك مو اني رجعت ..
ياسر...اي وشتغير ..
رشا..يعني اني متغيرت ..
ياسر...تغيرتي بس بعد فوات الاوان ..العمر مبقة بي بقية واني اريد ارتاح وانتي موجودة حالج حال قبل .. سكتت كلشي مجاوبت ..دعاء كملتوا...
دعاء...اي ياسر كلشي مكملين بس الظروف اخرتنه شوية ..
ياسر...زين شوكت ناوين تزوجون ..
دعاء..والله ادهم يريد يكعد وياك وتقررون ..
ياسر...زين باجر اخابره واتفق وياه ان شاءالله ...
رشا..وليش هو ميتصل هو منو المفروض يركض ورة منو ...
ياسر...هو شنو منو يركض ورة منو ...
رشا...لا يعني لازم هو كل شوية يتصل ويتوسل ويفتح موضوع الزواج موانت تحجي ...
ياسر...لا اني احجي عادي ماكو فرق اذا اريد راحة اختي واستقرارها ..
دعاء..يمة فديتك تسلملي ...ثاني يوم اتصلت بعسل جانت كايمة تشتغل وبس هي وعمي بلبيت .عسل اكعدي هسة اجيج مقبلت سديته منها ..يمة هاي عسل كايمة تشتغل بلبيت واحنة بلة ولافكرنا شلون دتنظف صار جم يوم من راحت..
ام ياسر..يايمة سودة عليه ..
دعاء...راح اخابر ياسر واروح اني انظفلها ..خابرت ياسر تخبل ..
ياسر..دعاء روحي هسة تنفتح عمليتها الطبيب كال اكثر من شهر يلة تكدر تكوم شوية ومن توصلين خابريني احجي وياها ..
دعاء...رحت بدلت وكلت لامي ورحنا لان سرى بلمدرسة والحلوة فوك ولانزلت اني جنت كلشي مكملة 10 دقايق طبينا لكيتها دتسحل بروحها وعمي يريد ياخذ منها الماسحة سلمنا وبوستها وخابرت ياسر هاك مرتك وجريت منها الماسحة ..
ياسر..ها عسل ليش هيج تسوين
عسل...شمسوية والله ماكو شي وع كيف مداضغط ع روحي ..
ياسر....عسل طبي عاد طبي ...
عسل....طبيت والله اني هسة لهول ..سديته وياه استلمتني خالة هي وابوية ركع جدورة واني ساكته ترزلت رزالة تسوة عمري خالة ترفع وابوية يكبس ...شوية وصدك بدت العملية توجعني اكلت الوجع وسكتت لان غسلت هدوم وصعدتهم فوك محد يدري ولة جان انشنقت ...ودعاء خطية تشلهت خلصت البيت وبدت بلغدا كملت واجتي يمي شافتني مو طبيعية ..
دعاء..ها عسل خيرج ..
عسل...هااا لاماكو شي..
دعاء... لا اكو دتتوجعين ..
عسل...راح اموت دعاء مادري شبيه ..
دعاء...هسة راح اخابر ياسر ونروح لادهم ..
عسل...يمعودة اسكتي هسة اكلت طن رزالة مابية بعد ..
دعاء....لا بلة خاف مترضين تريديني اسكت ..يوم عسل دتتوجع راح اخابر ياسر ...
ابو عسل...ها يابة عسل خيرج ..
عسل..ماكو شي يابة بس وجع شوية ..
ابو عسل..ياشوية يابة باعي عيونج ..
دعاء.. عمي خابرت ياسر كال نص ساعة وجاي ...ربع ساعة اندكت الباب طب ياسر ..
ياسر..هاودعاء وينها تعال هياتها كاعدة بلصاله طبينا معكفة ع خاصرتها وتون من الوجع وامي تقرة ع راسها وعمي لازم ايدها وكاعد خطية ..دعاء جبة وربطة لبسيها دنطلع..
دعاء..اي ..
ياسر...ها عسل شحجينا..
ام ياسر...يمة ياسر عوفها هي بياحال ..
ياسر...يمة اني غير علمودها ..
ابو عسل..يابة ياسر خلي نكوم..
ياسر...اي عمي ابقى اني اخذها ..
ابو عسل...وين ابقى يابة دشوف حالها..
ياسر...لبستها دعاء وطلعنا كوة تمشي خابرت ادهم بلطريق عصب وظل يحجي كال انتظركم طبينا ادهم واكف بلاستعلامات جابولها سدية لان بلكوة تمشي ودخلوها للطبيب وادهم وياهم شوية وطلع عمليتها مفتوحة من جهة الظاهر شايلة ثكل الخاتونة نظفها وظمدها ونطاها مسكن غفت شوية من الوجع كعدنا بغرفة وجابوها بسدية جانت نايمة كمت يم راسها اني وابوها خطية مبطل بجي عمي ترة الحمدلله مابيها شي ..
ابو عسل...اخاف عليها يابة ماعدها قوة وتأذت هواية وفقدت امها وهي بحاجتها ..
ام ياسر...ليش ابو ادهم اني موجودة..
ابو عسل...دايمة حجية طبعا انتي هم امها من بعد المرحومة بس كضتها قهر بخوف بمرض وهي صغيرة ..
ام ياسر...صلي ع النبي حجي ان شاءالله تكوم بسلامة وتفرح بيها وبجهالها ..
ابو عسل..امين حجية امين ....
ياسر...كعدنا كل شوية يبدللوها المغذي وفحصها الطبيب كال ساعة ساعتين تكعد وصدك كعدت اجة جيكها الطبيب كال ساعة وتكدرون تطلعون بس رااااااحة وبلا مجهود بعدها عمليتها ترة وازالة عضو من جسمها يعني فقدته وهذا بحد ذاته يتعبها.. ادهم اليوم خفارته اخذتهم وطلعت خابر ايهم بلطريق ضاج لان محد كله وبلكوة قنع مابيها شي يابة والله هسة رجعتهم شبيك .. وصلتهم للبيت وتوصيات كومة دعاء ضربتها ابرة ونامت سلمنا عليهم وطلعنا ...وصلت لكيت رشا كاعدة بلمطبخ ..امي تعبت مابيها اخذتها دعاء لغرفتها ...
رشا...ياسر..
ياسر..نعم ..
رشا...تالي اني اضل هيجي ..
ياسر..ليش خيرج محتاجة شي كولي ..
رشا...محتاجتك ..
ياسر..مشغول هلايام تعرفين ..
رشا...كافي ياسر عفية اني اريدك ..
ياسر....موجود وين رايح ..
رشا...ملتهي عني ..
ياسر..كلتلج مشغول ..
رشا..وهسة ..
ياسر...تعبان اريد ارتاح وانام كلش تعبان ..
رشا...تعال نام يمي وبحضني حبيبي مشتاقتلك ..
ياسر...باوعتلها بنظرة عود يعني مو انتي الي دتحجين ..
رشا...ليش هيجي تباوعلي ...
ياسر....استغفر الله ...صعدت سبحت ومددت داانام اجتي ..
رشا..ها حبيبي افركلك راسك ..
ياسر.....لا رشا عوفيني اريد انام ...
رشا..واني ياسر عفية ..
ياسر...باجر نحجي لان راسي راح يطك عوفيني هسة وغفيت بعد محسيت بشي .......
للحكاية بقية.....
