ام ياسر..ولجن اشو كاعدات تتسامرن كومن وزعن للعالم ...ودعاء تريدجن..
عسل.. رحت وزعت وكعدت يم دعاء كرصتني كرصة شوغت روحي ..لج اوووي شبيج ..
دعاء...ولجن هيج تعوفني رعن ..
عسل..ولج هسة احجيلج اني بيا حال ..
دعاء..شكو ..
عسل..ولج غير اخوج باسني واني مخفوكة ..وهي ضحكت ضحكة كاموا يباوعون عليها ..ولج العالم شبيج .
دعاء...لا والله بس فرحانة بيج ..
عسل..من عابت هلشكولات لا وطالعة كمر ...اوكفيلي انتي واختج يجي يوم واتشمت بيجن كمت اطكطك لها صور ودكينا وركصنا وياسر طلع بعد مشفته ..كفينا العالم وشوية شوية طلعوا واني اثنين من جوارين بيت خالة خطبوني ههههههاي رحت ع خالة فدوة لعينج احجي ع هذولة العالم بليل من يطبون وعلاساس اني مادري كامت تضحك ..
ام ياسر..ولج ليش تريدين تشلعين كلب ابني ...
عسل...لا عفية خالة حبابة..
ام ياسر..صار يروح خالتج ...
عسل...كمت كالو اجة السيد حضرنا كعدتها يم الباب الي يم الاستقبال لابسة سيت نوم ابيض طالعة ملكة وبيدها القرأن واني كاعدة واصلي ع النبي وكومة اخذتلها صور لحد ماكمل العقد ترسنا البيت هلاهل كومناها لبسناها بدلة كعدت شوية وكالو طب العريس يمة فدوة رحتله طالع يخبل وهو انصدم من شافها طالعة تخبل كلما يشاورها اجي يمهم ها يبعد اختك شلونه اختياري ..
ادهم..دروحي لج هتذليني..
عسل.. واني شطالعة بداعتي مو اخبل ..
ادهم..اي والله كبرانة عسولة صايرة تخبلين ..
عسل...طبعا ممنتبه منو اني حتى تباوع عليه والكمر كدامك ..دعاء تضحك ..الله يهنيكم بوستهم واخذتلهم صور اثنينهم واني نابصة بكل صورة ودكيت وركصت لحد مارجليه بادن من التعب ..بدت العالم تطلع مبقة بس الكرايب والكرايب هم قلووا واسماء افندي مكعدت رايحة جاية برة حتى ياسر يشوفها لحد مكالت راح ابات واني انرعصت خالة كلتلها هلة بيج يمة كمت اركض ع دعاء وهي وادهم يتبسبسون لزكت بيها شاورتها لج هاي تريد تبات هنا ..
دعاء...منية ..
عسل..اسماء الصخمونة اكو غيرها ...
دعاء...اي .
عسل ...واياية اي شنو ولج اليوم كله معافت ياسر بحاله واليوم تريد تبات ترة اني هم ابات هااا.
دعاء..اي دباتي شبيج ..
عسل..صدك ادهم اليوم ابات هنا يم البنات وباجر تجون عليه عفية ..اخذو عشاكم من اللفات حبابين خلي اروح اكول لابوية ..
ادهم..هاي شبيها الخبلة..
دعاء..مابيها خطية خلوها يمنا اليوم....
عسل..كمزت لابوية كاعدين بلصالة هو وياسر وايهم وابن خالهم الجبير وابومحمد اسعد اريد اطب واستحي لمحني ايهم اجة يمي ..
ايهم..هاعسل خير ..
عسل..لا بس اريد ابوية..
ايهم...شبيج تحوصين دحجي شكو ..
عسل.....اريد ابات اليوم يم دعاء عفية حبابون..
ايهم.. ليش خوماكو شي ..
عسل.. لا والله بس بنات خالتها راح يباتن وخوش لمة بس اليوم وباجر تعالو عليه عفية عفية ..
ايهم.....اوكي هسة يطلعون العالم واكوله ..
عسل..اوكي اذا هاي صيحني اني احجي وياه من يطلعون ....
ايهم..صار تعاي ولج هاي شطالعة وكبرتي عسولة ..
عسل..طبعا طبعا صاكة مو ..
ايهم...اي ولج تخبلين ..
عسل..انتبهت ياسر يباوع ويدير وجهه يحجي وياهم ..عاد عفته ورحت ورجعت انتظرتهم يفلتون طلعو وبقوا وحدهم وركضت كعدت يم ابوية ..
ابو عسل..ها يابة كلي ايهم براحتج حبيبتي بس الليلة ترة البيت اظلم بلياج حبيبتي..
ياسر...ها عمي لعد بعد شهر شهرين شراح تسوي..
ابو عسل.. والله ياابني الله يعيني ع فراكها ودعاوي تجي تنور بيتها وتلهينا..
عسل.. اني عيني عليه يباوع ويدنج لان ايهم هم كاعد رحت بدلت ولميت شعري واجوي كلهم كعدنا ونضحك ونسولف واسماء اكلته بعيونها همزين عيني راح ابات مادري شيصير واني ماكو بلة اني اغار من هاي من هذيج يبو ع حظي الماكعد اجتي كعدت يمنا ..
اسماء...اكول عسل البسي ربطة عيب ياسر كاعد ..
عسل....باوعت عليها اولا حبيبتي اني مو محجبة ومن ثم ياسر قاري فاتحتي يعني بحكم رجلي ليضل بالج ماأطب النار ..
اسماء..لا مو قصدي بس ياخذ عليج نظرة ..
عسل..عاد فتحت شعري وكعدت طبعا احسها صارت نار جان تكوم كعدت يم خالة ذبت السم مالتها ودارت وجهه ..
ام ياسر.. ابو ادهم تدري اليوم عسولة خطبوها مني عبالهم من بنات اختي ...
عسل...يمة والقيصر صار ديناصور من العصبية واسماء ضاجت كاعدة وتتأفف ..
ابو عسل...لا يابة ام ياسر عسولة مكتوبة بأسم ياسر..
ام ياسر.. اي والله ابو ادهم كلتلهم هاي جنتي مرت ياسر واسماء هاجت وهو..
ياسر.. منو يوم ...
ام ياسر..نسوان يمة نسوان وخطية من عرفن ظلن يتعذرن مني وباركنلك ...
عسل...شوية وطلع ..
ام ياسر..هاي وين يمة
ياسر...ادخن جكارة يمة واجي ..
عسل...شافته طلع وركضت وراه اني كمت افور باوعتلي سرى اشرتلي انو هي راح تطلع طلعت خطية ورجعت كالت هي وحدها بلمطبخ وهو اصلا طلع برة مو بلحديقة ..اطمئنيت شوية ودك اباوع تليفوني مسج منه اووي قلبي تعالي لغرفة امي ..كلتله لا تعال بلحديقة حتى احركها حرك ..اوك...شفته نزل طلعت وراه شفتها طلعت قبلي انتظرت ثواني وطلعت واشوفه واكف ديدخن وهي واكفة يمه تحجي وهو عينة بلكاع اجيت يمه انصدمت من شافتني ها حبيبي شطلعك برة اكيد علمود الجكارة هو ظل صافن من هلكلمة اول مرة اكولهيا انداريت عليها ها اسو انتي هم ددخنين جان تعوفني وتطب ظليت اباوع عليها لحد مادخلت جوة وهو يضحك ياسر..والله النسوان مينكدرلجن ..
عسل..شكالتلك هاي السعلوة يضحك ويحجي ..
ياسر..مكالت شي تكلي اخبارك شلونك هاي السوالف ملحكت اجاوبها وانتي هجمتي بس شنو افحمتيني لج شلون طلعت من هلحلك ..
عسل..شسوي لعد ...
ياسر...يعني هاي الكلمة مواليه مجرد غيرة بنات ..
عسل...هااا انت شردت مني جاوبني عفية انت هواية دتحرجني والله ترة اني اخجل هواية لتشوفني محششة بس هلمواقف تسطرني من اكون بيها ..
ياسر..ضحك اموووت ع كلشي بيج تدرين ولج عيشتيني مراهقتي الي محسيت بيها ولج شكدوتج موتيني ..
عسل...واسماء عيني لعد هي باتت علمودك واني علمودها ...
ياسر..شلون علمودها ولج ...
عسل...شنو اي لعد اني اعرف شيصير وراية وباجر ما اطلع اذا متطلع هي او انت قبلي زين عيني ...
ياسر...هااا هيجي صارت ..
عسل...اي والله كل واحد يضمن مستقبله اني بعد وراية غير سعلوة منين الكاها ...خرب من الضحك..
ياسر.. ولج كافي خلي نحجي شوية ....احجيلي ..
عسل..ما ما ماحجي ..
ياسر...ليش ..
عسل...حجيت هواية واعتقد بين علية هواية وفشلتني هسة انت احجي اني معليه ...يباوع وعيونه تحجي..
ياسر.. احجي عمي ليش ماأحجي موتتيني من اول نظرة وقررت متصيرين لغيري بس تكومين ع حيلج يمكن الله دزني عليج بهذاك الليل حتى اوكع بهلعيون ولج انتي شنو فهميني اني بياحال وطلعتيلي خبلتي عشيرتي من اشتعلوا كلهم وترة حجيي وياج كله مقصود لان مو اني الي اباوع ع احد امن بيه وكاعدين ابيتي وابوج واخوج امنوني عليج وانتي اليه قابل وين ترحين لان نهيت عليج بكلبي ..وها أها هسة انتي كبال عيني وبعد كم يوم تصيرين بكلبي واريد احد يشوفج ..
عسل..عفية ياسر اني خايفة ..
ياسر...منين خايفة ياعمر ياسر كله ...
عسل...من الي جاي احس اكو شي راح يصير يجوز مرتك متسكت اذا عرفت ..
ياسر....ماعدها شي يمي واذا عدها تجي تاخذه ترة اني هواية تحملتها بس لهنا وحياتي وياها انتهت وراح ابديها صح وية اغلى عيون بلدنيا ولج شلون سويتيها سميرة والعيون ملونة..
عسل... شفت جلحة واخوتي شكر بس اني شوية حمصت ..ضحك..
ياسر.. ولج جلحة جلحة وسبيتيني فدوة اروح للكمر الييمي..
عسل.. تسلم يارب ياسر ترة مرتك بيضة وهم حلوة ..
ياسر..ولج هي بلبياض ولج اني عندي العسل واباوع برة اطمئني يا وردة ياسر انتي ...ولج ممصدك صرتي مالتي ..
عسل...الله عليك هاي السعلوة الجوة لتنطيها مجال بداعتي ترة ضامة حركان الكلب من تجي مرتك مو لهاي الخ ..
ياسر..ههههه لا اطمئني ..يلة عاد طبي شوية واجي عيب الجماعة كاعدين ..
عسل..ههههاي همزين هسة يلة تذكرتهم ..
ياسر...امشي ولج..
عسل..رايحة رايحة لدفع ...رجعت وكفت باوعت بعينه الله عليك شكد تحبني ..
ياسر..ماأحبج امووووت عليج اعشق روحج ...
عسل..كافي كافي خلي افلت احسن احتمال اتخربط مثل ذيج المرة رحت طبيت جوة ..كعدت يم سرى ديسولفن وينصبن وهاي كاعدة تتأفف طب ياسر وعينها طلعت عليه ولانزلتها هو باوعلي غمزلي وابتسم يمة فديتك دنجت شكد استحيت هي انتبهت ورجعت باوعتله ....اهلي ترخصوا وكاموا وياسر هم كام وخالة راحت نامت احنة صعدنا بغرفة البنات فرشنا بلكاع متكسرين كلنا باجر ننظف البيت اني وسرى بلكاع ودعاء ع جربايتها واسماء ع جرباية سرى سولفنا شوية وغفينا كعدت نص الليل ملكيت اسماء كمزت كمزة رأسن طلعت دورت عليها فوك ماكو نزلت جوة لكيت تحجي وتبجي اباوع ساعة3 ونص هاي ويامن هي دتحجي هيجي نزلت الباب مفتوح شوية واشوف ياسر كاعد ومدنج وتكله دمرتني وهسة تريد تعوفني اني اذا اخذت غيري مرة لخ اموت نفسي وابليك كام ع حيله لطخها براشدي..
ياسر.. هلمرة حجيتيها مرة لخ لسانج اكصه ابليك شنو الي يسمعج ميكول مسويلج شي كم مرة كلتلج ماريدج ماريدج ...
اسماء...اي جنت متزوج وهسة دتريد تتزوج ليش ما أكون اني ليش ...
ياسر...اسماء كافي ترة هواية كمتي تجفصين شوفي هذا الحجي الي خرطتي كله ميطلع لاي احد واتمنى حتى تبيات هنا ماكو وعسل متسمعيها اي حجاية تضوجها ..
اسماء....ها خايف عليها..
ياسر. ..افهمي يابنت الناس انتي بت خالتي وبس وبس وصلت يعني مثل البنات مو غير شي ولا راح يصير غير شي فكافي عاد وطالعتلي بنص الليل ..
اسماء...اي اريد احجي وياك وانت لابسني ..
ياسر.....اتمنى تكون اخر مرة وتبقين اخت عزيزة وبلا حجي زايد يلة كومي نامي وباجر ترجعين بيتكم..
عسل.. كمزت رجعت ركض للغرفة تمددت شوية واجتي رجعت تشهك ونامت كعدت الصبح ملكيتها لا هي ولا دعاء بس سرى نايمة واني هم ظليت متمددة تقريب 9 ونص نزلت لكيت خالة ودعاء كاعدات وديسولفن صبحت عليهم وكعدت ديسولفن ع اسماء مستغربات ليش رايحة من الصبح مخابرة اخوها جاي ماخذها ..
وياسر طالع وراهم...كمنا نظفنا البيت وراها خابرت ايهم اجة اخذني مردت ابقى للعصر رجعت وكعدنا سوالف اني وابوية وايهم وادهم طالع مر كم يوم عادي ماكو جديد احجي وية البنات فايبر اجوي بيت ام اسعد ومرواتي ابد معافتني حبيبتي دائما نتخابر ومن يصيرلهم جية تجي يمنا اني ابد موصلت لهناك مرة اجوي يمنا من الصبح ظلت يمي واسعد كللها اجيج بليل ابقي يم عسل كعدنا سوالف وضحك تخابرت وية البنات العصر كالت ليش متجون يمنا وصدك كلت لابوية كال روحو ..نتمشى يابة همة بعد فرعين علينا ايهم جان موجود كال اوصلكم ..لا حبيبي عاجبنا نتمشى ميحتاج سيارة عاجبنا نتمشى ممانع خطية كال كيفكم بدلنا وطلعنا ..دنتمشى شوية وشحط من يمنا ماطور صاعدين بي اثنين ملثمين جانت عصرية ردنا نوكع بس كما نمشي سريع وصعدنا ع الرصيف نركض مو نمشي مصار فرعين ياربي شطلعنا مو ايهم كال اوصلكم ورد رجع الماطور وصعدلنا ع الرصيف جان يصيح وين رايحة عسولتي وطلع مسدس وضرب طلقتين مروة...عسل عسل فدوة الحكونا .......
وللحكاية بقية.....
