عسل....لحد مافزيت على صوته ياربي وين اروح وانت ادرى بحالي ......
ياسر....السلام عليكم اهاااا واخيرا طلعتي ..
عسل...وعليكم السلام اهلا لعد وين البنات ..
ياسر... مجان الي واهس اكعد لان بس نسوان عود امر اجيبهم بليل من يخابروني ...
عسل...كمت طفيت الجاي ..
ياسر...وياج فد استكان اذا متصير زحمة ....
عسل....لا عادي تدلل وكعد ع الميز يمي ظليت واكفة ع الطباخ ولا نداريت حركته للجاي هو فاير فورته بعد ..
ياسر... ليش منزلتي ع الريوك والغدا وتدرين اليوم كلنا كاعدين وملتمين ...
عسل...جان مالي خلك والله ..
ياسر... وهسة صرتي زينة من طلعت...
عسل... انداريت لكيت عينه بموبايله ولا شال راسه لا ليش بس ضليت نايمة لان جان راسي كلش يأذيني فكلت انام شوية ولوما خالتي كعدتني جان ظليت نايمة الى هسة .. ها واني اسفة لان ابتليت بابوية اوعدك اخر مرة بس لان جنت كلش مالي خلك راسن شال راسه ..اني نزلت عيني نطيته استكان الجاي ...
ياسر..ممكن هذا الكلام مينعاد واني مبتليت بأحد ولوما عندي شغل جان اني التزمت بي بس شغلي ماخذ كل وقتي وبدون زحمة شيلي هلرسميات ...
عسل...عافني وكام حتى الجاي مشربه همزين مشربه لان احترك وطعمه يخزي.. كعدت وعيوني انسطرت من البجي وتذكرت امي لو يمي مجان خليت نفسي بهيج موقف سخيف ... جان تطب امه...
ام ياسر.. يمة اسم الله شبيج يبعد خالتج ليش هلبجي...
عسل.. والله خالة تذكرت امي كلش مشتاقتلها...
ام ياسر... فدوة لهلعيون اني امج بنيتي حالج حال دعاء وسرى الله يشهد عليه واصلا ماريدج تطلعين وشايلة هم بكد الدنيا شلون من تصفى سالفتكم وتعوفيني شلون راح اكدر على فراكج انتي بلذات ..
عسل..تسلمين خالة والله انتي هم صرتيلي ام ومحسيت اني غريبة هنا ابد والبنات شكد ماكول حنينات قليل بحقهن طالعات عليج وبحنيتج وكمت بستها من راسها خليت راسي بحضنها كعدنا بلمطبخ بعد مشفته لليل يمكن بدل وطلع ورة المغرب بساعة طبن البنات وحدهن اني خليتني طبيعية اجني بوسني ...
دعاء..ها سلامات يمعودة ..
عسل..امشوا اني زعلانة هيج عفتني ولجن ولو خالة مقصرت عابتلكم مكانكم خالي...
دعاء ..والله كلتلها لامي بس مقبلت كالت مريضة مكانج خالي والله خالتي والبنات سألو عليكم وكالوا فديوم يعزموكم ..
سرى... يمعودة ياسر سوانا فلم كومن كومن خالتي توسلت بي ع العشا مقبل ..
دعاء ...صدك ترة هو راح يجيب عشا يعني مراح نسوي هييييه ..
عسل... رحنا كعدنا بلصالة وابوية هم كعد جان يخابر ادهم احجي وياه وابجي ..
ابو عسل.. كافي يابنتي لتزيدين همه ...
ياسر..السلام عليكم ...
عسل...كام يباوع ويخنزر عليه اوووي هاي شبي ممصدك وحده زحفتله اني صوجي اكيد مرته عادية وشايف روحه عليها..ادهم راد ابوية نطيتهيا وطلعت يم دعاء جانت بلغرفة رحت مددت يمها ولا طلعت بيومها حتى عشا متعشيت دعاء كومتني كلتلها والله تغديت فايت وكت ومجوعانة عود بقولي بليل اكل بس تذكرت ابوية كمزت ..
دعاء...ها ولج...
عسل... ابوية اعشي واشربه دواه خطية حسيت بلذنب الصبح من عفته ونمت ...
دعاء...والله عيب عليج ليش احنة مو موجودين...
عسل... لا والله مو قصدي بس انتو هم ملتهين وهو هم يستحي ..
دعاء... لا هو ياسر مبتلش وياه مو احنة خطية ندري بي يستحي من عدنه ..
عسل...كمت اني وياها لكينة سرى دتحضر الاكل بلشت وياهم اجة للمطبخ عاف ابوية وامه وحدهم وطلع بلطرمة جان يصيح دعاء مدري شكللها وطبت...
دعاء.. يريدج طلعيله...
عسل... يمة كلبي انخمط عزة بعيني شلون بيه ..
دعاء...شكو يمعودة ..
عسل...اني ادري...
دعاء.. روحي محضرلج عودة...
عسل.. خرب وهاي تنكت وذيج الخ تضحك ...
سرى... لتخافين ولج شصار قابل اخوية بعبع اشو مز والبنات كلها تركض وراه ...
عسل...هو اني اشك حلكي غيره ..اوووي شصار بعد هذاك الموقف احس نفسي قويت وحتى حبه بكلبي برد ..اووف بسم الله وطلعت قابل شراح يسوي ساك بيها من شافني ضعيفة كدامه مياخذ الروح بس الي خلقها رحت ورجلي ترجف اكيد راح اترزل لكيته نفس المكان يم المرجوحة واكف ومنتجي خرب عشيرتك علهلجمال ...لازم اقوى سوء تفاهم ولازم انهي .. عود اني ثكيلة نعم تفضل محتاج شي ابو عمار باوع عليه وضحك ..
ياسر...ابو عمار منو ..
عسل...انت غير ماعرف اسم جهالك لهذا صحتلك ابو عمار تفضل محتاج شي ..
ياسر..عسل شبيج ..
عسل...مابيه شي اعتقد انتي الي كلت لدعاء تريدني تفضل محتاج شي ..
ياسر..انتي شنو الي تريدي شنو هاي تصرفاتج ..
عسل...اولا اني كلشي ماريد سلامتك ومقصرت ابد وينطيك ع كد نيتك تعبناك ويانة وثانيا تصرفاتي طبيعية انت الي دتحسس ..
ياسر...ممكن تنسين الي صار البارحة ..
عسل...اصلا نسيته واذا امكن بعد اذنك لا كل شوية تخزرني وتحاسبني بعينك ع تصرفاتي لان اني موصغيرة ..واتمنى الي صار انت الي تنساه واعتبره حجي من وحدة مراهقة ومتعرف تحجي واخذت حقها برزالة تسوة عمرها ..ونكون طبيعيين كدام الكل علاقل لحد مانطلع منا وعلاقتنا طيبة تسمحلي داأريد اطب جان يصيح ...
ياسر...اوكفي ..
عسل...اني جفلت منداريت ..
ياسر...ارجعي بلة ..
عسل...يمة كلبي 1000 بلدقيقة ..نعم..
ياسر...شنو هلخرط ممكن توضحيلي ..
عسل...ماكو شي كلش واضح للاسف.... شكد ماريد ابين روحي قوية افلتها يبوووو شراح يخلص هلدقايق اي غير يصيحولي علعشا داأطب مو حتى جعت من الهبطة بس اني جبتها لروحي ..
ياسر...اريد اعرف شكو..
عسل... ماكو شي ممكن تنهي هذا الموضوع نهائي ترة مشاعر حسيت بيها وكلتلكياها بدون تفكير وبدون وعي مني ومجنت اعرف متزوج ومن عرفت سحبت نفسي وخلص كلشي انتهى واتمنى تنسى الي صار ونوبات مد دتصير ومدااطلع هو لان بدون شعور مني ما أكدر احط عيني بعينك لان حسيت غلطت غلط كلش جبير ..
ياسر...اني مكلت انتي غلطتي بس الي شرحته الج لان اني انسان متزوج ومو ابالي انفصل عن زوجتي ..وانتي ابيتي يعني من عاشر المستحيلات اباوع عليج بنظرة مو محترمة وابوج واخوتج مأمنين بيه وهذا الحجي الي حجيتي كله ماأريد اسمعه وراح اعتبر نفسي مسمعته ..
عسل....اني عيوني كامت تذب عشرة عشرة اندار عليه ...
ياسر...عليش هلبجي...
عسل... ماكو شي مقهورة ع روحي حاسة بأهانة بس رب العالمين يعرف شكبرها..
ياسر...ماريدج تفهميني غلط ولتهتمين ولا كأنوا اي شي صار اطمئني مراح يطلع هذا الحجي حتى لامي ماشي ..
عسل...سكتت كلشي مجاوبته ظليت كاعدة تقريبا 10 دقايق ولا باوعت عليه صدك كلبي قفل منه بعد.. كمت دخلت وعفته برة دخلت كبل للحمام مردت احد يشوفني واني هيج دعاء انتبهت عليه اجتي دكت الباب... ها دعو حبي طالعة هسة شوية..
دعاء.. اكدر ادخل..
عسل... تعالي حبي دخلت وسدت الباب ولج شبيج انتي شكد عقلج صغير يعني مديصيرلي مجال احجيلج دكافي واطلعي هسة بس بطلي بجي وبعدين اسولفلج كلشي عليه وع مرته المصون اوكي بس كافي هسة واني حاسة انتي من نصيبه وحتى لو متصدكين ولج حتى امي مخيلة عليج ...
عسل...ضحكت ضحكة بقهرة اني مقهورة ع روحي وداعتج كلشي مبالي غير نفسي الي هنتها علموده ..
دعاء...صدكيني القادم احلى ضحكت وطلعت اريدج قوية ولتبينين شي حتى اله اوكي ورحت غسلت وبقيت شوية حتى عيوني ليبينون حمر وبعدين رحت بدلت هدومي ونزلت لكيتهم كاعدين دك سوالف بلصالة وضحك مصاير ولا عبالك مسوي شي ابو خشم اني هم رحت كعدت يم ابوية لان هو كاعد بعيد عنه..
ام ياسر ... وينج حبيبتي..
عسل... والله ياخاله بس جسمي ديون عليه سبحت وبدلت واجيت...
ام ياسر... اسم الله عليج يبعد اامج ...
عسل...فدوة لعمرج خالة ودزيتلها بوسة بلهوا هو طبعا صافن ع امه عود حتى ميباوع ..
ابو عسل... يابة عسل شخبار ادهم ...
عسل...والله يابة اليوم مخابر اخاف ملتهي بسالفته حتى يخلصها بسرعة واحنا حتى نفك الحمل عنكم خالة ثقلنا عليكم بشكل ونردها الكم بس بالافراح يارب ..
ام ياسر...حبيبتي لتكولين هيج اصلا احنة شايلين هم لهذا اليوم الله ليجيبه وطكتها بضحكة وباوعت على دعاء هو استأذن وطلع ..وين طالع يمة دنتعشا ..
ياسر...جاي يمة بس ادخن جكارة واجي رحنا اني ودعاء دنحضر العشا طبعا 20 مرة حمينا الاكل ..هو بطرمة كاعد ديدخن اني دايرة وجهي مردت اباوع لجهته اصلا كافي هواية نزلت نفسي وطز شنو هو الخلقه مخلق غيره..بهلحجي دعووو حبي اكو احد ابالج لان ورة السنة مال امي الله يرحمها اخطبج لادهم اخووووية ......
للحكاية بقية .....
