ابو عسل...دايم بيتكم حبيبي بس بعد لازم نستقر علمود زواج ادهم وعسل لازم تطلع من بيت ابوها مو صح يابة ...
ياسر... والله عمي صدكت باجر بتسهيل الله نبدي نشوف بيت حتى نلحك نجهزه ونرتبه وننتظر طلعة ايهم بسلامة ترة مبقالة شي ان شاءالله ..
ادهم...والله ياياسر منعرف بيش نجازيك يعني فعلا الاهل ميسوون الي سويته والي دتسويه ..
ياسر..يمعود شمسوي احس نفسي مقصر وياكم من يوم الي طلعتو من يمنا...
ادهم.. لا والله اخ ونعم الاخ ونردها بالافراح يارب وان شاءالله الله يقدرنا ونكون فعلا اهل ...خويي انت بس دير بالك ع اخيتي ماريد غير شي ..
ياسر...ادهم اشو كلبتها دراما....
ادهم.. لا والله بس انت تستاهل كل يوم نشيد بلي سويته ..عسل ماكو شي تجيبين يعني صار ساعة نحجي وحلكنا يبس وانتي مغلسة ..الوووو عسل يمعودة مي جاي اي شي ..
عسل...هااا اي صار...
ادهم.. بعد وكت..
عسل.. ها مو جنت صافنة ع الحجي وياكم ..
ابو عسل....دكومي ابوية جيبيلنا جاي ..
ياسر.... لاعمي اني كايم ..
ادهم...وين كايم اكعد اكعد الليل بعده بأوله..
ياسر.. زين بس ادخن جكارة واجي ..
ابو عسل..تفضل يابة ...
عسل..اني بلمطبخ مسمعته من ديريد يطلع دايرة ظهري ع الطباخ واجة من وراية ..
ياسر....عسل حضري نفسج اسبوع الجاي نعقد ..
عسل..فزيت من صوته رأسن انداريت هاااا ..
ياسر..لازم مسمعتيني اكول اسبوع الجاي نعقد وية ادهم ودعاء لو عندج مانع عادي احجي ..
عسل...هااا لابراحتكم ..
ياسر...خير عسل شبيج اشو جنج مقابلة ..
عسل..لا لاعادي ..
ياسر.. يعني شنو عادي اشو عبالك السالفة غصب ..
عسل..لا لاغصب شنو بس متوترة شوية باوعلي نظرة مال واحد ممقتنع .. .
ياسر..اوكي اترخص..
عسل.. طلع شوية ورجع بس طب سويت الجاي وكليجة جنت محضرة الصينية بس طب درت وجهي لان ماريد بعد احجي لان مداعرف احجي ماعرف شبيه حس عليه مرتبكة وعباله مجبورة عليه طبيت قدمتلهم الجاي وكعدت حسيته يريد يفتهم الي اني بي بس موصل لشي من نظراته ..
ياسر.. والله عمي الاسبوع الجاي نعقد علما تكمل التحاليل وترتيبات البيت يرادلها هواية ..
ابو عسل ..اي يابة فهمت عليك عادي وليدي اعقد بلي يريحكم اهم شي رجل دين سيد شيخ ماكو فرق حبيبي..
ياسر.. يعني عادي اجيب سيد ..
ابو عسل...اي يابة طبعا وادهم همين ..
عسل..باوع ع ادهم ديشوف ردة فعله ...
ادهم..عادي يمعود عادي كلنة اسلام قابل السيد شنو فرقه عن الشيخ اهم شي عقد ع سنة الله ورسوله ويرضي رب العالمين انت اخوية والي سويته وية اهلي ماأنساه يعني من ساعدتهم هم كلتلهم انتو منا لو منا ..
ياسر...اني اسف الموقف كلش سخيف ..
ابو عسل..لا يابة ليش تتأسف حقك حبيبي ومنختلف وليدي ..
عسل..كام ترخص ديطلع ..
ادهم..وين رايح يمعود مو كاعدين ..
ياسر..لا والله ادهم تعرف البيت وحدهم ..
عسل..باوع عليه سلم وطلع وطلعو وراه ..ساعة وخابرتني دعاء علفايبر اكيد دتشوفني شبيه ياسر كللها متأكدة ..
دعاء..خيرج عسولة حبيبتي شبيج ضايجة ..اعرف عرفتي ياسر ديستفسر احجيلي حبي اني وحدي بلغرفة وماكول صدكي اي شي انتي متريدين تحجي ..
عسل..لاحبي ماكو شي والله ..بس دعو حبي حلمت بأمي وكمت ابجي وجانت تكلي انتبهي ع نفسج صار مرتين واني بالي كلش مشغول خاف يصير شي شي ع اخوتي لو ابوية وكلش خايفة عليهم واعتقد حسو عليه لان صايرة بس اضرب صفنات معقولة امي دتحذرني من شي ..
دعاء..لا حبيبي اذكري الله وصلي هسة ترتاحين ..
عسل..والله ابوية هم هيج كلي والحمدلله صرت احسن بس وراها هم نفس الحلم وهم احس اكو شي غريب مداحس بفرحة واني جنت منتظرة هليوم وخطوبتكم همين بس اكو خوفة بداخلي ..
دعاء..يمعودة كولي يالله ..
عسل..يالله ماعدنه غيره ونعم بالله ..بصراحة خاف مرت اخوج خاف هذا الي ضربته صديق ايهم يطلعون هلفرحة من خشمي وبعدها حجايته تدك بكلبي مال الا اكسرها يعني شلون يكسرني دعاء خايفة من الشارع احس احد يراقبني والله لوما انتو وياية دائما ولة ماشوف الشارع ولا يلهي اطلع وحتى الكليه طلعتها من بالي مااكملها لو تنكلب الدنيا ..
دعاء...لايمعودة شبيج صلي ع النبي شكد متشائمة انتي اكيد متوترة من الخطوبة والمهر ..
عسل..وانتي ولج ممتوترة ..
دعاء..لا ولج ليش ممتوترة عادي بس قلق لازم يصير لان اكو تغيير بحياتج وحياة واستقرار والتفكير قلقني ..
عسل..لاحبي والله ادهم كلش بسيط وممعقد وكلش انسان متفهم بس احتمال حتعانين لان تعرفين حياة طبيب بين مستشفى وعيادة بس والله يدللج وان شاءالله تشوفون السعادة..
دعاء....امين حبيبتي وانتي هم والله ياسر وانتي تستاهلون كل خير وهو هم سودة عليه كلش تعب بحياته واريدج تنسي همه ومرته ..
عسل..ولج شلون اذا رجعت اني مداتخيل يروح يمها تدرين نوبات اكعد افكر اكول يمكن انجلط اذا اشوفه يطب غرفتها..
دعاء ..عسل انتي لازم تكيفين روحج وربج يحلها ترة ياسر انسان عاقل ويعرف يتصرف بهيج امور ..اكلج يعني ماكو غير شي الله عليج..
عسل.. لا ولج شبيج اطمئني ماكو هو انه كنت اطول ..القيصر يصير اليه اويلي هههه ..
دعاء...القيصر منو ولج ..
عسل..اخوج القيصر مالتي ..
دعاء..ههه الله يحفظكم لبعض حبي ..
عسل..ويحفظكم حبي يلة خلي افلت وسلمي ع الكل وديري بالج ع القيصر هههه ..
دعاء..صار حبي يلة باي ..
عسل...باايات ...سديته وظليت كاعدة بعدين كمت قريت قرأن ومددت لحد مانمت مر كم يوم وادهم وياسر وياهم ابو محمد باعو بيت ادهم والبيت الي بأسمي بقة مأجر مثل ماهو ومنتظرين ايهم من يطلع يتصرف ببيتة والمشتمل ابوية تنازل لابومحمد مقبل وزعل وبلكوة صالحناه ..واشترينا بيت بنفس المنطقة بس بعد شارعين عن بيت خالة الحمدلله جبير ونظيف بس يرادله شوية وظلو يرتبون بي 4 غرف وحمامين فوك وجوة ومطبخ وهول واستقبال وكراجه جبير وحديقة تخبل كلش حلووو بدوو يرممون بي وادهم كرس روحه للبيت وبدينا نأثث شوية شوية لحد ماترتب الى حد ما مابقت بس نواقص قليلة يحتاجلها وكت واحد من يكعد بي يرتبه وبقة يومين ونحول بي لملمت البيت وغراضنا كلها ..كاعدين وتوسلت بأبوية اشوف ايهم مديقبلون..
ابو عسل.. مبقة اقل الاسبوعين ويطلع شنو هلملحة يابنتي ..
عسل..يابة صار كومة اتوسل بيكم صارت بنفسي عفية..
ابو عسل.. مبقة شي يابة انتي شكد تحملتي تحملي ابوية انتي ..
عسل..ظليت ساكته صدك انقهرت..
ابو عسل.. موزين عليج بنيتي تدخلين سجون اني واخوج كل فترة رايحيله ومطمئنين عليه ليضل بالج والله هو هم شكد مشتاقلج وشكد يسأل عليج وهو هم ميقبل تروحيله حقج غير مشايفة السجون والمراكز ...
عسل..ها هي يابة نصبر والله كريم ..يومين وبدينا ننقل غراضنا ورحنا اني والبنات وحتى خالة ويانا ورتبنا ونظفنا ولو هو نظيف كلشي ميرادله بس لازم واحد يرتبه ع ايده وحتى ادهم اشترة غرفه ورتبنالهيا بس ميكعد بيها لحد ميتزوج ورتبت غرفة الية وغرفه لابوية جوة لان ميريد فوك 2 فوك و2 جوة صرنا اني وابوية جوة وغرفة ادهم وايهم فوك هم زين غرفه كبار ومرتبة وظلو يمنا للعشا راح ادهم جاب من برة كعدنا حضرنا ادهم خابر ياسر كله تعشو اني متعشي نص ساعة وجاي سدة كعدنا اكلنا كملنا شوية واندكت الباب طلعله ادهم طبو سلم وباركلنا ع البيت ..
ابو عسل..البركة بيك وليدي لو ما وكفتك وتعبك وية ادهم والله يعني حتى الحجي خلص منعرف بيش نجازيكم ..
ياسر...لايابة وصلت وجازيتني واخذت حقي وزايد ..
عسل..اني ضاربتها اثولال مو طبيعي وابتسم باوعلي ابوية ابو عسل.. تستاهل انت حبيبي وعسل قطعة من كلبي هلكد عزيزة ..
عسل..اني صفنت الحجي جان عليه عينن الاهبل من يصفن بلوجوه ويبتسم خليت ودنجت ليش صايرة ماركز لان صافنة بوجه الحب يمة فديته ..قرروا ادهم يكطع مهر الخميس ورة طلعت ايهم واحنة الاسبوع الوراه ..
ياسر..عمي خلي ادهم يعقد احنة الاسبوع الوراه ..
ابو عسل..ليش يابة خيرك كول ..
عسل..اني رفعت راسي بكلبي ليش مو اتفقنا بيوم واحد ..
ياسر...عمي هذا اليوم مميز عند كل بنية وبصراحة قررت اسوي لعسل وحد لان حتى واحد يتذكره اذا اثنينهم راح تصير هوسة ومو كل وحدة مراح تاخذ حقها ..وبصراحة اريد مرتي تتذكر كل تفصيلة من تفاصيل الخطوبة والعرس يعني تفهمون قصدي ..
ابو عسل....اي يابة صدكت براحتكم ..
ام ياسر...اي والله حقك يمة صدك تحجي هاعسولة شكلتي عسل..كيفكم خالة ..صفنت هذا شكد رومانسي وجنتل فدوة لحلكه يوم مميز من فدوة رحتلك ولك انت المميز يابعد روح تميزك يول منين اجيت افيش ع حجيك ينكط عسل ياعسل انت طبعا احجي بكلبي وعيني عليه يابعد روحي هيج تفكر بيه ياقلبي انت ...اتفقنا ورة طلعة ايهم ادهم يعقد واحنة الاسبوع الوراه ...ترخصوا وراحو لان كلش تعبنا ..
مرت ايااام لحد ماصارت طلعة ايهم راحوا العصر يجيبوه اجتي خالة والبنات يمنا ومروة ومرت اسعد وامهم كلهم اجوي وصارت احلى لمة بس امي ماكو وكعدت دكيتها بجي .....
يمة لحد ما اجوي اني روحي طالعة .....
للحكاية بقية....
