عسل..اختنكت بلجاي ممتوقعة موجود يومية يطلع من الصبح خرب حظي الي ماكعد حتى بلجاي ظلت دعاء تطبطب ع ظهري والكل يصيح اسم الله الرحمن .. وهو صباح الخير وكعد ديتريك اني خليت ورحت ع المغسلة غسلت وبعد مرجعت للمطبخ كعدت بلصالة هو تريك وطلع كملووا ريوكهم واجوي للصالة ..
ام ياسر..ولج خالة متريكتي ..
عسل..والله خالة ماشتهي..
ام ياسر.. هاي شكو شبيكم لا انتي ولا دعاء ولا ياسر تريكتو خيركم ...
عسل.. لا والله ماكو شي خالة بس ماشتهي ....مر اليوم ع خير بليل كعدت يم ابوية يابة الخميس يجي ادهم اريد اروحله للمطار اني كلتله كلي اي انتظركم ..
ابو عسل..لايابة ياسر يروح يجيبه ..
عسل....بكلبي اهوووو هم ياسر اني ماريد اروح وياه يابة واريد اروح اني استقبل اخوية شلون يابة ...
ابو عسل... روحي وية ياسر او تبقين تنتظرين لحد ميروح هو يجيبه ويجي ..
عسل..لا يابة اني أجر تكسي واروح قابل شكو عليه ...
ابو عسل..لا ابقي لو تروحين وية الولد شنو ماخذة تكسي شعدنا طيارة اخوج الفجر توصل وتريدين تروحين للمطار وحدج ...
عسل...صار يابة صار راح ابقى وامري لله بضوجة ..
ابو عسل...لتضوجين يابنتي مراهمة ..
عسل...اوكي يابة صار ...مرت الايام والاربعاء كلنا مجتمعين وبالي يم ادهم لان كل شوية اتراسل ويااه من ينزل للمطار ويفعل نت يكتبلي يومين هو من طيارة لطيارة مو لبغداد كبل واني انتظر منه خبر وصل مطار الاردن واخيرا دزلي علفايبر يارب العالمين كمزت كمزة لو بس اجوز من التكمز بكد البعير وبنص العالم اكمز.. يابة وصل وصل لمطار عمان .
ابو عسل..اووو الحمدلله ..
عسل..كلهم حمدلله ع سلامته .. واني عيني ع ياسر ولايباوع ولاحرك ساكن اظاهر هم ديحجي وياه شكد عيب واني ملبوسة... صارت ساعة12 يابة متنام ..
ابو عسل..لا والله مجايني نوم اريد بس يجي الصبح ..
عسل..دكوم يابة ارتاح لحد ميجي باجر ...هو كام قبلي..
ياسر.. عمي كوم ارتاح لان باجر راح تلتهي وياه من يجي وتتعب تريد تعوفه وتنام ..
ابو عسل..لا يابة وديني خلي انام ..
عسل..ضليت صافنة هذا شبي كام يتجاهلني فد مرة ... اني هم غلست كعدت العب بموبايلي وكل شوية اكتب لادهم شي اكول من يصيرله مجال يجاوبني دعاء كاعدة يمي وسرى كامت نامت ..خالة كاعدة بس تغفي كالت راح اكوم انام مدام طمنتينا ع ادهم روحي خالة انتي تعبانة من الصبح كاعدة ..
ام ياسر ..اي يوم تصبحون ع خير ..
عسل.. اجمعين... عروسة كومي نامي باجر يجي المعرس وتلتهين وياه ..كفختني..
دعاء.. كافي ولج متستحين ..
عسل..لاماستحي انتي عروسة لازم انتي تستحين كومي نامي خية كومي وراج كعدة يابو كعدة خصوصا اذا يشوف هذا الجمال كله مراح يخليج تنامين كامت تضرب بيه وتعظ واني اعيط لحد ماطب ياسر واني شكد عين كوية صايرة بس اريد اتواجد بلمكان الي هو بي وبس اريد اضوجه ..طب ..
ياسر..صوت صوت ..
دعاء.. اسفين اسفين..
عسل.. دتريد تكوم مخليتها وين رايحة الله عليج بس ادهم يجاوبني نصعد ننام اني وياج النت ضعيف فوك ..متشوفيني حاضنة الراوتر وكاعدة ...شنو شبيج فكيتي حلكج من سمعتي اسم ادهم سدت حلكي..
دعاء.. ليش متلصمين ..خلي اولي الا تفضحيني يلة ترتاحين اروح انام احسن..
عسل.. اي روحي نامي روحي هو انتبه عليه من عليت صوتي ونزل راسه يلهي روحه بموبايله اني هم كعدت ادك ع ادهم واكتبله لحد ماشاله واني تخبلت بس ابجي هلو حبيبي شلونك اباوع عليه هم كام يخنزر خاف عبالة مو ادهم تالي وياه بلة ..
كعدت اتصفن ع حضي شكد حبيته ومتمنيت غيره بس هو اذاني هواية يعني ولااعترف ابد ولا حتى بنظرة هو المفروض يحجي مو احجي ويفشلني وبعدين يجي يهددني بلعوبة مرته ..اوووف شنو هلتفكير والله انسطرت راح انجلط هلكد ما أحسب خلي اكوم انام فد ساعتين هاي اذا كدرت اغفى ..مددت بفراشي حسبة تجيبني وحسبة توديني والله حتى لعبت نفسي من الحب هو كلمن يحب هيج ماعرف شوكت وشكد نمت كعدت ب6 الفجر كلت مانزل ماريد اشوفه طلعت سمعت صوت خالة وهو كاعد يمها ديحجي وياها..
ياسر.. يمة اروح اني انتظره مو مال هو ينتظر صارله جم سنة مجاي لان بقة ساعتين ويوصل للمطار منا لما اوصل ..
ام ياسر...زين يمة تعرف شكله مو...
ياسر..اي يمة شنو السالفة ..
ام ياسر.. دتوكل وليدي وسوق ع كيفك توصلون بسلامة دير بالك من الطريق ومن توصل للمطار خابرني انتظرك ...
ام ياسر..صار حبيبة يلة اتوكل في امان الله حبيبي .
عسل..سمعت طبكت الباب نزلت اركض صباحووا يمة ..
ام ياسر..صباح الخير والعافية بنيتي...
عسل.. منو طلع اشو سمعت حس الباب ..
ام ياسر...اي يمه ياسر طلع للمطار يكول اني انتظره احسن من ما هو يبقى واكف وطيارته بعد ساعتين توصل هم يلة يلحك ..
عسل..هاااا اي صحيح ..ابوية صاحني هو كاعد..
ام ياسر.. روحي يمة سندي ابوج وجيبي حتى نتريك لحد ميرجعون الولد بسلامة اخاف جوعان خطية حتى ياخذ دواه ...
عسل ...صاررر رحت صباحو ابو عسل شلون الحب اليوم.. ابو عسل..بخير ومتلهف اشوف اخوج كلش مشتاقله ..
عسل..اي والله يابة كلش مشتاقيله دكوم اسويلك ريوك لحد ميرجعون ..
ابو عسل..ياريوك فدوة لعسولتي منو يشتهي ..
عسل... مو حتى تاخذ دواك يابة..
ابو عسل..ميخالف يابة بعد وكت خلي نروح نكعد يم خالتج سمعت صوتها ...
عسل.. يلة طلعنا كعدنا بلمطبخ ساعة 6 ونص ورا نص ساعة خابر ع خالة..
ياسر.. يمة وصلت للمطار ليضل بالج ودانتظر من يوصل بسلامة اخابركم ...
ام ياسر...زين يمة بالف سلامة توصلون ..
عسل..كمت كملت البيت كله والطرمة وخالة دتبلش بالاكل اجيت وياها صارت 7 ونص رحت كعدت دعاء كومي يمعودة كومي راح يجي المعرس وانتي نايمة جان تكمز ..
دعاء.. لتكوليلي اجة ..
عسل..لا بعدة دكومي ...
دعاء..يلة هم يلة ننظف ونسوي اكل ..
عسل..عيني لتنخبصين كملت كلشي وخالة بدت بالاكل دكومي عروسة المفروض انتي كاعدة اول وحدة عيني ...
دعاء...كمت والله كمت اخدمج بعرسج انتي وياسر ..
عسل..صفنت ..
دعاء...ها صفنتي ..
عسل..ماظن حبي لان يومية عركة وسولفتلها كلشي..
دعاء.. لج يحبج ليش هيج تتعاملين وياه ..ترة هو مينطي مجال لاي مرة بس انتي غير ..اكسبي يولي والله مرته متبقة وياه ويعيشج ملكة لان يموت عليج والله من يسولف عليج وية امي يبتسم وعيونه تلمع كأنما مشايف بنية بحياته ابد .. عسل..الله كريم حبي دكومي عاد تأخرنا وكعدي التمبل الخ .. سرى..كعدت من ورة صوتجن واحد يكدر ينام..
عسل.. كفخته ودانزل ..
سرى..الا افضحكم واكله لياسر انتي تحبي..
عسل.. شمرت عليها باكيت الكلينس ونزلت ورة شوية نزلت دعاء بنزلتها دك موبايل خالة رحت اركض ياسر يتصل خالة جاوبي فدوة ...
ام ياسر ...اي يمه ..ها حبيبي بشر وصل اي الحمدلله على سلامته وهسة انتو وين زين امي سلمنة عليه تجون بسلامة في امان الله وحفظه حبيبي..
عسل... ها خالة..
ام ياسر..وصل حبيبتي وصل وهسة دينتظرون الجنط ويجون حمدلله ع سلامته ..
عسل..الله يسلمج خالة انداريت ع ابوية ديبجي ليش يابة ليش هلدموع ..
ابو عسل..دموع الفرح حبيبتي .. ..
عسل..دشوف ام حلك شلون فاشكة حلكها فضحتينا تباوع على خالة وع ابوية وتغمزلي حتى اسكت شكو حجيت غلط كومي خلي نحضر الغدة..كمنا لفينا دولمة وسويت برياني وصاني عليهن اسويهن اله سودة علية صار كومة مماكلهن وسويت كيك وكليجة قبل يوم كملنا وكعدنا ننتظر ورة ساعة سمعت هورن السيارة واني كلبي ظل يكمز.......
للحكاية بقية ....
