عسل...ورة ساعة سمعت هورن السيارة واني كلبي ظل يكمز سندت ابوية ووكفنا اباب المطبخ وخالة بلطرمة ودعاء وسرى واكفات يمي يم عتبة المطبخ ..انفتحت الباب والدموع صارن شلال وصارت عينه ع ابوية واجة يركض عليه حضنه ويبجي بلربع ساعة ميقبل يشيل راسه وكلنة نبجي وياهم بس ياسر من جكارة لجكارة وصافن على ادهم رحت يمه بست راسه ودموعي تنزل كوم خوية مناوي تسلم عليه كام شال راسه حضن ابوية وظل يبوس بي ..
ادهم..والله يابة بعد ماعوفكم اني ليش عفتكم جان مصار اليصار ...
ابو عسل...لا يابة لتحجي هشكل كل الصار قضاء وحكم رب العالمين لا اعتراض ع حكمه
عسل...اندار عليه وحضني ويبجي..
ادهم.. لج عسولة هم سالت عليه ورادت تشوفني شكالت شلون ماتت ..
عسل..نكافي ادهم فدوة اروحلك بعدين نحجي ظليت ابوس بي وهو شايلني لان اطول واضخم مني رفعت راسي ادهم عيب سلم ع خالة والبنات وخر طلع جفيته ومسح دموعه .واندار خالة ام ياسر ودعاء وسرى وياسر تعرفه احن واطيب ناس وانت تعرف التفاصيل دنك باس ايد خالة وراسها وهو مدنك سلم علبنات طبعا باك نظرة لان هو يعرف شكلها هلكد مااوصفلهيا ابتسم ونزل راسه وهي صايرة طماطة لان كلهم واكفين ...
ام ياسر...هلة بيك يمة نورت العراق كله ونورت بيتك شلونك يمة ...
ادهم...الحمدلله يمة بخير الله يسلمج طبعا اذا تقبلين اصيحلج يمة ..
ام ياسر..يمة فدوة لعينك انه امك لعد شلون ورجع على ياسر
ادهم...طبعا ياسر علم بدون تعريف اخ ونعم الاخ والله مانسى وكفتكم وية اهلي ماعرف بيش اجازيكم بس ان شاءالله نكون اهل ويباوع ع جهة البنات ويبتسم ..
ياسر.. يمعود ابو نسب ندخل جوة لو نبقة هنا ولتكول هيجي لان احنة فعلا اهل ...
عسل...طبينا للصالة كلنا كعدنا والبنات هم كعدوا وهم ماعدهم نسوان تكعد وية زلم ياسر ميقبل ابدددد بس هلمرة محجى شي يمكن حتى دعاء وادهم يتشاوفون شوية كمنا نحضر الاكل جانت تقريب ساعة 12 الظهر وبلمطبخ ها ولج دعو بشريني شخبار الكلب ...
دعاء...يمة ولج ياكلب الكلب كاعد بلصالة ...ولج اخوج يخبل والله اذا غيرتوا رأيكم اني مجلبة وظلينا نضحك..
عسل.. ولج احنة وين نلكه مثلج ياعمري ولة مثل هيج عائلة ...يلة عيني هسة اكيد الكلب خاوي من اكل الطيارة نصبنا الاكل وكعدنا وازق بي وارجع ليورة..
ادهم.. ولج عسل كافي معدتي طكت كاعدة يمه وهو يم ابوية ومن الجهة الخ ياسر والبنات وخالة يمي .. وادهم شبع شوف والبنية كل شوية مختنكة من المستحة واحس ياسر ديغلس براضته ...اي ادهم متزوجت هناك... ودعاء تخنزر عليه ..
ادهم...لج شزوج شدتخربطين..
عسل.. اي اي اني كومة صايرة اخربط بلحجي ... رفع راسة باوع ودنج كام كال الحمدلله ...
ام ياسر..وين يمة ياسر كلشي مأكلت كل هلتعب مال عسل هلكد تاكلون ..
ياسر..لا الحمدلله يمة شبعت ..
عسل... اني مدنجة كام راح للصالة وبعدين رجع ع ابوية ها عمي بلعافية خلصت اي والله يابة ولو داتعبك لا عمي تامرني انت كاموا اخذ ابوية غسلو وراحو للصالة خالة هم كامت ..
ادهم..عسل خلصتي كومي وياية اريد اغسل ..
عسل..واني شعليه متكوم خطيبتك تدليك ....كرصني..
ادهم.. مو كافي ..ولج شكد تشمرين بلحجي بعدج مجزتي كافي مو سحيتي البنية ..
عسل...منو تستحي ..
دعاء..عسسسسل ..
عسل..شبيج حبيبتي لازم تشيلين المستحة شفتي اخوية مززز مو بشرفج دشوفي شلون انتاج راح يطلع وانتي عيونج كارثة ولكم اول واحد اذا بنية تسموها عسل طبعا عسل علية ..جان يكفخني..
ادهم.. دكومي عاد اريد اغسل ..
عسل... كوم حبيبي بعدين نكمل الثاني شتسموا لازم بموافقتي ...جان يدفعني..
ادهم.. دمشي عاد خرب بلسانج طلعنا من المطبخ دليته الحمام تسبح ..
ادهم.. اي والله عسولة صاير فلم ..
عسل..بس خلي اطلعلك هدوم وين جنطك..
ادهم.. بلطرمة دروح اكعد اشرب جاي لحد مااطلعلك هدومك .. رجعت للمطبخ واجتني ضربة نستني العافية عابتلج والله موصوجكم غير حتى تتعودين عليه عابتلج والله كامت توجعني والله..
دعاء..تستاهلين ..
عسل..ولج عيني طفت اريد اطلع هدوم لرجلج مداشوف .. دعاء..ولاتجوزين اجتني تركض ..
عسل..لا الله عليج دتموتني من الوجع ...
دعاء..اشو ولج هاي ورمت ..
عسل..مو داكلج من عابت هلجهرة ولي خلي اروح ..
دعاء..دتعاي داحطلج ثلج..
عسل.. ماريد امشي ولي ..طلعت للطرمة جرجرت كم جنطة فتحتهن لكيتله كم قطعة وطبيت لكيتهم ديشربون جاي طبيت دعاء تباوع علية ومقهورة خطية لان زوركتني خالة راسن شهكت جانو ملتهين ديسولفون بس من خالة شهكت باوعو عليه ...
ام ياسر..يمة شبيج هاي ليش مزوركة ..
عسل..والله خالة طبيت عركة واجاني بوكس كامت ع حيلها خطية دتشوفني ماكو شي خالة داشاقة هسة هي تروح ودعاء ساكته ..
ام ياسر...شبيج يمة عسل ليش هيج عينج ..
عسل..ماكو شي من داطلع بلطرمة انركعت بباب المطبخ ماكو شي صدكيني ...
ادهم..يا ماكو شي مشايفة روحج..
عسل.. عادي حبيبي دكوم حمامك حاظر تكوم ..
ادهم...اي والله عسل جسمي مكسر ..
عسل..دكوم عمري كوم ..طبعا خزرات خزرات تجيني ..كمت وراه نطيته هدومه ورجعت كعدت يم ابوية واباوع ع خالة ..
ام ياسر..كومي خلي ثلج .
عسل..عوفيها خالة اني صرت ملطشة مرة دعاء تركعني مرة سرى تركعني عادي تعودت ..
ام ياسر..صدك خالة...
عسل.. اي والله خالة واكعيلي دك تقبلين راح اتعوق ومحد ياخذني ..
ام ياسر..يمة يابعد بيتي بنيتي متروحين لاحد غريب وتباوع ع ياسر ...
عسل...طنننن اعتقد جفصة.خلي اكوم اطلع الكليجة والكيك اسويلكم جاي بعد..
ابو عسل.. اي والله يابة عسوولة جاي لاخ..
عسل.. تدلل كمت طلعت واجتي دعاء وراية ..
دعاء..ولج والله مادري من ضربتج هاي ليش هيج انتي رأسن يبين عليج..
عسل.. اي ولج مو اني كلش حساسة دروحي يمعودة عادي ...
دعاء...لا والله اني اسفة ...
عسل...ولج كافي عاد خلي استغلج عفية سوي جاي حبابة دعاء...دكعدي هسة اني اسوي ...
عسل..اي راح اكعد شفتي الموضوع الي فتحته ع روحي..
دعاء.. اي ههه انتبهت ..
عسل..خلي ينسون واطب .. اجتي سرى تركض لج عسل ديحجون بموضوعج وياسر ساكت..
عسل.. منو ديحجي لعد ابوج وامي تكله ماننطيها لغريب وهي بنتي ترة طبعا ام ياسر شتحجين وين الكا اعز واحسن من ياسر وحتى اذا مقبل ماأحجي وياه بعد غصبن عليه ياخذه وابوج يضحك ووياسر ساكت ومدنج ..
عسل..دروحي يولي دروحي اكعدي اسمعي مو اني جافصة لما كايلة بس ...
سرى...اي اروح ..
عسل.. يبو بس لا يدزون عليه وين انطي وجهي ..
دعاء..ولج اذا حجو وياج تلصمين ولتلغمطين بلحجي افتهمتي وخلي هو ساكت ...
عسل...ظلينا كاعدين بلمطبخ..
دعاء..كومي دنودي الجاي..
عسل..من كل عقلج عوفيني كاعدة روحي انتي وديه ..
دعاء....ادري بيج ام المصايب ..
عسل..دروحي وكوليلهم دتنتظر ادهم يطلع من الحمام ..
دعاء..ماكدر اكول اسمه ولج استحي ..
عسل....ههههه عفية والله دروحي روحي ..ظليت كاعدة بلمطبخ وداكلب بلموبايل واخذ سنابات لروحي ..وجان يطب القيصر لو رايحة كاعدة وياهم مو احسنلي اني ليش امر بهيج مواقف ..عدلت كعدتي ولهيت روحي بلموبايل مر من يمي وكفخني بريحته وطلع ولا كانوا اني موجودة اكيد الموضوع انتهى .. طلع ديدخن جكارة واني عيني عليه وضربتها صفنة ابد ماشبع من شوفته جان يندار ويشوفني صافنه عليه .. خلصها ورجع اني ليش مكمت يمكن اريده يحجي وياية مادري ..طب واني جفلت قربه كلش يربكني اكوم ارجف ... وكف كبالي ..
ياسر....بدون مقدمات ابوج حجى وياية بموضوع دعاء وادهم وكلي وراها موضوعك ..اني كلتله يكمل موضوع ادهم وايهم يرجع بسلامة وبعدين الله كريم مردت احجي بقراري الاخير منا لوكتها الله كريم ..
عسل..شلت راسي جان مدنج من رفعت راسي باوع عليه ...بكيفك ... عافني ورجعلهم للصالة ..شوية وطلع ادهم كمت عليه نعيما حبيبي ..
ادهم...تسلمين عسولة ..
عسل..يلة امشي ترة دينتظروك رحنا طبينا ...
ام ياسر..بلعافية ..
ادهم..الله يعافيكم يارب تسلموون..
عسل.. كعد يم ابوية اني رحت انحشكت بي..لك ادهم مشتاقتلك كومة ..
ادهم..واني هم والله ...ورة شوية ظلو يحجون بموضوع ايهم الي فهمته السالفة منتهية ومسفري اهله للولد هو واخوه لان جان ديريد ياخذ بثاره مني عااااا وايهم شهر ويطلع لان دافع فلوس وكل اسبوعين يروحله يشوفه ويطمئن عليه هوو وابو محمد.. وراها فتح موضوع ادهم جان تكوم المستحية اني ظليت كاعدة اريد افتهم حجو بكلشي ..
ابو عسل.. حبيبي ياسر اني ماعندي اخوة وكرايبي كلهم بلرمادي بس مو كلش علاقتي بيهم ومو مشكله اروح اجيبهم علمود الخطوبة ..
ياسر..لاعمي انتو كافي تكفون وتوفون ميحتاج ..
ابو عسل..وخوال عدهم بس خال وخالة وطالعين برة من زمان والحجية تعرف خالتهم من عسل تخابرها وتحجي وياها ..
ياسر..شدتحجي عمي انتو كافي واحنة اهل واني بهاي الكم شهر عرفتكم كلكم وعاشرتكم يعني العشيرة شراح تسوي لاختي مثلا..
ابو عسل.. والله ابني اني عندي ولد عم 4 واحد منهم شيخ عشيرة جبير بلرمادي بس بصراحة صارت قطيعة بحياة ام ادهم لان رادوا عسل من جان عمرها 16 سنة لابنه بس اني مقبلت عسل مو بس جانت صغيرة هي روحي من الدنيا ومااكدر انطيها لاي واحد ..
ياسر..لا عمي اطمئن وميحتاج كلشي تحجي وتبين دعاء بنتك تكبع وتاخذ بس لازم اشور عمامي تعرف بعد..
ابو عسل.. اي عمي اي طبعا شلون لعد بس احنة لازم نطلع منا برجعة ادهم ...
ياسر ..ها عمي بعتني ...
ابو عسل...معاش الي يبيعك انت ثالث ولدي وراح تصير زوج بنتي ....بس بعد مترهم حتى تتم خطبة ادهم ودعاء وميصير بيت واحد تعرف ...
ياسر..اعرف عمي واني حضرتلكم المشتمل مالتنا بصف البيت كامل من كلشي بس ملابسكم وخلص اطمئن اني محسب حساب كلشي ولا يهمك لحد ماادهم يشوف سالفة بيتكم ...لان ماضمن ترجعون وبعد خلي ايهم يطلع ونامن كلشي لان الولد من كعد من الغيبوبة وضاربته براسه وية ضربه السجينة مقبل بلبداية يتنازل بس سمعته يهدد الا ياخذ بثاره لو بعد 100 سنة ويكسرها اني بوقتها هو مضبر ضربته وبلكوة فكوني منه علهلحجاية..
عسل.. يمة اني بكت طن هواااا .. عززة يابة يعني شنو يكسرها الكل دنك وهو باوع عليه ودار وجهه ....رحت يمه ...
للحكاية بقية .....
