ياسر..انتو الاحسن والله.....عمي انتو كتبتوا لدعاء بيت واني بصراحة عندي عمارتين وراح اكتب لعسل وحدة منهن لان الثانية بأسم امي والبنات حاطها بصراحة للزمن ماريدهم يحتاجون احد خصوصا وشفت عمامي شلونهم .. ولو هي تستاهل العمر كله مو ادهم ولو انت ملتهي ولاكلمة نطقت خيرك يمعود ..
ادهم..لالا وياكم ...
عسل..هههه الكل خرب عليه ضحك الا اني ياكاع انشكي وبلعيني ..
ابو عسل...لا عمي عسل تكبعها وتاخذها لان انت وردة وتستاهل وهي هم اكو بيت صغير بأسمها ..
ياسر..لا عمي والله هذا مهرها ..
ابو عسل..البركة بيكم حبيبي الفلوس تروح وتجي ولو اني مقابل بس براحتكم ...
عسل...اني صنوط كاعدة يم خالة ولازمة ايدها يمة احسن نار تطلع من وجهي الموقف اكبر مني واريد اكوم اطلع وجاء صوتا من بعيد ..
ياسر..وها عمي سالفة زواجي الاول طبعا متعرفون ظروفها ولازم احجي بعد ...بصراحة جان عندي صديق هو مو صديق اخ او اكثر من اخ عمري كله اني ويا وبعد ماالدنيا جارت بينا احنة سوة من توفى ابوية مجنت ادري عدنة املاك بعد ماتركنا الاعدادية اني وياه واشتغلنا سوة ومن شغلة لشغلة والعيشة صعبة هو هم عندة عائلة وهو الجبير وبيوم وليلة قرر يتطوع بلجيش علمود الراتب يكول راتب قوي يوصل لاهلي احسن من التفاليس الي دنطلعهن توسلت بي كلتله خليك ع راسهم مقبل ابد مكدرت اغير رأيه والدته حاولت وياه مكدرت عليه عندة اخ صغير الى هسة طالب اعدادية واخت عايشين وية امهم هو الجبير هداني اخته واني جنت بيا حال مو مال زواج جنت بلكوة مدبر اللكمة لامي وخواتي كلي لخاطري ولتسويلها شي اعقد عليها واخذها راح اكون مطمئن عليها خاف اروح بعد مارجع واختي اعرفها محد يتحملها غيرك جانت اصغر مني ب7سنوات بعد فترة التحق شهر وهو ماكو وراها اجانة خبر استشهاده ودازلي رسالة بيد ولد وياه جان هو الخبر وحده دمرني راح الي جان ظهري جنة واحد يستند ع الثاني همي وسري كأنما احجي وية نفسي راح وكسر ظهري وياه قريت رسالته يوصيني بأهله وانو اوصل راتبه الهم وطبعا بس استشهد كطعوا راتبه لو باقي ع راسهم احسن ..واهلة ابد معفتهم وهم كايل لامه ع موضوع اخته وامهم هم رجعت حجت وياية كلت لامي وحتى اخذتها بدون عرس وهي جانت طموحة زايد تريد فلوس وعز واني جنت بلكوة اركض منا ومنا علمود اللكمة ومجنت حاط ابالي زواج ومرة وهم تريد مصرف عقدت عليها وجبتها وهي ولا عبالك هذولة اخوتها وامها متمردة وبس تتذمر ممتقبلة عيشتها من جانت يم اهلها ..امي مجانت تعرف بهاي التفاصيل كلها هسة دتسمع ...
عسل..ضلينا صافنين ونسمع ..كامت تصير مشاكل واني من شغلة لشغلة واهلها حالتهم اتعس لان انكطع راتبه واخوه طالب خطية كلتله لتبطل اني اخوك مقبل جان عندة عزة نفس موطبيعية مثل علي الي هو صديقي واكثر وبقة يشتغل عامل وية ابو اسواق والولد اسمه علاء جان شاغول وامين واخلاقه تخجل برغم صغر عمره جان يصرف ع نفسه وع امه ويلم وميقبل ياخذ مني فلس وهي جانت من مشكلة لمشكلة تسويها وتروح لاهلها مدتتقبل عيشتها لا يمي ولا يم اهلها تركتها بس جانت من تحتك بأمي واني اعرف امي متتجاوز ماسكتلها وبديت اعلمها ع الضرب لا والله هي علمتني اضربها لان اني ضد هذا المبدأ بس جانت هي تجيب الاهانة لروحها يومية تروح زعلانة امها لو اخوها يجيبوها وعلاقتي بيهم ابد متأثرت لان يعرفوها وامها تجيب وتترجاني ماأطلكها واتحملها وضليت متحمل لخاطر علي ..وانتو شفتوها بعينكم ..
الرسالة الي دزلياها وصيته بامه واخوه واخته ومكدرت ارفض لان علي جان اخ مو صديق الدنيا كلها كوم وعلي كوم كسر ظهري وظهر امه الي تدمرت اكلها المرض من راح لان الجبير والعزيز وابو كلب الطيب وقهر بتها بصفحة تزوجتها صار 5 سنوات والباقي تعرفوه وطبعا اذاتزعل وتطلع اذا امها مجابتها هي وحدها تجي ولا فد يوم رحت جبتها ومعودتها ع هذا الشي ابد وصدكوني مراح تأثر ع كلشي واني اعرف شلون راح اخليلها حدود واذا بقت ع طبيعتها انفصل عنها واكون سويت الي عليه تجاه اخوها ولان العمر ديركض ومال تكضي بس بلمشاكل واكيد علي الله يرحمه لو جان عايش مجان قبل ع هذا كله ..
ابو عسل..براحتك عمي الكل يشهد برجاحة عقلك وحللك للامور بكيفك حبيبي وانت الوحيد الي الله اذا اخذ امانته راح اكون مطمئن ع عسل يمك ...
ام ياسر..سودة عليه امي ..
ياسر....اسم الله عليج ليش هيجي تحجين ..
ام ياسر..يعني جان ضغط عليك من عدها ومن عندي وكل يوم اكلك طلكها وانت لخاطر صديقك مبقيها واني بس احجي وانت متحمل مني بعد عيني عينك حبيبي اعذرني وليدي ..
ياسر...لا يوم حقج كل ام متقبل ع الي جان يصير بس هسة لازم الكل يعرف والله مكتبلي منها اطفال لحكمه اكيد ..بس هسة اريد اكون اسرة وعائلة وحق امي تشوف اطفالي ..وهسة خلصت بعد ماعندي اي شي اكوله وانتظر قراركم واني مستعد لكلشي ونبقة اهل ان شاءالله ...
ابو عسل..لا وليدي عسل انكتبت باسمك بعد حتى بدون ماأسالها لو اعرف اجبرها انت متتفوت ابني وراح اكون مطمئن عليها واريدك اخ لادهم وايهم ..وشغلة ادهم نفض كعدة الزلم الخميس اليجي يعني بعد 4 ايام ومن يطلع ايهم ع دورة السنة مال مرحومة نسوي العرس هاي خطوبة ادهم وانت براحتك حبيبي شوكت متريد احنة بلخدمة تريد كبعها واخذها .
ياسر....خادم ربك عمي ان شاءالله خير ...متفقين ومنختلف ع بركة الله نقره الفاتحتين ..
عسل..انقرت الفاتحة والكل كام يباركلنا ..وظلو يسولفون بسالفة ايهم وسالفة البيت خومانظل كاعدين بلمشتمل ..
ياسر...عمي لازم نأمن السالفة ..
ابو عسل..اي عمي فكرنا نبيع البيوت الي هناك ونشتري هنا اشوفها منطقة زينة وناسها خوش ناس ..
ياسر..براحتك يابة...
ابو عسل..هذا هو نبلش بيعو بيت ادهم بس المشتمل لتبيعوه كاعدين بي بيت ابو اسعد وناوي اكتبلهيا يستاهلون والله ...اي ونشتري هنا وايهم علما يطلع الله كريم ومشتمل عسل مأجرته وايجاره متبرعة بيهن لدار ايتام ..
ياسر..خير ان شاءالله عمي يلة نترخص وين موكاعدين .
ياسر...لا يابة هم يلة بعد يلة يوم يلة بنات ..
عسل..كامو ظل يباوع واني مخفوكة وصارت صدك منطقت كلمة ...ترخصو رواحو كمت الملم ..
ابو عسل...عسل يابة وديهن وتعالي..
عسل.. وديتهن ورجعت كعدت..
ابو عسل.. يابة عسل ترة ياسر ولد ميتفوت وشاريج ويعتمد عليه ساعة الساعة شفتي شلون وكف الج ولاخوج ومعافنا لو واحد غيره يدفع فلوس المستشفى وميدخل روحه بكلشي بس هنا مبقة شي مسواه وهيجي واحد تحطي عد عيناج وتنامين وانتي مطمئنة ونعم الناس ونعم النسب صاحب غيرة ونخوة وربج يحبج اذا كتبه من نصيبج ..
ادهم...اي والله عسل ونعم الناس...
عسل.. واني اباوع ع ابوية وادهم وهم يتحمدون بأخلاقهم ومحاسنهم ..
عسل..طبعا اني مكايلة شي بس مرته اني ماتحمل واحد يريد يعيش براحة وبدون مشاكل ..
ابو عسل..هو يابة يعرف يتصرف لتخافين..
عسل.. وكليتي بلعكس حبيبتي ..
ابو عسل..هو كال اوديها واجيبها مو سمعتي ...ها يابة سكتي ..
عسل..بكيفكم يابكيفكم ..
ادهم...شبيج عسل ...
عسل...ماكو شي ادهم بس حيرة ع قلق من الي جاي والله اليستر ..
ادهم..لتخافين حبيبتي ربج يحلها لدوخين هذا الدماغ الحلوياعسل العسل وراح تصيرين عروسة..
ادهم.. وانت راح تصير احلى عريس واحن واطيب اخ بلدنيا ..
ابو عسل...اللهم يحفظكم الي يارب ويطلع ايهم بالف سلامة ...
عسل....امين يارب ...كمت كملت الشغل وصعدت اسمع امير الحب شلون صارلي واهس بهل CD ...مر كم يوم ونطلع نشتري شغلات لدعاء واني هم اي شي اشوفه اشتري طلعنا كلنا وية خالة تقريبا كملنا كلشي ومرة من المرات هو مر علينا جان يتخابر وية سرى وطب شفنا ع راسنا بلمول يمة فزيت خفت لا اترزل لان مديقبل ع لبسي بلفترة الاخيرة طب راسن باوع لبسي اني لزكت بخالة اجة سلم ويلة امشي داعشيكم بس يريد يكعدنا ...
ام ياسر...اي والله يمة لان بعد مابينا حيل حتى ناخذ لادهم وللحجي لان هسة عسل مابيها تكوم تسويلهم عشا من الفرة الي فريناها ...
عسل...لاخالة اني اسويلهم ..
ام ياسر..لاحبيبتي شصار دمشي رحنا كعدنا ...يمة ليش متكعدون وحدكم انت وعسولة خاف يعجبكم..
ياسر.. لا يوم مترهم مستاذنت من عمي وادهم ..
ام ياسر....ها اي يوم حقكم بكيفكم ..
عسل..اني هلكد انذبت عليه مستحى لاتوصف مداعرفني ..مدنجة وجان يحجي القيصر كملتو..
ام ياسر.. اي يوم مبقة ان شاءالله ..شوكت خطوبة ادهم ودعاء ..
ياسر...اسبوعين يمة..
ام ياسر.. وانتو شوكت...
ياسر..وراها بشهر شدو همتكم خلصو كلشي بهلفترة لان وراها بعد ماكو طلعة الا للضرورة..
عسل... طبعا يحجي وكل شوية يرمقني بنظرة عيونه خبلني امير الحب واني ممقصرة بلثكل عود اني ثكيلة ومستحية واني اريد اشبع منه شوف وممصدكة القيصر صار مالتي اني والعوبة رشا كلما اتذكرها انهظم ..يلة شعليه بيها..
ياسر..عسل كملتي كلشي..
عسل.. هااا اي ان شاءالله ..
ياسر..يعني شبقالج..
عسل.. لا بس النواعم تقريبا خلصت بس اني الا يطلع ايهم يلة عفية ..
ياسر...طبعا اكيد هو عرس ادهم الايطلع ايهم وتطلع السنة مال الحجية يلة مبقة شي ويطلع نكون مكملين كلشي ..
عسل..طبعا يحجي بثكل ولا كأنو قبل يومين
زحفلي هههع...خلصنا وكملنا طلعنا دنصعد السيارة...
ام ياسر.. يمة عسل تعالي اكعدي يم ياسر مبقة شي ويصير رجلج ..
عسل...لاخالة انتي الخير والبركة اني اكعد يم البنات صعدنا ليورة وصلوني للمشتمل وراحو طبيت سلمت ع ابوية وادهم جانو كاعدين..
ابو عسل.. ها يابة الله يساعدج..
عسل.. ويساعدك ياعمري اكيد جوعانين مو ..
ابو عسل....لاحبيبتي ع راحتج والله يابة جبتلكم عشا لان ياسر مر علينا رجعنا فتعشينا وجاب حصتكم..
ابو عسل.. ..الله يحفظه لشبابة شلون ولد ..
ادهم...اي والله سبع واخو اخيته ..
عسل..اتفق ابوية وادهم يبعيون بيتنا هناك ويشترون هنا قريب بلمنطقة ..
ابو عسل...وهلمرة من تشوف ايهم هم كله واعرضهن واتفق وية ابو محمد خطية هم ميقصر حتى يجيبون سعر زين وليدي حرامات واحد يبيعهن بخسارة ..وانتي عسل..
عسل... براحتكم يابة انتو شنو تقررون..
ادهم.. شبيج عسولة اشوضايجة ..
عسل...لا ماكو شي بس اوضاعنا ممستقرة يعني بعد اسبوعين تعقدون واحنة الى هسة البيت لا بايعين ولا مشترين ولا مرتبي يعني غراض غرفكم ترة هواية وكت ينراد..
ادهم... لا ان شاءالله من باجر حبيبتي لان جنت ملتهي بمعادلة الشهادة بلكي اكدر افضهن بهلشهرين .
عسل.....اي لان اريد السنة مال امي واسوي مولود للنبي ابيتنا الجديد ..
ادهم..ان شاءالله حبيبتي هي راح تصادف قريب طلعة ايهم ...اكول انتو ليش متعقدون ويانة بهلاسبوعين ..
عسل..والله مادري بكيفكم ...
ادهم...اكولج شبيج اشو شكولج تكولين كيفكم خيرج عسل.. عسل...والله مادري اشو قلقة هواية ماعرف ليش اكو شي ممرتاحة منه واحس راح يصير شي ..
ابو عس....شبيج بنيتي...
عسل....والله ماعرف يابة البارحة امي اجتني بلحلم تكلي انتبهي ع نفسج بنتي منين ماعرف باستني من عيني وراحت .
ابو عسل...زين يابة مدام باستج ..
عسل..اعرف يابة بس كلبي ممطمئن ماعرف ليش ...
ادهم....كومي عسولة اقريلها قرأن ..
عسل..والله ادهم كل فترة اختملهيا واهدي ثوابه الها شعندي اشو كاعدة النهار كله ..
ادهم..نامي حبيبتي لتخافين خلي توكلج ع رب الي ميغمضلة جفن ..ونعم بالله كمت توضيت رحت للغرفة اصلي بعدها نمت ....مر كم يوم وحضرنا تقريب كلشي ... كاعدين فديوم عصرية..
ابو عسل.. يابة قررنا انتو هم تعقدون سيد ومحكمة حتى اكون مطمئن عليج ..وزواجكم ع كيفكم ..
عسل..من كال زواجكم انرعصت عبالك مجنت متخيلة راح يجي هذا اليوم ..
ابو عسل..عسل خابرت ع ياسر وكلتله خطية هسة امرلكم فهسة هو ع جية ..اني كلت اخذ رايه كال عمي هسة جاييكم ..
عسل..نص ساعة واندكت الباب كام ادهم وطبوا اثنينهم سلم ع ابوية وباس راسه وانطاني نظرة يعني معناه هلوو ههههع ..بلبداية خرطو خرط علاخبار وبعدين ابوية فتح الموضوع ..
ابو عسل.....يابة شتكول لو انت وعسل هم تعقدون وبراحتك بصراحة دشوفك ممرتاح ومنحرج وانت وليدي اعرف بيك واعرف طبعك ..عاد هو ابتسم اباوع عليه هم يعرف يضحك.. ياسر..والله عمي كأنك في قلبي بس مستحي احجي وبراحتك ..
ابو عسل...لايابة بعد ماكو مستحة لازم كلشي تحجي السالفة مو مال مستحة ..
ادهم...ليش ياسر هسة اني داخجل اشو كلشي اريد اطلبه منكم واحجي وياك بي وانت ممقصر الله يشهد فرجاء اخوي واكيد انت اخوية احجي الي بنفسك تريد هسة تكطعون مهر تريدون تزوجون شوكت تريد كول ..
ياسر...لا والله منتظرين طلعة ايهم حتى فرحتنا تصير 3 .. بس خلي نعقد سوة هسة وبعدها الله كريم ...
ادهم...خير ان شاءالله بس وعد الي تريده يجرالك صرنا اهل..
ياسر.. اكيد والله ..
ادهم...زين هسة قررنا نبيع البيت هناك ونشتري فد بيت مرتب هنا شتكول وشفنا هاي المنطقة زينة وهادئة ومريحة ومابيها مشاكل..
ياسر..والله ادهم براحتكم وحتى اسعارها زينة ..بس عمي عسل ممحتاجة بيت واني ان شاءالله ماقصر وياها ..
ابو عسل..لايابة حشاك من كل قصور بس حالها حال اخوتها من يصير عندي جنت اشتري بيت واسجله باسم واحد منهم وهي حبيبتي من كبرت كالت ايجارة يروح لدار ايتام وماشية عليها صار كم سنة ..ويدميك ذخر الها وليدي..
ياسر.. اذا هيج براحتكم لعد من باجر نتصل بكم دلال يشوف بيت ولو البيت منور بيكم ..
ابو عسل...دايم حبيبي بس لازم نستقر بعد علمود زواج ادهم ......
للحكاية بقية ......
