سلم على ابوية وكعد يمه..
ياسر... هاحجي انت اليوم لازم تزين..
عسل.. ابوية عبالك واكفة الدمعة سودة عليه رغم هاي مو اول مرة يزينه ويسبحه بس يمكن كبت كل اليصار كام يطلع ولو ياسر الله يشهد ممخليه محتاج شي حتى بكهاوي يطلعه بلحديقة يطلعون يتمشون اغلب الاوقات بس ديتذكر من جان بحيله هسة راحت بقالة بس كرسي وعكازة ...
ياسر...ليش عمي ليش هاي عود دائما تكلي اني مثل ابنك مو لا هواية مثل ابنك والله هسة حسستني اني واحد غريب ولامعتبرني ابنك ..
ابو عسل...لا وليدي والله مو هيج الحجي بس تذكرت قبل هسة كلشي تغير ..
ياسر...لاعمي كلشي متغير وراح تكوم توكف ع حيلك وترجعلك صحتك واذكرك وين جنة وين صرنا ياأبوية ... ابو عسل...تدري وليدي اول مرة تكلي يابوية ...
ياسر...وصدك ابوية وبمعزته الله يرحمه دكوم عمي كوم تريد تغلس ع الزيان...
عسل.. اني دموعي موكفن لان صدك ابوية جان هيبته تكفي ووجوده بلبيت وكلمته كأنما محد موجود غيره .. الحمدلله ع كل شي راحو وبقينا كاعدين انتبهت ع خالة هم دتبجي رحت كعدت يمها اريد انام بحضنج فدوة.. دعاء كامت قبل ليكومون للحمام انجطلت وحطيت راسي بحضنها وهي تلعب بشعري فلته وتلعب بي ..
ام ياسر..مو شعر عباية ولج ديري بالج عليه ...
عسل..باوعت عليها وبابتسامة تدللين يمة ويمكن غفيت ربع ساعة واني بحضنها والدنيا كلها اليه تذكرت امي وسوالفها وحجيها وابتسم .... جان يطب واني كمزت كمزة ...
ام ياسر...اسم الله خالة شبيج ...
عسل....لا ماكو شي خالة سلامتج ..
ام ياسر..دتعاي يمة..
عسل.. لا خالة اروح لدعاء طبعا هو ديبتسم داطلع وهو اباب الصالة جان يلزم ايدي ودنك ع اذني...
ياسر.. مبقة شي وتنامين بحضني بس ممنوع تكمزين..
عسل... وهد ايدي اندريت ع خالة جانت مدنجة والسبحة بأيديها اني خليت وطلعت هو طب يم خالة رحت ع ابوية سابح وكاعد بلغرفة ديصلي رحت كعدت يمه خلص وبست ايده نعيما...
ابو عسل.. تسلمين عسولتي..
عسل... يابة اريد اروح ازور امي احس مخنوكة ومحتاجة احضن ترابها ...
ابو عسل..صار يابة ليش مننتظر ادهم مبقة شي ويجي ..
عسل... الله كريم يابة .. ادري بي يستحي يكلف احد ينتظر ادهم اني هم مضغطت عليه ...طبعا اتصالاتي بمروة هي وامها دائما يجونة بس اني ابد ماروح لهذيج المنطقة وابو محمد دائما يجي ع مود الحساب وية ابوية كاعدة يم ابوية ودك الباب..
ياسر.. عمي اسعد ابو محمد اتصل وكال يريد يجي علمود حسابات هلشهر...
ابو عسل... كل الهلة بي والله ناس ماخيرهم عنكم ونعم الجيرة وكفوا ويانة وكفة اهل..
ياسر..لا خوش ولد خطية دائما يخابر ويسأل ومن اروح لايهم اكثر المرات اشوفه هناك ومن نتواعد وية المحامي اشوفه قبلي الله يحفظهم وينطيهم ع كد نيتهم ..
عسل...اني هم رحت ابدل اريد اسلم ع ابو محمد وهمة راحو للاستقبال شوية ونزلت لكيت سرى دتسوي جاي وتطلع كيك ..
سرى...راح ادك ع ياسر يجي ياخذ الصينية...
عسل.. همة جم واحد ...
سرى..ياسر كال واحد ووية عمي...
عسل.. اي زين اني راح اودي الصينية كشخت خخخ ودكيت الباب وطبيت حطيت الصينية ع الطبلة ورحت سلمت ع ابو محمد وصافحته طبعا اسعد يطلع اكبر من ياسر ب 5 او 6 سنوات بس هو متزوج بعمر صغير.. المهم ماسولفلكم ع ياسر وعيونه كعدت يم ابو محمد ومبقة احد مسالت عليه ع ايهم وعلى مروة وامهم وابوهم ومرته وجهاله .. وهذا ديتكرضم لحد ما أبوية انتبه عليه ..
ابو عسل..يابة عسولة حبببتي عدنة حسابات ليش متعوفينا وحدنا ...
عسل...واقصفك ...تسلم يابة ع هلطردة..
ابو عسل...لا يابة مو طردة بس دنريد نكمل وانتي صار نص ساعة مسكتي ههه ...
اسعد...لاعمي عوفها والله اني هم مشتاقلها صار اشهر مشايفها ومروة وام محمد دوم يسالون عليها...
عسل...تسلم والله سألت عليهم العافية يلة اترخص وسلمنة ابو محمد ع الكل الله عليك وعود خلي يمرون والله مشتاقتلهم وام محمد هم تجي هااااا ..
اسعد...ان شاءالله ...
عسل....اوكي اترخص ... وطلعت بأنتصار وطبعا شعر شعر جنت فاتحته .....اني محضرة روحي للرزالة رحت بدلت هدومي ونزلت اركض يم البنات بغرفة خالة لان سلمت ورجعت لغرفتها حتى الكا معين اثناء الرزالة ههههع ... كعدنة نسولف ع الخطوبة وشراح نشتري وخابرت ع ادهم وعرفت راح يرجع بعد5 ايام يمة يافرحتي وراح يجي الغالي سمعت صوت طلعوا رحت اركض ع ابوية واجوي خالة والبنات هم كلنا بلصالة هم بطبتي طب ياسر عيونه تحجي ومديكدر هههه..
ام ياسر ...عيني ابو ادهم ادهم بعد 5 ايام يجي حمدلله ع سلامته مقدما وطبعا ماحجيلك عسل شسوت ...
ابو عسل... والله يا ام ياسر تدرين صار كم سنة برة ولامرة نزل يعني فرحة مابعدها فرحة والله اني اكثر منها ...
ام ياسر..حقك عيني ابو ادهم يرجع بألف سلامة وتكحلون عينكم بشوفته..
ابو عسل...رحمه الله والديكم ويفرحكم وكفتكم ما أنساها الاهل ميسوون هيجي ...
ياسر....لاعمي لتكول هيجي...
ام ياسر... ليش دائما تكولون هيج قابل احنة غربة والله عبالك معرفتنا دهر مو كم شهر وامانة ماحسينا فد يوم اكو فرق بينا ويعز علينا فراككم بس فرحتنا برجوع ادهم غطت زعلنا بفراككم واستقراركم...
عسل.. طبعا كل شوية يخزرني عيونه عبالك ديطلع منها نار شيريد بلة هو اني اصلا مداأفرزن الي ديصير دأحسة يضحك عليه بتصرفاته عبالك زعطوطة خلي يروح عيني يرجع مرته اني ماأفيده...خلص اليوم وكلمن راح لغرفته اني رحت يم خالة هو بقة يم ابوية تقريبا نص ساعة كلما اطلع من الغرفة اسمع صوته لحد مامليت صعدت لكيت سرى نايمة بس دعاء كاعدة دتكلب بلفيس كعدت يمها سولفنا ع ادهم .خطية كلش فرحانة كعدنا ساعة رحت مددت بفراشي جان تندك الباب اني كمزت عباك الدكات بكلبي ..
دعاء...هاي شبيج يمعودة ...
عسل..لا ماكو شي كمت كعدت ع حيلي ..كامت دعاء فتحت الباب طب واني كلبي صار دنبك طم طم طح طح اجة بأتجاهي ..
ياسر..بعدكم كاعدين عبالي نمتوا بس شفت ضواكم مفتوح اجيت يمكم ..
دعاء...هلا بيك حبيبي والله هسة دنام جنة دنسولف اني وعسل ...
عسل...وعينه ابد منزلها ...
ياسر..اهااا خير ان شاءالله ..عسل..
عسل... بلعت ريك ...نعم ..
ياسر...ممكن احجي وياج ...
عسل... عيني ع دعاء ... اي طبعا تفضل اسمعك ....
ياسر... مو هنا ...
عسل...ودعاء خربانة ضحك واكفة وراه... لعد وين ...
ياسر.. دقايق ماأخرج انتظرج بالاستقبال ...ونزل...
عسل.... يمة يمة ولج الحكيني دعاء ...وطكتها بضحكة..
دعاء.. ولج شبيج قابل زومبي وتخافين منه صيري قوية تشجعي ...
عسل..ولج ساعديني بعد اسبوع راح تصيرين بهيج موقف وما اباوع بوجهج وهم اضحك عليج يمة كلبي راح يطك ولج دعاء خلصت الدقايق وهاي تضحك بسيطة اني اعلمج .... دعاء..ولج شسويلج هو اني شنو بيدي لو نايمة مو احسنلج وتضحك ...
عسل..اوووف دولي خلي اروح احسن ...اوووي عبالك رايحة لمديرة مدرسة وشايلتلي عودة ....توكلت ع الله نزلت واني الخطوة اسويها عشرة وصلت لكيت الباب مفتوح طبيت لكيته كاعد ديدخن يمة شلون كعدة اشتعلت عشيرتك ...دخلت وكفت اباب الاستقبال باوعلي ودار وجهه اني ظليت واكفة دانتظر الفرج ...بلا ميندار...
ياسر... تعالي اكعدي كبالي ...
عسل..رحت كعدت ...
ياسر...يرجع ادهم بسلامة وتفض سالفته وشغلة ايهم هم خلصت ان شاءالله وراها راح ابدي احضر لا عبالج ساكت بس منتظر علما يجون الولد اني طلبتج من ابوج وقبل راد يسالج بس فهمته بطريقتي عن موافقتج ...
عسل..موافقتي شنو منو كال اني موافقة ...محد سألني حتى انطي رأيي اني اسفة طلبك مرفوض طبعا مداعرف شداأخرط من الارتباك ومبين عليه وهو حس بيه ..
ياسر....نعم ....
عسل... اني ماأقبل ..
ياسر..على شنو ...
عسل..ع موضوعك ....
ياسر..يعني ترفضيني ....
عسل..مجاوبته بلبداية بس دنجت ...
ياسر..مجاوبتي ....
عسل...اي ...
ياسر.....اوكي ....وصلت الفكرة .
للحكاية بقية .......
