عسل..ضلينا نسولف عن حياته وكل تفصيلة وظروف زواجه وشغلة صديقه وعبرلي عن رومانسيته بطريقته حبه وعشقه ظاهر ميحتاج يبينه رجعنه للبيت وجانوا طايرين بينه ثاني يوم رحنا لبيتنا ابوية بس شافني بجة ...
ابو عسل..عسل لو مادعاء جان صاير بيه شي من فراكج ..
عسل..اسم الله عليك يااروع اب بلدنيا ..تريدني ابقى واباوع ع ياسر..
ياسر.. لا يابة دخيلك تعال واحطك ع راسي ..
ابو عسل....يسلم راسك وليدي تتهنون يارب اني اريد اشوف جهالكم وافرح بيهم بعد ماريدكم الكم ..
عسل..يومين ورجعت مرته كله فوك وتنزل بس مو هواية ومن تنزل تذب سمها وتصعد وخالة تهجها سرى اغلب وكتها قراية واني مابين شغل البيت ونكعد نسولف اني وخالة واسويلها علاج طبيعي لمفاصلها .ودعاء هم تمر علينا كل فترة هي وابوية والولد او احنا نروحلهم ...
مر شهرين تقريبا كاعدين عصرية اني وخالة وجان تنزل..
رشا.. اي شكو ماكو شخباركم ...
ام ياسر.. الحمدلله ماكو غيره يستاهل الحمد ..
رشا...اي زين ...وانتي عسل محبلتي ولة منين تحبلين اشو اني صار 5 سنوات كلشي ماكو واني نصحتج ترة كلتلج ميخلف موزين اني قابلة بي ..
عسل..وخالة شاطت شالت روحها وكبت نار بقت تصيح عليها والله جابه ونشوف ياسر على راسنا وطلع سامع كلشي ومديستوعب الي سمعه ..هي صحيح مرة حجتها مثل خرابيطها مال يومية ...
ياسر..شلون شلون مو زين قابلة بيه ..
عسل..وكامت تتبلعم متعرف شتحجي بس هي تدري اكيد خالة راح تكله ولة مجان حجت يعني رادت توصلليهيا بطريقتها الخبيثة دائما عبالها اني اكله من يومها حتى تفركش كلش بس انكفخت ...
رشا..هااا ياسر شوكت رجعت الله يساعدك ...
ياسر...احجي سمعيني بس شوفي بلا متلونين بلحجي كلمتين ترة متعرفين شضاملج اني ..وكامت تبجي..
رشا... حبيبي اني اسفة بس هاي الحقيقة العيب منك واني محبيت احرجك ولا انفصلت لان ماكدر استغني عنك وتذكر مرة من حللت اني مشوفتك التحليل بعد لان عرفت الحقيقة وتريد هسة اجبلكياها ...عسل...هو ظل صافن وعيونه تطلع نار ..
ياسر..من شوكت هذا الحجي ...
رشا...صار هواية .....
ياسر..وليش محجيتي ...
رشا...كلت لعسل قبل متعقدون ....
عسل...باوع عليه ودنج ...
ياسر...كووووومي رشا ..
رشا..وين حياتي كووووومي حضري نفسج واحسبي حسابج هاي نهايتي وياج وبعد مترجعين لهذا البيت باي صفة كانت .
رشا.....لا حبيبي اني ماريد اعوفك مو مثل غير عالم اني وفية الك ..
ياسر...شوفي اني الى هسة هادئ زين فربع ساعة والكيج واكفة اباب المطبخ لا والنبي العربي اشوفج ياسر شنو ..
رشا.... خالة عفية احجي بيتي انهجم..
ام ياسر ..انتي هجمتي والله لا يعودج ياخبيثة يادنغوزة صارلج 6 سنين دمرتي ابني وهسة تريدين تحطمي الله لاينطيج فوك زينيته وياج حسبي الله عليج متشوفين الخير حسبي الله ونعم الوكيل بيج .....
عسل ..كامت طلعت مالها عين تبقى كعد حط ايده ع راسة ودنج كمت داروح يمه خالة بس تبجي رفع راسه باوعلي ياسر..عسل ..
عسل.....لتكمل ياسر اني لو تموتني هسة من البيت ماأطلع متريدني انت بكيفك ..بس هذا بيتي واطلع منه ع كبري زين ياسر اني ماكدر اعوفك اموت والله اموت .... كام خابر علاء اخوها يجي ياخذها ..طلع بلطرمة اباوع عليه من الشباج من جكارة لجكارة ..
ام ياسر.. عسولة حبيبتي ابقي وياه انتي الوحيدة الي تخلي يتعالج ..
عسل..خالة ياعلاج اني اصلا ممفكرة باطفال هو عندي بلدنيا كلها بس كون ربي يحفظه اليه ...
ام ياسر...يمة بنيتي ريحتي كلبي الله يريح كلبج وينطيج ع كد نيتج ...
عسل..راحت ولت الله ليعودها وياسر صاير كئيب حجيه قليل شكد ماتحارش بي يردلي بأبتسامة واكله انعدم بلبيت ياكل كله برة دعاء طلعت حامل حبيبتي وتستحي تحجي من ورة هذا الموقف وفرحنالها وخاله كامت تهلهل وتكلها ادعي لاخوج حبيبتي .
دعاء...ادعيله يمة ادعيلة هو اني شعندي غيره ...
عسل..ياسر اريد احجي وياك حبيبي ..
ياسر.....كولي عسل اسمع ..
عسل..شبيك ابوية انت ليش هيج تجافيني ترة ماكدر ..
ياسر....متكدرين ع شنو اني مطلبت منج ....
عسل....لتكمل ياسر اني ماكدر اشوفك بهيج وضع انت دائما قوي وتعجبني طريقة حلك لكل مشكلة ولكل ازمة اذكرك لو تذكر ...حبيبي اكو علاج صدكني ..لتعذب نفسك وتعذبني ببعدك عني ترة اني ماكدر بلياك ...
ياسر...عسل اني عفيتج من كل تبرير ..
عسل..ياتبرير ياسر اني مدابرر اني اريد حياتي وياك ترجع مثل الاول واحسن وخالة ترة كلش متأذية من الي صار .فتعال نكعد ونحل كلشي ومنو يكول حجي هاي الحية صدك ليش تخلي سمها وحسدها يأثر علينة نروح لطبيب واثنين وعشرة نطلع برة نسوي انابيب اكو كومة حلول حبيبي لتخذلني وتعب نفسك وحتى اذا الله مكاتبلنا اطفال الحمدلله .. مو كافي دير بالك عليه ترة اني تك كلية حباب يعني لازم مانغث وانت قهرتني تدري صارلك شكد مبايسني عابتلك ..صدك كلت راح تتوسلين بيه ...مشتاقتلك ابو علاوي عفية صار اسبوع لابسني ..اندار عليه وابتسم ...اي من فدوة رحت لهلضحكة قيصر كوم عاد روح اسبح اريد اطلع اكل موطا ونرجع حباب اريد اتمشى وياك بلشوارع ...كام حبيبي وفك شوية يسولف ويضحك وشلت من باله سالفة الجهال نهائي حاليا واتفقنا فترة ويروح يحلل ويتعالج ...فرح بدعاء تخبل من عرف حامل كلها من كل عقلج
ياسر...ولج انقهر ولج انتي اختي وادهم اخوية .....
عسل..اهلي عرفوا بسالفة ياسر وايدوني بلي سويته .... سرى يحبها ابن خالتها اخو اسماء حجتلي كلتلها تخرجي حبي احسن وراج سادس..
سرى.. اي عسل هو حتى تليفوني ماعنده يكول ماريد اشغلج ..
عسل..جان يجي هو واسماء اخته حتى يشوفوها وميلهيها بموبايلات ...ولج سرى بس اسماء متودج..
سرى.. ادري عسولة علمود ياسر واني كايلتله لاسامة اخوها وهو كلي يعزلي وحدي خالتي حنينة بس اخاف تتأثر ببتها اني بيش كيلو ..
عسل..بدت امتحاناتها وخطية تريد معدل زين اني المفروض هلسنة ثالث كلية بس الى هسة مصرة ماريد اكمل ياسر وبيتي روحي من الدنيا ...فات ع زواجنا 3 شهور داغسل الطرمة وتخربطت شافتني سرى من شباك المطبخ اجتي تركض دخلتني خالة تلكتني وتقرة ع راسي سرى خابرت ياسر ودعاء واجوي وادهم هم اجة فحصني..
ادهم.. خاف كليتج كومي اوديج اني اسويلج فحوصات بلمستشفى ..
عسل..خلي يجي ياسر ادهم عفية ..
ادهم..هسة اخابرة ..
ياسر..ادهم نص وساعة واجي هسة هي شلونها..
ادهم.. لازينة بس لازم اسويلها فحص خاف شغلة كليتها صار هواية ممراجعة عليها ..
ياسر...تكدر تاخذها حبيبي ولو زحمة نص ساعة اعزل واجي ...
ادهم..صار حبيبي..
عسل.. كمنا طلعنا واجتي دعاء ويانا ..الطبيب راد تحليل فحصني ماكو شي يكولي زين محافظة ع نفسج ...راح ادهم جاب التحليل وطاير من الفرحة ..
ادهم..ولج عسولة انتي حامل .....
عسل..شنو منين ...
ادهم..عزة بعينج شنو منين ....
عسل...لا بس ياسر بعده ممبلش علاج ..
ادهم...لج قدرة رب العالمين شتحجين ..
عسل...الحمدلله والشكر صحيح اني النهار كله ممبطلة دعاء بس هيج ممعقولة رب العالمين بسرعة استجاب دعائي لك الحمدوالشكر يالهي .ودعاء خابرت خالة وسرى وفرحانة بس تكمز ..ولج كافي انتي حامل...
دعاء.. يمة مفرحت بروحي بكد مفرحتلج ...
عسل..طبينا خالة تبجي وتهلهل..
ام ياسر.. يمة مقصرو وياية الائمة والصالحين الحمدلله ربي نطيتني وماقصرت وهلكد مانذرت مفشلني ربي ..تبوس بية تعاي اكعدي يمة وليدي هلكد ماطيب ربج فرحه ..دعاء وادهم عندة عيادة راحوا ..كعدت انتظر اريد اشوف رده فعله تمددت يم خالة ودنسولف وسرى هم موجودة طب واني الفرحة فاضحتني اجة باس راسي..
ياسر.. خيرج عسولة يمعودة والله بالي كله يمج ماعرف شلون خلص الوكت واجيتج اركض وكل شوية اخابر ادهم اطمئن عليج ..
عسل..واني ساكته ..
ياسر..خيرج ياعمري سالفة الكلى خوما مأثرة عليج..
عسل.. باوعت ع خالة انتي كولي خالة عفية مدتطلع مني الحجاية ..
ياسر..يمعودين اني صاير فلم وانتو تتعازمون ..
ام ياسر....بلمبارك عليك حبيبي راح تصير اب يابعد عيوني ونظرها وراح اشوف جهالك شوف حكمة ربك حبيبي ..
عسل...باوع عليه بنظرة ابد مانساها بعمري محجة شي خلة وطلع. واني الدموع عشرة عشرة متوقعت ابد هاي ردت فعله انتهيت من البجي كمت لغرفتي وخالة تدردم عليه وسرى صفنت هذا شسوة ...لحد ماصاحته طب يمها طلعت اريد اروحلهم افتهم سالفته بعدني مطابة سمعته ..
ياسر....يمة 6 سنوات متزوج ميصير حمل وبشهرين يصير اني دخت مداعرف شنو الي ديصير قبل اسبوعين انكفخ بخبر دمرني وهسة اسمع نقيض الخبر الاول اريد استوعب الاول انكفخت بلثاني اني حتى ناوي هلفترة اروح احلل وابدي العلاج ...
ام ياسر...بس بس عزة بعينك ياسر واول مرة اكولها بس تستاهلها ولك شنو تشك بعسل ولك تعرف شنو عسل انت ياسر لو غير واحد ولك بقت يمنا سنة وشوية صار نعرفهم اشفت عنها اشو حتى طلعتها وطبتها وياية ووية خواتك ..
ياسر..يمة اني دايخ بحالتي اكو غلط بلموضوع ...
ام ياسر...اي اكو غلط بس مو يم عسل زين افتهمت لو لا فوك قهرها سودة عليه موكعتلها الراحة مكتوب عليج تشبعين قهر لا ياسر لا ابد مراضية عليك..
عسل.. هو ساكت واني عيوني غوشن سندت روحي علحايط اجتي سرى يمي..
سرى.. كافي عسل الله عليج كافي امي هسة تلعب بي طوبة ..
عسل..عفية سرى احس روحي راح اوكع طببيني غرفتي دخلت خطية كلشي محجت ماكو حجي ينحجي ...خابرت دعاء حجيتلها ظلت ساكتة هادعاء تجون عليه لو اجي وحدي دعاء..عسل استهدي برحمانج هسة يعرف غلطه ويجي يعتذرلج ..
عسل..دعاء عفية راح اخابر ايهم روحي ...
دعاء..لا لا راح اجي هسة اني وادهم ..
عسل..صدك ربع ساعة واجوي اني حضرت جنطتي وطلعتلهم هو عين عليه وعين علجنطة كام وكف اني رحت يم ادهم خالة صاحتلي رحت حضنتها وبجيت ..
ام ياسر..ليش يابعد امج تعوفيني وتروحين مالي قابلية بلياج..
ادهم ..لاخالة كم يوم وترجع هذا بيتها ..
ام ياسر...اي يابعد امك ..ديري بالج ع نفسج وع وليد ياسر.. عسل..خليت وطلعت لزم ايدي..
ياسر.. عسل وين رايحة ...
عسل..حتى تتأكد ياسر جريت ايدي وطلعت صعدت بسيارة اجة ادهم ودعاء طلعنا افترينا ..
دعاء ... والله ياسر مو قصده بس ماعرف شبيه عسل لتتسرعين ترة اخوية يموت عليج وميكدر بلياج ..
عسل..واني زدت بلبجي ...ادهم فدوة لتكول لابوية ولايهم اي شي ..
ادهم...هو اني هسة داكولج وباجر اني افتهم من ياسر السالفة ..
عسل...وصلت سلمت عليهم ابوية عرف مشكلة..
ابو عسل.. يابة اليوم ياسر شحاله بلياج ..
عسل..حضنت ابوية وبجيت ...خابرت خالة تعذرت منها ..مرت كم يوم وياسر رايح لادهم للمستشفى ..
ياسر..لا عاش ولاكان الي يشك اني شلون اشك بشي خاص بعسل بس الموضوع صدمني واعترف غلطت بردة فعلي ادهم عسل اريدها اني مااكدر بلياها ترة..
ادهم....والله ياسر اشوف واردلك خبر بس خليها ترتاح كم يوم سوينا مجمع مال حوامل وابوية يداريهن...
ادهم..ها عسل شتكولين ..
عسل...فدوة ادهم عوفني بحالي ياسر كسرني كسرة ماكدر انساها ضيع فرحتي وفرحة الكل حتى ابوية ميدري حامل الى هسة..بقيت يمهم وخالة وسرى كل يومين تجي من الصبح وتكعد تسولفللي عليه شلون متحطم لان اني ماكو واني كلبي بارد ماعرف هرمونات الحمل بدت بس مبررتله اي شي من حجيهم كله سولفت لابوية كلشي لان ياسر يومية جاي واني مااطلعله ابوية انصدم بلبداية بعدين كعد يبررله ابوية يموت ع ياسر ويكله انت ثالث ولدي واقتنع بموقفه واستغربت حتى ايهم يكلي حقه رجال شتريدي يتصرف بس هسة عرف غلطه وديصلحة اني مكيفة بموقفهم بس ممقتنعة بقة يومية يجي وعلاقته بيهم كلهم متأثرت واني هم وية خالة والبنات مرت ايام واسابيع ولافديوم شفته اوحجيت وياه ينام يم خالة بغرفتها يكتبلي علفايبر ولافدمرة جاوبته ويطلعله مرئي بس موبيدي الي صار موسهل حسسني اني خاينة او زانية ماعرف كلمات جبيرة بس مو الية ولا عاتبته ولا حجيت وياه مرت اشهر وصارت ولادة دعاء واني طبيت بلثامن او ضعيتي شوية تعبانة من ورة الكلى وشكل عندي خفقان مال حمل وجانت حالتي تخوف ووضعيتي تختلف طبيبة وية ادهم تجيني للبيت مخاطرانة لان عاندت لا رحت طبيبة ولاسونار بس جانت تفحصني وخوفتني كم مرة بس ولا درت بال وين متصير خلي تصير ..دعاء اخذها ادهم للمستشفى وخابر خالة وسرى ياسر وداهم اني وضعيتي مومال مستشفى ابد ... للعصر كالو وضعيتها تعبت اضطروا يسوولوها عملية وجابت بنوتة عينن ادهم ابوية طار من الفرحة ..خرب ابليسج دعاء شكد تحبين ادهم البنية نسخة من ابوها تخبل طكولي صورة ودزولياها باتت يوم وطلعوها ..ثاني يوم ابوية يريد يشوف البنية ..
ابو عسل..يابة كومي دنروح عيب..
عسل.. اي يابة امشي بس خابرت سرى حلفتها كالت طالع والله مو بلبيت بدلنا وطلعنا جانت بطني مو طبيعية دااشك بتوم بس لان مماخذة سونار بلكوة امشي يابة ساعة ونطلع ابو عسل..اي يابة عيب البنية تعبانة اكيد منطول بس لان روحي مفرفحة اريد اشوف بت اخوج سماها زهرة ع اسم امج ..
عسل...اووي فدوة لابو زهرة تمشينا اني وابوية طبينا طلعتنا سرى بوستني..
سرى.. ولج هاي شكو ابطنج..
عسل..اني ادري ..طبينا بلكوة بوستها لااني اكدر ولاهي ... شفتها تخبل طالعة شايلة جمال وشكار ابوها وعيون ملونة ولج شكد تحبين اخوية لحد ماهيجي طلعتيها..
دعاء.. مثل مانتي تحبين اخوية عيني ..
عسل....خزرتها سرى ودت البنية لابوية باس راسها وبقة يشمشم بيها وكام يبجي..
ام ياسر.. صلي ع النبي ابو ادهم ..
ابو عسل..حجية تذكرت امهم جانت تتمنى هذاليوم ..
ام ياسر....هسة دتحس بيكم وبفرحتكم وفرحانة لفرحتكم يوم لعسولة تكوم بسلامة واشوف وليد ياسر ...
عسل..طب واجة ياسر واني خنزرت ع سرى ماعرف شكيت بيها خابرته ...سلم ع الكل واجة يمي شلونج ام علاوي الكل صفن منو ام علاوي واني من وجه لوجه من الفشلة باوع على بطني وعليه بس مو ياسر هواية متغير ولحية وكعدو يسولفون ع الطفلة وعينة عليه اني شوية واختنكت ادهم شافني ..
ادهم.. ها عسل مكدرت اجاوبه ....ياسر تكوم..
ياسر.. ..شكو ادهم شبيها عدها خفقان مال حمل وتختنك ع غفلة راح ركض حرك السيارة ابوية بقى اخذوني للطوارى علما تحسنت حالتي وادهم وداني ع الطبيبة مدام وصلنا عاندت وبلكوة سحلني ..وفعلا طلعو توأم وياسر ينتظر برة ادهم..كومي ولج كومي هاي شلون سويتوها ..
عسل..هااا جان ساندني وطلعنا ...
ياسر..ها ادهم بشر ..
ادهم..ها ابو الاسود تعال.. .وياسر كلشي مديفتهم..
ياسر.. بشر شلون صحتها..
عسل.. حسيت كم هائل من الخوف بصوته .
ادهم..شلونها مثل القردة متشوفها بس شنو الك خبر بشدة ماكول الا تنطيني الشدة ..
ياسر..دحجي ادهم ترة اعصابي ممستحملة ..
ادهم..والله عيني بعد اسبوعين راح تصير اب ل2 ولد بعد شتريد..
ياسر.. لا لا ادهم صدك تحجي ..
ادهم....اي والله بعد الله واعلم بس هذا الي بين بلسونار وتكوملك عسل بسلامة واولادك ..
عسل..باوعت عليه صدك هسة يلة بينت عليه الفرحة يضحك ويفتر ميعرف شيسوي طلعنا وبلسيارة ظل ادهم يسولفله ع فترة حملي ومجنت اقبل اروح لطبيبة اول سونار هذا ..
ادهم..وضعية الجهال زينة بس انتي وضعيتج مو تمام واحتمال تجيبج بلثامن اذا اضطرت الكلى والخفقان التمن عليج ولج مو داحجي وياج ..
عسل..عادي ادهم عادي ..
ادهم..شنو عادي خاف هم متريدين تجيبين لو تموتين روحج..
عسل.. صار عصبي ياسر عيونه ابد مشالها من المراية كاعدة وراه مابيه اتحرك شافني ابجي غمز لادهم لان انفتح بلرزايل ومسكت الا من اندار وشافني ..
ادهم..ولج اني شداحجي ..
عسل ...ادهم البارحة حلمت بامي نطتني كرصتين خبز و4 تمرات..
ادهم... شوفي شلون دتحس بيج الخبز والتمن رزق..
عسل.. اي وكالتلي راح يجيكم محمد عود ديروبالكم عليه.. ادهم..هسة نرجع خالة تفسره ..
عسل..وصلنا وهو ولا كلمة نطق نزلت هو سندني مابية حتى اوخر ايدة لان ادهم فلت جوة عود ديحرجني طبينا كعدني بلطرمة..
ياسر.. عسل اني اريد اكمل طريقي وياج بروح امج باوعي عليه ماعرف البجي منين اجاني انداريت عليه ليش لان اعرف اذا حلفتج بروح الغالية تسمعيني ومترفضين..
عسل...شتريد ياسر اجيب وسوي تحليل يثبت نسب الجهال واذا مطلعو جان يسد حلكي بايده ..
ياسر...كافي بروح امج عسل ادمرت بعدج ....
عسل..اني موكفت بجي ...
ياسر...صارلي اشهر لوما امي مانام لان حتى لغرفتنا ماطب عسل اني متت بلياج عسل اريد انام بحضنج تدرين جنت احس اكول احتمال فد يوم ماصبح عسل اني صار بيه ضغط دائما يصعد ومااهتمله ومن يومها معلك ..
عسل...يحجي واني مصدومة خفت لاياسر يعوفني بلحضتها حسيت ممكن افقده يمة كلشي ولاياسر اسم الله عليك بيه ولابيك اريدك تربي جهالك ياسر ...
ياسر...اووف يابعد عمري وام بيتي وام جهالي لزمني باس ايدي ..
عسل..اندكت الباب طب ايهم ..
ايهم...هااا ياسر مواعد اختي بحديقتكم...
عسل... صدك ضحكت من كل كلبي ..
ايهم....هاولج دعبلة انتي كد هلضحكة طبينا كاعدين يسولفون ويضحكون عيني ادهم ياسر مواعد اختك بلحديقة وانت كاعد تتمضحك ...
ادهم..عادي مو اخته يمي...
عسل... وكلهم ضحكو ايهم بوس بت ادهم ومن عرف اسمها كلبها مناحة ....
ادهم راد يغير الموضوع ياجماعة صلو ع النبي ها ابو علاوي تحجي لو اني احجي ..
ياسر..كول ابو زهرة سحلت عسل للسونار وطلعت حامل بتوأم ولد ..
عسل...يمه خالة ضلت تصفك وتهلهل وابوية كلش فرح وسرى اجتي تركض بوستني واباوعلهم الفرحة بعيونهم الحمدلله والشكر يارب ...يومين ورحت للطبيبة وحددت موعد العملية لان الكلى كلش تعبت وكلهم حتى خالة ومروة كلهم اجوي وياية قبل لاطب للعملية ياسر كعد يم راسي..
ياسر... عسل سامحيني ياعمري ..
عسل...اني الي تسامحني ولتاخذ بخاطرك مني غصب عني الي صار مكدرت اتحمل شكك بيه دير بالك ع علي ومحمد خالة تربيهم اذا صار بيه شي الله عليك لتجيبلهم مرت اب ...
ياسر....من عمري ع عمرج ياغالية عسولة انتظرج اثنينة نربيهم ..
عسل....باسني وطلع ...جبت علي ومحمد والكل طاير بيهم خو ابوية..
ابو عسل... ياسر انطيني واحد اني اربي ..
ياسر...لاحجي عدكم بنية ولدي وكحين ...وع راسي كل يوم اجيبهم الك يابة تدلل هم ولدك ...
عسل...سرى انخطبت لابن خالتها اسماء هم فكت انخطبت لصديق اخوها ورشا ياسر طلكها لان طلعت مزورة تحاليه هي وبت عمها امها سامعتها تحجي وجاية ع ياسر وكايلتله واعتذر مني لعاشر مرة بس اخوها ضاربها ومكسرها ع سوايتها وامها خطية كلش فشلانة من الي سوته بتها ...
رجع ياسر فشلان حجالنا كلشي وميشيل عينة رحت كعدت يمه بست راسة ارفع راسك ابو ولدي وافتخر بيك مو انت الي ادنج راسك ...
سنان الى هسة خاس بلسجن واهله شكد ماحاولو مديطلع ....
وايهم الى هسة ميقبل يتزوج نتوسل نريد قافل بس ملهي روحه بلشغل وية جهالنا علي ومحمد عمرهم صار 7 شهور ومربربين فدوة لعينهم يخبلون وياسر طاير بيهم يرجع من وكت وخالة متقبل واحد بيهم يبجي تظل تسب وتغلط بس لا ولد ياسر ومن تجي زهرة تكب العيطة لان زهرة وحدها بلبيت وابوية وايهم طاعجيها ...
والحمدلله استقرت عائلتنا وكبرناها وامي مبطلت تجيني بلحلم دائما اشوفهاواسولف وياها واستقرت حياتي وياسر ماكو منه ابد يكفي الي سواه علمودنا من البداية ولهنا انتهت حكايتنا ودمتم في رعاية الرحمن ........تحياتي
