مروة..عسل عسل فدوة الحكونا .....فدوة عسل شبيج جاوبيني رحت اركض لبيتهم جان ايهم بلطرمة الحكنا ايهم واحد ضرب عسل طلقتين وانهزم ..
ايهم...هاي شدتحجين مروة ..
مروة..الحكنا راح تموووووت ...طلعنا نركض للشارع واشوف العالم ملتمين عليها واحد من الي واكفين طالب الاسعاف شلناها مو مال ننتظر اسعاف وركض رحنا بسيارة ايهم كبل للمستشفى ..
ايهم..مروة شصار..
مروة.. مادري ابو ماطور صعدنا ع الرصيف وضربها وانهزم ..
ايهم..وصلنا للمستشفى نزلوها راسن اخذوها عمليات لان خابرت ادهم بلمستشفى الي يدوام بيها ورحنا جان محضر وصلنا ..
مروة..وادهم منهار بس يريد يفتهم السالفة خابرنا ع ياسر اجة مصدوم كلمة منطق ولا سأل شصار وجهه ميتفسر ومحجة كلمة ..اجوي الشرطة لان ادهم خابرهم ياخذون اقوالنا واني مصدومة مبطلت بجي مدانسى الموقف من شفتها غركانة بدمها اجة ادهم يمي ..
ادهم...مروة احجي فدوة شنو الي صار كافي بجي ومنو هذولة شفتيهم ..
مروة..اني بس اشهك ..
ادهم..فدوة مروة ارحمي بحالنا احجي شنو الي صار ..
مروة..طبعا ياسر ولا كلمة بس عيونه تترقبني من داأحجي وايهم مدنج بس يبجي وهم عيونه حمر من البجي والتوتر والعصبية وادهم مدخل وياهم عمليات لان متوتر هواية بس هو اقوانا خطية ...هو ثنين ملثمين ع ماطور وصعد ع الرصيف ورانا واحنة كمنا نمشي سريع جان واحد منهم يكللها وين رايحة عسولتي وضرب طلقتين عليها ياسر رأسن ضرب ايدة بلحايط وظلت تخرخر وورمت وميقبل يضمدها بلكوة ادهم ضمدلهيا ...صارت كلها اقل من دقيقة وهي حبيبتي جانت كلش خايفة طبعا احجي والشهكة مدتروح خابرت اسعد راسن اجة وكعد يسولف وياهم ووية الشرطة واني كعدت وحدي كتبت مسج لدعاء لان ثبرتني بأتصالتها ومداكدر ارد عليها جان راسن تتصل..
دعاء.. شكو مروة شنو هلشقة ..
مروة...ياشقة دعاء عسل دتموت واحنة كلنا وياها بلمستشفى كامت تدك وتلطم ..
دعاء...وهسة هي وين..
مروة.. بغرفة العمليات مدنعرف وضعها والمستشفى انكلبت حتى بلشرطة لان داسمع ادهم واسعد ديشكون بلولد الي ضربته سنان اسمه صديق ايهم ..
دعاء..يمة اسم الله وهسة مروة ...
مروة..مادري دعاء مادري ادعولها اني راح اموت من الي شفته ومكدرت اسويلها شي وهسة كلهم هنا حتى ياسر بس ياسر كلمة منطق من اجينا الى هسة..
دعاء... زين زين مروة يلة بسلامة ...ولج يوم الحكي يوووم ..
ام ياسر...شكو ياستار شبيج ولج ليش تبجين اسكتي يمة وفهميني اخوج بي شي..
دعاء.. لايمة لا عسل من دتجينا ماعرف منو ضاربها طلقة وهسة هي بلمستشفى وكلهم يمها يمة لازم نروح ....
ام ياسر...يمة اسم الله سودة عليه بنيتي هاي منين اجتها يمة بنيتي لا ام ولا اخت سودة بوجهي بنيتي راحت وهسة هي مددة واني كاعدة ابيتي خابري ياسر خابري ....
دعاء...دكيت عليه يمة ياسر مديجاوب راح اخابر ادهم ..
ام ياسر...خابري ولج لتساليني خابري ..
دعاء...ودكيناها بجي اني وسرى وامي بس تنعي مسكتت ابد خابرت ادهم ..
ادهم..ها دعاء ..
دعاء..ها ادهم عسل شبيها...
ادهم.. ادعولها دعاء ادعولها وخليي خالة تدعيلها دعاء عسل حالتها كلش خطرة صار ساعة والطبيب مطالع من العمليات دننتظر بس كل شوية رايدين دم لان نزفت هواية على ماواصلة المستشفى ..
دعاء..وبعدين ادهم نريد نجي وياسر مديجاوب ..
ادهم....ياسر كلمة منطق من اجينا الى هسة كلنا مصدومين من الي صار الله يرحم بحالنا..
دعاء... دساله عفية..
ادهم.. بس فدوة دعاء مروا ع ابوية هسة وحده وباله مشغول بس كوليله تخربطت وديناها يم ادهم وهنا اني احجيله بس خلي اسأل ياسر ..ياسر الحجية والبنات ديريدون يجون وانت مدتجاوبهم رفع عينه بتعب ..
ياسر..بكيفهم ...
ادهم...اوكي عيني دعاء مروا جيبوا ابوية وياكم بس فدوة ديروا بالكم من تكولوله اوك اوك بسلامة .....
دعاء...يلة يوم ياسر قبل نروحلهم..
ام ياسر... يامستشفى..
دعاء... بلمستشفى الي يداوم بيها ادهم دكومي خلي نروح بس نمر على عمي لان وحده بلبيت وميدري لتكوليله يوم ادهم ميقبل ...مرينا عليه وخطية كاعد بلحديقة دينتظرهم وظال باله لان كلهم تأخرو انهبط خطية بس طمنته وامي بلكوة لازمة نفسها لان فضحتنا ببجيها وكفنا تكسي وطلعنا وصلنا بسرعة الحمدلله نزلنا اني كايدة امي وطبينا وعمي ركض قبلنا تلكا ادهم ووداه واحنة وراهم كلهم كاعدين مروة اجتي يمنا وامي مبطلت بجي وكعدت بلكاع تنوح واحنة بس دموع وياسر مصدوم حتى مرفع راسه تلكانا ادهم باس راس امي وكعدنا ع كراسي بلممر ..
ادهم..كلتو لابوية .
دعاء..لا بس كلنالة متخربطة..
ادهم.. زين ...
دعاء...راح كعد يمه وحجو وياه وهو مدنج كام يبجي من عرف ...كعدت مروة سولفتنا الي صار ودكيناها بجي وادهم كل شوية يجي يسكتنا ويروح شوية وطلعت الممرضة من غرفة العمليات وركضولها كلهم ياسر وايهم والله رايدين دم بعد وادعولها مقبلت تحجي وادهم قرر يدخل للعمليات دخل ادهم وبقينا ننتظر ورا نص ساعة طلع وركضنالة يمعود احجوا عاد ياسر صافن ع ادهم صاحه ادهم يعني هاااا..
اظهم.. كله لتخاف حبيبي بس وحدة من الطلقات مخترقة وحدة من كلياتها وجان لازم تستأصل والطبيب كام بلازم ووقعت ع مسؤوليتي ..
دعاء..كلنا ضلينا صافنين ليش هي جم طلقة ..
ادهم..اثنين وحدها بجتفها اليسرة ممأذية شي بس الثانية بخاصرتها ومخترقة وحدة من كلياتها ..
دعاء..صاحت الممرضة يردون دم منو يتبرع ياسر كمز وياه ايهم وادهم ادهم مقبل كله ياسر كافي نطيت هواية ..
ياسر...كلنا نطينا يلة ياأخي مو وكت عزايم..
دعاء.. راحوا الظاهر كلش هواية نزفت نص ساعة وطلع الدكتور الحمدلله ع سلامتها بس خسرت وحدة من كلياتها واطمئنوا حالتها مستقرة الحمدلله دعواتكم كومتها ولة حالتها جانت جدا خطرة ليضل بالكم هسة بالافاقة بعدها تحت تأثير التخدير انتظروها من تكعد راح ننقلها لغرفتها ...الكل الحمدلله والشكر يارب وعمي ظل يدعي ويحمدالله هو وامي وياسر خلةوطلع ومنعرف وين راح ركض ادهم وراه شوية ورجع امي سالته..
ادهم... والله خالة كال مدام اطمئنينة رايح اخذ بثارها ويريد يعرف منو الي سواها...
ام ياسر..ياخالة ياثار صدك يحجي وعفته وليدي .
ادهم....لا خالة اطمئني حجيت وياه كال رايح لشيخ العشيرة ومناك للمركز يفتهم شنو الي صار ويقدم تبليغ ..
ام ياسر..زين يمة كلسع خابرة ..
ادهم..صار يوم اني هسة بس انتظر عسل تكعد من البنج رايحله لوما عسل جان رحت وياه..
ام ياسر... اي يوم ادري شلون مصيبة وكعت ع روسنا ...
ادهم...وايهم مدري شبي صاير مو مثل قبل يمكن من الي شافه وديحس هو السبب بكل الي ديصير ..
ام ياسر..اي يمة حقة دروح يمة شوفلنا البنية شلونها..
ادهم.. اي خالة رايح..
دعاء... راح لغرفة الطبيب واحنة كاعدين ننتظر شوية وكال نقلوها لغرفة تعالو كمنا وراه طبينا عليها ايهم وعمي يم راسها بس يبجون واني وامي وسرى ومروة كلنا دكيناها مناحة من شفناها بهيج منظر امددة ومحاسة علينا وابو محمد بقة برة يستحي يطب شوية وطب ادهم ..
ادهم...كافي بجي حالتها الحمدلله استقرت بس ننتظرها تكعد والطبيب هم بس يجي يطلعكم كلكم كافي بجي يمعودين ...
دعاء..صدك شوية وطب حجة وية ادهم وتخبل من شاف العشيرة كلها بلغرفةطمن عمي لان هو صديق ادهم وطلب عدم الازعاج وتهوية للغرفة يعني طردة اطباء بنزاكة طلع ادهم وايهم وراه واني ركضت وراهم .اندار عليه ادهم ها دعاء ..
دعاء...ادهم شنو حالتها بداعت امكم احجي ..
ادهم...ماكو شي والله هسة اطمئنيت عليها بس تكعد خلص مابيها شي بس لازم تخاف ع نفسها لان هسة هي كليه وحدة يعني مجهود نوعية اكل بعدين افهمها كلشي يمعودة موزين اطمئنينا عليها مشفتيها من دخلوها المستشفى غركانة بدمها ...هسة اريدها تكعد اريد اروح لياسر شسوة وايهم ولا كلمة دينطق بس يمسح بدموعه داريد ادخل للغرفة بلممر واسمعه يحجي وية ادهم ويشهك..
ايهم... كله من وراية ادهم عسل هم راح تروح اني وين اولي حتى تخلصون مني ...امي ماتت من وراية وهسة عسل ...
ادهم..لا خوية لتكول هيج هذا قدر ربك لااعتراض ع حكمه وكافي عاد انت رجال ادعيلها ليش هيج تحجي لازم البقية يتقوون بينا وانت كاعد تبجي ترة ابوية تعبان اكعد قوي انت هديه..
ايهم..مالي عين احجي ..
ادهم...كافي عاد بطل هذا حجيك روح يم ابوية وقيسله ضغطه وشربه عصير ليروح يوكع راح اطلع اشوف حساب المستشفى بلكي تكعد حتى اطمئن عليها واطلع للولد هذا الي ابتله بينا بكلشي ليروح يصير بي شي من ورانا شنكول لامه واحنة كاعدين وهو يركض روح ابوية روح ..راح اني نزلت ع الحسابات لكيت ياسر دافع 5 اوراق تحت الحساب..هذا راح يجلطني الولد مينسى اي شي خرب عشيرتك ع هلاخلاق ربي يحفظه كملت ورجعتلهم لكيتهم كاعدين وابوية وايهم ماكو دعاء كالت ديغسله لعمي ويرجع رحت يمها بدللتلها المغذي ...يرادلها هدوم هسة ادز ايهم يجيب اجوي ...
ادهم...ها ايهم حبيبي يرادلها هدوم تروح تجيبلها ..
ايهم..صار بس شنو اجيبلها ..
ادهم..هسة مروة وسرى يجون وياك..
ايهم.. اي عادي طلعو ..
ادهم..رحت للدكتور لشوكت تكعد..
الدكتور.. عادي ادهم ترة مصار هواية من طلعت من العملية ليش انت متعرف ادهم ليش هلكد متوتر ..
ادهم..والله يادكتور اختي الصغيرة والوحيدة ..
الدكتور..عادي دكتور ادهم لتخاف احتمال اقل من ساعة تشوفها تكعد ..
ادهم...تسلم دكتور عاشت ايدك..
الدكتور.. لتشكرني ادهم هذا واجبي وانت اخ عزيز ..
ادهم...ترخصت منه وطلعت لكيت دعاء تركض بلممر..
دعاء... ادهم كعدت كعدت وتريد مي عطشانة..
ادهم... الحمدلله رحت اركض لغرفتها لكيتها دتحجي وية ابوية لج ها ابوسميرة خوفتينا ..
عسل....ادهم عطشانة ..
ادهم..هسة حبيبتي بللت حلكها..
عسل.. اريد بعد ..
ادهم..مو هسة حبيبة شوية الخ لج كومي عاد ابوية بالة يمج وخالة والبنات هبطتي الكل عليج اندارت عليهم بتعب وتبتسم ..
عسل...ماكو شي اني زينة ..
ادهم..تغفي وتكعد شوية واجوي ايهم يمهم طلعت خابرت ياسر كال بلمركز اخذت سيارتي وطلعت عليه اتصلت عليه كال طالع طمنته لتخاف حبيبي كعدت وزينة ..
ياسر...الحمدلله ..
ادهم..وانت شسويت واسف حبيبي تأخرت عليك بس طمئنيت كعدت يلة ..وثكلنا عليك كلش هواية والله اني جدا ممنون منك وكفاتك كثرت خويي ماعرف شلون اردها الك ..
ياسر...اووو يمعود هاي شكو اشو ازمت الموقف شصار قابل اني مكدرت ابقى الا اكلب الدنيا عليهم قدمت بلاغ وانطيتهم مواصفاته وعنوان بيتهم وخابرت ابوه كلتله حضر كبر لابنك لان بعد الي سواه ما اخلي يشم الهوا لو مو عشيرة تحلها وابو باك طن هواا لان ميدري بأبنه اصلا جاي لبغداد وراها خابر واتأكد وظل يتعذر ويتوسل كلتله لتتوسل لان بالاضافة للشرطة الا بايدي اسكطه مو مال اكتله واريحه وخلي ينتظرني اظاهر مخابر الشيخ ويتوسل بس اني شحنته قبل ليخابره هذاك وعندي صديق ضابط انطيته مواصفات الماطور من مروة وواحد اثاري ماخذ رقم الماطور وناطي للشرطة كلتله يشوفلياه وين ماوين ..زين وهسة نرجع للمستشفى ننتظر تليفون من الشرطة من يلكوه ومن جبير العشيرة ..
ادهم....بارك الله بيك حبيبي...
ياسر.. طلعنا رحنا المستشفى جانت حالتها احسن وكاعدة طبينا سلمنا صارت عينها بعيني رأسن دنجت رحت يمها بست راسها ولج ليش هيج تسويين بكلبي تدرين شسويتي الكل ملتهي لان ادهم ديسولفلهم هي تباوعلي بعتب لان مجنت موجود من فتحت عينها وراها اجتي الممرضة ضربتها مسكن ونامت لان خاف يبدي عدها الوجع وفعلا نامت صارت ساعة 10 ابو محمد ترخص اخذ مروة وطلع وخطية من ساعته ويانا والبقية الكل مقبلو ايطلعووون وبلكوة اقتنعت امي يروحون ويجووون الصبح وعمي وادهم هم بلكوة قبلو يروحون وهنا مديقبلون بس مرافق واحد وادهم هو اصلا عندة خفارة خلو وطلعوا وبقينا اني وادهم وياها كل شوية يكمل شغلة ويجي واني كاعد صافن عليها هاي شسوت بيه ليش هيج كلبي تعلق بيها لهدرجة احتمال لان اول مرة كلبي دك الها ......
للحكاية بقية .......
