عسل...خو انتن عينن الشرطة بالافلام المصرية ...
سرى...ههههه لازم صار شي احجي ولج شصار..
عسل.. اخوجن راد راد ...
سرى...شراد احجي ..
عسل..عيب ولجن ولن يلة دنروح نكعد يمهم خلي نحضر العشا ونروح ...خلصنا ورحنا طبيت ركض يم ابوية كعدت ومدنجة لهيت روحي بلموبايل وكل شوية ارفع راسي يباوع ويدير راسة ديحجون بسالفة ايهم لحد ماخالة كالت يلة كومن صبن عيب الحجي وراه دوة كمزت اول وحدة دنحضر الاكل واني ضاربتها صفنات ..
سرى... والله هاي بيها شي اليوم كولي اخوية شسوة وتغمزلي ..
عسل..اكلي تبن انتي ..دعاء تباوع وتبتسم ..اكلج شوكت تحجون وية عمامكم علمود موضوعكم ..
دعاء...والله ماعرف بس على مااعتقد ياسر راح يخابرهم باجر عسل...كملنا راحت سرى دتصيحهم اني بالي ابد مو وياهم كعدت يم خالة مو كدامه صار ادهم كدامي واني بس اكلب بالاكل ولكمة محطيت بحلكي ملتهين ديحجون واني كمت داسوي الجاي ...
ام ياسر...يمة كلشي ماكلتي..
عسل.. لا الحمدلله خالة المهم اللمة والله ممشتهية قبل شوية انتخمت باوعتلة ابتسم ودار وجهه ..كملت الجاي كملو واحد واحد وطلعوا من المطبخ بقينا لملمنا اني والبنات ونحجي بلخطوبة ولج دعاء شنو رأيج بأخوية استحت ودنجت ..ترة انتي اكبر مني يمعودة شنو هلمستحة هاج باعي ام حلك شلون صافنة وتوزع ابتسامات عايشة اللحظة .. انتبهت ع نفسها وخزرتها دعاء ..
دعاء..ولج هاي شبيج..
سرى.. لا والله ماكو شي بس اني كلش رومانسية ..اكلج عسل هو ايهم يشبه ادهم جان تنكفخ بلخاشوكة ...
سرى...ايي هاي شبيج هو سؤال ...
دعاء ...كومي ولج كومي ..
سرى...اووف استغفر الله ياربي..
عسل.. كامت راحت يمهم .. ها دعاء بشري ادهم عجبج لو لا... دعاء...لج شنو عجبني اني مدانام الليل من وراه نظراته ولو الولد بس مرة كلي السلام عليكم وباوع بعيني ماعرف شصار بيه ..
عسل...شوفي ولج هو كلش رومانسي ويدلل المرة ماحجيلج شلون جان وية امي ووياية متفوتة فوتة بس هسة ديستحي من خالة وياسر يكول عيب من يصير رسمي مااخلي شي بنفسها ..هسة حتى رقمها استحي اطلبه ..عادي اني اجيبلكياه لا من اتمم كلشي رسمي اخذه من اخوها ماريد اسوي شي من وراهم عيب وكفتهم ويانةومترهم اقابلهم بقلة احترام ..يمة فديته النوب مؤدب زايد عن اللزوم يمعودة حتى شوية تاخذين عليه واتوبين من هاي المستحة لو تدرين اخوج شسوة بيه قبل شوية ..
دعاء..يمة شسوة ولج ...
عسل...اسكتي الاشوية يبوسني وكركر حجيتله كلشي ..
دعاء....يمة ياسر هيجي يسوي ...
عسل...رومانسي كطيعة ..
دعاء....اي سودة عليه كلشي مشاف وية ذيج ويعيش مراهقته حبيبي هسة ...
عسل...اي لو بايسني حتى ارسي على بر..جان تكفخني لج داشاقة والله ..كملنا الجاي ورحنا كعدنا مسامرة وكليجة وكرزات وطاولي لحد ماصارت ب12 طلعنا بس شنو عيوني مفاركته بعد الي سواه بيه وهمة ملتهين ودعاء كل شوية انتبهي ع روحج ..خرب هسة شنسوي محد يخلينا نعبر عن مشاعرنا واحاسيسنا ..رجعنا كبل نمت ع انغام امير الحب ..كعدنا الصبح واني بالي اليوم يحجون وية بيت عمهم علمود الخطوبة مال ادهم خابرت مروة يومية نتخابرعلفايبر ونفتح كاميرا بس اني موصلت لهناك بعد بس همة يجون ..سلمت عليهم وع مرت اسعد وع امهم سديته نزلت بس ابوية كاعد ادهم بعده نايم ..سويت ريوك وطلعت ابوية يم باب المطبخ شوية شمس فتحت الثلاجة ممبقي شي مجايبة سويت ريوك ورحت كعدت ادهم تريكنا ورحت دانظف ولو هو البيت كله نظيف يخبل بس فوك الفوك ..ادهم طلع ديكمل اوراقه بلجامعة ..وابوية كاعد يقره يمي باب المطبخ دكيت ع دعاء جانت ساعة 10 مجاوبتني كلت خاف نايمين بعدهم رحت ع ابوية هاابو عسل شخبارك ..
ابو عسل..والله بنتي اريد انام شوية..
عسل.. سندته ونومته بغرفته وصعدت مددت شوية كلت فد ساعة واكوم اسوي غدة قفلت البوب وصعدت اباوع ب11 ودعاء مدكت ..ورة الغدا اروحلهم ..اعرف ياسر يجي المغرب عود اطبلهم من باب الحديقة ..نمت ورة ساعتين خابرني ادهم ...تريدين شي اجيبه وياية..
عسل... لاحبيبي كلشي اكو ..
ادهم....اني قريب ع البيت..
عسل.. توصل بسلامة. كمت سويت غدة ابوية كاعد ع التلفزيون ديباوع اخبار طب ادهم ..سلم وكعد يسولف وية ابوية ع الكلية ..
ادهم..يابة راح افتح العيادة الي بلعمارة مالتنا مو فارغة لحد ميطلع تعييني المركزي..
ابو عسل.. اي ابوية براحتك ..صدك ادهم حبيبي خابرني اسعد يريدون يجون يسلمون عليك ..
عسل..اي مو اني كلت لمروة البارحة كمت كملت الغدا وغديتهم والجاي ورحت علموبايل ولارنة ولامسج شنو السالفة دكيت وهم مجاوبت صدك ظل بالي ..يابة رايحة يم بيت خالة ساعة واجي..
ابو عسل.. روحي يابة سلمي عليهم ولتتأخرين ..
عسل..صاااار ..رحت طبيت من الباب الي بينا فتحته ودخلت ع حديقتهم كلش جبيرة تمشيت فتت من يم باب المطبخ سمعت خالة تحجي وية دعاء..
ام ياسر.. والله عيب من العالم شنكوللهم عمامها ميقبلون ...
عسل...يمة انهبطت هبطة ..
دعاء.....يوم مو بكيفهم همة وين عارفينة جان ياسر يروح ويتواصل وياهم وهمة ولافديوم احد منهم اجة وسأل علينة وشافنه شمحتاجين هسة صارو عمام مثل الصدك ..
ام ياسر...عيب يمة ياسر يتصرف معليج..
دعاء.. متخلفيين ..
ام ياسر..كافي دعاء عيب..
دعاء.. لا يمة موغلط بس فعلا متخلفين وين بقة فلان من يامذهب وفلان من يامذهب صار شكد همة يمنا والله ولاعرفنا همة منين وابد مختلفنا ع شي حتى من جنا نحي ونتناقش ع الاخبار ..
ام ياسر....سهلة يمة ياسر عاقل ويعرف يتصرف ..
دعاء..اي والله يمة احجي وية ياسر..
ام ياسر... شحجي وياه ولج هو مشتل اكثر مني يكول مافوت هيجي قسمة لاختي بس يريد يوصل لحل وياهم هم عمامكم يمة ميصير وهو هم كاتل نفسه ع عسل يكول مالكا هيج عائلة عشنا وياهم وعرفناهم وشفنا زينهم من شينهم ..
عسل....عزة بعيني رجعت انتجيت ع الحايط يمة غير اموت يمة ياسر وادهم هم سودة عليه هسة ارجع لو اطب خلي اطب واسوي روحي مسمعت شي طبيت اتمضحك ....هلووووو هسة يكولون هم اجتي ها خالة شلونج ام ياسر...هلا بنيتي شلون ابوج وادهم..
عسل... الحمدلله..ولج انتي شكد صار اخابر متجاوبين وينج ...
دعاء...ولج التليفون ع الشحن والله فوك ولا صعدت اليوم سوري حبي ..
عسل..لا عادي اي شكو ماكو مكاني خالي مو ..
ام ياسر...اي والله يمة..
عسل.. كعدنا نسولف ولابينو شي ولا فتحوا موضوع رحت وياها لغرفته وخالة طبت تصلي .. كعدت يمهن شوية ولكم اروح..
دعاء.. مو كاعدة ولج ..
عسل...لاماريد اتاخر ع ابوية يولي ..اسلم ع خالة واروح ...نزلت وسمعت ياسر يم خالة بلغرفة وهم ديحجون بنفس الموضوع ..
ياسر..مانطيهم يوم خلي يولون اني ولي امرها ومسؤول عنها دعاء ماكو غير ادهم ياخذها انطيتهم حجاية هذولة مخرفين لو اعرف اتبرة منهم ومن عشايرهم سكط بس بلمشاكل يدزون عليه حرامية لو بس اعرف شلون ملة مداصدك ابوية اخوهم مصلجية كلتله انت منو ...يكولي عمها ..
ياسر..اني اخوها ..ثم انت وين شايفها تعرفها ..
العم..غير مشاغل الحياة..
ياسر.. اي رحم الله والديك خليك ملتهي اني صوجي اجيت عليكم وكلت عمامي ..
العم.. انت شنو اشو متحترم احد لا والله محترمكم لاخر لحظة بس اختي بكيفي انطيها للي اشوفه قادر ع عيشتها وع اسعادها..
العم..وولدنا شبيهم ..
ياسر... كلهم متزوجين اثنين اثنين..
العم.. اي ولدنا ميقصرون ..
ياسر...ادري هي شيلة بيت وميقصروون .. يابة هاي حياة واستقرار وعائلة واطفال ..
العم.. اي شكو دروح شوف نسوانهم لو انتو لان كعدتوا ببغداد هيجي كلبتوا..
ياسر.. لا والله عمي بس اني اذا ممقتنع ماانطي اختي ..
العم...واقتنعت بهذاك ..
ياسر....اي دكتور وبيته وحده وعائلة محترمة وماعدها مشاكل شنو الي اريده لاختي بعد ...
العم.. فكر ياسر البنية ياخذوها ولدنا هي واختها ..
ياسر..ضليت صافن مدري اضحك مدري استهزء هذا شديحجي ...
ام ياسر..خيولي هذا طول عمره يخربط بلحجي وهسة شراح تسوي ياابني ..
ياسر..راح اروح لجبير العشيرة الي يصير ابن عم ابوية ومعلية بهذولة عود من صدك عمام ...
عسل..ديطلع صرت بوجهه .. باوعلي واندار وبعدين رد باوعلي
ياسر..عسل انتي من شوكت هنا ..
عسل.. ماكو شي ليضل ابالك واسفة سمعت بدون قصد بس لان الموضوع يهمني تعرف اخووية وووودعاء يهموني وماريدهم يتاذوون ان شاءالله تصير قسمتهم ..تقرب علية درت وجهي اباوع ع المطبخ..
ياسر.. بس ادهم ودعاء ..
عسل...شلت راسي باوعت بعينه مجاوبته..
ياسر.. اي سولفي ...واحنة ..لو مدايرة بال ..
عسل...الله كريم داأعدي من يمة جان يدنج عليه .
ياسر..لو اعرف انطرد من العشيرة متصيرين بحضن غيري ......
للحكاية بقية.....
